بىر شېئىر يوقمۇ ،
كەمىنە پالگانغا.
يەنە يازاسىز،
كېيىن قالغانغا

ئىشتىن چۈشۈپ زىمىنجان،
چىلان باغقا ماڭارمىش.
قاراپ چىلان شېقىغا،
ھېساپ سوقۇپ كۈلەرمىش.

كەچتە ئۆيىگە كەلگەندە،
كوت-كوت ئىزدەپ ئۆتەرمىش.
مۇكاپات بار دېگەندە،
ئاندىن تېما يازارمىش.

مۇكاپاتقا ئېرىشىپ،  
بېشى كۆككە يېتەرمىش.
قۇتلان قولغا تەگمىگەچ،
چىراي تۈرۈپ يۈرەرمىش.

كۆرۈپ ئايەم چاقچىقىنى،
ھەممە بىردەك شادلاندى.
ئىنكاس چۈشۈپ توختىماي،
باغداشمۇ ھەم جانلاندى.

يېزىپ تۇرۇڭ داۋاملىق،
نادىر تېما، ئىنكاسلار.
سىز باغداشنىڭ ئاتىسى،
ئۈلگە ئالسۇن باشقىلار.

قاملاشمىسىمۇ قالايمىقان بىلجىرلاپ قويدۇم.      

ئۇيغانغان زىمىنغا :

كەتمەن تۇتۇپ زىمىنكا ،
ئىگىلمىسۇن قەددىڭىز .
ھەدەم قارىماي قويمىسۇن ،
بالدۇر قېرىپ كەتسىڭىز .

سوۋغات بېرىپ ئەڭ بالدۇر،
ھەممىنى شاد ئەتتىڭىز .
مېھمان قىلىپ ئالايلى ،
ھېيتلاپ بىر كەلسىڭىز .

ئېتىز ، خىزمەت دەپ يۈرۈپ ،
تولىمۇ جاپا  تاتتىڭىز ،
ھاردۇقمۇ چىقىپ قالار ،
چىلانلارنى ساتسىڭىز .

ئەجرىڭىزگە تىگىشلىك ،
ھوسول بىرەر چىلانلىق.
تېنىڭىزگە تىلەيمەن ،
سالامەتلىك ئامانلىق .

  چاقچاق قىلدىم پەقەتلا چاقچاق ،
  چاقچاقلىرىم ئېغىر كەتمىسۇن .
  ئائىلىڭىزگە بەخىت تىلەيمەن،
  قەلىمىڭىزگە ھەم ھاردۇق يەتمىسۇن !

  قاملاشمىغان بولسىمۇ ،،،،،،، ،،،،، ،،،،  

بەك قىزىپتۇ .يارايدۇ . شۇنداق ھوزۇرلىنىدىكەن ئوقۇغان كىشى .

قوشاق قاتاي دىسىڭىز،
غەلىتىمىكەن ئىسمىم.
تۆھپە قوشۇش باغداشقا،
مەنمۇ كىرىمەن دائىم..

ھېيت - ئايەملەر كۈنلەردە،
ئۇنتىمىغايلا بىزدەك مۇساپىرلەرنى.
گۈللىتەيلى بىرلىكتە بولۇپ ھەمنەپەس،
ئىللىق ماكان باغداشلارنى....

قالماشمىسىمۇ......

    باغداش دىگەن تاغ ئىكەن ،
    مايتاغ دىگەن تاغ ئىكەن  .
    يىراق بولسىمۇ ئارلىغى ،
    يىلتىزلىرى   تۇتاشكەن  .

     بىزلا  دائىم  بارمايلى ،
     سىزمۇ  كېلىڭ زىمىنجان  .
     مايتاغ دىگەن ئوبدان يۇرت ،
     كۈتىۋالىمىز  بىر  ئوبدان .

       بىزنى  يېقىن  قىلغىنى .
      باغداش تورىنىڭ مۇنبىرى ،
      شۇڭا مېھرىم بار مېنىڭ .
       ئۇ  كۆڭۇلنىڭ  ئارمىنى .

     بىزدەك  بىلمىگەنلەر  ئۈچۈن  قوشاق  يېزىش  نىمانداق  تەس  ،   قانداق  يېزىپ  بولغانسىز  شۇنچە  قوشاقنى  ؟         روزا  ھېيتىڭىزغا  مۇبارەك  بولسۇن !

ئادەتتە شېئر ھېكايىلەرنى ئانچە ئوقۇپ كەتمەيتتىم. بۇ قوشاقلارنى ئوقۇپ بەك ھوزورلاندىم. مەندەك بىر كالتە - كۇستەڭ ئەزانىمۇ قوشاققا قېتىپ قويغىنىڭىزنى كۆرۈپ كۆڭلۈم خوش بوپ قالدى.  سالامەت بولۇڭ!

تېۋىلغىغا

ھەقىقەتنىڭ  سىماسى،
سىزدە باردۇر  تېۋىلغا.
قوي-كالىلار كۆرمىسۇن،
يېققىن بارماڭ  ئېغىلغا.

