دۇنيا بويىچە 1 مىليارت ئادەم ئۆلۈپ كېتىدىكەن …

بۇ دۇنيا سەھىيە تەشكىلاتنىڭ ئەڭ يېڭى دوكلاتىدا چىقىرىلغان ئاگاھلاندۇرۇش بولۇپ، ئەگەر ھەرقايسى دۆلەت ھۆكۈمەتلىرى تاماكا سېتىشنى ئۈنۈملۈك تېزگىنلەش تەدبىرلىرىنى يولغا قويمايدىغان بولسا ، مۇشۇ ئەسىردە 1 مىليارت ئادەم تاماكا چىكىش تۈپەيلى ھاياتىدىغان ئايرىلىدىكەن.
دوكلاتتا كۆرسىتىلىشىچە، تاماكا چېكىش تۈپەيلى تۈرلۈك كېسەللىكلەرگە گىرىپدار بولۇپ ھاياتىدىن ئايىرىلغانلارنىڭ كۆپ قىسىمى تەرەققىي قىلىۋاتقان ئەللەردە ياشايدىغان بولۇپ، تاماكا چەككۈچلەرنىڭ سانى بۇ ئەللەردە داۋاملىق ئېشىۋېتىپتۇ.
پەن – تەتقىقات خىزمەتلىرىدە تاماكىنىڭ ئادەم بەدىنىگە زىيانلىق ئىكەنلىكى ، ھەتتا ئۇنىڭ راك كېسىلى ، يۈرەك كېسەلللىكى ۋە باشقا جانئالغۇچ كېسەللىكلەرنى پەيدا قىلىدىغانلىقى ئاللىبۇرۇن ئىسپاتلانغان بولسىمۇ ، دۇنيادىكى ھەرقايسى دۆلەت ھۆكۈمەتلىرىنىڭ تاماكا تىجارىتىدىن ئالىدىغان باج كىرىمى ئۇلارنىڭ تاماكا چېكىشىنى چەكلەشكە سەرىپ قىلغان مالىيە چىقىمىنىڭ 500 ھەسسىسىگە باراۋەر كەلمەكتە.
ئۆتكەن ئەسىردە ( 20 – ئەسىر ) دۇنيا بويىچە تاماكا چېكىشكە ئالاقىدار كېسەللىكلەر تۈپەيلى 100 مىليۇن ئادەم ھاياتىدىن ئايرىلغان. بۇلارنىڭ زور كۆپچىلىكى ( 3 تىن 2 قىسىمى ) جۇڭگو ، ھىندىستان ، ھىندۇنىزىيە، روسىيىگە ئوخشاش 10 دىن ئارتۇق تەرەققىي قىلىۋاتقان دۆلەتلەردە ياشايدىغان كىشىلەردۇر.
ئەھۋال يۇقىرىقىدەك بولسىمۇ ، دۇنيادا يەنىلا 70 كە يېقىن دۆلەت مەكتەپ، دوختۇرخانا قاتارلىق ئاممۋىي سورۇنلاردا تاماكا چېكىشكە يول قويىدۇ.
نۆۋەتتىكى تەرەققىيات يۈزلىنىشىدىن قارىغاندا، تاماكا چەككۈچىلەرنىڭ سانى يىلسىېرى ئېشىپ بېرىۋاتقان بولۇپ، كىشىنىڭ ئەندىشىنى قوزغايدىغان يېرى شۇكى، ئايال بەڭگىلەرنىڭ سانى يېقىنقى يىللاردىن بېرى تېز سۈرئەت بىلەن ئېشىۋېتىپتۇ.
مەزكۇر دوكلاتنى تەييارلىغۇچى تۈر مەسئۇلى (佩提特) نىڭ ئېيتىشىچە، جۇڭگودا %60 ئەر تاماكا چىكىدىغان بولۇپ، بۇ نىسبەت ھەر يىلى ئاز – ئازدىن ئېشىپ بېرىۋېتىپتۇ. ئەمما، جۇڭگودا پەقەت %2 – %3 لا ئايال تاماكا چېكىدىكەن. شۇڭا، تاماكا شىركەتلىرى جۇڭگو ئاياللىرىدىن ئىبارەت بۇ << غايەت زور بازار >> نى ئېچىشقا باشلاپتۇ. ھەتتا، بۇ شىركەتلەر ياش – ئۆسمۈرلەرنىمۇ نىشانلاپ بولۇپتۇ.
مەزكۇر دوكلاتتا ئاگاھلاندۇرۇلىشىچە، 2030 – يىلىغا بارغاندا، دۇنيا بويىچە 800 تۈمەن كىشى تاماكا چېكىشكە ئالاقىدار كېسەللىكلەر تۈپەيلى ھاياتىدىن ئايرىلىدىكەن. بۇ كىشىلەرنىڭ %80 تىدىن كۆپرەكى تەرەققىي قىلىۋاتقان ئەللەر كىشىلىرى بولىدىكەن.
مەنبە