قارساي بازىرى

قارساي بازىرى قاراقاش ناھىيەسىنىڭ غەربى شىمالىغا جايلاشقان بۇلۇپ، ناھىيە بازىرىغا 33 كىلومىتىر كىلىدۇ، شىمال تەرىپى تەكلىماكان

 قۇملۇقى ئارقىلىق ئاقسۇ ئاۋات ناھىيەسىگە تۇتىشىدۇ، شەرق تەرىپى 47-تۈەن، پۇرچاقچى يېزىسى، قوچى يېزىسىغا، جەنۇب تەرىپى

 كۇيا بازىرى، ئۇرچى يېزىسىغىچە، غەربى ياۋا يېزىسىغىچە تۇتىشىدۇ.

قارساي بازىرىنىڭ كىلىماتى ئىللىق مۆتىدىل بەلۋاغ قۇرغاق چۆللۈك كىلىماتقا تەۋە بولۇپ، تۆت پەسىل ئېنىق، يازدا تومۇز ئىسسىق بولىدۇ. ئەتىيازدا ھاۋا بالدۇر ئىسسىيدۇ، كۈز پەسلىدە تېمپراتۇرا تېز، ھۆل-يېغىن مىقدارى ئاز، كۈن نۇرىنىڭ چۈشۈشى تولۇق، قىروسىز مەزگىلى ئۇزاق، كېچە بىلەن كۈندۈزنىڭ تېمپېراتۇرا پەرقى چوڭ. يىللىق ئوتتۇرىچە تېمپېراتۇرىسى ℃11.6، ئەڭ يۇقىرى تېمپېراتۇرىسى ℃40.6، ئەڭ تۆۋەن تېمپېراتۇرىسى ℃12.5-. كۈننىڭ يىللىق ئوتتۇرىچە چۈشۈش ۋاقتى 2829.9 سائەت. يىغىندا تېمپېراتۇرىسى ℃4360.9. قىروسىز مەزگىلى 217 كۈن. يىللىق ئوتتۇرىچە ھۆل-يېغىن مىقدارى 41.3 مىللىمېتىر. سۇنىڭ يىللىق ئوتتۇرىچە پارغا ئايلىنىش مىقدارى 1736.1 مىللىېمتىر. 1-ئايدىكى ئوتتۇرىچە تېمپېراتۇرىسى ℃6.5-، ،قىروسىز مەزگىل 177 كۈن، يىللىق يورۇتۇش ۋاقتى 2250 سائەت.

قارساي بازىرىنىڭ يېزا ئىگىلىكى بىرقەدەر تەرەققىي قىلغان. دېھقانچىلىق قىلىشقا باب كېلىدىغان قاقاس يەر ۋە ئورمان يېتىشتۈرۈشكە باب كېلىدىغان قاقاس يەر بار. دېھقانچىلىق مەھسۇلاتلىرىدىن بۇغداي، كېۋەز، شال، كۆممىقوناق، مېۋە-چېۋە قاتارلىقلار بار. قەغەز ياڭاق ئالاھىدە مەھسۇلات ھېسابلىنىدۇ. چارۋىچىلىق دېھقانچىلىق رايونى چارۋىچىلىقنى ئاساس قىلىدۇ. چارۋىسىدىن كالا، قوي، ئېشەك قاتارلىقلار بار. يېزا ئىگىلىكىمۇ ماشىنىلاشقان.

قارساي بازىرىنىڭ ئاساسىي مۇئەسسەسەلىرى تەدىرىجىي ياخشىلانغان. يېزا-كەنت يوللىرى تەرەپ-تەرەپكە تۇتاشتۇرۇلغان بولۇپ، ھەممىسىگە قاراماي ياتقۇزۇلغان. پروگراممىلىق تېلېفون تۇتاشتۇرۇلۇپ، پۈتۈن مەملىكەت تورىغا كىرگۈزۈلگەن.

2014-يىلى 2-ئاينىڭ 13كۈنى قاراقاش ناھىيەسىنىڭ قاراساي بازىرى قاراساي بازارلىق مەركىزىي باشلانغۇچ مەكتەپ «يېزا ئەمەلدىن قالدۇرلۇپ بازار قۇرۇش» يوپۇقىنى ئېچىش مۇراسىمى ئۆتكۈزلگەن، بۇ قاراساي بازىرى تارىختىكى يېڭى سەھىپە ئېچىپ، يېڭى تەرەققىيات دەۋرىگە قەدەم قويغان.

ۋىلايەتلىك پارتكومنىڭ مۇئاۋىن شۇجىسى، قاراقاش ناھىيەلىك پارتكومنىڭ شۇجىسى لۇ شۇجياڭ، ئاپتۇنۇم رايوندىن قاراقاش ناھىيەسىنىڭ قاراساي بازىرىدا تۇرۇشلۇق ئاممىغا مۇلازىمەت قىلىش، مەركەزلىك تۈزەش خىزمەت ئەترىتىنىڭ باشلىقى، ئاپتونوم رايونلۇق قاتناش نازارىتىنىڭ مۇئاۋىن نازىرى يىن شاۋلۇڭ، قاراقاش ناھىيەلىك پارتكومنىڭ مۇئاۋىن شۇجىسى ھاكىم مەمەتئىمىن ئابلا قاتارلىق رەھبەرلەر يوپۇق ئېچىش مۇراسىمىغا  قاتناشقان. ^[0]