قۇرئان ئۆگىنىشنى خالامسىز؟




ئەسسالامۇ ئەلەيكۇم.
ئۇيغۇر مۇسۇلمانلىرىغا ئەڭ زۆرۈر، ئەڭ كۆپ لازىم بولىدىغان، ۋاقتى پەقەت ئۆتۈپ كەتمەيدىغان،شۇنداقلا ئېسىدىن چىقمايدىغان، نامى ھەممىگە تونۇشلۇق،<<قائىدە بەغدادىيە>>، ياكى <<ھەپتىيەك>>ناملىرى بىلەن مەشھۇر كىتابقا ئاساسەن تۈزۈلگەن  نادىر كىتاب--- << ئەرەب يېزىقىنى ئلچەملىك ئوقۇش قائىدىسى - تەجۋىد >>
مەزكۇر كىتاب ئىككى بۆلۈم بولۇپ، ھازىرقى زامان ئۇيغۇر مۇھىتىغا ماس ھالدا(دېمەكچىمىزكى، قىرائەت ئوقۇتقۇچىلىرى كەمچىل) تۈزۈلگەن. ئاساسلىقى، ئۆزىڭىزنىڭ تىرىشىشىڭىز ئالاھىدە تەلەپ قىلىنغان. يەنى: سىز قۇرئان كەرىم ئوقۇشقا قەتئىي ئىرادە باغلىغانىكەنسىز، قانچە ياشقا كىرگەنلىكىڭىزدىن قەتئىينەزەر يەتتە ياشلىق ئۆسمۈر سىياقىدا مەزكۇر كىتاب تەلىپى بويىچە، قولىڭىزغا دەپتەر قەلەم ئېلىپ، ئۈنلۈك ئوقۇپ تۇرۇپ باشتىكى ئون يەتتە بەتتىكى مەشىقلەرنى يېزىپ بېرىسىز.(كىتابتىمۇ<<ئوقۇپ يېزىڭ>> دەپ ئەسكەرتىش بېرىلگەن) بۇ جەرياندا كاللىڭىزغا: ئەرەبچە ھەرپلەرنى يېزىپ قويۇپ، خالىغان جايغا تاشلىنىپ قالسا، گۇناھكار بولۇپ قالارمەنمۇ؟ دەپ قالماڭ. مەزكۇر ئون يەتتە بەتتىكى مەشىقلەردە قۇرئان ئايىتى يوق بولغاچقا، باشقا مىللەت يېزىقى بىلەن ئوخشاش مۇئامىلە قىلسىڭىز بولىدۇ. بۇ جەرياندا ئۇنتۇشقا بولمايدىغان مۇھىم مەنەۋىي ئوقۇتقۇچىڭىز - ئاۋازلىق مەشىق چۈشەندۈرۈشىنى داۋاملىق بىرلەشتۈرۈشىڭىز كېرەك. بىرىنچى بۆلۈمنىڭ ئاۋازلىق لېنتا ئادرېسى ماۋۇ يەردە: http://www.quranicsciences.com/OneSheetNooraaniQaaidah.asp?lessonno=1&visitormonid=96538
بۇ جەرياندا دىققەت قىلىدىغان مۇھىم ئىش: ئەرەب تىلىغا خاس بولغان 8 ھەرپ بار بولۇپ، (كىتابنىڭ 2 - بېتىدە ئالاھىدە ئەسكەرتىگلىك) بۇنى ئامال بار ئەرەب تىلىغا يېقىنراق كېلىدىغان ھەرپلەر بىلەن چۈشەندۈرۈلگەن. بۇ، ۋاقىتلىق ئەھۋال بولۇپ، ئاۋازلىق لېنتىدا مەزكۇر 8 ھەرپنىڭ تەلەپپۇزىغا ئالاھىدە دىققەت قىلىشىڭىز كېرەك.
مۇندەرىجە
كىرىش سۆز
بىرىنچى بۆلۈم:
ئەرەب تىلى ئېلىپبەسى
تاۋۇش بەلگىلىرى :  زەبەر ، زىر، پىچ، تەشدىد، ساكىن قاتارلىقلار.(يۇقىرىقىلار ئاۋال ئەرەبچە، ئاندىن ئۇيغۇرچە بولۇپ ئوقۇش - يېزىش مەشىقى بىرلەشتۈرۈلگەن)
ئومۇمىي تەكرار: يۇقىرىدىكى قائىدىلەرنىڭ ساپ ئەرەپچە مەشىقى، قۇرئان كەرىم 30 - پارە، ياسىن، ئەررەھمان، تەبارەك سۈرىلىرى، نامازدا ئوقۇلىدىغان بارلىق كەلىمە ۋە دۇئالار.
ئىككىنچى بۆلۈم:
تەجۋيد توغرىسدا
ھەرپلەر نىڭ 17 مەخرىجى(تەلەپپۇز ئورنى)(رەسىملىك)
1. ساكىنلىق نۇن ۋە تەنۋىننىڭ ھۆكۈمى 2. ساكىنلىق <<م>> نىڭ ھۆكۈمى 3. تەشدىدلىك <<م>> ۋە تەشدىدلىك <<ن>> نىڭ ھۆكۈمى 4. پېلىنڭ تەركىبدە كەلگەن ساكنلىق <<ل>> نىڭ بايانى 5. سوزۇپ ئوقۇش سۈرىنڭ بېشىدا كېلىدىغان يەككە ھەرپلەر 12. ئۇلانما ھەمزە ... قاتارلىقلار.
2. بۆلۈمنىڭ ئاۋازلىق لېنتا ئادرېسى ماۋۇ يەردە:
http://www.islamway.com/?iw_s=Quran&iw_a=view&id=173

