ئائىلە تاپشۇرۇقى قانچە كۆپ بولسا ئۆگىنىش ئۈنۈمى شۇنچە تۆۋەن

328

	ئەمما بىزنىڭ باللىغا تاپشۇرۇق بەرسىمۇ ئوخشاش،بەرمىسىمۇ ئوخشاش،ئەتىسى ئەتىگەنلىك مۇزاكىرىدە ئىشلەپ بىرىدۇ.ئائىلە باشلىقلىرى كارى يوق .مىڭ تەربىيە بەرسىمۇ بىكار. شۇنىڭغا قارىغاندا بىزنىمۇ قىينىماي تاپشۇرۇقنى ئورۇنلاشتۇرمىسا باشقارمىدىكىلەر نېمەدەر؟!

karluq02

	ۋاي ئېسىت! تاپشۇرۇقنىڭ قۇربانلىرى بالىلار، سىلەر ئوينايدىغان ئوردىكام، ۋاللەي، قاشىم توپ............ ئويۇنلىرى نەگىمۇ يوقالغاندۇر-ھە؟

ramu

	زادى مائارىپ ئىسلىھاتىنى تۈزۇك بىر ئېلىپ بارمىسا بالىلارنىڭ ئۆمىرى ئىسراپ بۇلۇپ كىتىۋاتىدۇ.

quxtikiakku

	tewelgha يوللىغان ۋاقتى  2012-11-27 11:56 AM گېرمانىيە بىلەن جوڭگونىڭ مائارىپ باھالاش سېستىمىسى ئو ... بۇ توردىشىمنىڭ پىكرى خىلىلا ئورۇنلۇق. بىزنىڭ مارىپىمىزنى تىللىساقمۇ، ماختىساقمۇ بەرىبىر.

tewelgha

	karluq02 يوللىغان ۋاقتى  2012-11-27 01:46 PM ۋاي ئېسىت! تاپشۇرۇقنىڭ قۇربانلىرى بالىلار، سىلەر ئوين ... بۇ ئويۇنلارنى ئويناشقا ۋاقىت شارائىت يارىتىپ بېرىلگەن تەغدىردىمۇ بالىلىرىمىزنىڭ ئەينى زاماندىكى بالىلاردەك قىزىقىپ ئوينىشى ناتايىن . سەۋەبى ماكان ۋە زامان پەرقى كىشىلەرنىڭ تەپپەككۈر شەكلىدىكى پەرىقنى ئەڭ موھىمى ئۇلارنىڭ گۈزەللىك تۈيغۇسى، قىزىقىشى، ياخشى كۆرۇشى قاتارلىق جەھەتلەردىكى پەرىقنى كەلتۇرۇپ چىقاردى .شۇڭا ئۇ ئويۇنلارنىڭ بالىلارنى تەربىيەلەشتىكى   قىممىتى بۇرۇنقىدەك زور ئەمەس .بالىلاردا پەقەت بىر ئەنئەنە سۈپۈتىدە قىزىقىش پەيدا بولىشى مۈمكىن ،ھەرگىز ئۇنى ئۆز پائالىتىگە ئايلاندۇرمايدۇ .مەسىلەن ،بۇرۇن ئۈچ ۋاخ تامىغىمىزغا قوناق يېسەك ھىچقانداق بولمايتتۇق ،خۇددى شۇنداق بولىشى كېرەكتەك ،ھازىر ئۈچ ۋاق تامىغىڭىزغا قوناق يەپ بىقىڭ ، قانچىلىك چىدايسىزكىن ؟ مەنىۋى ئىھتىياجمۇ نەپسى ئىھتىياج بىلەن ئوخشاپ كېتىدۇ .ماشىدا ئولتۇرۇپ ئۆگىنىپ قالغان ئادەمنى ئىشەك ھارۋىسىدا قاتنىغىن دېسە ئەلۋەتتە بىرىنچى قىتىملىغىنى قىزىقىش ئۈچۈن بولسىمۇ ماقۇل دەيدۇ ،ھەر كۈنى شۇنداق قىل دېسە ئۇ ئۇنىمايدۇ .مەن بالامنى ھەر كۈنى ماشىنام بىلەن يەسلىگە ئاپىرىپ قوياتتىم ،بىر كۈنى ماشىنام بۇزۇلۇپ قىلىپ كوچا ئاپتۇبوسىدا ئاپىرىپ قوياي دېسەم ناھايىتى قىزىقىپ چىقتى ،لىكىن قايتىپ كېلىدىغان ۋاقىتتا ئاپتۇبۇسقا  ئولتۇرغىلى قەتتى ئۇنىمىدى ،بۇنىڭغا قاراپ ئىنساندىكى بۇ خىل تەبىئى ھۆزۇر -ھالاۋەت قوغلىشىش پىسخىكىسىنىڭ تېگىنى بىلگەندەك بولدۇم . شۇڭا ئەنئەنە بىلەن زامانىۋىنىڭ مۇناسىۋىتىنى توغرا بىر تەرەپ قىلىشتا ئۇسۇلغا دىققەت قىلىش  كېرەك دەپ قارايمەن .

