دەز (ھېكايە )

mehriya

	ئادىل ئاشۇ كۈنى چىقىپ كەتكەنچە بەش كۈنگىچە ئۆيگە كىرمىدى . باشقىلارنىڭ مۈشىكى ئىككى كۈن ئۆيگە كىرمىسىمۇ ئىزدەيدۇ ، ئىككى كۈن ھېلى كىلە ، بىزمان كىلە دەپ غەشلىكتە ئۆتكۈزدۈم ، لېكىن ئۈچۈنچى كۈنى بولغاندا يەڭنى تۈرۈپ  دېرىكىنى قىلىشقا باشلىدىم  . يان تېلفۇنىدىن چىققان ‹كەچۈرۈڭ سىز ئۇرغان ئابۇنت تېلفۇنىنى ئېتىۋەتكەن › دېگەن كۆت-كۆت خوتۇننىڭ ئاۋازىدىن جاق تويدۇم  . ئىدارىگە تېلفۇن قىلدىم ؛ _ۋەي، ئەسسالامۇ_ ئەلەيكۇم ! _ۋەئەلەيكۇم -ئەسسالام . _كەچۈرۈڭ ،ئادىلنى ئىزدەيتتىم . _ئادىل يوق ،سىز ماھىرەمۇ ؟ _ھەئە ،ئادىل ئـــۇ... _ئۇ دادامنىڭ مىجەزى يوق دەپ ئەتتىگەن رۇخسەت سورىغان ، سىزنىڭ بۇنىڭدىن خەۋىرىڭىز يوقما ؟ _ياق خەۋىرىمغۇ بار ، ئەتتىگەن  روخسەت بېرەمۇ قېنى بېرىپ سوراپ باقاي  دەپ كەتكەن ئىدى ، قانداق بولغاندۇ دەپ تېلفۇن قىلىشىم  . يانفۇنىنى ئالالماي شـــــۇ ئىشخانىگە ئۇرغان . رەھمەت سىزگە . -ھېچقىسى يوق ، خوش ئەمىسە ! -خوش ،خۇدايىمغا ئامانەت ! تېلفۇن تۇتقان قۇلۇم تىتىرەپ كەتتى ، چۈنكى چوڭ ئۆيگە تېخى ئون مىنۇت ئىلگىرى  تېلفۇن قىلىپ دادامنىڭ ئەھۋالىنى سورىسام ، دادامنىڭ  ‹ئادىل ئالدىراشمۇ قانداق خېلى كۈنلەر بولدى كەلمەيدىغۇ ؟› دېگەن سۇئالىغا، چاندۇرماستىن ئۇنى بەك ئالدىراش دەپ يالغان سۆزلىگەن ئىدىم . ئادىل زادى نەگە كەتكەندۇ ؟ زادى نېمە ئىشلارنى قىلىپ يۈرگەندۇ دېگەن خىيال مېنى قىيناتتى . ئەركىيە بولسا تاتلىق ئۇخلاۋاتاتتى ، ئۇنىڭغا قاراپ ئۇھ تارتتىم . قىزىم دادىسىغا قۇيۇپ قويغاندەك ئوخشايتتى ، قاپ-قارا قاشلىرى ، قايرىلىپ تۇرغان كىرپىكلىرى ، قاڭشالىق بۇرنى خۇددى يولدىشىمنىڭكىنى ئەكىلىپ چاپلاپ قويغاندەك ئىدى . ئۇنىڭغا قاراپ كۆڭلۈم بۈزۇلۇپ ، مېنى يىغا تۇتىشقا باشلىدى ، قىزىمنى چۈچىتۋەتمەي دەپ ئاستا بالكونغا چىقتىم ، ھەم بالكوننىڭ دېرىزىسىنى ئاچتىم . تۈنۈگۈن ياققان قارنىڭ سوغىقى ئەمدى چىققىنىمۇ ئەيتاۋۇرھاۋا شۇنداق سوغاق ئىدى  ، ئىچ -ئىچىمدىن بۇقۇلداپ چىقىۋاتقان يىغا بىلەن دېرىزىدىن كىرىۋاتقاان مۇزدەك شامالدىن  پۈتۈن ھۇجودۇم غالىلداپ تىترەپ كەتتى . قەلبىمدىكى ئېغىر ئازاپ خۇددى يانار تاغدەك پارتىلاپ چىققاندەك ،ئۇنىڭ زىل-زىلىسىدىن پۈتۈن يەر -جاھان تىترەۋاتقاندەك ،كۆز ئالدىمدىكى ئاپپاق مەنزىرە خۇددى ماتەمدىن  دېرەك بېرىۋاتقاندەك بېلىندى .قەلبىمدىكى ئازاپ ئۇلغۇيۇپ ،يۈرىكىم پىچاق بىلەن تىلغاندەك ئاغرىيتتى .ئۆز -ئۆزەمگە پىچىرلايتتىم ؛ -ئاھ خۇدا ! بۇ بىزگە نېمە تاتقۇلۇق !! بىزنىڭ بەختلىك كۈنلىرىمىز تېخى ئۇزۇن ئىدىغۇ ؟! ئەجىبا بەخىتلىك ئائىلىمىز ئۈچۈن ، تېخى دادا ،ئاپا دەپ تېلىمۇ چىقمىغان يۈرەك پارىمىز ئۈچۈن سۈرگەن شېرىن خىياللىرىم مۇشۇنداقلا غايىپ بۇلارمۇ ؟! ئەجىبا مەن مۇشۇ خام خىياللار بۆشىكىدە ئەللەيلەنگەندىمەنمۇ ؟! ياق،ياق! بۇ ھەرگىز خام خىيال ئەمەس ، مەن بۇنىڭغا يول قويمايمەن ، ئەتىلا ئادىلنى ئىزدەيمەن ، جاھاننىڭ ئۇ چېتىگە كەتكەن بولسىمۇ چوقۇم ئۇنى ئىزدەپ تاپىمەن ... ئاچچىق -چۈچۈك  خىياللار بىلەن كاللاممۇ سوغاق شامالدا  سەگەكلىشىپ  ،  ئازاپلىرىم يىنىكلەپ قالغاندەك بولدى  . ئەمما شۇ كېچىدىكى قىزىمنىڭ ئەنسىز يىغىسىدا چۆچۈپ ئۇيغۇنىپ كەتتىم . قىزىم ھېلىقى كۈندىكى چۆچۈپ كېتىشتىن كېيىن كېچىسى قارا بېسىپ يىغلايدىغان بولىۋالغان ئىدى . چىراقنى ياندۇرۇپ قورقۇپ كەتتىم ، قىزىمنىڭ يۈز -كۆزلىرىگە قىپ -قىزىل نەرسىلەر چىقىپ كەتكەن ئىدى ، دەرھال بەدەنلىرىگە قارىدىم ، بەدىنىنىڭ ئۇ يەر -بۇ يەرلىرىدىمۇ بار ئىدى . ھەم بەدىنى ئوتتەك قىزىق ئىدى . ئەنسىزچىلىكتە نېمە قىلىشىمنى بىلمەي بىر دەم گاڭگىراپ قالدىم ھەم يۈگۈرۈپ بېرىپ تېلفۇننى ئالدىم .تېلفۇندىن يەنە شۇ كوت-كوت خوتۇننىڭ ئاۋازى ئاڭلاندى ، تېلفۇننى تاشلاپ بالىنى كۆتۈرۈپ سىرتقا يۈگۈردۈم . يېرىم كېچە بولغاچقا كوچىدا ماشىنلار يوق دىيەرلىك ئىدى ، قىزىمنى چىڭ قۇچاقلىغىنىمچە  كۈچۈمنىڭ بارىچە دوختۇرخانا تەرەپكە يۈگۈردۈم .شۇ چاغدىكى ھېسىياتىمنى دېمىسەممۇ بەلكىم ئوقۇرمەنلەر ھېس قىلىپ بولدى .  بىر چاغدا ؛ -ئاچا ماشىنغا چىقىۋېلىڭ ،نەگە باراتتىڭىز ئاپىرىپ قۇياي ،- دېگەن ئاۋازدىن يۈگۈرۈشتىن توختىدىم . _بۇ كېچىدە ئۆزىڭىز يالغۇز نەگە ماڭغانتىڭىز ؟ _دوختۇرخانىغا ، قىزىم ئــــۇ ... ئۆپكەم ئاغزىمغا تىقىلىپ گەپمۇ قىلالمىدىم . _قارىڭە ئاچا ، پۇتىڭىزنىڭ توڭلىغىنىنىمۇ سەزمەپسىز-دە ! پۇتىڭىزدا ئاياقمۇ يوق . شۇ چاغدىلا ئېسىمنى يىغىپ پۇتۇمغا قارىسام ، پايپاق بىلەنلا يۈگۈرۈپ چىققان ئىكەنمەن . جاھاندا ياخشى نىيەتلىك كىشىلەر يەنىلا بار ئىكەن . شوپۇر پۇل بېرەي دېگىنىمگە قارىماي كېتىپ قالدى . -بالىغا قىزىل چىقىپتۇ ، شۇنچە قىزىپ كەتكىچە نىمە قىلدىڭلار ؟ ئەھۋالى بەك خەتەرلىك  ،- دېدى دوختۇرئاچچىقلىنىپ . بېشىمدىن بىر چىلەك سۇنى قويغاندەك لاسسىدە تۇرغان جايىمدىلا ئولتۇرلۇپ قالدىم . -ئۆزىڭىز يالغۇز ئەپكەلدىڭىزما ؟ بالىنىڭ دادىسىچۇ ؟ -ئۇ ،ئۇ ئىشلەۋاتقان . -تېلفۇن قېلىڭ ، دەرھال كەلسۇن ،بالىنىڭ ئەھۋالىنىڭ  خەتەرلىكلىگىنى ئېيتىڭ . دوختۇرنىڭ قەتئى پوزىتسىيىسىدىن ئېسىمنى يوقۇتۇپ يىقىلىپ چۈشتۈم . بىر چاغدا كۆزۈمنى ئېچىپ قارىسام كارۋاتتا ياتاتتىم . بېشىمدا بىر سېستىرا  تۇراتتى .‹‹ بالام!››  دېگىنىمچە ئورنۇمدىن تۇرۇپ زالغا قاراپ يۈگۈردۈم .  سېستىرانىڭ ‹‹ توختاپ تۇرۇڭ ...›› دەپ بىرنىمىلەرنى دېيىشلىرىمۇ قۇلۇقىمغا كىرمىدى . خۇددى بالامنى باشقىلار مەندىن تارتىۋالغاندەك ، پەقەت يۈگۈرۈپ چىقساملا ئۇنى قۇتقۇزۋالىدىغاندەك ، قىزىم ماڭا قۇلىنى سۇنۇپ ئاپا دەپ توۋلاۋاتقاندەك ، جىددى قۇتقۇزۇش ئۆيىگە قاراپ ئوقتەك ئېتىلدىم . - كىرسىڭىز بولمايدۇ ! - مېنى كىرگىلى قۇيۇڭ دوختۇر ئۈتۈنىپ قالاي . - بالىڭىزنى قۇتقۇزۋاتىمىز ، بالىڭىزنى بىزنى قۇتقازسۇن دېسىڭىز  بىزگە دەخلى  قىلماي سىرتتا ساقلاپ تۇرۇڭ . - سىزدىن ئۈتۈنەي دوختۇر ،بالامنى چوقۇم قۇتقۇزۋېلىڭ ، چوقۇم قۇتقۇزۋېلىڭ !قىزىمدىن ئايرىلىپ قالسام ياشىيالمايمەن ... ئىچ -ئىچىمدىن چىقىۋاتقان يىغىدا ئېسەدەپ  ئاغزىم گەپكىمۇ كەلمەي قالدى ، دوختۇر ئاخىرقى سۆزلىرىمگە قۇلاقمۇ سالماي  ئىشىكنى يېپىپ كىرىپ كەتتى .  يۈرۈكىم يېرىلىپ كەتكەندەك ، ئاشۇ يېرىقلار ئارىسىدىن  چىقىۋاتقان زەرداپ قان كۆز ياشلىرىمغا قوشۇلۇپ ئېقىپ چۈشۈپ،پۇتۇن ئالەم قىپ -قىزىل قانغا بۇيالغاندەك تۇيۇلدى .ماڭا كېلىۋاتقان بۇ تاتقۇلۇقلار خۇددى باشقىلار تەرىپىدىن ئورۇنلاشتۇرۇلغاندەك ، رىياللىق مېنى ھاياتنىڭ ئەڭ ئاخىرقى ئاچىلىغا ئاپىرىپ تاشلىغاندەك كۆز ئالدىم قاراڭغۇلاشتى . ئادەم شاتلىقتىن كۈلگەن چاغلىرىدا خۇدانى ئۇنتۇپ قالىدىكەن ، پەقەت بېشىغا كۈن چۈشكەندە ، بېشىدا مۇسىبەتنىڭ قۇشى ئۇچقان چاغلىرىدا بولسا ، تەڭرىنىڭ نامىنى زىكرى قىلىپ نىجاتلىق تىلەيدىكەن . قىزىم ئۈچۈن پاناھلىق تىلەپ ئۇلۇغ ئاللاغا نالە قىلدىم . ئاغزى -ئاغزىمغا تەگمەي ‹ئاھ خۇدا قىزىمنى قۇتقۇزۋالغىن ،ئۇنىڭغا ھاياتلىق يولى بەرگىن › دەپ پىچىرلايتتىم . .. كۆزۈم بىرلا  نوقتىغا يەنى ئىشىككە تىكىلەتتى ، ۋاقىت خۇددى كەينىگە قاراپ كېتىۋاتقاندەك ، ئاشۇ مىنۇت ئاشۇ دەقىقىلەر تولىمۇ ئۇزاق بىلىنەتتى .باياتىدىن  كېچىنىڭ جىمجىتلىقىغا تولغان دوختۇرخانا سېستىرالارنىڭ ئۇياق -بۇياققا يۈگۈرۈشلىرى بىلەن پاتپاراقچىلىققا ئايلانغان ئىدى . - تەلىيىڭلار باركەن ، بالىنىڭ قىزىتمىسى چۈشتى ،-دېدى بايامقى دوختۇر چىقىپ . خۇددى قاتتىق يامغۇردىن كېيىن پارقىراپ قۇياش چىققاندەك ، مەندىكى قورقۇش ، ئەنسىرەشلەرنىڭ ئورنىنى ئۈمۈت ،خوشاللىق ئېگىلىدى . يۈگۈرۈپ بېرىپ دوختۇرنىڭ قۇلىنى سىقتىم ، بايامقى توڭ قاپاق دوختۇرنىڭ چىرايىدىكى تەبەسسۇمدىن ئۇنىڭ بىر مەسئۇليەتچان دوختۇر ئىكەنلىكىنى ھېس قىلدىم . - ئەمدى كىرسىڭىز بۇلىدۇ - رە..رەھمەت ھاياجاندىن يۈگۈرۈپ بېرىپ قىزىمنى باغرىمغا باستىم ... - بالىنىڭ قىزىتمىسى يانغىنى بىلەن قىزىل تۇلۇق كۆتۈرلۈپ كەتكۈچە يەنە قىزىشى مۇمكىن ، ئۇنىڭ ئۈستىگە بالا كىچىك ، خەتەرلىك ئەھۋالدىن قۇتۇلۇپ كەتتى دەپ جەزىملەشتۈرەلمەيمىز ، شۇڭا بالىنى كېچىچە كۈزۈتىمىز ، ناۋادا  باشقا ئۆزگۈرۈش بولمىسا تاڭ ئاتقاندا  ئايرىم ياتاققا ئورۇنلاشتۇرىمىز ، يۇقۇشنىڭ ئالدىنى ئېلىپ ،كۆپ ئادەمنىڭ كېرىشىگە رۇخسەت قىلىنمايدۇ ، ئامال بار بالىنىڭ دادىسى بىلەن سىزلا  بالىنىڭ يېنىغا كىرىپ چىقساڭلار . - ماقۇل دوختۇرنىڭ سۆزىنى ئاڭلاپ ئەمدىلا بىر ئاز ئېزىغا چۈشكەن كۆڭلۈم يەنە تەشۋىشلىنىشكە باشلىدى . كىچىككىنە تۇرۇپلا ھاياتنىڭ بۇنداق ئېغىر سىناقلىرىغا دۇچ كېلىۋاتقان قىزىمغا قاراپ ،ئىچىم تېخىمۇ سېرىلىپ كەتتى ، ئۇنىڭ ئۈستىگە ئادىلنى تاپالماي قېلىشتىن ئەنسىرەيتتىم ، چوڭلارغا بۇ ئىشلارنى دەپ ئۇلارنى پاراكەندە قىلىشنى تېخىمۇ خالىمايتتىم . خۇددى تاڭ ئاتمايدىغاندەك ئۇزۇن بېلىنگەن بۇ كېچىمۇ ئازاپلىق ئېڭراش ، گادىرماش خىياللار ،ھەم ھاياتقا بولغان  تىركىشىشلەر بىلەن ئۆتۈپ كەتتى . تاڭ سۈزۈلىشى بىلەن قىزىمنىڭ ئەھۋالىمۇ ياخشىلنىپ ،قىزىلمۇ تۇلۇق كۆتۈرلۈپ بولدى . كېچىچە دوختۇر سېستىرالارمۇ تۈزۈكرەك دەممۇ ئالمىدى . ئۇلاردىكى خىزمەتكە بولغان مەسئۇليەت ئېڭىگە تولىمۇ  قايىل بولدۇم . يەنە كېلىپ پۇتۇمدا ئاياقنىڭ يوقلىغىنى سەزگەن بىر سېستىرا ،بىر ساپما كەشنى ئەكىلىپ پۇتۇمغا كەيگۈزۈپ قويدى . بۇنىڭدىن ئۇلارنىڭ ھەقىقەتەن ‹ئاق خالاتلىق پەرىشتە ›دېگەن نامغا لايىق ئىكەنلىكىنى ھېس قىلدىم .