تېۋىلغىدا  بار خىسلەت،
ئېگىلىدۇ  سۇنمايدۇ.
شۇڭا  ھەقنى  ياقلارسىز،
ھەققە  توزاڭ  قونمايدۇ.

be42late
ئانىڭىزغا  يازغان  خەت،
ياش  كەلتۈردى كۆزۈمگە.
مۇساپىرسىز  ئەل  ئۈچۈن،
قۇلاق سېلىڭ سۆزۈمگە:

ئابدۇقادىر داموللام،
مىللەت  ئۈچۈن ياش تۆكتى.
كۆرەلمىدى مۇناپىق،
مال-دۇنياغا تىز پۈكتى.

سىزگە ئوخشاش  مىللەت دەپ،
جان كۆيدۈرەر  يىگىت  ئاز.
شۇڭا  ئايرىش  بەكمۇ  تەس،
قايسى ئۆردەك،قايسى  غاز.

غېرىپلىقتا   شەيتانغا،
ھەرگىز  چاخچاق  قىپ  سالماڭ.
شەيتان  سالسا  تويلۇقنى،
رەھمەت  ئېيتىپ  ئېپ  قالماڭ.

palganغا
خوجىنىياز  پالگاننى،
قىلىۋاپسىز  باش  سۈرەت.
پالگانلىقنى قىلالماي،
تارتىپ قالماڭ كۆپ كۈلپەت.

بۇ دەۋىردە،ئەسىردە،
چىن  پالۋاننى  تاپماق تەس.
شۇڭا  بېسىپ  تۇرمامدۇ،
ماڭدامدا  بىر  بىزنى نەس.

مۇناپىققا  مۇشت  ئاتار
پالۋان  بولۇڭ ھەقىقى،
يالغان  سۆزلەپ مىللەتكە،
بولۇپ  قالماڭ  شەقىقى.

ئۆزتۈرۈككە

نىكاھلارغا  قارايسىز،
دۈربۈن  بىلەن لوپىدا.
كىم بىلىدۇ قەدرىنى،
ياتسا  گۆھەر توپىدا.

گۆھەر  كەبى يازمىلار،
قەلبىڭىزدىن تۆكۈلەر.
ئوقۇپ ئويلاپ چۈشەنگەن،
باشقىچىدىن  كۆكۈرەر.

ئەسلىمىگە

باغداش كەلسە ئېسىگە،
كىرىپ  قالار  ئەسلىمە.
لىرىك  شىئېر،نەسىرلەر،
ھىدلار  چاچار  پەسلىگە.

بەكمۇ  ئەركىن يازمىسى،
ئۆزىگىلا  ئوخشايدۇ.
غەزەللىرى بۇلاقتەك،
كۆزىگىلا ئوخشايدۇ.

باغداش  ئۈچۈن ئۆيىنى،
ئۇنتۇپ  قالار  بەزىدە.
ئۆيدە سوتچى تولغۇنار،
ئۇيقۇ كەلمەي  كۆزىگە.


بوزقىرغا:

بوزقىر  نەدە  دېسەڭلار،
پارىخورنىڭ پېيىدە.
تېما  پۇراپ  تۇرىدۇ،
پارخورنىڭ  سېيىدە.

ئويلىمىغان تېمىلار،
  ئۈنۈپ چىقار بوزقىردا.
پارىخوردەك شۇمبۇيا،
  ئۆلۈپ قالاربوزقىردا.

مۇزتاغقا

كەلدىمكىن باغداشقا،
جا گۈلەندەن مۇزتاغ بوپ.
ئۇچۇر  ئېلىپ  باغداشتىن،
ئېرىمدىكىن ماي ياغ  بوپ.

توخۇتۇرغا  چاخچاق قىپ،
ئۆزى كۈرۈك بوپ قالدى.
چۆجە چىقماي  تۇخۇمنى،
ئالدىراپلا   يەپ سالدى.


سۇمرانغا

بۇ باغداشنىڭ  مويسىپىت،
بىر  رەھبىرى  بار ئىدى.
ئۇڭا  باغداش  ئەھلىمۇ،
دائىم  تەشنا  زار  ئىدى.

ياش  قىررىققا  بارغاندا،
چىقىپ كەتتى  ئوقۇشقا.
شۇڭا قەدەم باسمىدى،
باھادىر تاغ باغداشقا.

ئەي سۇمىران تېز كېلىڭ،
قەسىرىڭىز  باغداشقا.
كەمپىرڭىز رەنجىمەس،
تەيياردۇرمىز  ئاقلاشقا.


باغداشخانغا

كىردى باغداش  بېغىغا،
دورا  ئېلىپ  باغداشخان.
چىلان،كېۋەز خوش كۈلدى،
بولۇپ  قالدى  ئاداشخان.

