ئەسسالامۇ ئەلەيكوم باغداش ئەھلى ھەممىڭلارنىڭ تېنىڭلەرگە سالامەتلىك بولسۇن.
مۇشۇ ماقالىگە ئىنكاس يازغان دوسلار سىلەرنىڭمۇ باللىرىڭلار ئۇيغۇر مەكتىۋى ۋە ئۇيغۇر يەسلىسىدە ئوقۇۋاتامدىغاندۇ دەپ ئويلاپ قالىمەن،ئېغىزىڭلاردىن ئانا تىلىم ۋاي ئۇنداقەي، مۇنداقەي ،دەپ ھالىڭلار قالماپتۇ،دەپ بېقىڭلارچۇ مۇشۇ ماقالىگە ئىنكاس يازغانلارنىڭ ئىچىدە قايسىڭنىڭ بالىسى بار ،قايسى مەكتەپتە ئوقۇۋاتىدۇ،مانا مېنىڭ بالام ئۇيغۇرچە مەكتەپتە ئۆز ئانا تىلىدا ئوقۇۋاتىدۇ،بۇندىن كېيىنمۇ ھەم شۇنداق ،مەكتەپتە ئوقۇيالمىسا مۇئەللىم تەكلىپ قىلىپ ئۆيدە ئوقۇتىمەن،ھەممىمىز ئۇيغۇر بولغانكەنمىز تىلىمىزنى قەدىرلەش ۋە ئاسراشنى ئۆزىمىزدىن باشلىشىشىمىز كېرەك.

مەن مەكتەپكە ئاتا -ئانىلار يىغىنىغا بارغىنىمدا بىر ئائىلە باشلىقى ؛مەلۇم بىر ئوقۇتقۇچىنىڭ يېنىدىكى بىرسىگە بالاڭنى ئۇيغۇرچىدا ئوقۇتۇپ قانچىلىك پايدا كۆردۈڭ ؟دىگەنلىكىنى ئاڭلاپ بەكمۇ ئاچىقلانغانلىقىنى ھەمدە ئانا تىل ئۆگۈتۈش ھەم ئۆگۈنۈشنىڭ قۇرۇق شۇئار بولۇپ قالماسلىقىنى دىگەن ئىدى ،بۇنى ئاڭلاپ ئۇ ئوقۇتقۇچىدىن بەكمۇ ئۈمۈدسىزلەندىم ،ئەجىبا ئانا تىل بىزگە شۇنداق زىيان سېلىۋاتقانمىدۇ ؟بىر كۈنلەردە بەزى ئۇيغۇرلىرىمىز ئۆزىنىڭ ئۇيغۇر بولۇپ قالغانلىقىغىمۇ پۇشايمان يەرمۇ ؟

........................................................................... 

"ئۇيغۇر تىلى كىپەنلىنىش ئالدىدا دەپ قاراپ ،ئۇنىڭغا ھازا تۇتۇش ئۆتۈپ كەتكەن ھاماقەتلىك ،ئۇچچىغا چىققان بىمەنىلىك"
مانا بۇ گەپ جايىدا بولغان، ئۆز ئانا تىلىمىزغا ئالدىراپ ئەلۋىدا دەپ، ئۆزىمىز ئاغزىمىزدا كىپەنلىۋەتسەك، تىلىمىزنىڭ كەلگۈسىدىن قانداقمۇ ئېغىز ئاچقىلى بولسۇن.
ھەي بىز قاچانمۇ چۈشكۈن ۋە ئۈمىدسىز پوزىتسىيەدىن قۇتۇلارمىز. ئۇيغۇر تىلى ھېلىمۇ ھەم ئۇيغۇر ئاپتونوم رايونىمىزدىكى ئاساسلىق تىل، ئۇ ھەر قايسى كەسىپ ۋە ساھەلەردە ئۆز رولىنى جارى قىلدۇرماقتا ۋە داۋاملىق قىلدۇرغۇسى...سىز ۋە بىزگە ئوخشاش ئۇيغۇر ئەۋلادلىرى ئانا تىلىمىزغا مەسئۇلىيەتچانلىق بىلەن مۇئامىلە قىلساق ئىشنى ھەممىز ئۆزىمىزدىن باشلىساق ئۇيغۇر تىلىنىڭ كەلگۈسى تېخىمۇ پارلاق بولىدۇ