بىزگە قانداق قىزلار كېرەك

hasalharisi

	‹‹مۇشۇنداق قىزلار نامىغا داغ كەلتۈرىدىغان تېمىلار، بۇ ھەرگىزمۇ ئالدىنى ئېلىش ئەمەس، بىلمىگەنلەرگە بىلدۈرۈپ، كەڭ تەشۋىق قىلىش، قىزلارنى ھەممىنى قىلىدىغانغا چىقىرىشتىن باشقا نەرسە ئەمەس. شۇڭا قىزلارنى سۆكىدىغان سازايى قىلىدىغان تېمىلار يوللانمىغىنى ياخشى، چۈنكى شۇ قىزلار كەلگۈسىمىزنىڭ ئانىلىرى. ئۇلارنى توردا ئەمەس، ئائىلىدە مېھرى مۇھەببەت بىلەن ياخشى يولغا باشلاشنى بىلىۋالايلى!!!›› پويىزخان ،مېنىڭچە سىز بۇ تېمىنى ئەستائىدىل ئوقۇپ،تەتۈر چۈشۈنۈپ قالغاندەك قىلىسىز.تېمىدىكى بارلىق ئۇزۇن-قىسقا ئېنكاسلىرىڭىز خۇددىي رېلىستىن چىقىپ كەتكەن پويىزدەك چۇۋالچاق،ھەسىرەتلىك تۇرىدۇ. ئادالەت ياقىلغاندا سىز تېما ئىگىسىگە ئۇۋال قىلىپ قويۇپسىز(ئەمەلىيەتتە مەن تېما ئىگىسىنى تونۇمايمەن). باشتىكى ئىنكاسىڭىزلا تەنە ئارلاش زەھەرلىك ئىنكاس بولۇپ،ئۆزىڭىزنى شۇ ماقالىدىكى پىرسۇناژدەك ھېس قىلىپ قالغاندەك تۇرىسىز. قارىسام بۇ تېما تېما يوللىغۇچىنىڭ ئىجادىي تېمىسى ئەمەسكەن. پارتىيە ،ھۆكۈمەتنىڭ باشقۇرۇشىدىكى ئۆلچەملىك ئاخبارات ۋاستىسى ــ ‹‹شىنجاڭ قانۇنچىلىق گېزىتى››گە بېسىلغان ماقالە ئىكەن. بۇ ماقالىنى ‹‹زۇمرەت0997›› جەمئىيەتتىكىلەر ئوقۇپ ئىبرەت ئالسۇن دېگەن نىيەتتە ئەجىر قىلىپ كومپىيوتېردا ئۇرۇپ يوللاپتۇ. بۇنى سىز دېگەندەك ھەرگىز ‹‹مۇشۇنداق قىزلار نامىغا داغ كەلتۈرىدىغان تېمىلار، بۇ ھەرگىزمۇ ئالدىنى ئېلىش ئەمەس، بىلمىگەنلەرگە بىلدۈرۈپ، كەڭ تەشۋىق قىلىش، قىزلارنى ھەممىنى قىلىدىغانغا چىقىرىشتىن باشقا نەرسە ئەمەس.›› دېيىشكە بولمايدۇ. ئەگەر ھەقىقەتەن مۇشۇ ماقالە ئارقىلىق ھەممە قىزلار ماقالىدىكى پىرسۇناژلارنى دوراپ كېتىدۇ دېيىلسە ،مۇخبىرلار زىيارەت قىلغان قىزلارنى نىمە دەپ يېزىش كېرەك؟ تۆھپىكارلار سەھىپىسىگە يېزىش كېرەكمۇ؟مېنىڭچە بولغاندا، ئەگەر رەنجىشكە توغرا كەلسە بىگۇناھ تېما يوللىغۇچىغا ئۇۋال قىلماي، ‹‹شىجاڭ قانۇنچىلىق گېزىتى››نىڭ مۇشۇنداق ماقالىنى ئېلان قىلغىنىدىن رەجىپ،ئۇلار ئۈستىدىن ئاخبارات-نەشىريات ئىدارىسى ۋە قانۇن ئورۇنلىرىغا ‹‹نام-شۆھرەت ھوقۇقۇمغا دەخلى-تەرۇز يەتكۈزدى››دەپ ئەرز قىلسىڭىز توغرا بولىدىغاندەك قىلىدۇ. كەچۈرۈڭ ،بۇ ناھەقچىلىقنىڭ پۇرىقى كۈچلۈك بولغان ئېنكاسلىرىڭىز مېنىمۇ پويىزدەك ئۇزۇن ئېنكاس يېزىشقا مەجبۇر قىلدى. مۇشۇنداق مۇنازىرلەر ئارقىلىق پىكىر بىرلىككە كېلىپ ئورتاقلىشىپ قالارمىز. تەكلىپ: ئېنكاس يازغاندا ئادالەت ياقىلسىڭىز،تەنە ئارلاش زەھەرلىك ئېنكاس يېزىشتىن ،زەھىرىنىڭ ئۆزىڭىزگە يېنىپ قېلىشىدىن ساقلانسىڭىز.ئىلمىيلىك،مەدەنىيلىك ئادەمنىڭ زىننىتى. داۋاملىق ئۆزىڭىزنىڭ يۇقارقىدەك ئاقماس گېپىنى يورغىلىتىپ<<كوتۇلدىشىڭىز>>غا تەشنامەن.

