مۇئەللىم نىمە ئىش قىلىۋاتىسىز !!!؟

jawzaa

	ھازىر خەقنى بىرنىمە دىمەك تەس بوپ كىتپتۇ

wahxi

	مەنمۇ بىر ئوقۇتقۇچى. ھەقىقى ئوقۇتقۇچىدەك ياشىماقچى بولغانلار ھازىر بىرقىسىم ساپاسىز، پۇل، ھوقۇق،  مۇناسىۋەت، تۈرلۈك سورۇن-ئولتۇرۇش، قۇرۇق نام-ئابروي...لارغا بېشىچىلاپ كىرىپ كەتكەنلەرنىڭ چەتكە قېقىشىغا، مەسخرىسىگە، يەكلىشىگە ئۇچرىماقتا. ھازىر ‹‹ئوقۇتقۇچى››دەك ئوقۇتقۇچىدىن بىر مەكتەپتە نەچچىسى چىقار؟     كەسىپكە ناھايىتى قىزغىن، بىلىملىك، ئوقۇتۇش ماھارىتى، كەسپىي تەجرىبىسى ياخشى ئوقۇتقۇچىلارنى مەكتەپتىكى ئاز ساندىكىلەر ھۆرمىتىنى قىلسىمۇ، ھازىر كۆپىنچىسى‹‹ مەن كۆتۈمنى ياراتماي باسۇرۇپ ئولتۇرىمەن، كۆتۈم مىنى ياراتماي ئوسۇرۇپ ئولتۇرىدۇ›› دىگەندەك، ئۆزىدىن قابىلىيەتلىك، ئىستېداتلىق كەسىپ ئىگىلىرىنى كۆزگە ئىلىپ كەتمەيدۇ. مائارىپ ساھەسىدە ھازىر جانباقتىلار ناھايىتى كۆپ. خىزمەتتىن سىرىتقى ۋاقتىنى دىمەيلا قويايلى، خىزمەت ۋاقتىدا ئىشخانىدا بىكار بولۇپ قالسىلا قۇرۇق گەپ ساتىدىغانلار %90ىتىن ئارتۇق ساننى ئىگىلەيدۇ.ھەتتا خىزمەتكە چىققىلى ئون-يىگىرمە يىل بولۇپ قالغان بەزى ئوقۇتقۇچىلارنىڭ بىلىم سەۋىيىسىدىن باشلانغۇچ مەكتەپنى ئەلا نەتىجىدە ئوقۇغان 6-يىللىقنىڭ ئوقوغۇچىسىنىڭ بىلىم-سەۋىيىسى ئېشىپ كېتىدۇ.      مىسال ئالساق، ئالدىنقى مەۋسۈمدە باشلانغۇچ مەكتەپنىڭ مەلۇم يىللىقىغا دەرس بېرىدىغان ئوقۇتقۇچى ئۆزى ئۆتىدىغان دەرسلىك كىتابتىكى(ئانا تىل دەرسى بولۇشى مۇمكىن) مۇۋەپپەقىيەت قازانغۇچىلار ھەققىدىكى دەرس ئوخشايدۇ. دەرسنىڭ ئاخىرىدىكى مەشىقتە، ئەڭ ئۈستىدە: تۆۋەندىكى مەشھۇر شەخسلەرنى تونۇمسىز؟ دىگەن سوئال باركەن. ئېينىشتېيىن، نيوتۇن، ئەلىشىر نەۋائىي، يۈسۈپخاس ھاجىپ، ئېدىسون.....قاتارلىق 10غا يېقىن كىشىنىڭ باش رەسىمى بىرىلگەن ئىكەن. ئەمما ئوقۇتقۇچى يۈسۈپ خاس ھاجىپ بىلەن مەھمۇت قەشقىرىنىڭ رەسىمىنى ئىسمىنى ئالماشتۇرۇپ قويغان بولسىمۇ ھەرھالدا تونۇيدىكەن. نەچچە كۈننىڭ ئالدىدا رېستورانغا ئوينىغىلى بېرىپ، تامغا ئېسىقلىق تۇرغان مەھمۇت قەشقەرى بىلەن يۈسۈپ خاس ھاجىپنىڭ رەسىمىنى كۆرگەن ئىكەن، شۇ يەردە بىلىۋاپتىكەن. ئەمما ئېينىشتېيىن، نيوتۇن...