ئەقىللىق ئاياللار ئائىلىۋىي بەختنى قانداق يارىتىدۇ

bugaltir

	ئەقىللىق ئاياللار ئېرىنى بىزار قىلمايدۇ    ھەر بىر مۇۋەپپىقىيەت قازانغۇچى ئەرنىڭ ئارقىسىدا بىر ياخشى ئايال بولىدۇ. ھەقىقەتەنمۇ ئەقىللىق ئاياللار ئېرىنىڭ مۇۋەپپىقىيەت قازىنىشىدا تۈرتكىلىك رول ئوينايدۇ. چۈنكى ئەقىللىق ئاياللار ئېرىنى بىزار قىلىدىغان تۆۋەندىكى ئىشلاردىن يىراق تۇرىدۇ: 1. بەتخەجلىك قىلىپ ئائىلىنىڭ كىرىم-چىقىمىنى ياخشى باشقۇرالماسلىق. ئايال بەتخەج بولسا، ئائىلە مەڭگۈ روناق تاپمايدۇ. 2. ئېرىنىڭ ئىجتىمائىي ئالاقىسىنى قوللىماسلىق. ھەتتا ئالاقە چەمبىرىكىگە بۇزغۇنچىلىق قىلىش. ئەرلەر يۈز-ئابرويىغا ناھايىتى ئەھمىيەت بېرىدۇ. ئاياللار ئېرىنىڭ نورمال ئىجتمائىي ئالاقىسىنى قوللىمىسا، ئېرىنىڭ ئۇتۇق قازىنىش يولىنى ئېتىپ قويۇشى مۇمكىن. 3. دوستلىرىنىڭ ئالدىدا ئېرىنىڭ مەخپىيەتلىكىنى ئاشكارىلاپ، يۈزىنى تۆكۈش. ئەر كىشىنىڭ يۈز-ئابرويى يانچۇقىدىكى پۇلىدىنمۇ بەك مۇھىم. ناۋادا ئاياللار بۇ نۇقتىغا سەل قارىسا، ئېرىنىڭ كۆڭلىدىكى ئورنى تەۋرەپ قالىدۇ. 4. ئېرىنىڭ داۋاملىق ھەمراھ بولۇشىنى تەلەپ قىلىش. ئەرلەر مۇستەقىللىق قارىشى كۈچلۈك ئاياللارنى ياخشى كۆرىدۇ، چۈنكى بۇ خىلدىكى ئاياللار تۇرمۇشتىن زوقلىنىشنى بىلىدۇ. 5. گۇمانخورلۇق قىلىپ ئېرىنىڭ ھەممە ئىشلىرىنى ئېيتىشنى تەلەپ قىلىش. ئەرلەرنىڭ ياقتۇرمايدىغىنى دەل مۇشۇ خىلدىكى ئاياللار. گۇمانخورلۇق، ئىشەنمەسلىك مۇھەببەتنى سۇسلاشتۇرىدىغان ئەڭ مۇھىم سەۋەب. http://www.radioxj.com/n16084c27.aspx

bugaltir

	ئاياللارغا 8 شەرەپ، 8 نومۇس       1.  تاماقتىن كېيىن قاچا - قۇچا يۇيۇش شەرەپ، ئۆي ئىشىنى قىلماسلىق نومۇس.       2. ۋاقتىدا ئۆيگە قايتىش شەرەپ، كەچلەردە سىرتتا يۈرۈش نومۇس.       3. قىيىن ئانىسى بىلەن ئەپ ئۆتۈش شەرەپ، يولدىشنى تەڭلىكتە قويۇش نومۇس.       4. بالىنىڭ ھالىدىن خەۋەر ئېلىش شەرەپ، رېستوران، قاتارچايلارغا كۆپ بېرىش نومۇس.       5. يولدىشىنىڭ گېپىنى ئاڭلاش شەرەپ، يولدىشىنى باشقۇرۇش نومۇس.       6. سىلىق - سىپايە، نازاكەت بولۇش شەرەپ، ۋالاقتەككۈر، ھازازۇل بولۇش نومۇس.       7. تېجەشلىك بولۇش شەرەپ، بەدخەج بولۇش نومۇس.       8. ئىلمىي ئوزۇقلىنىش، ئىلمى يۈرۈش شەرەپ، قالايىمقان بۇزۇپ چېچىش، ئۇششاق - چۈشەككە ئۆزىنى ئۇرۇش نومۇس.