Enwerjula

	ھاراقنى كۆپ ئىچىۋېلىشنىڭ زىيىنى تىببى ئىلىمدە تولۇق ئىسپاتلانغان ئىش. لېكىن ئەلا سۈپەتلىك ئۈزۈم ھارىقىنى ئاز-ئازدىن ھوزۇرلىنىش ئۈچۈن ئىچسە يۈرەك ۋە نېرۋىغا پايدىلىق. سىز بۇ ماقالىنى يېزىپ مەتبۇئات ۋە توردا ئېلان قىلغان ئىكەنسىز ھىسسىي تەسىراتىڭىزنى ھۆكۈم ئورنىغا دەسسەتكىنىڭىزگە مەسئۇل بولىشىڭىز كېرەك. ھاراق ئىچىشنىڭ گۇناھلىق ئىش ئىكەنلىكى دىندا ھۆكۈم قىلىنىپ بولغان. لېكىن تىببى ئىلىمدە مۇۋاپىق، ئاز مىقداردا ئىچىپ بېرىش تەشەببۇس قىلىنىدۇ. شۇڭا. ھاراق ئىچسە مىللەتنىڭ ساپاسى تۆۋەنلەپ كېتىدۇ، دېگەن بۇ ھۆكۈمىڭىز رىئال پاكىتلار ئالدىدا ئۆرە تۇرالمايدۇ. مىللەتنىڭ ساپاسى دېگەندە پۈتۈن بىر مىللەتنىڭ تەن ساپاسى، پىسخىك ساپاسى، بىلىم ساپاسى، مەدەنىيەت ساپاسى...دېگەندەك نۇرغۇن قىممەتلەرنى ئۆز ئىچىگە ئالىدۇ. شۇڭا سىز ھاراق ئىچىش بىلەن مىللەتنىڭ ساپاسىنى باغلىغان ئىكەنسىز بىر خەلقئاراۋى تەكشۈرۈش دوكلاتىغا ئېھتىياجلىق بولىسىز. سىزدە مۇشۇنداق دوكلات بارمۇ؟ ئابلەت ئابدۇرېشىت بەرقىنىڭ ئۇ گېپى ھېسسىي تەسىرات. ماقالىڭىزدىكى كەسكىن ھۆكۈم ئۈچۈن تۈۋرۈك پايان بولالمايدۇ. ئۇنۋېرسال ساپاسى يۇقۇرى مىللەتلەر 5 ئېھتىياجنى چەكلىمەيدۇ. ھاراقنى ئۆلگۈدەك مەس بولىۋېلىش ئۈچۈن ئەمەس، بەلكى تۇرمۇشتىن بىر خىل ھوزۇرلىنىش ئۈچۈن ئىچىدۇ. مەسىلەن، فرانسۇزلار، گېرمانلار، ئېنگىلىزلار، ئىسپانلار، ئامېرىكانلاردا سىپايە ھاراق ئىچىش مەدەنىيىتى شەكىللەنگەن. ئۇلاردا ھاراق ئىچىش مىللەتنىڭ ساپاسىنى تۆۋەنلىتىۋېتىدۇ، دەيدىغان مۇنداق تەسىرات يوق. پەقەت ئاق ھاراقنى ئۆلگۈدەك ئىچىدىغان رۇسلاردىلا بۇنداق تەسىرات بار. ئەلۋەتتە، ھاراق ئىچىشنى رۇسلاردىن ئۆگەنگەن ئۇيغۇرلارمۇ بۇنىڭدىن مۇستەسنا ئەمەس. ئۇنىڭ ئۈستىگە ئۇيغۇرلار ھاراقنى خۇدىنى يوقاتقۇچە ئىچىپ تەننى زەھەرلىگەننىڭ ئۈستىگە دىنىي جەھەتتىكى گۇناھ تۇيغۇسى ئاجرىتىپ چىقارغان بىر خىل خىمىيەلىك ئاجرالمىنىڭ زىيىنىغا ئۇچرايدۇ. شۇڭا ھاراق ئىچىشنى بىلمەيدىغان ھالىمىز ئۈچۈن ئۇنى توسساق بولىدۇ. لېكىن، ھاراق ئىچىش مىللەتنىڭ ساپاسىنى تۆۋەنلىتىۋېتىدۇ، دېگەندەك ئاۋۇنىڭدەك ھۆكۈمنى چىقارساق ماقالە يېزىقچىلىقىدا ئاقمايدۇ.