iltebir

	مەن تاپشۇرۇقنى بالىلارغا ئانچە كۆپ بەرمەيمەن. بەزىدە تاپشۇرۇقنى ئاز بېرىپ قويسام، ئاتا- ئانىلار مۇئەللىم تاپشۇرۇقنى جىقراق بەرگەن بولسىڭىز دەپ تەلەپ قىلىشىدۇ.بىز ئوتتۇرا باشلانغۇچ مەكتەپلەردە بالىلارغا ئاساسەن، كۆپرەك ئائىلە تاپشۇرۇقى ئورۇنلاشتۇرۇشقا   بەكرەك كۈچەيمىز.نىمە ئۈچۈن دىگەندە، ئىمتىھان نەتىجىسى يۇقىرى چىقىش ئۈچۈن تاپشۇرۇقنى كۆپ ئىشلەش ،كۆپ تەكرار قىلىش كىرەك.يۇقرىدىن ئىمھتىھاننى چىڭ تۇتقاچقا بىز ئوقۇتقۇچىلارمۇ يۇقىرنىڭ ئورۇنلاشتۇرىشى بۇيىچە ئىش قىلماي ئامالىمىز يوق.

bugaltir

	مېنىڭ ئىككى قىزىم ئوقۇۋاتىدۇ . چوڭ قىزىم خوتەن شەھەرلىك 3 - ئوتتۇرا ماكتەپ تۇلۇقسىز 3 - يىللىقتا ئوقۇيدۇ  ، كىچىك قىزىم خوتەن شەھەر شورباغ يېزا قۇمباغ باشلانغۇچ 3 - يىللىقتا ئوقۇيدۇ  . ھەر ئىككىسى مەكتەپتىن كەلسە ، نەچچە سائەتلەپ تاپشۇرۇق ئىشلەيدۇ . تاماق يىيىش ۋاختىمۇ يوق دىيەرلىك . دەم ئېلىش ۋاختى دىگەندىن ئېغىز ئاچقىلى بولمايدۇ  .   دەم ئېلىش كۈنلىرىدىكى تاپشۇرۇقنى ئىككى كۈندە ئاران ئىشلەپ بولۇدۇ  . مېنىڭ بالىلىرىمنى ئېلىپ بازار ئايلانغۇم كېلىدۇ . ئەپسۇس ‹‹ تاپشۇرۇق ›› دىگەن نەرسە مېنى ئارزۇيۇمغا  تولۇق يەتكۈزمەيۋاتىدۇ  .   بىر نەچچە خىل تىلدا تاپشۇرۇق ئىشلەپ بولالماي ، بالىلىرىمنىڭ قەلەم دەپتەر تۇتقان پېتى ئۇخلاپ قالغان ھالىتىنى كۆرسەم ئىچىم بەك ئېچىشىدۇ . مائارىپنىڭ ئادىللىقى ئادەمنى ئاساس قىلىش كېرەك  . ‹‹  مائارىپنى دۇنياغا ، زامانىۋىلاشتۇرۇشقا  ، كەلگۈسىگە يۈزلەندۈرۈش ›› شۇئارىنى ئىشقا ئاشۇرۇش ئۈچۈن ، بالىلار كېچە  - كۈندۈز تاپشۇرۇق ئىشلىشى كېرەكمۇ  ؟