ilim-maripat

	ھەر بىر مۇۋەپپىقىيەت قازانغۇچى ئەرنىڭ ئارقىسىدا بىر ياخشى ئايال بولىدۇ. ھەقىقەتەنمۇ ئەقىللىق ئاياللار ئېرىنىڭ مۇۋەپپىقىيەت قازىنىشىدا تۈرتكىلىك رول ئوينايدۇ.

ilim-maripat

	ئاياللارنىڭ ئەڭ ھۆرمەتلىكى ئەڭ قانائەتچان بولغىنىدۇر.

bugaltir

	ئۆينى مەينەت قالايمىقان تۇتىدىغان ئاياللار ئوڭاي سەمىرىپ كېتىدۇ ئامېرىكا «ئىلىم – پەن» گېزىتىدە، ئۆينى مەينەت ۋە قالايمىقان تۇتىدىغان، شۇنداقلا مۇقىم خىزمىتى بولمىغان ئاياللارنىڭ روھىي بېسىمىنىڭ ئېغىر بولىدىغانلىقى ھەمدە شۇ سەۋەبلىك بۇ ئاياللارنىڭ بەدەن ئېغىرلىقىنىڭ ئېشىپ كېتىشىنى كەلتۈرۈپ چىقىرىدىغانلىقى توغرىسىدا خەۋەر بېرىلدى. تەتقىقاتچىلار 1449 نەپەر ئايالنى كۆزۈتۈپ، ئۇلارنىڭ تۇرمۇش مۇھىتى ۋە سالامەتلىك ئەھۋالىنى خاتىرىلەپ، ئۆينى مەينەت ۋە قالايمىقان تۇتىدىغان، ئىقتىسادىي شارائىتى ناچار خانىم – قىزلارنىڭ سەمرىش نىسبىتىنىڭ 48 بولىدىغانلىقىنى، بۇ ئامېرىكا كېسەللىكلەرنى كونترول قىلىش مەركىزى ئېلان قىلغان ئامېرىكىدىكى ئومۇمىي سېمىزلىك نىسبىتىدىن 16 يۇقىرى ئىكەنلىكىنى، ئېرى ئۆيدە دائىم تۇرالمايدىغان، ئىقتىسادىي كىرىمى مۇقىم بولمىغان بولۇپمۇ، مەينەت، قالايمىقان ئۆيدە تۇرمۇش كەچۈرىدىغان ئاياللارنىڭ روھىي بېسىمىنىڭ ئېغىر، تۇرمۇشىنىڭ رەتسىز بولىدىغانلىقىنى ئىسپاتلىغان. تەتقىقاتچىلار يەنە، پاكىز مۇھىت ۋە ئىناق قوشنىدارچىلىق مۇناسىۋىتىنىڭ ئاياللارنىڭ روھىي بېسىمىنى يېنىكلىتىشىگە، كەيپىياتىنى ياخشىلىشىغا؛ مۇۋاپىق ھەرىكەت قىلىش، ناچار تۇرمۇش ئۇسۇلىنى ئۆزگەرتىشىگە ياردەم بېرىپ، سېمىزلىك نىسبىتىنى تۆۋەنلىتىدىغانلىقىنى ئىسپاتلىغان. http://www.radioxj.com/n17573c27.aspx

mihrigvl

	ئەگەر ئەر كىشى زالىم،پاسىق بولسا ئاياللارنىڭ قىلغىنىنىڭ ھەممىسى بىر تىيىن.

kuzlik

	ئەرنى ئەر قىلغانمۇ خۇتۇن، يەر قىلغانمۇ خۇتۇن،دەپ بىكار ئىيتمىغان كونىلار.