bugaltir

	ئىمانلىق  ، ھايالىق  ، ئەقىللىق  قىزلار  كېرەك   .

ARZUY

	سۇقشماڭلار بولدى . ھەممە قىزلارنىڭ ئىمانى - ئىنساۋىنى   مىھرىبان  ئاللاھ   بەرسۇن!!!

abdulahad

	hasalharisi يوللىغان ۋاقتى  2012-10-19 07:30 PM ماڭا حوتۇنۇمدەك مەسئۇلىيەتچان حانىم كېرەك.ئۈزىدىن باش ...

bugaltir

	خەلقىمىز ئەلمىساقتىن قىز-ئاياللارنىڭ تەربىيلىنىشىگە كۆڭۈل بۆلۈپ كەلگەن بولۇپ، تەربىيە ۋە ئەخلاقنى قىز-ئاياللارنىڭ ئەڭ چوڭ گۈزەللىكى دەپ قارىغان، ئەمما خۇراپاتلىق، ئاڭسىزلىقنىڭ ئاسارىتىدىن قۇتۇلالمىغان قىسمەن كىشىلەر بۇزۇقچىلىققا، جۈملىدىن ئېغىر گۇناھقا ئىتتىرىلگەنلىك دەپ قاراپ، بۈگۈنكى ئەۋزەل شارائىتتىمۇ قىز-ئاياللارنىڭ تەربىيلىنىشىگە يەنىلا سەل قاراۋاتىدۇ. بىلسەك، ئاياللار ئائىلىدە ئىنتايىن مۇھىم رول ئوينايدۇ، ئالىي مەلۇماتلىق ئەربابلارمۇ، داڭلىق شەخسلەرمۇ ئانىسىنىڭ تەربىيىسىدە چوڭ بولىدۇ، تويدىن كېيىن ئايالىنىڭ كۆيۈنىشى ياردىمىدە تېخىمۇ كۆپ نەتىجىلەر قازىنىدۇ.      يەنە قارايدىغان بولساق، بىلىم، ئەخلاق بىلەن قوراللانغان ئاياللار تەبئىي ھالدا باشقىلارنىڭ ھۆرمىتىگە سازاۋەر بولىدۇ. بۇنىڭدىن ئۇلارنىڭ ئاتا-ئانىسى، ئېرى، پەرزەنتلىرىمۇ پەخىرلىنىدۇ. ئەكسىچە تەربىيە ئالالمىغان ئاياللارچۇ؟ ئەلۋەتتە، ئۇلارنىڭ ھەممىسىنى ئىنكار قىلىشقىمۇ بولمايدۇ، بىراق ئۇلارنىڭ بەزى ئىشلارنى ئۆزىنىڭ ئۇسلۇبى بويىچە بىر تەرەپ قىلىشى باشقىلارنىڭ نارازىلىقىنى قوزغايدۇ-دە، «تەربىيە كۆرمىگەن» دېگەن نامغا قويىدۇ.      كەلگۈسى ئەۋلادلارنى ئاڭسىز-تەربىيەسىز قالدۇرماسلىق ئۈچۈن قىز-ئاياللارنى ئاڭلىق، بىلىملىك قىلىپ تەربىيلەش ھەمدە شۇ تەربىيەنى پەرزەنتلىرىگە بېرەلەيدىغان سەۋىيەگە يەتكۈزۈش لازىم. بالىنىڭ تۇنجى ئۇستازى ھېسابلىنىدىغان ئاياللىرىمىزنى ئىلىم ۋە تەربىيەدىن مەھرۇم قالدۇرۇش ياكى ئېتىبار بەرمەسلىك يولۇچىلار ئاپتۇبۇسىنى ئەما ۋە جاھىل بىر شوپۇرغا ھەيدەتكەن بىلەن باراۋەر. دېمەك، قىز-ئاياللىرىمىز ئۈچۈن بىلىملىك، تەربىيەلىك بولۇش ناھايىتى مۇھىم ۋە تەخىرسىز.      شۇڭا ئاتا-ئانىلار قىزلىرىنىڭ بىلملىك، ئەخلاق-پەزىلەتلىك، ئائىلىسىنى، پەرزەنتىنى سۆيىدىغان، ئاڭلىق بولۇشى ئۈچۈن كۆڭۈل بۆلۈشى، ماددىي ۋە مەنىۋى جەھەتتىن قوللىشى لازىم. قىز-ئاياللارمۇ ھۆسۈن-جامالى، كىيىم-كېچىكى، ئالتۇن جابدۇقلىرىنىڭ ئۆزىگە زىننەت بولماستىن، بەلكى ئالغان تەربىيەسى بىلەن بىلىمىنىڭ ھەققىي زىننەت ئىكەنلىكىنى تونۇپ يېتىشى كېرەك.

Rujak

	بىزگە  ئۆتكەن ئاخشامقى ‹ قوش  ئامەت داپەنجىخانسى› دىكى بىز بىلەن تەڭ ئىچىپ تەڭ چىكەلەيدىغان قىزلار كىرەك باشقىسى  كىرەك ئەمەس.

