ئابلاجان يانبىلوگى

ئابلاجان يانبىلوگى خەۋىرى:

مۇشۇ ئاينىڭ 24-كۈنى (2015-يىلى 11-ئاينىڭ 24-كۈنى) ياش مودا ئېقىم كۈيچىسى ئابلاجان ئاۋۇت ئايۇپنىڭ ئەڭ يېڭى پىلاستىنكىسى «شاھزادە»نىڭ ئىمزا قويۇپ سېتىش پائالىيىتى قاغىلىق ناھىيەسىدە ئېلىپ بېرىلدى.

بۇ قېتىملىق پائالىيەتنى شىنجاڭ كۈيچى مەدەنىيەت تارقىتىش چەكلىك شىركىتى، ئابلاجان سىتودىيەسى ۋە قاغىلىق ناھىيە ماري براون تېز تاماقخانىسى ھەمكارلىشىپ ئۆتكۈزگەن بولۇپ، پائالىيەت 12:20 ئۆتكەندە باشلانغان بولۇپ، پۈتۈن پائالىيەت سورىنى ناھايىتى قاينام-تاشقىنلىققا چۆمدى. ئابلاجان سىتۇدىيەسى نەق مەيداندا «مەھەللىمىزدە مەشرەپ بار» ناملىق ئەڭ يېڭى ناخشىنى ئېيتىپ، پائالىيەت قاتناشقۇچىلىرىنىڭ قىزغىن ئالقىشىغا ئېرىشتى.

پۈتۈن پائالىيەت ئىككى سائەت داۋاملاشقان بولۇپ، ئابلاجان مەستانىلىرى پائالىيەت ئۈچۈن تەييارلىغان پىلاستىنكىلارنى بەس-بەستە تالىشىپ سېتىۋالدى.

ئۇنىڭدىن باشقا يەنە ئەخمەتجان مەمتىمىن ئابلاجان ئاۋۇت ئايۇپقا ئاتاپ شېئىر دېكلىماتسىيە قىلدى.

مودا ئېقىم كۈيچىسى: ئابلاجان ئاۋۇت ئايۇپقا
پەيدا بولسا سەھنىلەردە ھەر قاچان،
كۆتۈرىلەر قىقاس-چوقان، ھاياجان.
دېمىسەممۇ بىلدىڭلارغۇ مېنىڭچە؟
ئۇ سۆيۈملۈك چولپىنىمىز-ئابلاجان.

ئۇسلۇبىڭىز سىزنىڭ بەكمۇ ئۆزگىچە،

ئوغۇلبالا، تەتىل، مەشرەپ سەيناسى.

سۆيۈنىمىز سىزدىن شۇنچە ئابلاجان،

بولدىڭىزغۇ مىسكىن دىللار داۋاسى.

سىز ئېيتقان كۈي ھەممىمىزگە يارايدۇ،

كىچىك ئۇكام ئابلاجان دەپ توۋلايدۇ.

يوقاپ كەتمەڭ ئىجاد قىلىڭ يېڭى كۈي،

بارچە ئۇيغۇر پەخىرلىنىپ ئاڭلايدۇ.

بويلىرىڭىز ئامان بولسۇن سالامەت،

ئىزىڭىزدىن گۈل-چېچەكلەر ھەم ئۈنسۇن.

نەتىجىلىك بولسۇن قىلغان ئىشىڭىز،

ئۇتۇق-ئامەن مەڭگۈ سىزگە يار بولسۇن!

يەنە ئۇنىڭدىن باشقا، قاغىلىق ناھىيە جايتىرەك يېزا ئاقمىچىت باشلانغۇچ مەكتىپىدىكى سۆيۈملۈك ئوقۇغۇچىلار بولۇپ، ئابلاجان ئۇلارنىڭ سوۋغىسىنى كۆرۈپ، ناھايىتى خۇشال بولغانلىقىنى بىلدۈردى.

ئابلاجان مۇنداق دەيدۇ: «بەك تەسىرلەندىم، دۇنيا سۆيگۈ بىلەن گۈزەل!»

ئاخىرىدا ئابلاجان، پۈتكۈل پائالىيەتلىرىنى ئوڭۇشلۇق تاماملاپ، قاغىلىقتىكى ئابلاجان مەستانىلىرى، ئوماق بالىلار، ئوقۇغۇچىلاردىن ئايرىلىشقا كۆزى قىيمىغان ھالدا ئايرىلىشقا مەجبۇرى بولدى.