艾海提江

	داۋامى قېنى؟

bihlan2

	يەنە شۇنچىلىكما تور موللىسى، ئاخىرىچۇ؟... مەن ئىزچىل دىھقەت قىلىپ كىلىۋاتىمەن تىمىڭىزغا، خىلى ياخشى چىقىۋاتىدۇ، لىكىن سىزمۇ غاچ-غاچ يىزىپ تور موللىسى دەرىجىسىدىن ئىمامە دەرىجىسىگە كۆتۈرۈلمەمسىز دەيمەن... ھىكايە تەرەققىياتى مۇۋاپىق لىكىن مەزمۇنى كەمچىل بولۇپ قالغىلى تۇرتى، ئالدىراپ كەتتىم...

uyghur05

	داۋامىنى كۈتىمەن. . . . . . . . . . . . .

mehriya

	قىزىمنى ئايرىم ياتاققا ئورۇنلاشتۇرۇپمۇ بولدۇم ، قۇلۇمدىكى تېلفۇنغا توختۇماي تېلفۇن قىلىۋاتىمەن ،ئەمما ئادىل تېلفۇننى ئاچىدىغاندەك  ئەمەس . ئىدارىگە تېلفۇن قىلدىم ، ئىدارىدىكىلەر ئۇنى  روخسەت سوراپ چىقىپ كەتكەنچە تېخى كەلمىدى دەپ جاۋاپ بەردى . ئاخىرى بولماي ئويگە تېلفۇن قىلىپ ،ئەركىيەنىڭ دوختۇرخانىدا ئىكەنلىكىنى ئېيتتىم . مانا قىزىم دوختۇرخانىدا ياتقىنىغا ئىككى كۈن ،ئادىلنىڭ ئۆيدىن چىقىپ كەتكىنىگە ساق بەش كۈن بۇلۇپتۇ . ئەمما ئۇنىڭدىن ھېچقانداق خەۋەر يوق ئىدى ، ئۆيدىكىلەرگە ئۇنى يېزىغا خىزمەت تەكشۈرگىلى كەتتى دەپلا قويدۇم . ئەزەلدىن چوڭلارغا ئۆيدە بولغان ئىشلارنى دەپ ئادەتلەنمىگەچكە ،بۇدامۇ ئۇلارنى ئەنسىرتىشكە ، پاراكەندە قېلىشقا كۆڭلۈم ئۇنىمىدى . بىرە دوستۇغا تېلفۇن قىلىپ سۈرۈشتۈرۈپ بېقىشنى بۇرۇنلا ئويلىغان بولساممۇ ،ئادىلنىڭ بۇنداق قىلمىشتىن تولىمۇ بىزار بۇلىدىغانلىقىنى  ئويلاپ بۇ نىيىتىمدىنمۇ يانغان ئىدىم . لېكىن ھازىر ئەھۋال باشقىچە ، ئۇنى ئىزدىمەي بولمايتتى . شۇڭا ئۇنىڭ ئەڭ يېقىن بىر ئاغىنىسىگە تېلفۇن قىلدىم ؛ ــ ئەسسالامۇ -ئەلەيكۇم ــ ۋەئەلەيكۇم ئەسسالام بىر ھازا سالام -سائەتتىن كېيىن تېلفۇن قىلىشتىكى مەقسىدىمنى ئۇچۇقلا دېدىم ؛ ــ ئادىل نەچچە كۈن بولدى ئۆيدىن چىقىپ كېتىپ كىرمىگىلى ، سىزنىڭ بۇ ئىشتىن خەۋىرىڭىز بارمىدۇ ؟ ــ نېمە ،ئۆيدىن چىقىپ كېتىپ ؟ ــ ھەئە ، مۇشۇ تاپتا بالىغا قىزىل چىقىپ دوختۇرخانىدا ، ئادىلدىن ھېچبىر خەۋەر يوق . ــ ۋاي نېمە دەيدىغانسىز ، تېخى تۈنۈگۈن ئۇ بىزنىڭكىگە كىلىپ كەتكەن ، ئۇ ئۇنداق گەپلەرنىمۇ قىلمىغان  ئېدى . ــ نىمە تۈنۈگۈن دەمسىز ؟ ــ ھەئە ــ ئۇنىڭدا بىرە ئۆزگىرىشلەرنى بايقىمىدىڭىزما ؟ ــ ئۆزگىرىش دەمسىز ؟ دىققەت قىلمىغان ئىكەنمەن ، ئەمما بۇ گەپنى قىلسىڭىز ئەمدى ئېسىمگە كېلىۋاتىدۇ ، ئۇ بىر خىل پەرىشان كۆرەنگەندەك قىلغان . مەن تېخى چارچاپ قالغان چېغى دەپلا ئۇنچە پىسەنت قىلماپتىمەن ئەمەسمۇ  !  زادى نېمە ئىش بولغان ئىدى ؟ ــ نېمە ئىشلىكىنى مەنمۇ بىلەلمىدىم ، يېقىندىن بۇيان مۇشۇنداق بۇلىۋالدى . ئادىلنىڭ مېجەزىنى بىلىسىز ، ئۆيدىكى ئىشلارنى باشقىلارغا دىيىشنى بەك تاڭ كۆرىدۇ ، شۇڭا مەنمۇ بۇ ئىشلارنى مۇشۇ كۈنگىچە ھېچكىمگە دېمىگەن . بۈگۈن ئامالسىزلىقتىن سىزگە داۋاتىمەن ، تۈنۈگۈن قىزىمدىن ئايرىلىپ قالغىلى تاسلا قالدىم . ئوپكۈم ئۆرۈلۈپ ئاۋازىم تىترەپ كەتتى . ئادىلنىڭ دوستى بۇنى ھېس قىلدى بولغاي ؛ ــ مەن تېخى بۇ ئىشلاردىن قىلچىمۇ خەۋەرسىز ئىكەنمەن ، ئەمما سىزگە ۋەقە قىلاي ،ئۇنى بۈگۈن نەدىن بولمىسۇن تېپىپ ،ئالدىڭىزغا باشلاپ بارىمەن . كوڭلىڭىزنى يېرىم قىلماڭ ، سىز باشقا ئىشلارنى ئويلىماي ،بالىنىڭ ھالىدىن ئوبدان خەۋەر ئېلىپ تۇرۇڭ ،ـــ دېدى . تېلفۇننى قۇيۇۋەتكەندىن كېيىن بىر ئاز يىنىكلەپ قالدىم ، چۈنكى نەچچە ۋاقىتتىن بېرى بۇلۇختۇرمىلىق ئىچىدە يۈرىكىم  سىقىلىپ ،خۇددى ھاۋادىكى ئوكسېگىننىڭ ھەممىسىنى  باشقىلار سۈمۈرۈپ كېتىپ ،ماڭا قالمىغاچقا نەپىسىم يېتىشمەيۋاتقاندەك ، ئىچىم سېسىق بۇس بىلەن تۇلۇپ كەتكەندەك ھېس قىلاتتىم . مانا بۈگۈن ئىچىمدىكىنى ئازراق بولسىمۇ باشقىلارغا دەپ بوشىتۋالغىنىمدىن ئۆزەمنى يېنىكلەپ قالغاندەك ھېس قىلدىم . دوختۇرلارنىڭ تۈرلۈك تەكشۈرەش ،داۋالاشلىرى بىلەن بۈگۈنمۇ كەچ بولدى ، تەلىيىمگە قىزىمنىڭ ئەھۋالىمۇ  كەچكىچە خېلى ياخشىلنىپ ،‹ ئەركىيە قىزىم › دەپ چاقىرسام كۆزلىرىنى ئېچىپ قارىغىدەك بولدى ، بۇنىڭدىن كۆڭلۈم خېلى جايىغا چۈشكەن بولسىمۇ، ئەمما كۆزۈم ئىختىيارسىز ئىشىككە قارايتتى . ئادىلنىڭ كېلەلمەسلىكىدىن ئەنسىرەپ ،كوڭلۈم يەنىلا ئەنسىزچىلىك ئىچىدە قالغان ئىدى . سائەت سەككىزلەر بولغان چاغ . دوختۇرخانا ئىچى خېلى جىمىپ قالغان بۇلۇپ ، قىزىم ئەركىيەمۇ ئۇخلاپ قالغان  ئىدى ، ئىشىككە قاراپ تالغان كۆزلىرىم جىن چىراقتەك پىلدىرلاپ ،يۈرىكىم قانداقتۇر بىر شۇملۇقنى سەزگەندەك ئەنسىز سوقاتتى .   توساتتىن ئىشىك ئېچىلىپ ئادىل ئالدىراپ كىرىپ كەلدى ؛ ــ ئەركىيە ،جېنىم قىزىم ،ـــ دېگىنىچە ئەركىيەنىڭ يۈزلىرىنى يۈزلىرىگە ياقتى ، يۈزىگە تەككەن سۇغاقتىن سەسكىنىپ چۆچۈپ ئۇيغانغان ئەركىيە يىغلاشقا باشلىدى . ــ جېنىم قىزىم مېنى كەچۈرگىن ، سىلەرگە يۈز كىلەلمەيمەن ! ئادىلنىڭ ئاۋازى تىترەپ كەتتى ، مەن بۇ مەنزىرلەرگە قاراپ گاڭگىراپلا قالدىم . ئەسلىدە ئادىلنى بۇنداق قىلمايدۇ ، بالىنىڭ يېنىغا كەلگەن تەغدىردىمۇ ، بۇرۇنقىدەك سۇغۇق بىر قاراپ قۇيۇپ چىقىپ كېتىدۇ دەپ ئويلۇغان ئىدىم ، ئەمما كۆز ئالدىمدىكى  ئادىلنىڭ بالىنى باغرىغا چىڭ بېسىپ تۇرغان ھالىتىدىن ،  دەز كەتكەن يۈرىكىمگە قايتىدىن بىر خىل ئىسسىق سېزىم پەيدا بۇلىشقا باشلىدى .قەلبىمدە كۈندىن -كۈنگە ئۇلغايغان نازارىلىق تۇيغۇلىرى قاياقلارغىدۇ تارقاپ ، باياتىدىن ئەنسىز سوقىۋاتقان يۈرىكىم ھاياجاندىن يىغلاۋاتاتتى . ــ ماھىرە ،ــ دېدى ئادىل قىزىمنىڭ يىغىسى پەسلىگەندىن كېيىن  بىر خىل پەرىشان ھالەتتە ؛ ــ سىزگە ئۆز ۋاقتىدا ۋەدە بېرىپ ، ھالىڭىزدىن ئوبدان خەۋەر ئالىمەن دېگەن ئېدىم . ئەمما سىزنى جاپاغا قويدۇم . ئانا -بالا ئىككىڭلەرگە يۈز كېلەلمەيمەن . ــ بۇنداق دېمەڭ ئادىل ،بىز  دېگەن بىر ئائىلە كىشىلىرى ــ بىر ئائىلە كىشىلىرى ........... ئادىلنىڭ ئۈنى ئىچىگە چۈشۈپ كەتتى ، ئۇنىڭ چىرايى خېلىلا ياداپ قالغان بۇلۇپ ، ئىلگىركى تېتىكلىك ،جەسۈرلىق چىقىپ تۇرىدىغان كۆزلىرى تېرەنلەپ ، كەلپۇكلىرى يېرىلىپ ، چىرايىدىن بىر خىل پەرىشانلىق ، ھارغىنلىق چىقىپ تۇراتتى . ـــ ئادىل قېنى دەڭە ، سىزگە زادى نېمە بولدى ؟ نەچچە كۈندىن بۇيان نەلەردە يۈردىڭىز ؟ ـــ ماھىرە مەندىن سەۋەبىنى سورىماڭ . بىز ئاجىرشىپ كېتەيلى . ـــ نېمە ؟؟ ئادىلنىڭ بۇ سۆزىدىن تېخىمۇ گاڭگىراپ قالدىم . يۈگۈرۈپ بېرىپ ئۇنىڭ ياققىسىغا ئېسىلىپ كاچىتىغا بىر تەستەك سالغۇم كەلدى . لېكىن ئىشنىڭ سەۋەبىنى بىلمەي تۇرۇپ بۇنداق ھازازۇللۇق قىلىشنى خالىمىدىم . ئۆزەمنى تۇتىۋالغاندىن كېيىن ؛ ـــ ئادىل ئۆزىڭىزنى بىر ئەركەك ، بىر دادا دەپ ھېساپلىسىڭىز ، جېنىڭىز چىقىپ كەتسىمۇ سەۋەبىنى دەڭ ، سىزنىڭ تاش يۈرەك ئەمەسلىكىڭىزنى بىلىمەن . شۇنداقلا قىزىمىزنى ھەم مېنى ياخشى كۆرىدىغانلىقىڭىزنى يۈرىكىم سىزىپ تۇرۇپتۇ . ـــ ياق ،سىز خاتالىشۋاتىسىز ، مېنىڭ  يۈرۈكىم سىزدىن ئاللىقاچان سوۋۇپ بولدى ، ھازىر مەن پەقەت دادىلىق مەسئۇليىتىم ئۈچۈنلا ،سىلەرگە يۈز كىلەلمەيمەن داۋاتىمەن . ئادىلنىڭ باش -ئاخىرى ماسلاشمىغان تاققا -تۇققا گېپىدىن ، قانداقتۇر بىر سەۋەپ بىلەن  قەستەن شۇنداق داۋاتقانلىقىنى ھېس قىلىپ بولدۇم . ـــ نېمە ئۈچۈن ؟ سەۋەبىنى دىمەي ئاجىرشىمەن دەپ خام خىيال قىلماڭ . ـــ ماھىرە ، مۇشۇنداق ۋاقىتتا بۇ گەپلەرنى دېمەسلىكىم كېرەك ئىدى . سىزمۇ چارچاپ كەتتىڭىز ، بالدۇرراق ئارام ئېلىڭ . بۇ گەپلەرنى كېيىن دىيىشەرمىز . ـــ ياق ئادىل ، ئېغىز ئاچقان ئىكەنسىز ، دىيىشىڭىز كېرەك ، مۇشۇنداق يۈرگىنىڭىزگىمۇ خېلى ئۇزۇن بۇلۇپ قالدى ، ئىدىيىسىدە بىرە توقۇنۇش بولسا ، كاللىسىدىن ئۆتكەندە ئۆزى چىرايلىقچە دەر دەپ كۆزىڭىزنىڭ ئىچىگە كىرىۋالمىدىم .سىزنىڭ سۇغۇق مۇئامىلىڭىزگە ، توساتتىن ئۆزگەرگەن ئەسكى مىجەزلىرىڭىزگە سۈكۈت قىلىپ ئۆتكۈزدۈم ،چۈنكى ھازازۇللۇق قىلىش مېنىڭ قۇلۇمدىن كەلمەيدىكەن . ئەجىبا بۈگۈنكى كۈنگە قەدەر كۈتۈشلىرىمنىڭ جاۋابى ‹ئاجىرشايلى › ما ؟  سەۋەبىنى دەپ بېرىڭ ، مېنىڭ ئەمدى ساقلاپ ئولتۇرغۇچىلىقىم قالمىدى . ـــ بولدى قىلىڭ  ماھىرە . بۇ دېگەن دوختۇرخانا ، ئۆزىڭىزنى تۇتىۋېلىڭ . ـــ سىز مەن بىلەن مۈكۈشمەك ئويناۋاتامسىز ؟ ئاجىرشايلى دېسىڭىز مەن يەنە ئۆزەمنى تۇتىۋالامدىم ؟! ـــ قارىغاندا دېمىسەم بولدى قىلمىغىدەكسىز ، مەن باشقا بىرىنى ياخشى كۆرۈپ قالدىم . ــ يالغان ! ـــ  راست ماھىرە ، شۇڭا سىزگە ئەمدى مۇھەببىتىم قالمىدى . ئاجىرشىش توغرۇلۇق ئوبدان ئويلۇشۇپ قۇيۇڭ . بالىنىڭ ھالىدىن ئوبدان خەۋەر ئېلىڭ ، ئۆزىڭىزنى كوپرەك ئاسراڭ . مېنى كەچۈرۈڭمۇ دېمەيمەن ، خوش مېنىڭ قىلىدىغان ئىشىم بار ئىدى . ئادىل شۇنداق دېگىنىچە ئىشىككە قاراپ ماڭدى . مەن ئادىلنىڭ چىرايىدىكى ئۆزگىرىشتىن ، ئۇنىڭ يالغان سۆزلىگەنلىكىنى جەزىملەشتۈرۈپ بولدۇم ، ھەم ئۇنىڭ كەينىدىنمۇ چىقمىدىم . قىزىمنى بۈگۈن دوختۇرخانىدىن ياندۇرۇپ ئۆيگىمۇ قايتىپ كەلدىم . ئەمما مۇشۇ بىر ھەپتە جەريانىدا ئادىل ئىككىنچىلەپ ياتاققا ئاياق باسمىدى . مەنمۇ ئۇنىڭ دېرىكىنى قىلمىدىم ، كۆڭلۈمگە ئۇنىڭ يالغان سۆزلىگەنلىگى ئايان ئىدى . گەرچە  ئۇنىڭ نىمە ئۈچۈن مۇشۇنداق سۆزلەپ بىزدىن ئۆزىنى قاچۇرۋاتقانلىقى توغرۇلۇق كاللامدا نۇرغۇن تۇقۇنۇش بولغان بولسىمۇ، ئەمما بۇ توقۇنىشلارنىڭ تۈگۈنىنى  يەنىلا ئادىل يېشەلەيتتى . شۇڭا ئامال بار ئۆزەمنى قالايمىقان خىيالدىن نېرى تۇتۇش ئۈچۈن ، بارلىق ئىس يادىمنى قىزىمغىلا قاراتتىم . ئۆيگە كىلىپ ئۆي ئىچىدىكى مەنزىرىگە قاراپلا ئادىلنىڭ ئۆيگە كىرمىگەنلىكىنى جەزىملەشتۈردۈم . ئوينىڭ ئىچى  قىزىمنى دوختۇخانىغا ئېلىپ  ماڭغان چاغدىكى قالايمىقانچىلىق ھالەتتە ئېدى . - ئەجىبا ئادىلنىڭ دېگەنلىرى راستمىدۇ ؟ - دېگەن خىيال كاللامدا پەيدا بۇلۇپ ، مېنى ھاردۇرۇپلا قويدى .مۇشۇ بىر ھەپتە جەريانىدا ئىنىم مەكتەپكە بېرىپ -كىلىپ يۈرۈپ ، يۈگۈر -يىتىم ئىشلىرىمغا خېلى ئەسقاتتى . ناۋادا ئۆيدىكىلەرنىڭ ياردىمى بولمىغان بولسا ، ئۆزەم يالغۇز خېلى قىينىلاتتىمكەن . ئۆيدىكىلەر بولسا ئادىلنى تېخىچە خىزمەت بىلەن سىرتتا دەپلا ئويلايتتى . ئويدىكى مەنزىرلەرگە قاراپ ئېغىر ئۇھ تارتىۋەتكەندىن كېيىن ،قىزىمنى ياتقۇزۇپ قۇيۇپ ئۆيلەرنى يىغىشتۇرۋاتاتتىم ، تېلفۇنىم سايراپ كەتتى ، چوقۇم ئادىل دەپ پەرەز قىلىپ يۈگۈرۈپ تېلفۇننى ئالدىم ؛ - ئەسسالامۇ -ئەلەيكۇم -ھە مەن ، ئەركىيەنىڭ ئەھۋالى قانداقراق ؟ دەرۋەقە ئادىل ئىدى . - ياخشى ، ھازىر ئۆيدە ،بۈگۈن دوختۇرخانىدىن يېنىپ چىقتۇق . بىزمۇ ئېسىڭىزدە باركەنمىز -ھە ؟ ئۆزەمنى ھەرقانچە تۇتىۋالاي دېسەممۇ تۇتىۋالالمايۋاتاتتىم . ئەرلەرنىڭ ‹خوتۇن كىشى دېگەن كوت -كوت كىلىدۇ › دىگەنلىرى راسمۇ ئەتىمالىم خۇددى بومبا پارتلىغاندەكلا ئاغزى -ئاغزىمغا تەگمەي سۆزلەپ كەتتىم ؛ - ئادىل سىز دوختۇرخانىدا دېگەن سۆزلىرىڭىزگە قەتئى ئىشەنمىگەن ئىدىم . سىزنى ئۇنداق ئادەم دەپ ئويلۇمىدىم . ھەتتا مۇشۇ بىر ھەپتە جەريانىدىمۇ ،يوقلىغىڭىزنى چاندۇرماي  ، ئۆز - ئۆزەمنى بەزلەپ ، يەنە سىزدىن ئەنسىرەپ ئۆتكۈزدۈم .ئەمما بۈگۈن ئۆيگە قايتىپ كىلىپ ،سىزنىڭ مۇشۇ بىر نەچچە كۈندە  ئۆيگە ئاياقمۇ باسمىغىنىڭىزنى كۆرۈپ ، ئۆزەمنى ئەخمەق چاغلاپ قېلىۋاتىمەن . دەڭە قېنى نەلەردە نېمە قىلىپ يۈرۈۋاتىسىز ؟ ئەجىبا راسلا تۈلكە جىندىن بىرنى تېپىۋالدىڭىزما ؟؟ - ماھىرە ئاستىراق سۆزلەڭ  ، بالا قورقۇپ ،خوشنىلار ئاڭلاپ قالمىسۇن . - ئۇھۇۇ ، بۈگۈن دورىنى خاتا يەپ قالمىغانسىز ؟ ئىلگىرى نىمىشقا سىز مۇشۇلارنى ئويلىمىغان ؟؟ - بولدى قىلىڭ ، تېلفۇندا دىيىش ئەپسىز ، مەن كەچقۇرۇن ئىشتىن چۈشۈپ ئۆيگە بارىمەن . شۇ چاغدا دىيىشەيلى . ئادىل شۇنداق دەپلا تېلىفۇننى قۇيۇۋەتتى . ئۇنىڭ بۇ قىلىقى تېخىمۇ يارامغا تۇز سەپكەندەك جۈدۈنىم ئۆرلەپ ، قۇلۇمدىكى تېلفۇننى يەرگە زەردە بىلەن ئاتتىم. كونىلارنىڭ كۈندەشلىك بەك يامان  دېگىنى توغرا ئىكەن ،بۇنداق چاغدا ئادەمنىڭ كۆزىگە ھېچنىمە كۆرۈنمەيدۇ دەپ قىزىمنىڭ قورقۇپ كېتىشلىرىنى ئويلۇمىغان ئىدىم . ئۆزەمگىمۇ ئوخشۇماي قالغىنىمنى پەقەت قىزىمنىڭ يىغىسىنى ئاڭلىغاندىن كېيىن ھېس قىلدىم ھەم قىلغانلىرىمغا پۇشايمان قىلدىم .   