zumrettash

	ھازىرقى زاماندا بىزگە ئەقىللىق ،ساپالىق،ئىمانلىق ،ۋىجدانلىق ،كۈيۈمچان ،مەسئولىيەتچان قىزلار ،ئانىلار كېرەك........ ھاراق ئىچكەنگە خىزمەت تېپىلېپ قالامدا،ئەگەر شۇنداق بولدىغان بولسا ،مانا مەن شۇ خىزمەتنى ئىشلىمەپتىمەن،ئۆيدە ئولتۇرۇپ ،ئائىلەمنى تۇتۇپ ئولتۇرۇش ئەلا،ھاراق ئىچمىسە ،خىزمىتىدىن ئايرىلىپ قالىدىغان ئىش بولسا ،مانا مەن شۇ خىزمەتنى ئىشلىمەپتىمەن،ئۆيدە ئولتۇرۇپ ،ئائىلەمنى ئىللىتىپ ،ئېرىم ،بالىلىرىمنى خاتىرجەملىككە ئېرىشتۈرگىنىم ئەلا......... بەزىلەر ھەتتا ئىچمىسەك ،زامانغا ماس ماڭالمايدىكەنمىز دەپ ئويلايدىكەن،نۆلگە تەڭ ....ئەقلىڭىز بولسا،ئەخلاقىڭىز بولسا ،بىلىم بىلەن ئۆزىڭىزنى قۇراللاندۇرسىڭىز ،زاماننىڭ تۆرى سىزنىڭكى........ئۆزىگە ئىشىنەلمىگەنلەر ئىچىدۇ شۇ نىجىسنى......ئەقلىنى ،ئىمانىنى بۇلغاپ ،ئۆزىنىڭ ئانا بولىدىغانلىقىنى،كەلگۈسى ئەۋلادلارنىڭ ئانىسى بولىدىغانلىقىنى ئويلاپ قۇيۇشىمىز كېرەك ،گۈزەل ،ئۇماق قىزلار........سىز ئانا بولدىڭىز مىللەتنىڭ كەلگۈسىنى يارىتىش مەسئولىيىتى مۈرىڭىزگە يۈكلەندى دىگەن گەپ..........بالدۇر ئەقلىڭلارنى تېپىۋېلىڭلار .......ئەلۋەتتە بۇ سۆزلىرىم ئىگىسىگە بېرىپ تەگسۇن........ئارىمىزدا ئۆزىنىڭ ئىپپىتىنى ساقلاپ،كەلگۈسىمىزگە قارىتا نۇرغۇن ئارزۇ -ئارمانلارنى قەلبىگە پۈكۈپ ،تىرىشىپ ئۈگۈنىۋاتقان،خىزمەت قىلىۋاتقان،ئائىلىسىدە ئولتۇرۇپ ،پەرزەنتلىرىگە ئىللىق مۇھىت ھازىرلاۋاتقان مەسئولىيەتچان خانىم-قىزلىرىمىزمۇ ئاز ئەمەس.مەن ئۇلارنىڭ داۋاملىق تىرىشىشىنى،كەلگۈسىگە ئۈمۈد بىلەن قاراپ ،ياخشى ئەۋلادلارنى تەربىيلەپ چىقىشىنى ئۇلۇغ ئاللاھدىن تىلەيمەن....... تېما ئىگىسىگە كۆپ رەھمەت.....

xaripa2011

	ياخشى تىمىكەن !!!