http://www.yich.org/mp3quran/jiaoshou/200612/11666.html
http://www.yich.org/mp3quran/jiaoshou/200612/11666.html

مەزكۇر كىتابنى ئۈرۈمچى تەڭرىقۇت كىتابخانىسىدىن ئابدۇلئەھەد ئەمىر قۇتلۇق تۈزگەن. 2001 - يىلى شىنجاڭ خەلق نەشرىياتى نەشر قىلغان.

كىشىلەر ئەلى رەزىيەللاھۇ ئەنھۇنىڭ ھۇزۇرىغا كېلىپ ئۇنىڭدىن ئىلىم ۋە مال ھەققىدە نۇرغۇنلىغان سوئال سورىغان، ئۇنىڭ ئۇ سوئاللارغا بەرگەن جاۋاب دۇردانىلىرى مۇنداق بولغان:
٭ئىلىم - مالدىن ئۈستۈندۇر، چۈنكى ئىلىم سېنى قوغدايدۇ، سەن مېلىڭنى قوغدايسەن.
٭ ئىلىم - سەرپ قىلغىنىڭچە كۆپىيىدۇ ، ئەمما مال سەرپ قىلغانسېرى ئازىيىدۇ.
٭ ئىلىمنىڭ ھۆرمىتى بىلەن دۈشمەنلىرىڭ ساڭا دوست بولسا، مېلىڭنىڭ سەۋەبى بىلەن دوستلىرىڭ دۈشمەنگە ئايلىنىدۇ.
٭ ئىلىم - ئىنساننى دۇنياۋىي ھەۋەسلەردىن يىراقلاشتۇرۇپ ئاخىرەت ھاياتىغا يېقىنلاشتۇرىدۇ، ئەمما مال سېنى ئاخىرەت غېمىدىن يىراقلاشتۇرىدۇ.
٭ ئىلىم - ئادەمنىڭ ئۆلۈشى بىلەن ئۇنىڭ ئىلكىدىن چىققىپ كەتمەيدۇ، ئەمما مال ئادەمنىڭ ئۆلۈمى بىلەن ئۇنىڭغا تەۋە بولمايدۇ.
٭ ئىلىم - ئۇنىڭ ئىگىسىنىڭ مەرتىۋىسىنى يۈكسەلدۈرىدىغان نۇردۇر، مال بولسا ئۇنىڭ ساھابىنى ھەقىقىي مەرتىۋىدىن چۈشىرىدۇ.
٭ ئىلىمنىڭ كېلىش مەنبەسى ئاللاھنىڭ كالامىدۇر، ئەمما مالنىڭ كېلىش مەنبەسى تۇپراقتۇر.
٭ ئىلىم- پەيغەمبەرلەرنىڭ سۆيگەن نەرسىسىدۇر، ئەمما مال ، نەمرۇد، فىرئەۋن، ھامان ۋە قارۇنلارنىڭ سۆيگەن نەرسىسىدۇر.
٭ ئىلىم - باشقىلار تەرىپىدىن خىزمەت قىلىنغۇچىدۇر، مال باشقىلارغا خىزمەت قىلغۇچىدۇر.
٭ ئىلىم - روھنىڭ غىزاسىدۇر، مال تەننىڭ غىزاسىدۇر.
قورقۇنچلۇق پەيتلەردە ئىلىم ئىنسانغا دوستتۇر، مال بولسا سېنىڭ قورقۇشنى ئارتۇرىدىغان نەرسىدۇر.