akbarhimit

	دۇرۇس، مەن يېقىندا سىيىت تىلىۋالدى ئەپەندى تەرجىمە قىلغان يىن جىيەنلى خانىم ئاپتۇرلۇقىدىكى «ئانا-قابىل ئۇستاز» دىگەن كىتابنى ئوقۇدۇم. كىتابتا قەيىت قىلىنىشىچە دېڭىز بويى رايونلىرى شۇنىڭدەك مائارىپى بىر قەدەر تەرەققىي قىلغان ئىچكىرى ئۆلكىلەردە ئوقۇشتىن ئىلگىرىكى تەربىيە مائارىپى پۈتۈنلەي ئەمەلدىن قالدۇرۇلغان. ئوقۇشتىن ئىلگىرىكى تەربىيەدە بالىلار ياش ئالاھىدىكى ۋە ئۆسۈپ يتىلىش قانۇنىيىتى بويىچە مۇئامىلە قىلىنماستىن ھە دەپ دەسكە زولايدۇ، بىر نىمىلەرنى ئۆگىتىدۇ. بۇنىڭ بىلەن ئەسلىدىن ئۆگىنىشكە خۇشتار بالىلار ناھايىتى ئاسانلا مەكتەپتىن زىرىكىدۇ. ئۇلارنىڭ ئەركىنلىكى، پىكىرى، خىيالى بوغۇلىدۇ. قاتتىق تۈزۈم ئىچىدە تۇنجۇقىدۇ. ئۇلار باشلانغۇچ مەكتەپكە چىقسىغۇ بولدى، ئۇلارنىڭ ئەڭ ئېغىر كۈنلىرى شۇنىڭ بىلەن باشلىنىدۇ. مەنمۇ كىچىك بالىلار قانغۇچە ئوينىسۇن دىگەننى تەشەببۇس قىلىمەن. ئويۇن ئىچىگە يوشۇرۇنغان بىلىم بالىلارغا ناھايىتى ئاسان ھەزىم بولىدۇ.

