كېچىكىپ كەشپ قىلىنغان نام-‹‹ئۈندىدار››

Khalifa

	anatil2 يوللىغان ۋاقتى  2012-9-6 06:23 PM ما ئاداشنىڭ گىپىنى قارا،،،ھەممىمىز ئۈندىدار بىر چىرا ... ھە ماقۇل ئاكا....گەپلىرى بەك ئورۇنلۇق...كەم ئۇچرايدىغان سۆزنى كۆرۈپتىمەن...

YAZR

	ئەتىراپتىكىلەرنى ئىزدەش  دىگەن  ئىقتىدارىنى  ئىتىۋىتىپ  ئىشلەتسەڭلە  كۆپ باش ئاغرىقىدىن قۇتۇلۇپ قالىسىلە ....

tax1

	بۇ ھەقتە «تەڭرىتاغ مۇنبىرى»دە مۇنازىرە بولۇۋاتىدۇ. مەن شۇ مۇنازىرىنىڭ قىزغىن ئىشتىراكچىلىرىنىڭ بىرى بولۇش سۈپىتىم بىلەن «ئۈندىدار» دېگەن ئىسىمنى «تېلېفۇن»غا «قول تېلېفۇن»غا ئومۇملاشتۇرۇش پىكرىنى بەرگەن. چۈنكى «ئۈندىدار»دېگەن ئىسىم « ۋېي شىن»دېگەننى تولۇق ئەكس ئەتتۈرۈپ بېرەلمەيدۇ. بەزىلەرگە ھەيرانمەن، «ۋېي بو»نى «مىكرو بىلوگ» دېسە، چىرايلىق قوبۇل قىلىپ، «ۋېي شىن»نى «مىكرو خەت»(ئۈرۈمچى كەچلىك گېزىتى)دېسە، «غەربنىڭ تىلى» دەپ ئەيىبلەپ كېتىدىكەن. باشقا مىللەتتىن كىرگەن سۆزلەرنىڭ ھەممىنى كۆزنى يۇمۇپلا ئىنكار قىلىشقا بولمايدۇ. ئەگەر ساپ تۇرك تىلى(ئۇيغۇرتىلى)دا گەپلىشىشنى ئويلايدىغانلار بىزنىڭ ئەدەبىي تىلىمىزدىكى پارس، ئەرەب تىلىدىن كىرگەن سۆزلەرنى چىقىرىۋېتىپ، گەپلىشىپ باقسۇن قانچىلىك گەپ قىلالايدىكىن؟

AYGUZAL007

	ھازىر  ئۈندىدار    دەپ  ئومۇملىشىپ   كەتتىغۇ  بۇ

AYGUZAL007

	داڭلىق دەللال بۇ مېنىڭ نەزىرىمدە .   قالغىنى بىر نۇپۇزلۇق ئورۇن چىقىپ مۇنداق دەيلى سۇنىڭ ئېقىشىغا قاراپ  ئىش  تۇتىمەن  دەڭە...

narkos

	«ئۈندىدار » شۇنداق چىرايلىق ئېسىمغۇ، تىل كەلمىگۈدەك سۆز ئەمەسكەن، ماڭا شۇنداق چىرايلىق ئايلاندى، گەرچە بۇنىڭدا يۈزمۇ-يۈز دىدارلارشقىلى بولمىسىمۇ ئەمما سىن ئارقىلىق، ئاۋاز ئارقىلىق بىر- بىرىنىڭ دىدارىنى كۆرەلەيدۇ، ئاۋازىنى ئاڭلىيالايدۇ ئەمەسمۇ؟ سۆز ياساشقا كەلگەندە ئۇيغۇرتىلىغا يېتىدىغان تىل يوق... بىر ئوبدان چىرايلىق بىر سۆزنى «مىكرو خەت ' دەپ ئىككى سۆزگە بۆلىۋەتكىچە مۇشۇنى ئىشلىتىۋەرگىنىمىز تۈزۈك. بۇ مېنىڭ ئۆز كۆز قارىشىم. مەنچە، لايىق قويۇلغان ئىسىم بۇ .

qog

	مۇشۇ تىڭشۇن شىركىتى ھازىر مەدىنى دەللاللىق كەسىپلەرنى كۆپلەپ يولغا قويۇۋاتىدۇ،بۇنداق دەللاللارنىڭ قولىدىن ھەر بالا كىلىدۇ جۇمۇ

bayhenim

	نىمە ئۇ مەن ئەمدى ئاڭلاپتىمەن بۇ نەرسىنى ئۇنى قانداق ئىشلىتىدۇ دەپ بىرەمسىلەر

poyuz

	ۋېي بو   ___   مىكرو بىلوگ ۋېي شىن ___ مىكرو ئۇچۇر ئۈندىدار دىگەن سۆزنى خەنزۇچىغا ئۆرۈڭ دەپ قالسا، ئەگەر 微息 دىگەن سۆزنى ئاڭلاپ كۆرمىگەنلەر بوپ قالسا ئۈندىدارنى  ھەرگىز 微息 دەپ ئۆرەلمەيدۇ ، باشقا مەنىگە كېتىپ قالىدۇ. 信息  دىكى 信  نى ھەممەيلەن ئۇچۇر دەپ ئىشلىتىپ ئومۇملىشىپ كەتتى، شۇڭا ئۇنى مەكتۇپ ياكى خەت دەپ ئالماي ئۇچۇر دەپ ئالغىنىمىز ياخشىراقتى، چۈنكى مەكتۇپ ۋە خەتلەرنىڭ قولدا قەغەزگە يېزىلىدىغىنىنى ھەممەيلەن بىلىدۇ. توردا بولسا ئاساسەن ئۇچۇر شەكلى قوللىنىلىدۇ. 微 نى مىكرو دەپ قوبۇل قىلىپ ئومۇملاشتۇرۇپ بولغان تۇرۇقلۇق،  微息 غا كەلگەندە، ئۇنى ئۈندىدارغا ئۆزگەرتىۋەتسەك سەل مۇۋاپىق بولمايدىغاندەك تۇرىدۇ، مەيلى قانداق ئىقتىدارلىرى قوشۇلىشىدىن قەتئى نەزەر ، تەرجىمە قائىدىلىرىگە دىققەت قىلىپ، 微息  نى يەنىلا  مىكرو ئۇچۇر دەپ ئالساق ئەڭ مۇۋاپىقمىكىن دەپ قارايمەن.

minglak0999

	مىكرو مەكتۇپ دېگەن ئۇدۇل تەرجىمە بولۇپ ئۇ ھەرگىز يېڭى سۆز بولالمايدۇ .مىكرو ۋە مەكتەپ دېگەن ئىككى سۆزنى بىرىكتۈرۈشتىن بىرىككەن سۆز ھاسىل بولىدۇ ،بۇ ئۇزۇن ھەم بوغۇم سانى ۋېي شىن دېگەن خەنچە ئاتالغۇدىن ئۇزۇن بولۇپ قالىدۇ ،نەتىجىدە كىشىلەر يەنىلا ۋېي شىن دەپ خەنچىسىنى سۆزلەيدۇ .چۈنكى ئادەملەرنىڭ خاراكتېرى ھامان  قىسقىنى تاللايدۇ .    ئۈندىدار دېگەن ئاتالغۇ مىكرو مەكتەپ دېگەن بىرىككەن سۆزگە قارىغاندا قىسقا ھەم بىر سۆزدىن تەركىپ تاپقان ،ئوبرازلىق ئاتالغۇ ئىكەن دەپ قارىدىم .