لاردەك ئىنتايىن تونۇشلۇق بولغان ئالىملارنىڭ رەسىمىنى نەچچە يىل مائارىپ تەربىيىسى ئېلىپ، خىزمەتكە چىقىپ ئون نەچچە يىل ئوقۇتقۇچى بولغان ئادەم قىلچە تونىمايدىكەن. ئىنتايىن ھەيران قالدىم. قىسقىسى، ئۇيغۇر مائارىپ ساھەسىدە(ئاساس مائارىپ ساھەسىدە) ئەسلىدە نوچى ئوقۇتقۇچىلار ئاز ئەمەس، كەسپىي ئىقتىدارى تۆۋەن، تىرىشمايدىغانلار ئاز ساندا دىگۈدەك ھالەت بىزدە شەكىللەنسە ياخشى بولاتتى. ئەمما ھازىرقى رېئاللىققا قارىساق، تىرىشىپ ئىشلەيدىغانلار، داۋاملىق ئالغا ئىنتىلىدىغان، كەسپىي بىلىمىنى يېڭىلاپ تۇرىدىغان، نەزەر دائىرىسىنى كېڭەيتىپ تۇرۇشقا ھەركۈنى ئازراق بولسىمۇ ۋاقت چىقىرىدىغان ئوقۇتقۇچىلار ئازلاپ كەتتى. ھازىر ئىمتىھان بىرىپ، بىزنىڭ مەكتەپكەيېڭىدىن خىزمەتكە چىققان ياش ئوقۇتقۇچىلارنىڭمۇ ھەممىسى(ئەرلەرنىلا كۆزدە تۇتتۇم) دىگۈدەك ئولتۇرۇش-سورۇنلارغا ئىنتايىن ئامراق، خىزمەتكە چىققاندىن كىيىن بىرەرسىنىڭ كەسىپ ئۈستىدە ئىزدىنىپ تىرىشقانلىقىنى كۆرمىدىم. زامانىۋى ئالىي مائارىپ تەربىيىسى ئالغان ياشلار ئەسلىدە خىزمەتتە  جۇشقۇن، جەڭگىۋار، ئاكتىپ ھەم مەسئۇلىيەتچان، ئالىي مەكتەپتىكى تىرىشىپ ئۆگىنىش روھىنى خىزمەتكە چىققاندىن كىيىنمۇ ئازتولا داۋاملاشتۇرۇپ تۇرىغان، يىللار ئۆتكەنسىرى كەسىپتە پىشقان، تەجرىبىلىك، پىكرى ئوچۇق، تەپەككۇرى ئۆتكۈر، نەزەر دائىرىسى كەڭ، ئۇنىۋېرسال بىلىمى كۆپ، كەسپىي بىلىم جەھەتتىن باشقىلارنى بېسىپ چۈشۈشكە تىرىشىدىغان رىقابەت ئېڭى كۈچلۈك ئىختىساسلىقلاردىن(مەكتەپنىڭ غوللۇق ئوقۇتقۇچىلىرىدىن) بولۇپ يىتىشىپ چىقسا ياخشى بولاتتى. ئەپسۇس، ئۇنداقلارنى ناھايىتى ئاز ئۇچراتتىم. يېڭى خىزمەتكە چۈشكەن قىزلارنىڭمۇ خۇددى چەتئەللىكتەك كىيىنىۋېلىشلىرى ئادەمنى بىئارام قىلىدۇ. مىنىڭچە بىر ئادەمنىڭ ئىدىيىۋى، پىسخىك ساپاسى بەك مۇھىمكەن. يۇقىرىقىدەك بارلىق قىلمىش-ئەتمىشلىرىمىزنىڭ ھەممىسىنى ئالدى بىلەن ئىدىيىمىز بەلگىلەيدۇ ئەمەسمۇ.       ئۆزەممۇ چاغلىق، جىق گەپ قىلىپ ۋاقتىڭلارنى ئالماي.