tewelgha

	bugaltir يوللىغان ۋاقتى  2012-11-27 04:49 PM مېنىڭ ئىككى قىزىم ئوقۇۋاتىدۇ . چوڭ قىزىم خوتەن شەھەرلى ... بۇغالتىر ئەپەندىم ، بەلكىم سىزنىڭ بالىلىرىڭىزنىڭ ئوقۇتقۇچىلىرى ھەددىدىن ئاشۇرۋەتكەن بولسا كېرەك .لىكىن ،مائارىپتا ئۆلچەم بار ،نۇرمىدىن ئاشۇرۋەتكەن ئوقۇتقۇچىلارنى سۇراققا تارتىدۇ .بۇنى مەكتەپ مۇدىرىغا ئىيتىپ قويسىڭىزلا بىردەمدىلا ھەل بولىدۇ . مېنىڭچە ، بىز دەل ھازىرقى مائارىپىمىزنىڭ تاپشۇرۇق نورمىسى نورمالمۇ ،تاپشۇرۇق بېرىش شەكلى ئىلمىيمۇ  دېگەن مەسىلە ئۈستىدە مۇنازىرە قىلىشساق بولىدۇ . تاپشۇرۇق ئېغىر، كۆپ بولسا مىللەتنىڭ تەرەقىياتىغا راستىنلا زىيانلىقمۇ ؟مېنىڭچە بۇنداق بولىشى ناتايىن .  تاپشۇرۇغى ئېغىر خەنزۇ مائارىپىنى ئېلىپ ئىيتساق ،گەرچە 60-نەچچە يىللىق يېڭى جوڭگو مائارىپى بېرەر تەبىئى پەن نوبېل مۇكاپاتىنى توغمىغان بولسىمۇ ،لىكىن دۇنيادىكى ئىلغار پەن-تېخنىكىنىڭ ھەممىسى بىزدە بار . مەسىلەن ، باشقىلار ئالەمگە ئۇچقان بولسا بىزمۇ مۇستەقىل ئۇچۇپ چىقتۇق؛ باشقىلار ئاتوم ياسىيالىغان بولسا بىزمۇ ياسىيالىدۇق ؛ باشقىلار ئاۋياماتكا ياسالىسا ،بىزمۇ قىسقا ۋاقىت ئىچىدە ئىككىنچى ئاۋياماتكىنىمۇ پۇتتۇرەي دېدۇق ؛  بىزنىڭ سۇ ئاستى يادرو پاراخودلىرىمىز باشقىلارنىڭ بوسوغىسىغا بېرىپ قايتىپ كەلسە تۇيماي قالدى ھەم چۆچىدى ،باشقىلارنىڭ رادارىدىن يۇشۇرۇنالىدۇق ؛............بىزدە ياسالغان تۇرمۇش ،ئىشلەپچىقىرىش بۇيۇملىرى دۇنيانىڭ بۇلۇڭ پۇچقاقلىرىغىچە تارقالدى (گەرچە سۈپۈتى ئالا بولمىسىمۇ ) ؛مانا مۇشۇلارنىڭ ھەممىسى دەل ئاشۇ تاپشۇرىغى ئېغىر جوڭگو مائارىپىنىڭ تۆھپىسى . دەل شۇ تاپشۇرىغى ئېغىر دېيىلىۋاتقان مائارىپ 60يىل بۇرۇنقى كەمبەغەلنى ،بايغا ئايلاندۇردى ،60يىل بۇرۇنقى ئاجىزنى نوچىغا ئايلاندۇردى .مانا بۇلارنى بىز ۋە سىز ئۆز كۆزىمىز بىلەن كۆرىۋاتىمىز . بىر مىللەت روناق تاپاي دېسە دۇنيادىكى ھەممە بىلىمنى زېرىكمەي ئۆگىنىشى كېرەك  ،ھەتتا پىستە(ئىت )  بىقىشنىمۇ .ئۆگىنىشتىن ئىبارەت بۇ ئىش پەقەت مائارىپ ئارقىلىقلا ئەمەلگە ئاشىدۇ . مېنىڭچە بىسىمى يوق ئۆگىنىشنىڭ نەتىجىسى تۆۋەن بولىدۇ .بۇ يەردە دىيىلگەن بىسىم دەل تاپشۇرۇق  شەكلىدە ئەمىلىلىشىدۇ . تاشقى بىسىم بولمىسا ،ئادەم لەقۋالىشىپ كېتىدۇ .  بىز تاپشۇرۇقنىڭ كۆپلىگىدىن ئەمەس ،بېرىش شەكلىنىڭ ئىلمىي بولمىغانلىغىدىن ۋايسىساق توغرا بولىدۇ .مېنىڭ تەكشۇرىشىمچە ،ئۇيغۇر ئوقۇغۇچىلارنىڭ تاپشۇرۇق بېسىمى ، ئوخشاش ياشتىكى خەنزۇ ئوقۇغۇچىلارنىڭ تاپشۇرۇق بىسىمىنىڭ ئۈچتىن بىرىگىمۇ توغرا كەلمەيدۇ . بۇنى ئېغىر دېسەك،ھازىرقى دۇنيادا  يىلدا نەچچە قاتلىنىۋاتقان يېڭى  بىلىمنى قانداق ئۆگىنىپ بولىمىز ؟  قانداق قىلىپ ئىجادىي مىللەتكە ئايلىنىمىز ؟ مۇشۇنچىلىك سۆزلەي ،كۆپ سۆزلەپ ئۆزەمنىڭ ئوقۇتقۇچى ئىكەنلىگىمنى ئاشكارىلاپ قويدۇم .