bugaltir

	ئاياللار ۋە ئانا ھەققىدە ھېكمەتلەر    * ئايالنىڭ ئۇششاق نۇقسانلىرىنى كەچۈرەلمىگەن ئەر ئۇلارنىڭ بۈيۈك پەزىلەتلىرىدىن بەھرىمەن بۇلالمايدۇ. ـــــ جىبران. * تالانتلىق ئاياللار ئەرلەرنى جەلپ قىلىدۇ، ئاقكۆڭۈل ئاياللار ئەرلەرنى ئىلھاملاندۇرىدۇ، چىرايلىق ئاياللار ئەرلەرنى ئازدۇرىدۇ، چارە-تەدبىرلىك ئاياللار ئەرلەرنى چارچىتىپ ئۆلتۈرىدۇ. ــــــ رومىن روللان. * دۇنيادىكى ھەممە گۈزەللىكلەر ئايالغا بولغان مۇھەببەت سەۋەبىدىن بارلىققا كەلگەن. ـــــ م . گوركىي. * قىز بالىنىڭ ھەممە بايلىقى ئۇنىڭ نومۇسى، ئۇ بايلىق ھەرقانداق مىراستىن قىممەتلىك. ـــــ ۋ . شىكىسپىر. * ئانىنىڭ قەلبى قىزلار ئۈچۈن بىر دەرسخانىدۇر. ـــــــ بېكون. * سېنى سۆيىدىغان ئايال چوڭ خاتالىقلىرىڭنى كەچۈرىدۇكى، كېچىككىنە ۋاپاسىزلىقىڭنى كەچۈرمەيدۇ. ـــــــ لارۇشىخوكى. * ئايالنى ئازاپقا قالدۇرغان ئەر بەخىتلىك بۇلالمايدۇ. ــــــ ھىيوگۇ. * ئايالنى سۆيۈشنى بىلمىگەن كىشى دۇنيانىڭ ئەڭ گۈزەل سىرلىرىدىن بىخەۋەر ئۆتىدۇ. ــــــ سىتىندال. * تەبىئەت ئايالغا مۇراجىئەت قىلىدۇ: ھۆددىسىدىن چىقالىساڭ گۈزەل بول؛ خالىساڭ ئاقىل بول؛ ئەمما، دىتىڭ بولسۇن. ـــــــ پ. يامارىشى. * ئەرلەر ئۈچۈن ئېيتقاندا، ئايالنىڭ گۈزەل بولۇشى ئەمەس، ئەقىللىق بولۇشى مۇھىم. ــــــــ ئا. پ. چېخوپ. * ياخشى ئايال بىر مەكتەپكە ئوخشايدۇ، ياخشى ئەر شۇ ئايال ئارقىلىق دۇنياغا قەدەم تاشلايدۇ. ــــــــ لىياڭ شىياۋشىڭ. * ياخشى خوتۇننىڭ كۆڭلى ئوچۇق، ھەرىكىتى توغرا بولىدۇ، ئۇنى نازارەت قىلىشنىڭ ھاجىتى يوق. يامان خوتۇننى نازارەت قىلىشمۇ كارغا كەلمەيدۇ، ئۇنى توسۇۋالغىلىمۇ بولمايدۇ. ــــــ گورىسى. * ئانا سىز يۆلىنىۋالىدىغان ئادەم ئەمەس، بەلكى يۆلىنىۋېلىشقا مۇھتاج بولماسلىقنى ئۆگىتىدىغان ئادەم. ـــــــ فىشىر. * مەن ھاياتلىق دۇنياسىدا بىر دېڭىزنى كۆردۈم، مانا ئۇ ـــــ ئانا. ـــــــ گىيوتى. http://www.radioxj.com/n17636c27.aspx

bugaltir

	ئائىلىنى ۋەيران قىلماي دېسىڭىز... 1. قارشى تەرەپ يامان سۆزلەر بىلەن ئاچچىقىڭىزنى كەلتۈرسە، ھەرگىزمۇ راست دەپ قالماڭ. 2. ھەر قانچە قاتتىق ئۇرۇشۇپ قالغان ۋاقتىڭلاردىمۇ قارشى تەرەپنىڭ ئەڭ سۆيىدىغان ئادىمىڭىز ئىكەنلىكىنى ئۇنتۇپ قالماڭ. 3. كەيپىياتىڭىز ھەر قانچە ناچار بولسىمۇ، ھەمراھىڭىزغا كۈلۈمسىرەپ مۇئامىلە قىلىڭ. 4. خاتالىقىڭىزنى تونۇغان ھامان قارشى تەرەپتىن سەمىمىيەتلىك بىلەن كەچۈرۈم سوراڭ. 5. ھەمراھىڭىزدىن گۇمانلىىنىپ يۈرمەڭ، گۇمان ئائىلىنى ۋەيران قىلىشنىڭ دەسلەپكى قەدىمىدۇر. 6. قىزىرىشىپ قالغاندا قارشى تەرەپ بىر قەدەم چېكىنسە، سىز ئىككى قەدەم چېكىنىڭ، مۇھەببەتنى ھەقىقىي چۈشەنگۈچى غەلىبىدىن ۋاز كېچىشكە رازىكى، ھەرگىزمۇ سۆيىدىغان ئادىمىنى مەغلۇب قىلمايدۇ.