13XJTV كە ئۆچ بولدۇم

uyghurzuwan

XJTV13 كە ئۆچ بولدۇم

 

         مەن XJTV13 كە ئۆچ بولدۇم............ !!!

         نەچچە يىلنىڭ ئالدىدا بۇ قانال تەسىس قىلىنغاندا ئۇيغۇرچە كىنو قانىلى دەپ دەھشەت سۈر- ھەيۋە بىلەن باشلانغان ئىدى. 24 سائەت كىنولاردىن بەھىر ئالاتتۇق، سەرخىل كىنولارنى مۇشۇ قانالدىن كۆرۈپ، دۇنيا كىنوچىلىقىنىڭ نامايەندىلىرىنى مۇشۇ قانال ئارقىلىق ھىس قىلاتتۇق. ئەپسۇس......

        قاچاندىن باشلاپ بۇ قاناللاردىكى سەرخىل كۆرۈنۈشلەرنىڭ يوقالغانلىقىنى ئېنىق دەپ بېرەلمەيمەن، ئىشقىلىپ، ئەسلىدىكى سۈر- ھەيۋىسى قاياقلارغىدۇر غايىپ بولۇپ، ئەسلىدىكى 24 سائەتلىك تارقىتىدىغان سىگناللىرىنىڭ يېرىمى يوقاپ كىتىپتۇ. ھازىر 12 سائەتلا. ھەتتا ئەسلىدىكى كىنولىرىنىڭ ئورنىغا باشقا قاناللاردا بېرىپ بولۇپ، ئەبجىغى چىقىپ كەتكەن كۆپ قىسىملىق تىلىۋىزىيە تىياتېرلىرى قويۇلۇشقا باشلاپتۇ.

       مەن XJTV13  كە ئۆچ بولدۇم............ !!!

       بۇ شورى قۇرغۇر قانال قايسى بىر يوغان باشلىقنىڭ چىشىغا تىگىپ قويغاندۇ، دەپ ئويلايدىغان بولۇپ قالدىم. جۇڭگۇچىلىقتىكى شىنجاڭچىلىقتا ئۇيغۇر تىلىدىكى بىرەر مەخسۇس كىنو قاناللىرىمىزنىڭ بولماسلىقى مېنى قاتتىق ئەپسۇسلاندۇردى. چۈنكى بىز ئۇيغۇرلار يالغۇز ناخشا- مۇزىكىغا ھېرىس مىللەتلا بولۇپ قالماستىن، بەلكى دۇنيا كىنوچىلىقىنىڭ نادىر نامايەندىلىرىنىمۇ كۆرۈشكە ھېرىس بىر مىللەت. مېنىڭ ھېس قىلىشىمچە، شىنجاڭ تېلىۋىزىيە ئىستانسىسىدا ئۇيغۇر پۇشتىدىن بولغان ئىستانسا باشلىقلىرى بار (مۇئاۋىن بولسىمۇ). چۈنكى ئاجايىپ داغدۇغا بىلەن باشلىنىدىغان «شىنجاڭ خەۋەرلىرى» نىڭ ۋە باشقا پىروگىراممىلارنىڭ ئارقىسىدا «باش نازارەتچى» دەپ ئۇلارنىڭ ئىسىم- فامىلىسى نامايەندە بولىدۇ، شۇنىڭغا قاراپ ئۇلارنى مۇئاۋىن بولسىمۇ باشلىقمىكىن دەپ ئويلۇدۇم.  ئۇلار چوقۇم بۇ قانالنىڭ ئەسلىدىكى سەلتەنىتىنى ئەسلىگە كەلتۈرۈشكە چوقۇم قۇربىي يېتىدۇ، ئۇلار نىمىشقا مۇشۇ ئۆز خىزمەت فونكىتسىيىسىدىكى ئاددى خىزمەتلەرنى بىجانىدىل ئورۇنداش ئۈچۈن ھەركەت قىلمايدىغاندۇ؟ ئۇلار ئۆز مىللەت كىشىلىرىنىڭ مۇشۇنچىلىك ھەق ھوقۇقلىرىنى نىمىشقا ئويلاپ قويمايدىغاندۇ؟ باشقا خەق كىشىلىرىغۇ: «بۇ ئۇيغۇر خەققۇ كىنونى بىلمەيدۇ، ۋاقىت ئىسراپ قىلمايلىلا.....» دىسۇن. (مەن تۇرۇپلا، بىر ئوبدان باشلانغان بۇ قانالنى مۇشۇ گەپ بىلەنلا ئەمەلدىن قالدۇردىمىكىن دەپ ئويلاپ قالماي تۇرالمىدىم). لېكىن سىلەر  بىزلەرنىڭ ئانچە- مۇنچە تەرىپىمىزنى قىلىپ: «ئۇيغۇرلار ئەزەلدىن كىنونى بىلىدۇ، ئۇلارنى دۇنيا نادىر كىنولىرىدىن بەھرىمان قىلىش ھەرگىز ۋاقىت ئىسراپ قىلىش ئەمەس......» دەپ چۈشەندۇرسەڭلار ئۇلارمۇ چۈشىنەر ئىدى دەيمىنا.... (ھى.... ھى.... سەل ئاچچىق كەتتى- ھە....)

