ياز

ياز پەسلى بولسا «تۆت پەسىلنىڭ بىرى» بولغان ئەڭ ئىسسىق، ئەتىياز ۋە كۈز پەسىللىرىنىڭ ئوتتۇرىدىكى بىر پەسىلدۇر. شىمالىي يېرىم شاردا ئەڭ ئۇزۇن كۈنلەر يازدا كۆرۈلىدۇ. نورمالدىيەە سەفەر، چىللە، تومۇز ئايلىرى (ئىسسىق كۈنلەر 21-ئىيۇندىن 22-سىنتەبىرغىچە)، جەنۇبىي يېرىم شاردا كۆنەك، قەھرىتان، ھۇد (ئىسسىق كۈنلەر 22- دېكابېردىن 21-مارتقىچە) ياز پەسلى دەپ قارىلىدۇ.

ياز پەسلى ئادەملەر، تەبىئەتنىڭ نۇرغۇن گۈزەللىكلىرىدىن پايدىلىنىش پۇرسىتى تاپىدۇ. ئىنسان سالامەتلىكىگە ئىنتايىن پايدىلىق بولغان سۆڭەكلەرنىڭ يېتىلىشىگە پايدىلىق بولغان ۋىتامىن D، قۇياش نۇرىدىن ئېلىنىدۇ. يازدا ئىنسانلار قۇمغا كۆمىلىدۇ. ئىمكان تاپسا تېرە ۋە بەزى كېسەللىكلەرگە پايدىلىق بولغان دېڭىزغا كىرىدۇ. كۈنگە قاقلىنىش رېماتىزىم كېسەللىرى ئۈچۈن ئىنتايىن پايدىلىق. قۇياشنىڭ كۈچلۈك تەپتى نۇرغۇن كېسەللىكلەرنى يوقىتىدۇ ۋە ياخشىلايدۇ. مېۋە-چىۋە ۋە كۆكتاتلارنىڭ ئەكسەرى بۇ پەسىلدە يېتىشىدۇ. بۇغداي، ئارپا، قوناق قاتارلىق ئاشلىق زىرائەتلىرى رايونىمىزدا ياز پەسلىدە تەييار بولىدۇ. ئاپتونوم رايونىمىزدا ئەڭ ئىسسىق يەر تۇرپان ئويمانلىقى بولۇپ يەر ھارارىتى بەزىدە 70 گرادۇسقىچە كۆتۈرىلىدۇ.

يازباش ياز قۇياشنىڭ ئورنى ۋە ئۇنىڭ ئېكلىپتىكىلىق ئۇزۇنلۇقى 45 گرادۇس بولۇپ، 5-ئاينىڭ 5-7 كۈنلىرى.

سەرەتان ئىسىقى قۇياشنىڭ ئورنى ۋە ئۇنىڭ ئېكلىپتىكىلىق ئۇزۇنلۇقى 60 گرادۇس بولۇپ، 5-ئاينىڭ 20-22 كۈنلىرى.

ئورما ۋاقتى قۇياشنىڭ ئورنى ۋە ئۇنىڭ ئېكلىپتىكىلىقى ئۇزۇنلۇقى 75 گرادۇس بولۇپ، 6-ئاينىڭ 5-7 كۈنلىرى.

يازلىق قۇياشنىڭ ئورنى ۋە ئۇنىڭ ئېكلىپتىكىلىقى ئۇزۇنلۇقى 90 گرادۇس بولۇپ، 6-ئاينىڭ 21-22 كۈنلىرى.

باش تومۇز قۇياشنىڭ ئورنى ۋە ئۇنىڭ ئېكلىپتىكىلىق ئۇزۇنلۇقى 105 گرادۇس بولۇپ، 7-ئاينىڭ 6-8 كۈنلىرى.

تومۇز  قۇياشنىڭ ئورنى ۋە ئۇنىڭ ئېكلىپتىكىلىق ئۇزۇنلۇقى 120 گرادۇس بولۇپ، 7-ئاينىڭ 22-24 كۈنلىرى.^[1]