ئادىلنىڭ ئىشتىن چۈشىدىغان ۋاقتىمۇ بولدى ،  ئۇ كەلگىچە ئۇ ئامراق لەغمەننى ئېتىپ ساقلاپ تۇردۇم ، بايامقى ئال كۈچۈكلىرىم قايسى تاققا چىقىپ كەتتىكىن ،ئىشقىلىپ ئادىلغا بولغان سېغىنىشىم ئۇنىڭغا بولغان نەپرىتىمدىن ھالقىپ كەتكەن  ئىدى . يەنىلا  يۈرىكىم ئادىلنى ئاقلاۋاتاتتى . پەقەت بۈگۈن ئادىل كەلسىلا بۇ كۆڭۈلسىز كۈنلەر ئاياقلىشىپ ،بەختلىك كۈنلىرىمىز قايتىدىن باشلىنىدىغاندەك بىرئىسسىق تۇيغۇ مېنى ئۆز ئىسكەنجىسىگە ئالغان ئىدى . ئادىلنىڭ بىنادىن چىقىۋاتقان ئاياق تېۋىشى ئاڭلاندى ، ئىككى يىلدىن بۇيان بۇ  ئاياق تېۋىشى يۈرىكىمگە ئورناپ كەتكەن بۇلۇپ ، بىرىنچى قەۋەتتىن تۆتىنچى قەۋەتكە چىققىچە بولغان ئاياق تىۋىشىدىن ئادىلنىڭ ئاياق تىۋىشىنى ھېس قىلالايتتىم . شۇڭا ئۇنىڭ ئىشىكنى ئېچىپ كىرىشىنى ساقلاپ تۇرمايلا ئىشىكنى ئاچتىم ،ئاچتىميۇ ھەيرانلىقتا تۇرۇپلا قالدىم . ئالدىمدا تۇرغان ئادىلنىڭ ساقال -بۇرۇتلىرى ئۆسۈپ كەتكەن بۇلۇپ خۇددى كۆزۈمگە نەچچە ياش قېرىپ كەتكەندەك بىلىندى . ــ ھە نېمە بولدىڭىز ماھىرە ؟ ئەتتىگەنكى ئەلپازىڭىزدىن ئىشىكتىن كىرسەملا ئۇرۇپ كىتەرمىكىن دېگەن ئىدىم ، روھى چىقىپ كەتكەن ئادەمدەك ئالدىمدا تۇرماي ، مېنى كىرگىلى قۇيۇڭ - ھە ،ياق ،ھېچنىمە . كىرىۋەرمەمسىز ،ئۆزىڭىزنىڭ ئۆيىغۇ بۇ - ئەركىيە ئۇخلاپ قالدىما ؟ - ياق ،  ھازىر ئۇيغۇنىپ تۇرغانتى ، بۆشىكتىن يېشىۋالاي دەپ تۇرسام ، كەلگەندەك قىلدىڭىز شۇڭا ئىشىكنى ئېچىشىم . ئادىل بۇ گېپىمنى ئاڭلاپ ئىچكىركى ئۆيگە قاراپ ماڭدى ؛ - ئۇماق قىزىم ، ئاپاڭ سېنى بۆشۈككە تېڭىپ قىيناپ قۇيۇپتۇ -ھە ، كېلە سېنى يېشىۋالاي ! كۆزلىرىمگە ئىشەنمەي قالدىم ، ئالدىمدا تۇرغان  تەرسا ، قوپال ، تاش يۈرەك ئادىلنىڭ ئەسلىدە بىر تولىمۇ كۈيۈمچان دادا ئىكەنلىكىگە  قاراپ ،‹ سەن ئەسلىدىنلا شۇنداق ئادىل ئېدىڭ ، نىمىشقا مۇشۇ كۈنلەردە شۇنداق بۇلۇپ قالغانسەن ؟› دەپ ئىچىمدە پىچىرلىدىم . بىر ئائىلە كىشىلىرى جەم بۇلۇپ تاماق يېسە ، غورا بولسىمۇ ھالۋا تېتىيدۇ دەپ تاماقنى ھەر ھالدا ئوبدان يىيىشتۇق ،ئادىلنىڭ يەنە بىر نىمە دەپ تاماقتىن قۇسۇر تېپىپ قاچىنى يەرگە ئېتىشىدىن ئەنسىرەشلىرىم ئورۇنسىز بۇلۇپ چىقتى . بۇدا ئادىل باشقىچىلا بىر ئادەمگە ئايلىنىپ قالغان ئىدى .  گەرچە ھەر ئىككىمىزنىڭ كۆڭلى جايىدا بولمىسىمۇ ،ئەمما  داستىخان ئۈستىدە ئارتۇق گەپ سۆز قىلىشمىدۇق ،پەقەت بىر -بىرىمىزگە سۇئال نەزىرىدە قاراپ قۇيۇشاتتۇق. ئۇنىڭ ياداپ كەتكەن تۇرقىغا قاراپ ، دوختۇرخانىدىكى ھەم ئەتتىگەنكى يولسىزلىقىمغا قاتتىق ئۈكۈندىم  .لېكىن  ئاللىقانداق بىر ئەنسىزلىك يۈرىكىمنى چىرماشقا باشلىدى . تاماقمۇ يىيىلىپ ، داستىخانمۇ يىغىلدى . پەقەت شۇ چاغدىلا ئادىل ئېغىز ئاچتى ؛ - ماھىرە ، مەن سىزگە دېگەن ئاجىرشىش ئىشىنى ئويلاشتىڭىزمۇ ؟ ئادىلنىڭ بۇ گېپىدىن ئەندىكىپ ئورنۇمدىن تۇرۇپ كەتتىم . قۇچىقىمدا ئەركىيە ئۇخلاپ قالغان ئىدى . -توۋۋا ئادىل ! - توۋا دەپ ھەيران قالماڭ ماھىرە ، مەن قەتئى نىيەتكە كەلدىم ، بىز چىرايلىقچە سۆزلىشەيلى ئادىل شۇنداق دېگىنىچە كېلىپ قۇلۇمدىن بالىنى ئېلىپ ، ئىچكىركى ئۆيگە ئەكىرىپ ياتقۇزۇپ قۇيۇپ چىقتى . مەن تۇرغان جايىمدا قاققان قوزۇقتەك تۇراتتىم  ،ئۆزەمچە  ئادىلنىڭ بۈگۈنكى ئىپادىسىدىن ئەمدى ئۇ گەپنى ئېغىزىغا ئالمايدۇ دەپ ئويلىغان ئىدىم . - كىلىڭە ئولتۇرۇڭ ماھىرە ، گېپىمگە قۇلاق سېلىڭ . - سەۋەبى مەندىن كوڭلىڭىز سۇۋۇپ كەتتى ، ئەمما باشقا بىرسىنى تېپىۋالمىدىڭىز شۇنداقمۇ ؟ - ياق ماھىرە ، مەن راسلا باشقا بىرسى بىلەن سىزگە يۈز كىلەلمەيدىغان ئىشلارنى قىلدىم . - ناۋادا مەن مەيلى دىسەمچۇ ئۇ ئىشلىرىڭىزغا ، يەنىلا مەندىن ئاجىرشامسىز ؟ - شۇنداق - يالغان ئادىل ،  ئىشەنمەيمەن ، مەن دوختۇرخانىدا شۇنداق دىگەنتىڭىزمۇ ئىشەنمىگەن ، ھازىرمۇ ،بۇندىن كېيىنمۇ ئىشەنمەيمەن ، پەقەت ئەتتىگەن بىردەمچىلىك كاللامدا شۇنداقمىدۇ دېگەن ئوي كەلگەن بولسىمۇ ،لېكىن يەنىلا ئىشەنمىگەن ، مۇشۇ ئەپتىڭىز ، مۇشۇ بۈگۈنكى قىلىقلىرىڭىز بۇنى ئىسپاتلاپ تۇرۇپتۇ . سىز باشقا بىرسىنى تېپىۋالمىدىڭىز ، پەقەت سىز مەندىن ئۆزىڭىزنى قاچۇرۋاتىسىز .دەڭە بۇنىڭ سەۋەبى نېمە ؟ - مەن بىر ئايالنى ياخشى كۆرۈپ قالدىم . - ۋاي  مۇبارەك بولغاي  ، قارىغاندا ئۇ ئايال سىزنى رەت قىلغان بولسا ،ئۇنىڭ ئىشقىدا سەۋدايى بۇلۇپ ،چۆل -جەزىرلەردە يۈرگەچكە   مۇشۇنداق ساقال -بۇرۇتلىرىڭىزمۇ ئۆسۈپ گېلىڭىزدىن تاماقمۇ  ئۆتمەي قېرىپلا كېتىپسىز-دە ؟! ھەي بولدى قىلىڭە ئادىل ،تولا مېنى چالماي . بۇ گېپىڭىزگە كىم ئىشىنىدۇ . قارىڭە ئەپتىڭىزگە ! - راست داۋاتىمەن ماھىرە ، قانداق قىلسام ئىشىنىسىز ؟ - ئەمىسە مېنى ئۇنىڭ يېنىغا باشلاپ بېرىڭ ، مېنىڭ شۇنداق  كېلىشكەن ئېرىمنى مۇشۇ ھالغا كەلتۈرۈپ قويغان ئاشۇ تۈلكە جىندىن ئۆچىڭىزنى ئېلىپ بېرەي .ئاندىن ئۇ جىنغا ماۋۇ ئېرىمنى بۇندىن كېيىن بۇنداق كوچىغا چىقارماڭ ، ئەر كېشى دېگەن سۆلىتى بىلەن ئەر بۇلىدۇ . كىيىم -كېچەكلىرىنى دەزماللاپ ، ساقال -بۇرۇتلىرىنى پاكىز قىرىپ ، ئايىقىنى مايلاپ ئاندىن كوچىغا چىقسۇن دەپ دەرس ئۆتۈپ ،نىكاھىڭلارنى ئوقۇتۇپ قۇياي ! ئاچچىق تەنە گەپلىرىمدىن سەۋىر قاچىسى چېقىلغان ئادىل ؛ - بولدى قىلىڭ ماھىرە ، بۇنداق ئايال ئەمەستىڭىز ، ھەجەپ كوت -كوت بۇلۇپ كېتىپسىز ، سىز بىلەن چىرايلىقچە پاراڭلاشقىلى بولمامدۇ زادى ؟ - سىزمۇ بۇنداق ئادىل ئەمەستىڭىز ، قاراپ تۇرۇپ ئادەمنى ئالدىسىڭىز مەن يەنە گومۇشتەك ئالدىڭىزدا قاراپ تۇرامتىم ؟ ئىشقىلىپ مەن ئىشەنمەيمەن ! - ئەمىسە سىزگە ئىسپاتلاپ بېرەي - ماقۇل ،ئاشۇ خوتۇننى ئالدىمغا ھازىرلا باشلاپ ئەكىرەلىسىڭىز ئاندىن مەن ئىشىنىمەن