        مەن XJTV13 كە ئۆچ بولدۇم............ !!! بىزنىڭ يېزىلىق تېلىۋىزىيە ئۇزۇللىرىمۇ سەندىن ياخشى، ھىچ بولمىسا كەچلەردە بىرەر- ئىككى كىنو قويۇپ بېرىدۇ، شۇ كىنولاردىن ھوزۇرلىنىپ، ئۇخلاپ قالىمىز، ئەتىسى مەھەللىنىڭ چاسىلىرىغا يىغىلىشىپ ئاشۇ كىنولاردىكى تەسىرلىك كۆرۈنۈشلىرىنى بىر- بىرىمىزگە سۆزلىشىپ، تەسىراتلىرىمىزدىن ئورتاقلىشىمىز......

        مەن XJTV13 كە ئۆچ بولدۇم............ !!!  بۇ قانال ئەتىگىنى ئۈرۈمچى ۋاقتى 10:00 دا باشلىنىدۇ، كەچتە 10:00 دا ئاخىرلىشىدۇ. ئاخىرلىشىشتىن بۇرۇن ئىسپانىيىلىك بىر سەت ئادەمنىڭ زاڭ قىلىقلىرى چىقىدىغان بىر ساراڭنىڭ كىنوسىنى قويۇپ كېتىشلىرى- چۇ، تېخى..... (مەن بۇ قانالغا راستىنلا ئۆچ بوپتىمەنمۇ يا؟) 

       ئىشقىلىپ، مەن بۇ قانالغا راستىنلا ئۆچ بولدۇم، بۇ قانالنى مۇشۇنداق بىچچارە ھالغا كەلتۈرۈپ قويغۇچى كىملەر؟؟؟؟ بۇ قانال قاچان ئەسلىدىكى شەجەرىسىنى تاپار؟؟؟؟؟؟؟؟؟؟؟؟؟؟؟؟؟

         مەن XJTV13 نىڭ يېڭى تەسىس قىلىنغاندىكى سۈر- ھەيۋىسىنى سېغىنىمەن............ !!!

     مەنبە: XJTV13 نى سېغىنىش ئىستىكىم.

format

بىزنىڭ ئۆيدە بۇرۇن XJTV13 كېكەچ بالىدەك مىنۇتتا بىر قېتىۋېلىپ چىقاتتى ھازىر بۇمۇ يوق قاپقارا چىقىدۇ ، مەنغۇ ئاۋۇ شىنجاڭ تېلۋىزىيە ئىستانسىىنى قۇتيار فىلىم تورى ، ئاق بۈركۈت فىلىم تورى قاتارلىقلارغا تەڭ قىلمايمەن .
ھە راس ، ھازىر تورلاردا ھېلقىدەك ئانرويد سېستىمىلىق تېلۋىزىيە قۇتىسىنى تەشۋىق قىلۋاتىدۇ ، قانداقراق نەرسىدۇ بۇ ، تەجىربىسى بارلار سۆزلەپ باقساڭلار

nur719

ئەڭ ياخشىسى توردىنلا كۆرىڭە كىنو دىگەننى سىزگە ئىككى دانە ئۇيغۇرچە خەتلىك كىنو فىلىم تورى قالدۇراي . ۋاي رەھمەت دىمىسىڭىز مانا مەن .

http://www.akburkut.com
http://www.oghulchaq.com/?fromuid=123

kukhelal

بىر ياخشى كىتاب ئوقۇغانلىق مىڭ كىنو كۆرگەنگە باراۋەر...........(مىنىڭ قارىشىم)

rustam205

بۇرۇن بەك ياخشى ئىدى. ماڭا ئىككى يىل بولۇپ قالدى تاللا بازىرى ئىشلىرى بىلەن شۇغۇللانغىلى. شۇ سەۋەبلىك بەزىدە كىنو كۆرشكىمۇ بەزىدە ۋاقىت يوق، بەزىدە كەچ بولۇپ كېتىدۇ شۇنىڭ بىلەن ئۆيگە قايتىپ سەك تورغا چىقىپ ئاندىن ئارام ئالىمەن، ئەمما خاچانكىن بىلمىم بىر چاغدا تېلىۋىزورنى ئېچىپ XJTV13 بۇ قانالنى ئاچسام ساپلام تايىنى يوق كۆپ قىسىملىق كىنو دۇنيا نادىر كىنولىرىدىن ئەسەرمۇ يوق. ساپلا شەرقى ئاسىيانىڭ كىنوسى پەقەت خوشۇم يوق شۇنداق كىنولار بىلەن.يا بىر قىزىقتۇرۇشچانلىقى ياخشى بولسىغۇ ئۇ بىر گەپ.(ئەلۋەتتە ياپونىيەنىڭ بۇرۇنقى كىنولىرىنى ياقتۇرىمەن شۇڭا بۇ ئۇنىڭ سىرتىدا).
ھەقىقەتەن ئۇ قانالنىڭ بۇرۇنقى ھالىتىنى ئەسلىگە كەلتۈرۈشىنى مەنمۇ ئۈمۈد قىلىمەن.

anarhan

بۇ تىما مىنىڭ قىزىقىش دائىرەمدە ئەمەسكەن خاتا كىرىپ قاپتىمەن.......

tanha_roh

ئۇ كانالمۇ ئۆزىنىڭ ئەسلى رولىنى يوقاتقىلى تۇرۇپتۇدە .

tikenbay

ئاڭلاشلارغا قارغاندا XJTV13 نى خۇسۇسلار ئىجارىگە ئاپتىكەن ئېلان كىرىمى ياخشى بولماي  ھازىرقى ھالەتكە كەپ قاپتىمىش.