poyuz

	hasalharisi يوللىغان ۋاقتى  2012-10-20 06:30 AM ‹‹مۇشۇنداق قىزلار نامىغا داغ كەلتۈرىدىغان تېمىلار، بۇ ... قارشى ئىنكاس يازغانلارغا قاراپ تۇرۇپلا، سىزمۇ شۇنداق كەنسىز دەپ، قالپاق كىيدۈرىدىغان قىلمىشنى سىزنىڭچە نىمە دىسەك بولار؟ بۇلار مەدىنىيەتلىك ئىلمىيلىق ئادەملىك زىننىتىنى جارى قىلدۇرغانلىقمۇ؟! مېنىڭ گېپىم سىلەرگە ياقمىغان بولسا، بۇ تېمىنىڭ سەلبى تەسىرىنى ئويلاپ يېتتەلمىگەن بولساڭلار، مانا مۇنداق تەھلىل قىلىپ باقايلى، لېكىن سىزگە تاڭمايمەن، ھەركىمنىڭ چۈشۈنۈش ئىقتىدارى ئوخشاش بولمايدىچۇ. بۇ تېمىنى مانا ھازىر ھەممە ئادەم كۆردى، بىلمىگەنلەر، ھە ئەسلى قىزلار ئىچىدىغان بوپ كېتىپتىكەندە، دەپ بىلدى، نۆۋىتى كەلگەندە، ئىچمەيدىغان قىزلارنىمۇ ئىچىدىغانغا چىقىرىۋېتىش ئىشلىرى يۈز بېرىدۇ، مانا بۇ قىزلارغا كىيدۈرۈلگەن يەنە بىر قالپاق. ئەمىلىيەتتە بولسا، بۇ ئىچىدىغان بىر قىسىم قىزلار ئۇنچىلىك كۆپ ساندا ئومۇملىشىپ كەتمىگەنتى. يەنە بىرىگە سورۇن قۇرغانلار شۇ سورۇنغا قىزلارنىمۇ ئەيمەنمەي چاقىرىدىغان ھاراققا زورلايدىغان بولىدۇ، رەت قىلغانلارغا، ۋاي ھازىر دىگەن جىق قىزلار ئىچىدىغان بوپ كەتتى،  بۇ قانچىلىك ئىشتى دەپ، شۇلارنىڭ ئاغزىغا ئوبدانلا بوپ بېرىدۇ. ئىچىدىغانلىرى بولسا، يالغۇز بىزلا ئەمەس، جىق قىزلار ئىچىدىغان بوپ كېتىپتۇغۇ دەپ، تېخىمۇ ئىچىشتىن تەپ تارتمايدىغان بولىدۇ. مانا بۇ بۇ تېمىنىڭ ئوينىغان رولى مۇشۇنداق بولىدۇ. مانا مۇشۇنداق