٭ ئىلىم- سەپەردە ساڭا ھەمراھدۇر، مال بولسا سەپەردە ساڭا خەتەردۇر.
٭ ئىلىم - سېنىڭ ھەر بالادىن قۇتۇلۇشىڭغا سەۋەپ بولىدۇ، ئەمما مال سېنىڭ يامانلار تەرىپىدىن تۇتۇلىشىڭغا سەۋەب بولىدۇ.
٭ ئىلىم- پەيغەمبەرلەرنىڭ مىراسىدۇر ، مال يۇلۇپ يىغقۇچىلارنىڭ مىراسىدۇر.
٭ قىيامەتتە ئىلىمگە ھېساب كەلمەيدۇ، ئەمما مال ھالال يولدا ئىشلىتىلسە ھېسابى ، ھارام يولدا ئىشلىتىلسە ئازابىغا تارتىلىدۇ.
٭ ئىلىم - ئىگىلىرى ئاللاھنىڭ ئىزىن بېرىشى بىلەن باشقىلارغا شاپائەت قىلالايدۇ، ئەمما مال ئىگىلىرى شاپائەت قىلىنىشتىن ئۈمىد قىلىنغۇچىلاردىن بولىدۇ.
٭ ئىلىم - بولسا كۆڭۈلنى نۇرلاندۇرىدۇ، مال بولسا كۆڭۈلنى قارايتىپ قاتتىقلاشتۇرىدۇ.
٭ ئىلىم - بولسا ئەھلىنى ئاللاھغا قۇلچىلىق قىلدۇرىدۇ، مال بولسا ئەھلىنى ئاللاھقا يوغانچىلىق قىلدۇرىدۇ. 
ئىمام شافىئىنىڭ نەسىھەتلىرىدىن:
٭ ئىلىم- ئۆگىتىشكە لايىق بولمىغانلارغا ئىلىم ئۆگىتىش ئىلىمگە زۇلۇم قىلغانلىق بولسا ، ئۆگىتىشكە لايىق ئادەملەرگە ئۆگەتمەسلىك ئۇ ئادەمگە زۇلۇم قىلغانلىق بولىدۇ.
٭ ئىنسانلارنىڭ ھەممىسىنى رازى قىلماق تەستۇر، ھەممە ئادەمگە يارىغىدەك بىر ئادەم بولماق بولسا مۇمكىن ئەمەستۇر، شۇنىڭ ئۈچۈن پەقەت ئاللاھنى رازى قىلىش ئۈچۈنلا تىرىشىش ئەڭ توغرا ۋە ئاسان يولدۇر.
* ئۇستازىمغا ئەستە تۇتۇش قابىلىيىتىمنىڭ ئاجىزلاپ كېتىۋاتقانلىقىدىن قاخشاپ بەرسەم ئۇستازىم مېنى گۇناھ ئىشلاردىن يېراق تۇرۇشقا بويرىدى ۋە : ئىلىم دېگەن بىر نۇردۇر، ئاللاھنىڭ نۇرى ئاسىي ئىسيانكار كىشىلەرگە بېرىلمەيدۇ، دېدى.

بولىدىغان مەزمۇنلار ئىكەن.تىما يۇللۇغۈچىغا كوپتىن-كوپ رەخمەت.مەن سىناپ باقاي.