ap~qilam

	ئوقۇتقۇچىلار بايرىمىغا تەييارلىغان سوۋغىتىڭىز ئالامەتقۇ

AYGUZAL007

	ئوقۇتقىلى بولمايدىغان ئوقۇغۇچى يوق ،پەقەت ئوقۇتالمايدىغان ئوقۇتقۇچىلا بار جىڭ!!!!!!!

灰狼829

	يىتىپ كېلىش ئالدىدىكى ئوقۇتقۇچىلار بايرىمغا ھەقىقەتەن يېڭى بىر سوۋغا تەييارلاپسىز، تېمىڭىزغا كۆپتىن كۆپ رەھمەت،

subihan

	مەن بۇ تېمىنى ئوقۇپ كۆڭلۈم تولىمۇ يېرىم بولدى . چۈنكى مەنمۇ بىر ئوقۇتقۇچى ........   يۇقۇردا ئېغىزغا ئېلىنغان ئىشلار  ئوقۇتقۇچىلىق ساھەسىدە ھەقىقەتەن مەۋجۈت ، بىراق ئۇ پەقەت بارماق بىلەن سانىۋالغۇدەكلا  كىشىلەر . مەن بۇ سۆزنى ئېيتىش ئارقىلىق ئوقۇتقۇچىلارغا چاپان ياپماقچىمۇ ئەمەس ، بىراق شۇنى ئويلاپ قويۇڭلار ، ھەممىنى بىر تاياقتا ھەيدەش ئاقىللارنىڭ ئىشى ئەمەس . بەش بارمىقىمىز ئوخشىمىغاندەك ، كىشىلەر ۋە ئۇلارنىڭ بىلىشى ئوخشاش ئەمەس . مەن مۇنبەرداشلارنىڭ ئۆز ئوقۇتقۇچىلىرىمىزغا ھۆرمەت قىلىشىنى ، ئۆز ئوقۇتقۇچىلىرىمىزنىڭ قەدرىنى ئۆزىمىزنىڭلا قىلىدىغانلىقىمىزنى ئەسكەرتىپ قويماقچىمەن . « قول سۇنسا يەڭ ئىچىدە » شۇڭا ئەتراپىمىزدا شۇنداق ئوقۇتقۇچىلارنى كۆرگەندە ، شۇنىڭغا ئاستا پىچىرلاپ قويۇڭ ........ مەن ئىشىنىمەنكى ھەر بىر ئوقۇتقۇچى ئۆزىنىڭ كىم ئىكەنلىكىنى چوقۇم ھېس قىلالايدۇ ...