بىزگە ئىچىدىغان قىزلار كېرەك ئەمەس، ياخشى قىزلار كېرەك دەپ توۋلىغىنىمىز، ئاڭلىنىشقا ياخشى گەپتەك قىلغان بىلەن، ئەمىلىيەتتە سەلبى تەسىر بىلەن، يۇقۇرقىدەك تېخىمۇ كەڭ تارقىلىشقا رول ئوينايدۇ خالاس. ھەم بۇ قىزلارمۇ باشقا بىر يەردىن كېلىپ قالمايدۇ، شۇ دادىسى بار، ئانىسى بار، ئاكىسى بار، ئاچا-ھىڭىل قېرىنداشلىرى بار شۇ ئائىلەرنىڭ بىر ئەزاسىدۇ. مانا شۇ ئائىىلىدىكىلەر ئائىلىدىكى مەجبۇرىيەت ۋە قان-قېرىنداشلىق مېھىر-مۇھەببەت بىلەن، خاتا يولغا ماڭغاننى توسۇپ، خاتانى تونۇشىغا ياردەم بېرىپ، توغرا يولغا باشلىمىسا، باشقا ياتلار تاماشا كۆرگەندىن باشقا نىمە قىپ بېرەلەيتتى. تورمۇ شۇغۇ. توردا ئۇرۇق-تۇققانلار جىقمۇ يە، چىن كۆڭلىدىن ئەمىلىي  ياردەم قىلىدىغان، كىم مەن شۇ ئىچىدىغانلاردىن دەپ، ياردەم قوبۇل قىلار؟؟؟!!! شۇڭا كەلگۈسىنىڭ ئانىلىرى بولىدىغان قىزلارنى توردا سازايى قىلىش بىەن ئەمەس ئائىلىدىكى مېھرى-مۇھەببەت بىلەن توغرا يولغا باشلاشنى ئەڭ توغرا ئۇسۇل دەپ قارايمەن. ئەگەر بۇ گەپلىرىم سىلەرگە ياقمىسا، سىلەرگە زولاپ تاڭمايمەن، ھۆرمەت قىلساڭ ھۆرمەت كۆرىسەن دىگەننى ئوبدان بىلىمەن، يېڭىدىن جەمىيەتكە چىقىپ، بىلىدىغانلىرىم كۆپ بولمىسىمۇ، توغرا-خاتانى ئازراق بولسىمۇ بىلگۈچىلىكىمىز بار، شۇڭا نەشتەر سانجىپ ئەقىل كۆرسىتىدىغانلار، شۇ تېمىنىڭ ياخشى يېزىلغان تەرىپىنى كۆرۈش بىلەن بىرگە، ئالدى بىلەن بېرىدىغان تەسىرىنىمۇ تەھلىل قىپ بېقىپ ئاندىن بىر نەرسە دەيلى.