باغداشخاننىڭ  ئىشلىرى،
دېھقاننىمۇ  خوش  قىلدى.
جاپاسىنى ئازايتىپ،
پۇت-  قولىنى  بوش قىلدى.

ئەلنەزەرگە

ئەلگە  نەزەر  سالدىم  دەپ،
كىمگە  قاراپ  قالدىڭىز.
ئەلمۇ  ياكى  بىر  سەتەڭ،
تېمىلاردا  چاندىڭىز.

ئەلگە  نەزەر سالغانلار،
تەر  تۆكىدۇ  ئەل  ئۈچۈن.
ھەرگىز  ياشاپ  قالمايدۇ،
يالغان  ماختاش،يەل ئۈچۈن.

گۈزەل  دۇنياغا

گۈزەل  دۇنيا  بىر تاتلىق،
كىرگەن  ئىدى باغداشقا.
ساخاۋەتلىك  قولىنى،
سۇنغان سىڭىل-ئۇكاشقا.

ياخشىلىقنى  توختىماي،
قىلىپ تۇرار ھەر دائىم.
شۇڭا  بولۇپ  قالدىغۇ،
ئاجىزلارغا  غەمخانىم.

كىرىڭ  دائىم  باغداشقا،
گۈلگە  تولسۇن  بۇ باغداش.
دۇنيا گۈزەل  بولمىسا،
گۈللىنەمدۇ  شۇ باغداش.

گۈلجەننەتكە

توپ تارقىتىپ يازمىنى،
كىرىرپ كەلدى گۈلجەننەت.
ئىسىل ئىكەن ئەسەرلەر،
قىلىپسىزغۇ   كۆپ مېھنەت.

توينى قىلماي تۇرۇپلا،
تويىڭىزنى يېزىپسىز.
تەسەۋۇردا توي  قىلىپ،
يامان قاتتىق  ئېزىپسىز.

توي قىلغانغا تويمايدۇ،
توي قىلسڭىز بىلىسىز.
ئۆي تۇتسىڭىز مېھىرلىك،
كۈلمىگەننى كۈلىسىز.

كارۋانغا

كارۋان نەگە  ماڭغاندۇ،
ئېشىكىنى  يېتىلەپ.
ياكى قوغۇن  توشۇمدۇ؟
قوغۇنلۇقتا  كېچىلەپ.

مەن جىڭ كارۋان دەپ بۇندا،
جا  كارۋاننى  تىللايدۇ.
مال بازىرىغا  چىققاندا،
ئېشەكنى بەك خىللايدۇ.

ئىككى  كارۋان  سوقۇشماي،
ئىناق-ئىتپاق  ئۆتۈڭلار.
ماي تارتىشقان بولساڭلار،
ئەمدى  ئەپۇ كۈتۈڭلار.

بارلىق مۇنبەر ئەھلىنىڭ ئۇلۇغ ئايىمىگە مۇبارەك بولسۇن!!! ئايەم كۈنلىرىڭلار شادلىق ئىچىدە ئۆتكەي!!!
ئەپسۇس، بىز ئىشلەۋاتىمىز......................................چېھرىمىزدە ئايەم كۈلكىسى ئەمەس، بەلكى غەزەپ ۋە نەپرەت يېغىپ تۇرغان ھالدا ئولتۇرۇپتىمىز..........................................

ئىشلىتىش

بۇ مەزمۇن 19قەۋەتتىكى alnurدە2011-08-31 09:51يوللىغان يازمىسىغا نەقىل :
بارلىق مۇنبەر ئەھلىنىڭ ئۇلۇغ ئايىمىگە مۇبارەك بولسۇن!!! ئايەم كۈنلىرىڭلار شادلىق ئىچىدە ئۆتكەي!!!
ئەپسۇس، بىز ئىشلەۋاتىمىز......................................چېھرىمىزدە ئايەم كۈلكىسى ئەمەس، بەلكى غەزەپ ۋە نەپرەت يېغىپ تۇرغان ھالدا ئولتۇرۇپتىمىز..........................................

ئەلنۇر خانىم، بۇ ئۇلۇغ ھېيت كۇنلەردە چىھرىڭىزدىن غەزەپ نەپرەتلەرنى قايرىپ قۇيۇپ شاتلىق قىلۋىلرىنى جۇلالاندۇرۇڭ،بۇ كۇنلەر ھامان ئۇتۇپ كىتىدۇ، بىزدە بىر گەپ بار"مايمۇن پادىشاھ بولسا ئوزى باشقۇرۋاتقانلارنى دەرەخكە چىقىشقا مەجبورلاريدۇ"دەپ .

ئەۋەتمىدىم بىر دەستە گۈل،
ئارلىق يىراق سولاشمىسۇن دەپ.
ئاۋارە  قىپ ئۇرمىدىم تىلغۇن،
سىز ئالدىراش قويىۋەتمىسۇن دەپ.
چىن يۈرەكتىن تىلىدىم تىلەك،
قۇتلۇق كۈندە ئامان بولسۇن دەپ.