Erk~OghLi

	ما تېمىنى ساقلىۋېلىپ پۇرسەت چىققاندا يەنە ئوقۇغۇلۇق

Gvljahan

	تېمىنى ئىنچىكىلەپ ئوقۇپ چىقتىم ، مەن ئۇقۇتقۇچى بولمىغىنىم بىلەن ئۇقۇتقۇچى ئائىلىسىدە چوڭ بولغان ، مىنىڭ دادام 1965-يىلى 15يېشىدا ئوقۇتقۇچىلىق سېپىگە قاتناشقانچە تا 2008-يىلى كېسەل سەۋەبى بىلەن پىنسىيەگە چىققىچە  43يىل ئوقۇتقۇچىلىق بىلەن شۇغۇللانغان ، مەن تېخى تۇلۇقسىزدا ئۇقۇۋاتقان چاغلىرىمدىلا ئۇقۇتقۇچىلىرىم مىنى «بۇ قىزدا ئۇقۇتقۇچىنىڭ تۇغما تالانتى بار ، چوڭ بولسا قالتىس ئۇقۇتقۇچى بولىدۇ » دەيتتى ، چۈنكى مەن سىنىپنىڭ ئالدى ھەم مۇئەللىملىرىم ئاغرىپ تارتىپ قالغان ياكى ئىشى چىقىپ قالغان چاغلاردا«قۇشۇمچە مۇئەللىم»لىك قىلاتتىم  . ئالى مەكتەپتەئۇقۇۋاتقان چاغدىمۇ ئۆزەم ئاچقان ئىنگىلىز  تىلى كۇرسىدا  ئۇقۇتقۇچىلىق قىلغان ئىدىم ، لىكىن خىزمەتكە چىققاندا مەن گەرچە دادام ئۈمىد قىلىدىغانلىقىنى بىلدۈرسىمۇ ، مەن ئۇقۇتقۇچىلىق كەسپىنى تاللىمىدىم ، چۈنكى دادام -جاپاكەش دادام 43يىل ئۇقۇتقۇچىلىق قىلىپ تارتمىغان مۇشەقەتلىرى ، كۆرمىگەن جەۋرىلىرى قالمىدى . نەق ئاساسى قاتلامدا توپىلارغا مىلىنىپ ، يالاڭئاياغ شورلارغا دەسسەپ  ، مىننەتسىز تەر تۈكۈپ ، ئۇقۇتقۇچى،  ئىلمى مۇدىر ، مەكتەپ مۇدىرى بۇلۇپ ئىشلىدى  ، ئوتتۇرا مەكتەپ بىرىنجى دەرىجىلىك ئۇقۇتقۇچى  ئۇنۋانىنى 14يىل سەۋرىچانلىق بىلەن كۆتۈرۈپمۇ يەنە ئالى ئونۋانغا ئىرىشىش پۇرسىتىنى نەدىكى قولىدىن ئىش كەلمەيدىغان قۇرۇق شاكالسىمان كەسىپداشلىرى تارتىۋالسىمۇ ، يەنىلا بۇرۇنقىدەك  داغدۇغىسىز ، تاماسىز ، باش چۈكۈرۈپ ئىشلەپ كۈنۈپ قالغان مىجەزى بىلەن سالاۋات قىلىۋەتتى ، دادامنىڭ مۇنبەرلەردىكى سالاپەتلىك ، جۇشقۇن ، كۆتۈرەڭگۈ ھالىتى ،   ئۆلچەملىك تىلى ، كۆپكە قادىر ماھارىتى  ، تۇرمۇشتىكى مەدەنىي-ئىلمى  ، كىچىك پىئىل ، كەمتەر   ،قۇربان بىرىشكە باي روھى  ، يەنىمۇ ئوچۇق ئېيتقاندا ئۆزىنى ئۇقۇتقۇچىلىققا ئاتىۋەتكەن كەسپى سۆيگۈسى  مىنى ھازىرمۇ پەخىرلەندۈرىدۇ . لىكىن مەن ئۇقۇتقۇچى بولمىدىم . بولالايتتىم لىكىن ، بولمىدىم ، چۈنكى مەن دادامنىڭ تارتقان جاپالىرىغا چۈشلۇق پاراغەت كۆرەلمەي  ، ۋاقىتسىز كېسەل كارۋىتىغا يىقىلغىنىدىن ۋە يىقىلغاندىن كىيىنكى مۇھتاج بولغان پەيتلىرىدە ئەتىراپتىكىلەردىن  ھەقىقى كۈيۈم ۋە ھەقىقى ياردەمگە ئىرىشەلمىگەنلىكىدىن ئىچىم سىرىلدى ، شۇنداقلا مەن بۇرۇنلا شۇنداق بۇلۇپ قالمىسىدى دەپ ئەنسىرىگەن ئىدىم ، قورققان يەردىن جىن چىقىپ قالدى ، دادام ئۇدا يۇرت ئاتلاپ نەچچە قېتىم چوڭ دوختۇرخانىلارغا داۋالىنىشقا باردى ، شۇ چاغلاردىكى ئائىلىمىزگە ئېغىر توختىغان داۋالىنىش چىقىملىرى ئاتچوت قىلىنىپ بىرىلمىدى ، گەرچە تېخى ئۆتكەن يىل شەپقەتلىك ھۆكۈمىتىمىز «قىيىنچىلىقى بار ئۇقۇتقۇچىلارغا ياردەم »تۈرى بۇيىچە 10مىڭ سوملۇق ياردەم تىزىملىكىگە كىرگۈزۈپ ، ئەينى چاغدىكى چىقىملارنى «تۇلۇقلاپ بەرگەن »بولسىمۇ  ، پالەچلىك ئورنىدا ياتقان 6يىلدىن بۇيان ھالىدىن خەۋەر ئالىدىغان  ئادەم بولمىغاچ ، قىزى بولغان مەن توي قىلغان بولساممۇ ئىرىمنىڭ ئۆيىدە تۇرالماي ، يا تۈزۈك ئىشقا بارالماي ئۆزەم قاراۋاتىمەن ، ئۆزەمنىڭ باققىنىمغۇ  مەن ئۈچۈن شەرەپ ، لىكىن دادامنىڭ شۇھالدا ئىكەنلىكىنى بىلگۈسى كەلمەي  ، بىلسىمۇ كۆرمىگەنگە سېلىپ يۈرىۋاتقان مائارىپ ساھەسىدىكى باشقۇرغۇچى تارماقلار ، بايراملاردا تىلۋىزۇردا ئۇقۇتقۇچىلارغا ئالى سالام يوللايدىغان يۇرت چوڭلىرى كۇچادا دادامغا ئوخشاش ياشلىقىنى سەھرايى قىيامەت يەپ كەتكەن ، ئۆمرىنىڭ ئاخىرىنى كېسەل يەپ كىتىۋاتقان بىر شەرەپلىك ئۇقۇتقۇچىنىڭ مۇشۇ كۈنلەردە نىمىگە ئېھتىياجلىق ئىكەنلىكىنى ئۇنتۇپ قىلىۋاتقانلىقىنى كۈرۈپ ، ئوقۇتقۇچى بولماي توغرا قىلىپتىكەنمەن دەپمۇ قالىمەن ، ئەجىرنىڭ  بېشى شەرەپلىك ، ئاخىرى خاراپلىق بولۇپ قالسا مەن ئەمەس خېلى-خىلىلارمۇ خالىمايدۇ . ئاپتۇنۇم رايۇنلۇق مائارىپ نازارىتىدىن دادامغا بەخىش قىلىپ بەرگەن ، دادامنىڭ ئىسمىمۇ توغرا يىزىلمىغان «30يىللىق شەرەپلىك ئوقۇتقۇچى »تاختىيىنى ھەربىر كۆرسەم كۈلگۈم كىلىدۇ .... دادام نەتىجە قازىنىپ ئىشلىگەن يىللىرى ناھىيە ۋىلايەت تەرىپىدىن بىرىلگەن شەرەپ گۇۋانامىلىرى ، تەغدىرنامىلەر ، «ئىلغار پارتىيە ئەزاسى »گۇۋانامىلىرى بىر ئىشكاپنى لىق ئېلىپ تۇرۇپتۇ ....ئەمما ھازىرچۇ ؟ دادام كېسەل تارتىپ ياتقاننىڭ بىرىسىگە ياخشى ئۆتكەن ، كەسىپتە ياخشى ھەمكارلاشقان كەسىپداشلىرىدىن باشقا بىرەر پارتىيىۋى رەھبەرنىڭ ياكى ناھىيە رەھبىرىنىڭ «ھالىڭىز نىچۈك ؟»دىگىنىنى بىلمەيمەن ، دادامغا ئۇقۇتقۇچىلار بايرىمىلىق ھال سوراش ئاۋازى يەتمىگىلىمۇ 4-5يىل بۇلۇپ قالدى ، ئىچىمنى تېخىمۇ ئاچچىق قىلىدىغىنى  «پالەچ دادامغا كۈتۈلىشى ئۈچۈن ياردەم قىلىڭلار ، مەن يالغۇز بالا ، مەن خىزمەتتىن قالغىلىۋاتىمەن  ، » دەپ ئىلتىماس يازساممۇ  ، دادامنى ئۆز ۋاقتىدا  كېچە كۈندۈز ئىشەكتەك ئشىلەتكەن مەكتەپ رەھبەرلىكىنىڭ مانا بىر يىل ئۆتكىچىمۇ زۇۋان سۈرمىگىنى ..... گەرچە بۇلارنى مەن يازساممۇ ، 43يىل ئۇقۇتقۇچىلىق قىلغان بىر ئۇقۇتقۇچىنىڭ ئەمەلى ئەھۋالى بۇ ...شۇنى تەكىتلەپ دەيمەنكى : تېمىدا تەكىتلىنىۋاتقان ، بىرمۇنەۋەەر خەلق ئۇقۇتقۇچىسىدا بۇلۇشقا تىگىشلىك خىسلەتلەرنىڭ ھەممىسى دادامدا تېپىلاتتى ، دادام ھازىر ياش كەسىپداشلىرى ئاغزىدىن بۇزۇلۇپ كىتىۋاتقان ئۇقۇتقۇچىلار ساپاسى ، تاپتىن چىقىپ كىتىۋاتقان ئۇقۇغۇچىلارنىڭ جاپاسى  ، ئابرويپەرەسلىك ، مەنپەئەتپەرەسلىككە بىرىلىپ كىتىۋاتقان باشقۇرغۇچىلارنىڭ خاپىلىقلىرىنى ئاڭلىسا مىيىقىدا كۈلۈپ قۇيۇپ ياتىدىغان بولدى .... ئازراق دەرت تۈكۈشكە ئوخشاپ قالسىمۇ ، سەل-پەل شەخسىيەتچىلىكنىڭ پۇرىقى چېنىپ قالسمۇ مۇشۇ جەمىيەتتە ياشاۋاتقان بىر ئۇقۇتقۇچىنىڭ بۈگۈنىدىن خەۋەردار قىلغۇم كەپ قالدى . جاپاكەش ئۇقۇتقۇچىلار ، ماغدۇرۇڭلار بار ۋاقتىدا ئۆزەڭلەرنى ئاسراڭلار ، سەللا بىئاراملىق ھىس قىلساڭلار سالامەتلىكىڭلارنى تەكشۈرتۈڭلار ، دادامغا ئوخشاش چىشىڭلارنى چىشلەپ ئىشلەۋەرمەڭلەر ، سىلەر جېنىڭلار ، ياشلىقىڭلار ، ماغدۇرۇڭلار بىلەن قۇربانلىق بىرىشنى خالىساڭلار  ، جەمىيىتىمىز سىلەرنى ئىككىلەنمەي قۇربانلىق قىلىۋىرىدۇ  ، ئىشلەتكەندە ئىشلىتىپ ، كاردىن چىققاندا چۆرۈپ تاشلىۋىتىدىغان رەھبەرلىك قاتلىمىنى بالدۇرراق بايقاشقا تىرىشىڭلار  ، نۇرغۇن گەپلەرنى دىگۈم بولسىمۇ توختاپ قالاي ...... قسىقىسى شۇنى دەيمەنكى : ئۇقۇتقۇچىلار مەۋجۇتلىقىمىزنىڭ مەنىۋى تۈۋرىكى .