mehriya

	بىخلان ئەپەندىم ، ساقلىتىپ سىزنى بەكلا چارچىتىپ قويغاندەك قىلىمەن ، ئالدىڭىزدا خىجىلمەن . چۈنكى كۈندە تورغا چىقىپ كېتەلمەيمەن . خىزمەت ئالدىراش چاغلاردا مۇشۇنداق ئەھۋاللار بۇلۇپ قالىدىكەن . توغرا چۈشۈنەرسىز . يەنە كېلىپ ئەتىدىن باشلاپ نەچچە كۈن خىزمەت تەكشۈرۈش ئىشى بىلەن سىرتقا چىقىمەن . بەلكىم بۇ جەرياندا يەنە تورغا چىقالماسلىقىم مۇمكىن . كوپچىلىكتىن ئەپۇ سورايمەن . يەنە بىر ئىش : ئىملادا خاتالىق بولسا تۈزۈتۈپ ئوقۇشۇڭلارنى ئۈمۈت قىلىمەن . تەھرىرلەشكە ۋاقتىم يەتمەيلا قالدى .

mehriya

	- ئۆيگە كېلىڭە ،ماھىرە گېپىمگە ئىشىنىدىغاندەك ئەمەس ،-دەپ ھېچ ھېيىقماستىن بىرسىگە تېلفۇن قىلدى . مەن ئادىلنى قەستەن شۇنداق قىلىۋاتىدۇ دەپ ئويلىدىم ، ئەمما ئادىل كەسكىنلىك بىلەن يەنە ماڭا ؛ - ماھىرە ، سەل تۇرۇپ ئۇ كەلسە ، ئۆزىڭىزنى تۇتىۋېلىپ ، تەمكىنرەك بۇلاسىز ، مەن بۇ ئىشلارنى چىرايلىقچە ھەل قىلساقمىكىن ، باشقىلارغا ئۇيۇن قۇيۇپ بەرمەيلىمىكىن دېگەن ئۈمۈتتە . ئۆزىڭىزمۇ بىلىسىز مەن ئەزەلدىن ئويدىكى ئىشلارنى تالاغا يېيىشنى خالىمايدىغان ئادەم ، سىزنى بۇرۇن ھەقىقەتەن ياخشى كۆرەتتىم ، ئەمما ئاياللار  تۇغۇتلۇق مەزگىلىدە ئەرلەر ئاسان تالاغا قاراپ قالىدۇ دېسە ئىلگىرى ئىشەنمەيتتىم . مانا ئۆزەمنىڭ بېشىغا كەلگەندىلا ئاندىم چۈشەندىم . مۇھەببەتكە بىر نېمە دېمەك تەس ئىكەن ،  ئەمدى بۇنداق  ئارىمىزدا مۇھەببەت يوق ئائىلىنى تۇتىمىز دەپ بىر -بىرىمىزنى قىيناپ يۈرگىچە ئاجىرشىپ كەتكىنىمىز تۈزۈك دەپ ئويلىدىم . شۇڭا سىزمۇ بەك جاھىللىق قىلمىسىڭىز ، ئاجىراشقاندىن كېيىن مەن يەنىلا ھالىڭلاردىن خەۋەر ئېلىپ تۇرىمەن . ماڭا ھېچنىمە كېرەك ئەمەس ، ئوي ھەممە نەرسە سىزگە قالسۇن . - بولدى بەس ئادىل ،ئەمدى سۆزلىمەڭ .سىزنى ھەقىقى ئەركەك دەپ ھېچكىمگە تەڭ قىلمايتتىم . ئەپسۇس ئۈمۈدۈمنى يەردە قۇيۇۋاتىسىز . سىزگە شۇنى دەپ قۇياي ئادىل ،سىز  ھەرقانچە دوت ياكى ئىشىق سەۋداسى بولسىڭىزمۇ ،باشقا ئاياللارنى ئۆيىمىزگە باشلاپ كىرىپ ئالدىمدا ئىسپاتلايمەن دەيدىغان  بۇنداق ئىپلاسلىقنى قىلماسلىقىڭىز  كېرەك . بۇ غۇرۇرىڭىزنى ئۆزىڭىز دەپسەندە قىلغىنىڭىز، مەيلى سىز باشقا بىرسىنى ياخشى كۆرۈپ قېلىڭ ، مۇشۇنداق پەسكەش قىلمىش بىلەن ئۆزىڭىزنىڭ پەسكەشلىكىڭىزنى ئىسپاتلىماڭ . غۇرورىڭىزنى يوقاتماڭ . سىزگە ئىچىم ئاغرىۋاتىدۇ ئادىل ، مۇشۇ يارىماسلىقىڭىزغا قاراپ ئىچىم ئاغرىۋاتىدۇ . مۇھەببەت ئادەمنى ئەقلىدىن ئازدۇرۇپ قۇيۇدۇ دېسە بۇنچىلىك ساراڭ قىلىۋەتمەس دەپتىكەنمەن . تەغدىر -پىشانىمىزگە پۈتۈلگىنى شۇ بولسا بۇنىڭغا تەن بەرمەي ئامالىمىز يوق . لېكىن  سىزنىڭ بۇ گەپلىرىڭىزگە مەڭگۈ ئىشەنمەيمەن . يۈرۈكىم ماڭا بۇنى دەپ بېرىۋاتىدۇ . بۇ سەۋەپ ئاجىرشىشىمىزنىڭ ھەقىقى سەۋەبى ئەمەس !جېنىڭىز چىقىپ كېتىدىغان ئىش بولسىمۇ ماڭا ھەقىقى ئەھۋالنى دەڭ ،  بۇنداق قالماشمىغان ھېكايىلەرنى توقۇماسلىقىڭىزنى ئۈمۈت قىلىمەن - ماھىرە مەن . ئادىل ئەمدى ئېغىز ئېچىشىغا ئىشىك چېكىلدى . ئادىل دېمەكچى بولغان گېپىنى يۈتۈۋەتتى ،ۋە بېرىپ ئىشىكنى ئاچتى . ئىشىكتىن كىرگەن ئادىلنىڭ يېقىن ئاغىنىسىنىڭ ئايالى گۈلزارغا  قاراپ كۆزلىرىمگە ئىشەنمەي قالدىم ، ئەمما دەرھاللا ‹توۋا نىمە خىياللارنى قىلىپ كەتتىم › دەپ ئۆزەمنى ئوڭشىۋالدىم . ئادىلنىڭ ئاغىنىسى ئەكپەر بىلەن گۈلزار بىزدىن يېرىم يىل كېيىن توي قىلغان بۇلۇپ ، ئۇلار ھەر ئىككىسى ئادىلنىڭ ئالى مەكتەپتىكى ساۋاغداشلىرى ئىدى ، ئادىل بىلەن ئەكپەر خۇددى بىر ياتقاندا  چوڭ بولغاندەك  بىر-بىرى بىلەن شۇنداق يېقىن ئۆتەتتى .بىر يەرگە كەلسە ئۇلارنىڭ دېيىشمەيدىغان گەپلىرى قالمايتتى ، مەن ئۇلارنىڭ دوستلىقىدىن قىلچىمۇ گۇمانلانمايتتىم . گۈلزار بىلەن تىنىچ ئامانلىق سوراشقاندىن كېيىن ؛ - ئەكپەر بىللە كەلمەپتىغۇ ؟ -دەپ سورىدۇم ، بۇ سۇئالىم  ئەلۋەتتە گۇمانى نەزىرىمدىن يەنىلا ساقىت ئەمەس ئىدى . - ئۇ بۈگۈن ئىسمىنا ئىشلەيدىكەن  ، بايام ئادىل تېلفۇن قىلىپتىكەن ،شۇڭا .. گۈلزار شۇنداق دېگىنىچە  ئادىلغا قارىدى ،مەنمۇ  ئۆزەمنى زورغا بېسىپ ،گۈلزارنىڭ ئاغزىدىن قانداق گەپ چىقاركىن دەپ پۈتۈن دىققىتىم بىلەن  قاراپ ئولتۇراتتىم . ئادىل يەنىلا كەسكىن ، خۇددى ھېچ ئىش بولمىغاندەكلا ؛ - گۈلزار ئەمدى ماھىرەگە راست گەپ قىلمىساق بولمىغىدەك - شۇنداق ئادىل ، ئەمدى ھەقىقى راست گەپنى قىلايلى ،ماھىرەنى بۇنداق قىينىماڭ .ماھىرەمۇ بۇ ئىشلارغا ئىشەنمەيدۇ . - نېمە داۋاتىسىز گۈلزار؟ بىز دىيىشكەنغۇ ؟ ئادىلنىڭ ئەجەپلىنىپ ،گۈلزارغا نارازىلىق بىلەن قارىشىدىن ،يەكۈنىمنىڭ توغرا ئىكەنلىكىنى قىياس قىلىپ بولدۇم ، توۋا ئادەم بۇنداق چاغدا تولىمۇ سەزگۈر بۇلۇپ كېتەمدۇ ، ئادىل بىلەن گۈلزارنىڭ بىر -بىرىگە قارىشىپ قىلىشقان ئالىقانداق كۆز ئىشارىتىدىن قىياسىمنىڭ توغرا ئىكەنلىگىنىمۇ  پەملەپ بولدۇم . - ياق ئادىل ، ئەمدى ھەقىقى ئىشنى دەڭ ، ئۆزىڭىزنى ھەم ماھىرەنى بۇنداق قىينىماڭ ، ئەسلىدە ئەكپەر بىلەن ئەتە ئۆيىڭلەرگە كېلىپ ،بۇ ئىشلارنى ماھىرەگە دېيىشنى مەسلىھەتلەشكەن . سىز بۇنداق رىياللىقتىن ئۆزىڭىزنى قاچۇرماڭ ، ماھىرەنى بىزمۇ ئوبدان چۈشىنىمىز ، ئۇ بىزنىڭ  توقىغان ھېكايىلىرىمىزگە ھەرگىز ئىشەنمەيدۇ . شۇڭا تۈنۈگۈندىن ، سىز دېگەندەك بۇ ئىشلارنى توقۇپ يۈرمەي ئەينى ئەھۋالنى ماھىرەگە دەيلى دەپ مەسلىھەتلەشتۇق . ھەقىقى ئەھۋالنى يۇشۇرماي ماھىرەگە ئېيتىپ بېرىڭ ، ئىشىنىمىزكى ماھىرە سىزنى كەچۈرۋېتىدۇ . - گۈلزار بۇ ، مەن ...   ئادىلنىڭ ئەمدىلىكتە بېشى تۆۋەنگە چۈشۈپلا كەتتى . گېپىنىڭ ئاخىرىنىمۇ قىلالماي ،بېشىنى سەڭگىلاتقىنىچە ئولتۇراتتى . - گۈلزار قېنى دەڭە ، زادى نېمە ئىش بولغان ؟ مېنى بۇنداق تەققەزا قىلماي تېزراق دېسەڭلارچۇ ؟ مەندە باياتىنقى سەۋرىچانلىقتىن ئەسەرمۇ قالمىغان ئىدى ،  گۈلزار بىلەن ئادىلغا تاقەتسىزلىك بىلەن قارايتتىم . ئىلگىرىمۇ ئادىلدىكى  ئۆزگۈرۈشلەردىن ئۇنى بىرە  كېسەل بۇلۇپ قېلىپ ، مەندىن ئۆزىنى قاچۇرۇپ شۇنداق قىلىۋاتىدۇ دەپ پەرەز قىلغان ئىدىم . - ماھىرە ، مېنى كەچۈرۈڭ ، مەن سىزگە ھەم بالامغا يۈز كېلەلمەيمەن . مەن ئەيدېس كېسىلى بۇلۇپ قالدىم . ئادىلنىڭ ئاۋازى تىترەپ كەتتى ، خاتا ئاڭلاپ قالمىغاندىمەن دەپ ئادىلغا تىكىلىپ قارىدىم ، ئادىلنىڭ  نۇرسىز كۆزىدىن  سىرغىپ چىققان ياش ،ئۇنىڭ ئۇرۇق ،ساقال -بۇرۇت بېسىپ كەتكەن يۈزىنى بويلاپ ئېقىۋاتاتتى  ،ئۆزەمنى يوقۇتۇپ قويغىلى تاسلا قالدىم . - بۇ راستما ئادىل ؟ -راست ماھىرە ،-دېدى گۈلزار ئادىلنىڭ جاۋاپ بېرىشىنى كۈتۈپ تۇرمايلا . - ئادىلنى سىز تاپالمىدىم دەپ ئەكپەرگە تېلفۇن قىلغاندىن كېيىن ، ئەكپەر ئۇنى ئىزدەپ ئىدارىنىڭ يەر ئاستى ئۆيىدىن تېپىپ كەلدى ، ئادىلنىڭ ئۈستى -بېشىغا قاراپ ئەر -ئايال ئىككىمىزلا ھەيران قالدۇق . ئۇنىڭدىن نېمە ئىشلىقىنى سورىساق ،بىزگىمۇ دەسلەپتە سىزگە دىگەندەك دەپ تۇرىۋالدى ، ئەمما بىزمۇ ئۇنىڭ بۇ گېپىگە ئىشەنمىدۇق . نەچچە كۈنلۈك كۆزىگە كىرىۋېلىشىمىز بىلەن ئاخىرى راست گەپنى قىلدى . ئۇ بۇ رىياللىقنى سىزنىڭ قۇبۇل قىلالماسلىقىڭىزنى ،شۇنداقلا سىزنىڭ كىيىنكى تۇرمۇشىڭىزنى ئويلاپ ،سىز بىلەن قەستەن سوقۇشۇپ ،ياكى بولمىسا ئۆيگە كىرمەي ،سىزنىڭ گۇمانىڭىزنى قوزغاپ ،بايامقىدەك ھېكايىلەرنى توقۇش ئارقىلىق سىز بىلەن ئاجىرشىپ كەتمەكچى بوپتۇ . ئەمما بىز ئۇنىڭغا سىزگە ھەقىقى گەپنى دېيىشنى ئېيتساق ،‹ ماھىرە تېخى ياش ، ئۇ يەنە باشقا بىرى بىلەن توي قىلىپ بەختلىك بولسا تامامەن ھەقلىق ، مەندەك  ئادەم بىلەن ئۆمرىنى بىھۇدە ئۆتكۈزمەسلىكى كېرەك ›  دەپ ئۇنىمىدى . سىزنى ئىشەنمەيدۇ دېسەك ،‹ سىز ماڭا ئاشۇ ئايالنىڭ رولىنى ئېلىپ بەرسىڭىز ،ئۇ بۇنىڭغا قاتتىق نەپرەتلىنىپ بولسىمۇ مەن بىلەن ئاجىرشىپ كېتىدۇ› دەپ تۇرىۋالدى ، ئۇنىڭ شۇ چاغدىكى كەيپىياتىدىن ،ھەتتا ئۆزىنىڭمۇ بۇ رىياللىقنى قۇبۇل قىلالمايۋاتقانلىقى چىقىپ تۇراتتى . شۇڭا ئالىمادىس بېرە ئىشنىڭ چىقىپ قالماسلىقىدىن ئەنسىرەپ ، ماقۇللىقىمىزنى بىلدۈرۈپ ، بۇ مەخپىيەتلىكنى سىزگە ئېيتمايمىز دەپ ۋەدە بەرگەن ئىدىق . لېكىن ئادىل كەتكەندىن كېيىن ئەكپەر بىلەن مەسلىھەتلىشىپ ،يەنىلا سىزگە ھەقىقى ئەھۋالنى دىيىشنى ،ئادىلغا قايتىدىن نەسىھەت قىلىپ ، ئاراڭلاردىكى بۇ كۆڭۈلسىزلىكنىڭ ئۇچۇق -يۇرۇق بۇلۇپ كېتىش كېرەكلىگى توغرىسىدا ئويلاشقان . - بۇ ئىشلارنىڭ ھەممىسى راستما ئادىل ؟ - راست ماھىرە ، مەن دەسلەپتە بۇ رىياللىقنى ھەقىقەتەن قۇبۇل قىلالمىدىم . ھەتتا ئۆلىۋېلىشنىمۇ ئويلاشقان . لېكىن سىزگە ھەم قىزىمغا قىيالمىدىم . لېكىن ئەمدى سىز بىلەن ئەر -ئاياللىق مۇناسىۋەتتە بولسام ، سىزنى ھەم بالامنىمۇ نابۇت قىلىدىغانلىقىمنى ئويلاپ ، سىز بىلەن ئاجىرشىپ كېتىش قارارىغا كەلگەن ئىدىم . - تولىمۇ ئەخمەقلىق بىلەن چىقىرىلغان يەكۈن ئىكەن ئادىل بۇ ،-دىدىم مەن ئۆزەمنى ئوڭشىۋېلىپ ؛ -مەن سىز بىلەن توي قىلغىلى ئىككى يىلدىن ئاشتى ،  سىزنىڭ مۇشۇنداق كېسەلنى يۇقتۇرۋالغىنىڭىزدىن ئەمەس ،بەلكى مېنى تۇلۇق چۈشۈنىپ يېتەلمىگىنىڭىزدىن ئۈكۈنۋاتىمەن  ، سىزگە ‹ھەرقانداق ئىشقا مەسلىھەت بىلەن تەڭ مۇئامىلە قىلىمىز ،  بىر -بىرىمىزنىڭ ئېغىرلىقلىرىنى تەڭ كۆتۈرىمىز ، ھالاۋەتتىمۇ ھەم جاپا -مۇشەققەتتىمۇ بىرگە بۇلۇپ ھەرقانداق ئۆتكەلدىن بىرگە ئۆتىمىز › دەپ قۇرۇق شۇئار توۋلاپ ،قۇرۇق نەزىريە سۆزلىمىگەن  . بۇ رىياللىقنى خۇدايىم بىزگە بەرگەن  ئىكەن قۇبۇل قىلماي ئامالىمىز يوق . لېكىن شۇنى قانداق ئۇسۇلدا قۇبۇل قىلىش  ،سىزنىڭ يالغۇز مەسئۇليىتىڭىز بۇلۇپ قالماستىن ،مېنىڭمۇ مەسئۇليىتىم .  سىز مەيلى قانداق  كېسەل بۇلۇپ قېلىڭ ، بىز مەڭگۈ بىرگە ئۆتىمىز. ھەر قانداق كۈچ بىزنى ئايرىۋېتەلمەيدۇ . - ياق ماھىرە ،سىز كىيىنكى كۈنلىرىڭىزنى ئويلاڭ ، بالىمىزنى ئويلاڭ . بۇ كېسەل باشقا كېسەللەرگە ئوخشۇمايدۇ - مەن بالىمىزنى ئويلاپ شۇنداق داۋاتىمەن . مېنىڭ كېيىنكى كۈنلىرىممۇ سىزنىڭسىز ھېچ مەنىسىنى تاپالمايدۇ ، ماڭا ئەر -ئاياللىق تۇرمۇش بولمىسىمۇ ،پەقەت سىزنىڭ يېنىمدا تۇرۇپ ،بالىمىزنىڭ كۈلكىسىدىن تەڭ بەھرىمان بولساقلا كۇپايە . - ئادىل ،بىزمۇ سىزگە دېگەنغۇ ،-دىدى گۈلزارمۇ كەسكىن قىياپەتتە ؛ - ماھىرە ئۇنداق ۋاپاسىز ئاياللاردىن ئەمەس ،ئۇ  سىز مۇشۇنداق ئەھۋالغا دۇچ كەلگەندە ئۆزىنى قۇربان قىلىشقا رازى ئىكەنكى ، ھەرگىزمۇ بۇ ئائىلەڭلەرنى ۋەيران قىلىشنى خالىمايدۇ . سىز مۇشۇ ۋاقىتنىڭ ئۆزىدە ماھىرەنىڭ كۈيۈنىشىگە مۇھتاج . ئۆزىڭىزنى ھەرگىزمۇ بۇنداق كېسەل بۇلۇپ قالدىم دەپ باشقىلاردىن ئۆزىڭىزنى قاچۇرۇشىڭىزنىڭ ، خۇدۈكلىنىشىڭىزنىڭ ھاجىتى يوق .پەقەت دىققەت قىلىشقا تېگىشلىك ئىشتا دىققەت قىلساڭلارلا بۇلىدۇ . بۇنى ماھىرەنىڭ ئۆزىمۇ دىدىغۇ . شۇڭا ئەمدى ئاجىرشىدىغان گەپنى قىلماڭ . گۈلزارنىڭ تەسەللىسى ھەر ئىككىمىزنىڭ قەلبىدىكى ئېغىر يۈكنى يىنىكلەتكەندەك ، ھەر ئىككىمىز بىر -بىرىمىزگە قارىشىپ .ئېغىر تىنىشتۇق . - ئادىل مەن سىزگە گەپنى ئۈزۈپلا ئېيتاي ، مەن سىز بىلەن ھەرگىز ئاجىراشمايمەن ، ھەم بۇ كېسەلنى قانداق يۇقتۇرۋالغانلىقىڭىز بىلەنمۇ ھېساپلىشىپ ئولتۇرمايمەن ، بىزگە سىز كېرەك ، سىز بولمىغان بۇ ئائىلە بىر قاراڭغۇ زىندانغا ئوخشايدۇ . سىزنىڭ كۈلكىڭىز ، چېھرىڭىزدىكى ئىللىق تەبەسسۇمىڭىز بۇ ئائىلىمىزنىڭ چىرىقى ، سىزنىڭ ئانىلارغا خاس كۈيۈمچانلىقىڭىز ، دادىلارغا خاس جاسارىتىڭىز ئائىلىمىزنىڭ مەۋجۇتلىقى . ھېلىمۇ ئۇلۇغ ئاللا ئېگەمنىڭ كوڭلى -كۆكسى كەڭ ئىكەن ، ناۋادا بۇ تاتقۇلۇقنى ھەممىمىزگە سالغان بولسا ئۇ چاغدىمۇ تاتماي ئامالىمىز يوق ئىدى . لېكىن كوڭلۈمدىكىنى دېسەم ، بۇ ئىش شۇنچە تېز ،شۇنچە تۇيۇقسىز يۈز بەرگىنىگە يەنىلا ھېچ ئىشەنگىم كەلمەيۋاتىدۇ . مېنىڭ بۇنداق دېيىشىمدىمۇ ئاساس بار ئىدى . چۈنكى بوشىنىش ئالدىدىكى قان تەكشۈرەشتىن مەندىن ھېچقانداق غەيرى ئەھۋال كۆرۈلمىگەن ھەم قىزىمىز تۇغۇلۇپ بەش كۈن بولغاندا چىرايى بەك سارغىرىپ كېتىپ ئۇنىمۇ ئايرىم ياتاققا ئېلىپ 24 سائەت نۇر بىلەن داۋالاش ئېلىپ بارغان بۇلۇپ ، شۇ ۋاقىتتا  كىچىككىنە قىزىمدىن قان ئېلىپ ھەر خىل تەكشۈرۈشلەرنى قىلغان  ،ئەمما باشقىچە نورمالسىزلىق كۆرۈلمىگەن ئىدى . قىرقىم توشۇپ ئۆز ئۆيۈمگە قايتىپ كەلگەندىن بۇيان ،ئادىل ئانا -بالا ئىككىمىزگە قىلچىمۇ يېقىنچىلىق قىلىپ باقمىغان بولغاچقا پەقەت ئادىلنىڭ  مېنىڭ تۇغۇت مەزگىلىمدىكى ئاشۇ بىر نەچچە ئايدىلا بۇ نىجىس كېسەلنى يۇقتۇرۋالغىنى ئېنىق ئىدى . - ماھىرە - دېدى ئادىل تۈۋەن سېلىنىپ كەتكەن باشلىرىنى كۆتۈرۈپ تۇرۇپ ؛ -بۈگۈن سىزگە ھەممىنى دېگەنكەنمەن ، بۇ كېسەلنى قانداق يۇقتۇرۋالغىنىمنىمۇ دىيىشىم كېرەك ، سىز بايا ئۇنىڭ بىلەن ھېساپلاشمايمەن دىدىڭىز ، لېكىن مەن بۇنى سىزگە دىمىسەم ، ۋىجدانىم يول قويمايدۇ . - شۇنداق ئادىل ، ماھىرەگە دەڭ ، ئۇنىڭ كوڭلىدە بىر قانداق تۈگۈن بۇلۇپ قالمىسۇن . ئادىل بىلەن گۈلزارنىڭ  قەتئى تەلەپپۇزدا دېگەن بۇ سۆزلىرىدىن  ئاڭلاپ باقايچۇ دېگەن نىيەتكە  كەلدىم . - ئەمىسە دېسىڭىز دەڭ ، لېكىن  مەيلى سىز قانداق ئەھۋالدا يۇقۇملانغان بۇلۇڭ ، مەن ئۇ ئىش بىلەن ھېساپلاشمايمەن ، ئازمايدىغان ئادەم يوق ئادىل ، ئەمما سىزنىڭ قانداق ئادەملىكىڭىز ماڭا ئايان .   - ماھىرە ھېكايەمنى باشلاشتىن بۇرۇن يەنىلا سىزدىن كەچۈرىم سورايمەن ، ئىلگىرى سىزگە ئەزەلدىن يالغان سۆزلەپ، سىزنى ئالداپ باقمىغان ئىدىم . مۇشۇ ئىشقا كەلگەندە قايمۇققىنىمدىن ھەتتا ئۆزەمگىمۇ ئىشىنەلمەي قالغاچقا سىزنى كۆپ ئازاپلىدىم . سىزنىڭ ئىلگىرى سورىغان  ‹سۆيگۈنىنى يىغلىتىپ يۈرگەن ئادەم چاكىنا بۇلامدۇ ياكى بىراۋنىڭ مۇھەببىتىنى قەدىرلەپ ،ئۇنى خوشال قىلغان ، ئۇنىڭغا يېڭى ھاياتلىق ئاتا قىلغان ئادەم چاكىنا بۇلامدۇ ؟ ›دېگەن سۇئالىڭىز ھەر دائىم كاللامغا كېلىۋېلىپ ، مېنى بەكلا ئازاپلىدى . ئەمما ئازاپلىرىمنى سىزدىن يۇشۇرۇش ئۈچۈن  ئانا -بالا ئىككىڭلارغا تەلۋىلەرچە مۇئامىلە قىلدىم . كۆز ئالدىمدا ھامان پەيدا بۇلىدىغان رىياللىققا بەرداشلىق بېرىش ئۈچۈن ئۆز -ئۆزەمنى غەيرەتلىك قىلىپ تەربىلىدىم . ئەمما بۇ ‹غەيرەت › ئۈچۈن مۇشۇ گۈلدەك ئائىلەمدىن ۋاز كېچىشىم كېرەكلىگىنى ئويلۇغۇنىمدا ئۆزەمگە تولىمۇ نەپرەتلەندىم . - بولدى ئادىل ، بۇلارنى دەپ ئۆزىڭىزنى ئازاپلىماڭ ، مەن سىزنىڭ نىمە ئۈچۈن مۇشۇنداق بۇلۇپ قالغانلىقىڭىزنى دوختۇرخانىدىن چىقىپ كەتكەندىن كېيىنلا ھېس قىلىپ بولغان ئىدىم . چىرايىڭىزدىكى مىسكىنلىكنى كۆز ئالدىمغا كەلتۈرسەملا ، كاللامدا ئىككى خىل زىدىيەت كۈرەش قىلاتتى . خىياللىرىم غەمكىنلىشىپ ، مۇسىبەتلىك تۇيغۇلار بىر -بىرىگە گىرەلىشىپ كېتەتتى . ئىچىم ئېچىشىپ ، گاڭگىراپ ، تېڭىرقاپ ، بىرە ئېغىر تىرادىگىيىلىك قىسمەتنىڭ يۈز بېرىشىدىن تولىمۇ ئەندىشە قىلغان ئىدىم . لېكىن يەنىلا ئۆز نىيىتىمدىن يانمىدىم ، سىز مەيلى قانداق قارار چىقىرىشىڭىزدىن قەتئى نەزەر ، بۇ ئائىلىنى ئىككىمىز ياق ئۈچىمىز بەخت بۆشىكىگە ئايلاندۇرىمىز . -كەچۈرۈڭ ماھىرە ... ئادىل ئەمدى ھوڭرەپ يىغلىۋەتتى ، ئۇنىڭ ئاشۇ يىغىسىدىن  مۇشۇ كۈنلەردە تارتقان دەرت -ئەلەملىرىنىڭ قانچىلىك ئېغىرلىقىنى ھېس قىلىۋالغىلى بۇلاتتى ، ئادىلنىڭ يىغىسىدىن مېنىڭمۇ  تاشالماي قېلىۋاتقان  چۆگۈنىم بىراقلا تېشىپ ، ئۆزەمنى ئادىلنىڭ قۇچىغىغا ئاتتىم . بىر چاغدا گۈلزارنىڭ نەملەنگەن كۆزلىرىنىڭ بىزگە قاراپ تۇرغىنىنى كۆرۈپ ؛ -كەچۈرۈڭ  گـــــۈلزار ،-دېگىنىمچە ئۆزەمنى ئوڭشاپ ؛ - گەرچە مۇشۇ كۈنلەردە ئۆزەمنى ئازاپلاندىم دېسەممۇ ، ئەمما مېنىڭ ئازاپلىرىم ئادىلنىڭ ئازابى ئالدىدا ھېچنىمە ئەمەسكەن ، ئادىل مۇشۇنداق رىياللىققا دۇچ كەلسە ، مەن ئۇنىڭغا كۈيۈنىپ ، ئۇنىڭغا تەسەللى بەرمەكتە يوق ، شۇنچە ۋاقىت سۈكۈت قىلىپلا ئولتۇرۇپتىمەن .مەن نېمە دېگەن ئەخمەق ! - بۇنداق دېمەڭ ماھىرە ، ئادىل ئۇ سىلەرنى چىن دىلىدىن سۆيىدۇ . ئۇنىڭ قەلبى ئۆزگەرمىگەن .پەقەت كېلىشمەسلىكتىن بۇ كېسەلنى يۇقتۇرۋالدىم دەيدۇ . ئەمما بۇنىڭغا تېخى ئىسپات تۇلۇق ئەمەس . ئادىل بەك كۆپ ئويلاپ كېتىپتۇ . خۇدايىم ئۇنداقمۇ بولماس دەيمەن . - نېمە دەيسىز گۈلزار ؟ دىگەنلىرىڭىز راستما ؟ ئادىل دەڭە زادى نېمە ئىش بولغان ؟ ئادىل ئېغىر بىر ئۇھ تارتىۋاتقاندىن كېيىن ؛ - سىز بوشىندىغانغا ئازلا قالغان مەزگىلدە  ئىدارىدىن يېزىغا خىزمەت تەكشۈرگىلى چۈشتۇق .بۇنىڭدىن خەۋىرىڭىز بار شۇنداققۇ ؟ - ھەئە ، يېزىلىق ھوكۈمەتنىڭ مالىيەسىنى تەكشۈرمىز دەپ ماڭغانتىڭىز - شۇنداق ، ئۇ يەردىكى بەش كۈنلۈك خىزمەت تەكشۈرۈش ئىشلىرى خېلى ئۇڭۇشلۇق بولدى دەپ قايتىپ كەلدۇق . ئەمىليەتتە خىزمەت تەكشۈرمىز دەپ بېرىپ يەپ ئىچىپ ، ئۇيۇن -تاماشا بىلەن قايتىپ كەلدۇق دېسەكمۇ بۇلىدۇ . كۈندۈزى ئانچە -مۇنچە ھېساۋات دەپتەرلىرىنى ۋاراقداپ قۇيۇپ ، ئاخشىمى بولسىلا ، ئېسىل تائام ،كاتتا زىياپەت . مېنىڭ تۇنجى قېتىم خىزمەت تەكشۈرۈش ئۈچۈن تۆۋەنگە چۈشكىنىم بولغانلىقتىن بۇ ئىشلارغا قاراپ ھەيران قالدىم . جاھاندىكى ئىشلار ئادەمنى ئويلاندۇرۇپ ، سەسكەندۈرسىمۇ ،ئەمما يەنىلا شۇ ئۆز ‹يولى› بويىچە مېڭىپ كېتىۋېرىدىكەن . تەكشۈرەشنىڭ تۆتىنچى كۈنى كەچتە ،يەنە زىياپەت دەپ مېڭىشتۇق . راستىمنى دېسەم بۇنداق سورۇندىن زېرىككەن ئىدىم ، ھەددىدىن ھىساپسىز تەكەللۇپ ، توختۇماستىن ئايلىنىۋاتقان رومكىلاردىن ھەقىقەتەن بىزار بولغان ئىدىم . ئەمما يېزىلىق ھوكۈمەتنىڭ باشلىقى ئۇنىمايلا تۇرىۋالدى .ئىدارىدىكىلەرمۇ ئۇنىڭغا بۇلىشۇپ ،مېنى زولاپ تارتۇشتۇرۇپ ئېلىپ ماڭدى . ماشىنا خېلى يول يۈرگەندىن كېيىن ، چەت بىر ئورمانلىقنىڭ ئىچىگە جايلاشقان كىگىز ئۆينىڭ ئالدىغا كىلىپ توختىدى . بۇ يەردىكىلەر ئۇ  يەرنى ھەيران باغ ئارامگاھى دەپ ئاتىشىدىكەن . ھەممىمىز ماشىندىن چۈشۈپ بىرە قۇر ئەتراپنى ئايلىنىپ چىققانمۇ بولدۇق ، دېمىسىمۇ بۇ باغدا ئالما ، نەشپۇت ،ئۈزۈم ،ئىشقىلىپ ھەر خىل مىۋە دەرەخلىرى باراقسان ئاينىپ كەتكەن بۇلۇپ ساپ ھاۋاسى بىلەن ئېرىقتا ئېقىۋاتقان سۈپ-سۈزۈك سۇلىرى كىشىگە بىر خىل ھوزور ئاتا قىلاتتى . يېزا باشلىقى بولسا ئاغزى -ئاغزىغا تەگمەي ،بۇ يەردىكى مېۋىلەرنى ،تائاملىرىنى ماختايتتى . بىر چاغدا تاماق تەييار بولغانلىق خەۋىرى بىلەن ئوينىڭ ئىچىگە كىردۇق ، ئۆينىڭ ئىچىمۇ پاكىز سەرەمجانلاشتۇرۇلغان بۇلۇپ ، خۇددى شەھەردىكى ئېسىل رېستۇرانلاردەك بېزەلگەن ئىدى . تاماقلار تارتىلۋاتاتتى ، ئىشىكتىن دوتار ،تەمبۇر داپلىرىنى كۆتۈرۈشۈپ بىر قانچە ئادەم كىرىشتى ، يېزا باشلىقى ئۇلارنى بىزنى دەپ ئالاھىدە چاقىرغانلىقىنى ، يېزىنىڭ داڭلىق ناخشا مۇقامچىلىرى ئىكەنلىگىنى ئېيتتى . بۇ گەپنى ئاڭلاپ كوڭلۇم يايراپ كەتتى . چۈنكى مېنىڭ  مۇقامغا ھېرىسمەن ئىكەنلىگىمنى بىلىسىز . شۇنىڭ بىلەن تاماقمۇ نەغمە- ناۋا ،ئىشتەي مۇزىكىلىرى ئىچىدە يىيىلدى ، رومكىلارمۇ ئايلىنىپ ، كەيپىياتلار كۆتۈرلۈپ ، كۈلكە -چاقچاق باشلانغا چاغدا ،ئىشىكتىن ئۈچ نەپەر قىز كىرىپ كەلدى ، ئۇ قىزلارنىڭ تۇرقىغا قارىسىڭىز ،كىچىكلا قىزلار ئىدى ، ياسىنىشلىرى شۇنداق ئاددى بۇلۇپ ،مۇنۇ شەھەردىكى قىزلارغا ئوخشۇمايتتى . ھاراقنىڭ كۈچىدىن ئاغزى گەپكىمۇ كەلمەي قالغان يېزا باشلىقى قىزلارنى كۆرسۈتۈپ تۇرۇپ ؛ - مانا بۇ قىزلار بىزنىڭ يېزىلىق ھۆكۈمەتنىڭ گۈللىرى . بەك ئوڭلۇق قىزلار بۇ ، بۈگۈن ھەرقايسىڭلارنى زېرىكىپ قالمىسۇن دەپ چاقىرتىپ كەلدۇق ،-دېدى ھىجاراپ تۇرۇپ . جوزىدىكىلەرنىڭ كۆزى ئۇ قىزلاردا ئىدى ، ئۇ قىزلار خۇددى بىر توپ بۆرە توپىنىڭ ئىچىگە كىرىپ قالغان قويلاردەك ،  كۆزلىرىدىن قورقۇش ،ھودۇقۇش چىقىپ تۇراتتى . بۇنى ئاللىبۇرۇن ھېس قىلىپ بولغان سامان قوساق يېزا باشلىقى ، ئۆپكىدەك قىزىرىپ كەتكەن يۈزلىرىنى تارتىشتۇرۇپ ، قوشۇمىسىنى  بىشەم چوكاندەك پۈرۈشتۈرۈپ ؛ - ۋاي نېمىگە ھاڭۋېقىپ تۇرىسىلەر ، قېنى ئۆزەڭلارنى بىلىپلا ھـــــــــە ..