ئارائۆستەڭ يېزىسى

ئارائۆستەڭ يېزىسىئارائۆستەڭ يېزىسى تەۋەسىدە بېك كەنتى، گۈكرەتمە كەنتى، تۈگمەنبېشى كەنتى، ئويمانبايتوقاي كەنتى، كۈزلەك كەنتى، بۇلاقبېشى كەنتى، ئارامەھەللە كەنتى، كۈيتۈن بەك مەھەللە كەنتى، قارادۆڭ كەنتى، ئالتۇن كەنتى، ئاياغ مەھەللە كەنتى، خەلپەم مەھەللىسى كەنتى قاتارلىق 12 مەمۇرىي كەنت بار.

ئارائۆستەڭ يېزىسى تەۋەسىدە 20 پارتىيە ياچېيكىسى بار، پارتىيە ئەزالىرى 470 نەپەر، ئىتتىپاق ئەزالىرى 1217 ئادەم. رايون تەۋەسىدە 32 مەسچىت، دىنىي پائالىيەت نورمال. يېزىلىق ھۆكۈمەت تۇرۇشلۇق جاي گۈكرەتمە كەنتى.

سەككىز يېزا تۇرۇشلۇق ئورۇنلار ئايرىم-ئايرىم ھالدا: ساقچىخانا، توك بىلەن تەمىنلەش پونكىتى، يەر باشقۇرۇش پونكىتى، ۋودوپروۋود سۇ پونكىتى، پوچتىخانا، ئاشلىق پونكىتى، تەمىنات-سودا كوپىراتىپى، ئامانەت-قەرز كوپىراتىپى قاتارلىقلار بار.

ئارائۆستەڭ يېزىسى قۇرۇقلۇق مۆتىدىل يېرىم قۇرغاق رايون كىلىماتىغا تەۋە. تېمپېراتۇراسى بىر قەدەر ئىللىق ۋە نەمخۇش، يىللىق ئوتتۇرىچە ھاۋا تېمپېراتۇرىسى ℃8.5، 1-ئايدىكى ئوتتۇرىچە تېمپېراتۇرىسى ℃8، 7-ئايدا ئوتتۇرىچە تېمپېراتۇرىسى ℃3، يىللىق ئوتتۇرىچە ھۆل-يېغىن مىقدارى 340 مىللىمېتىر، بۇنىڭ ئىچىدە 4-ئايدىن 9-ئايغىچە %60 نى ئىگەللىگەن. قىروسىز مەزگىلى 164 كۈن، ئۈنۈملۈك يىغىندى تېمپېراتۇراسى ℃10 تىن يۇقىرى، قۇياش رادىئاتسىيە مىقدارى 3200 كىلوكالورىيە/كۋادرات مېتىر، قار بىر قەدەر مۇقىم، يېپىش قېلىنلىقى 20-10 سانتىمېتىر، كۈزگى بۇغداينىڭ قىشتىن ئۆتۈشىگە پايدىلىق، ئاساسلىقى تەبىئىي ئاپەت قۇرغاق ئىسسىق شامال، تۈگەنچى باھاردىكى سوغۇق، لېكىن يېزا ئىگىلىك ئىشلەپچىقىرىشىغا چوڭ تەسىر كۆرسەتمەيدۇ.

ئارائۆستەڭ يېزىسى ئىلى دەرياسىنىڭ شىمالىي قىرغىقىدىكى تىنما قالدۇق دۆڭ تۈزلەڭلىكىگە جايلاشقان، يەر شەكلى مۇرەككەپ، دېڭىز يۈزىدىن ئېگىزلىكى تەخمىنەن 700 مېتىر، يەر شەكلى شەرقتىن غەربكە قىيسايغان، تۇپىرىقى كۈل رەڭ تۇپراق، تۇپراق سۈپىتى ياخشى، تېرىقچىلىققا ماسلىشىچانلىقى ياخشى، يېزا ئىگىلىك، چارۋىچىلىق ئىشلەپچىقىرىشىنىڭ تەرەققىياتىغا ماس كېلىدۇ.

يېزا بويىچە ئاشلىق زىرائىتى تېرىلغۇ كۆلىمى 34676 مو، ئىقتىسادىي زىرائەت تېرىلغۇ كۆلىمى 17831 مو. ئاساسلىق تېرىلىدىغان زىرائەتلەردىن : بۇغداي، قىچا، ئوجون، قوناق، قىزىلچا، تاتلىق ياڭيۇ، ياڭيۇ، كۈدە قاتارلىقلار بار، 2007-يىلى دېھقان، چارۋىچىلارنىڭ ئوتتۇرىچە كىرىمى 4019 يۈەن بولغان، ئورمان بىلەن قاپلىنىش كۆلىمى %28 تىن ئاشقان.

قوتاندا ساقلانغان چارۋا-مال سانى 32737 تۇياققا يەتكەن، بۇنىڭ ئىچىدە كالا 4716 تۇياق، قوي 25017 تۇياق، ئات 571 تۇياق، ئېشەك 709 تۇياق، چوشقا 1724 دانە، بورداق كالا 2400 تۇياق، بورداق قوي 8500 تۇياق. چارۋىچىلىق ئومۇمىي مەھسۇلات قىممىتى 2627.3 مىڭ يۈەن بولغان.^[0]