fatima

	ناھايىتى ئەھمىيەتلىك تىيما يوللاپسىز.ئۇقۇتقۇچى باللارنىڭ قەلبىدىكى ئەڭ ھۆرمەتلەيدىغان ھەم قورقۇدىغان ئۇستاز.ئۇقۇتقۇچى ئۆز پەزىلىتى ئەخلاقى بىلەن،ئۇقۇغۇچىلىرى ئالدىدا ئۆلگە بۇلىشى كىرەك. ھازىر بىر قىسىم ئايال ئۇقۇتقۇچىلارنىڭ كىينىشى ھەقىقەتەن ئادەمنىڭ كۆزىگە سىغمايدۇ. بالامنىڭ خەنزۇچە دەرىس بىردىغان ئۇقۇتقۇچىسى ،مانا تىيمىدا دىگەندەك كالتە كىينىپ چاچلىرىنى ھەرخىل بۇياپ يۈرەتتى.ئاتا-ئانىلار  باللارنىڭ خەنزۇچە دەرىستە ئاجىزلىقى تۈپەيلى بۇ مۇئەللىمنى كۆرسەكلا نىرۋىمىز ئۆرلەيىتتى. بۇ مۇئەللىمنىڭ تۇرقى شۇنداق بولغاچقا مەنمۇ دائىم،بالامدىن بۇ مۇئەللىمنى قانداق دەرىس ئۆتىدۇ دەپ سوراپ تۇراتتىم.بالام بۇ مۇئەللىمنىڭ دەرىس ۋاقتىدا  تېلفۇندا پاراڭلىشىپ بىر سائەت ۋاقىتنى دەرىس ئۆتمەي ئۆتكۈزدىغانلىقى دەيىتتى. كىيىن ئاتا-ئانىلارنىڭ بۇ مۇئەللىمگە بولغان  پىكرى سىنىپ مەسئۇلىغا يىتىپ،سىنىپ مەسئۇلى بىلەن تىل ئەدىبىيات ئۇقۇتقۇچىسى، بۇ مۇئەللىم دەرىس ئۆتكەندە كۆز قۇلاق بۇلۇپ،نەچچە قېتىم تېلفۇندا سۆزلىشىپ تۇرغان ۋاقتىنى كۆرۈپ ،مەكتەپ رەھبەرلىرىگە ئىنكاس قىلدى.مەكتەپ رەھبەرلىرى ئويلىشىپ بۇ مۇئەللىمنىڭ دەرىس بىرىش سالاھىيتىنى ئېلىپ تاشلاپ،مەكتەپ دەرۋازىسىغا قارايدىغانغا چىقىرىپ قويدى. ئۇقۇتقۇچىنىڭ دەرىس بىردىغانغا كىرگەن بىرسائەت ۋاقتىنى ئۇقۇغۇچى ئۈچۈن تۇلىمۇ قەدىرلىك.ئۆزىنى ھەقىقى بىر ئۇقۇتقۇچى ھىيساپلايدىغان مۇئەللىم،ئۇقۇغۇچىسنى ئۆز بالىستەك كۆرۈپ بىلىم بىرىدۇ.

mahatjan

	ئوقۇتقۇچى بولغۇم يوق پەقەت، بولدۇممۇ چىكىمەن جاپا مۇشەققەت. ۋە لىكىن ئوقۇتقۇچىنىڭ ھىمايىسىدە، ئوقۇغۇچى بولۇپ ئۆتسەم دەيمەن تا ئەبەت.