ھىم ،-دېيىشىگە قىزلار جوزىغا كېلىپ ئولتۇرۇشتى . چېكىدىن ئاشقان شاڭخو ، كۈلكە -چاخچاقلار ئەۋجىگە چىقىپ ، بىچارە قىزلارغىمۇ ھاراق تەڭلەندى ، ئۇلار ئىچمەيمىز دەپ ھەددى ئەمەستەك قىلاتتى . باشلىقنىڭ بىر ھۆرپىيىشى بىلەن رومكىلاردىكى ھاراق قۇرۇقداندى . بۇ ئىشلارغا قاراپ ، توۋا دەپ ياقامنى چىشلىدىم . چۈنكى ئۆزىڭىز بىلىسىز ،مەن ھاراققا ئۆزەمنى ئۇرۇپ كەتمەيمەن ، ھەم مۇشۇنداق رەڭلىك سورۇن ، قۇشقاچلار دەپ باشقىلارنىڭ ئۆز ھەدە -سېڭىللىرىنى ھاقارات قىلىشلىرىغا ، ئۇلارنى دەپسەندە قىلىشلىرىغا ئەزەلدىن قارشى . نەچچە كۈندىن بۇيانقى تەكشۈرۈش جەريانىدا ئېدىيەمگە نۇرغۇن ئىشلار تاقاشقان بولسىمۇ ، ئەمما ئۇلارنى ئۆزگەرتىشكە يالغۇزلۇق قىلىدىغانلىقىمنى ھېس قىلىپ ، ئىچىم شۇنداق ئېچىشىپ كەتكەن ئىدى . شۇنداقتىمۇ باشلىق بىلەن نەچچە قېتىم بۇ توغرۇلۇق گەپمۇ تالىشىپ قالدىم . باشلىق ئاچچىقىدىن يېرىلغۇدەك بۇلۇپ ‹ھەممە ئىشتا بەك پىرىنسىپتا چىڭ تۇرۇۋالساق بولمايدۇ ، باشقىلارغىمۇ ياشاش يولى قۇيۇپ قۇيايلى ، بەزىدە ئادەم سۇنىڭ ئېقىشىغا ، تۈكنىڭ يېتىشىغا قاراپ ئىش تۇتقانمۇ يامان ئەمەس › دەپ تۇرىۋالدى .ئىلگىرى شۇنچە ھۆرمەتلەيدىغان باشلىققا شۇ كۈندىن باشلاپ باشقىچە قارايدىغان بۇلۇپ قالدىم  .‹يىگەننىڭ قۇسمىقى بار› دەپ ،كۈندىلىك زىياپەتلارنىڭ كۈچىدىن كۆرۈلگەن مەسىللەرمۇ يوق مەسىلىگە ئايلىنىپ كەلدى .مانا بۈگۈن مۇنۇ يېزا باشلىقىنىڭ قىلىقلىرىغا قاراپ ، ‹مەنمۇ باشلىق بۇلۇپ قالسام شۇنداق قىلارمەنمۇ ؟ توۋا دەي جۇمۇ ، يەنىلا يۇقۇرغا ياماشماي ئۆز خىزمىتىمنى ياخشى ئىشلىگىنىم ياخشىكەن . ھەممە ئىشنى مۇھىتنىڭ ئېھتىياجى دەپ تۇرۇپ ، مۇشۇنداق بىر تەرەپ قىلغىلى تۇرساق ، جەمىيەتتىكى داشقاللار كۆپىيىپ ، يەر شارى كۆتۈرەلمەي قالماسمۇ ؟!   › دەپ ئويلاشقىمۇ ئۈلگۈرگەن ئىدىم .قۇلۇقىم تۆۋىدە كىچىك چولپان ئەرفاننىڭ ‹يەر شارى ئانام› دېگەن ناخشىسى ئاڭلانغاندەك بولدى . رومكىلار يەنىلا بىر ئىسكەتتە ئىزا تارتىدىغاندەك ئەمەس قولدىن -قولغا ئۆتۈپ ئايلىنىۋاتاتتى ، مەنمۇ چاندۇرماستىن كاللامنى  ئىشلىتىپ ،رومكىلارنى ساقىنىڭ قۇلىغا تۇتقۇزاتتىم ، ئەگەر ئۇلار بىلەن تەڭ بىر مۇ -بىر ئىچكەن بولسام ،ئاللىقاچان مەس بۇلۇپ بۇلاتتىم . يېزا كادىرلىرى ھاراقنى پىيالىدە قۇيۇپ چۆكىدا سېرىۋېتىپ ئىچىدۇ دېسە ئىشەنمىگەن ئىكەنمەن . ئۆز كۆزۈم بىلەن كۆرۈپ ئاندىن ئىشەندىم ، ھاراقكەش ، زابوي ، تۇڭ دېگەن ناملار مۇشۇنداق ئادەملەردىن چىققانمۇ ئەتىمالىم ، ئۇلار ئىچكەن ھاراق خۇددى قۇمغا سىڭگەن سۇدەكلا سېڭىپ كېتەتتى .   بويۇنلىرى خۇددى چوشقىدەك سەمىرىپ تىقىلىپ  كەتكەن يېزىلىق ھۆكۈمەت باشلىقى ھە دەپ قىزلارغا ھاراق زورلايتتى ،  ھە دەپ بىزلەرنى تاڭسىغا ، ئۇسۇلغا تەكلىپ قېلىشقا ئۈندەيتتى ، ئۇنىڭ سېمىزلىكتە يۇمۇلۇپ قالايلا دېگەن گازىر كۆزلىرىدىن شەھۋانىلىقى چىقىپ تۇراتتى.قىزلارغا قاراپ كۆزلىرىنى قىسىپ  قۇياتتى .  بىچارە قىزلار پۈتۈنلەي  ئۇنىڭ ھوقۇق دائىرسى ئىچىدە ئىدى .‹ توۋا ئۇلار خىزمەتتىغۇ ئۇنىڭ ھوقوق دائىرسى ئىچىدە بولسا ، مۇشۇنداق يەردىمۇ ئۇلارنىڭ ئەركىن پىكىر قىلىش ھوقوقى يوقمىدۇ ›دەپ ئۇيلاپ ئولتۇرۇشىمغا  بىر قىز كېلىپ مېنى تاڭسىغا تەكلىپ قىلدى . تۇرماي دېسەم ، ئالدىمدىكى بۇ قىزغا ھۆرمەتسىزلىك بولمىسۇن دىدىم ، تۇراي دېسەم كۆڭلۈم بىر قىسما بۇلۇپ تۇرغاند ا ، تاڭسىغا رايىم يوق ئىدى ، ئىككىلنىپ تۇرغىنىمنى كۆرگەن بىزنىڭ باشلىق ؛ - سېنى ئوغۇل بالا دەپ يۈرگەن ئىدىم ، قارىغاندا سەنمۇ خوتۇنىڭدىن قورقىدىغان سايىماخۇن ئوخشۇمامسەن ئادىل ،-دېيىشىگە قىقاس -چوقان كۆتۈرلۈپ شاڭخو باشلىنىپ كەتتى . سازاندىلەرمۇ ھاردى بولغاي ، دوتتار ،تامبۇرلىرىنى يانلىرىغا قۇيۇپ ، جوزىدىكىلەرنىڭ كۈلكە -چاخچاقلىرىنى ئاڭلاپ ئولتىراتتى ، ئۇلارنى جوزىغا تەكلىپ قىلىپ ئولتۇرۇشنى ئېيتقان ئىدىم ، سامان قوساق باشلىق ئۇلارغا  شۇنداق بىر قارىغان ئىدى ، بىلمىدىم قانداق سېھىر ئىشلەتتىكىن ، جوزىغا كېلىشكە قەتئى ئۇنىماي ، چىرايلىق سۆزلەر بىلەن رەت قىلىپ تۇرۇۋالدى .   ياڭراتقۇدىن يېنىك ۋالىس مۇزىكىسى چىقىۋاتاتتى ، ھېلىقى قىز تېخىچىلا ئالدىمدا تۇراتتى ، شۇڭا ئۇڭايسىزلانغان ھالدا ئورنىمدىن تۇردۇم . مۇزىكىنىڭ رېتىمىغا پۇتلىرىم قىلچىمۇ ماسلاشمىغان ھالدا بىر قول تاڭسىنى ئويناپ تۈگەتتىم . پىشانەمدىنمۇ تەر چىقىپ كەتكەن ئىدى . ھېلىقى قىز مىيىقىدا كۈلۈپ قۇيۇپ ئولتۇرىشىغا ، ئارىمىزدىكى بىرەيلەن ؛ - بەز يېمەيدىغان مۈشۈك نەدە بار ئاغىنىلەر ، قىزلارنىڭ ئالدىدا شۈمشۈيۈپ ئولتۇرغان ئوغال بالىنى كۆرۈپ باقمىغان مەن . ئادىل تاڭسىغا خېلى ئېپىڭ باركەن ئاغىنە ، يەنە كېلىپ تومۇچۇقۇڭنىڭمۇ پەيزى باركەن ئەمەسمۇ !-دەپ بايامقى قىزنى ئىشارە قىلدى  . بۇ سۆزدىن تەنلىرىم شۈركۈنىپ كەتسىمۇ چاندۇرماي كۈلۈپ قۇيۇپ ئولتاردىم . ئەمما بۇ قىزلارنىڭ  شەھەردىكى قىزلارغا ئوخشۇمايدىغان يېرى شۇكى ، كەمسۆز ، تارتىنچاق ئىدى ، پەقەت باشلىقنىڭ كۆرسەتمىسى بويىچە نېمە قىل دېسە شۇنى قىلىۋاتاتتى . تۇرۇپلا ئۇلارغا ئىچىم ئاغرىپ قالدى ،‹ ناۋادا باشلىق ئۇلارنى نۇمۇسسىز ئىشلارنى قىلىشقا بويرىسىمۇ قىلامدىغاندۇ ؟ ھېچ باشلىقنىڭ گېپىنى يارمايدىكىنە ، ياكى باشلىق بۇ يەرگە كەلگىچە ئۇلارنىڭ قۇلۇقىنى بۇراپ ئەپكەلگەنمىدۇ›  دەپ ئويلاپ سامان قوساق باشلىققا سۇئال نەزىرىمدە قاراپ قويدۇم .

bulak83

	داۋامنى قاچان يوللاسېز، داۋامىغا تەشنامەن .

〓重新开始〓

	ۋاي   قېنې   ئاخېرې

白雪~公主

	تېزرەك يوللىسىڭىز بوپتىكەن ، كومپىيوتىرنىڭ  ئالدىغا كەلسەملا ئەسىرىڭىزنىڭ داۋامىغا بەك تەلمۈرۈپ ئولتۇرۇپ قالىدىغان بوپ قالدىم ....