مۇھەببەت ئۇخلاتمايدۇ(ئەدەبىي ئاخبارات) قەيسەر مىجىت

qirak123

ياشاپ كەت ئۇيعۇر ئوعلانى،سەندىن پەحىرلىنىمىز!

taghoghli

قەيسەر مۇئەللىم سىزگە تەشەككۇرلەر بولسۇن! مىننەتسىز ئەجرىڭىز  ئۈچۈن جانابى ئاللاھ ئۆز ھىممەتلىرىنى  ھەسسىلەپ ئاتا قىلغاي، ئامىن!

HAMIT-PIDA

ئۇيغۇرلىغىدىن قانداق ئادەملەر پەخىرلىنىدۇ؟
ئاق-قارىنى بىلىدىغان، كاللىسى دۇرۇس، ئەقىللىق ئادەم.
قانداق ئادەم قاچىدۇ؟
پۇرسەتپەرەس، مۇناپىق، دۆت ماڭقۇرتلار.

بىز ھەممىمىز مانا مۇشۇ قۇرلارنى ئەستايىدىل ئويلۇنۇپ باقساق بولىدۇ.

honzade

HAMIT-PIDA يوللىغان ۋاقتى  2013-10-9 00:08
ئۇيغۇرلىغىدىن قانداق ئادەملەر پەخىرلىنىدۇ؟
ئاق-قارىن ...

مەنمۇ ئۇخلىيالمايدىغان بولدۇم!

بارلاس

بۇ ئەدەبى ئاخباراتتا كىشىلەر ئۇزۇن يىللىق تارىخى ئاچچىق ساۋاقلاردىن كىيىن ئەلەم بىلەن تۇنۇشقا باشلىغان ئەقىدە سۇسلىغى ۋە بىلىمسىزلىكنىڭ مىللىتىمىزنىڭ «كىشىنىڭ كۆڭلىنى مەيۇس قىلىدىغان»كۇنلەرنى كۇرۇشتىكى تۇپكى سەۋەپ ئىكەنلىگى تەكىتلىنىپ،بۇ ھالەتنى تۇگۇتۇش يولىدا ئالدىغا سەكرەپ چىققانلار رۇھىنى مىللەت رۇھى قىلىشتىن ئىبارەت چىقىش يولى جانلىق ئىپادىلەنگەن.دىمىسىمۇ،ئالدىدا ماڭغانلىرىمىزنىڭ پۇشقىقىغا ئىسىلدۇق،پىتنە-پاساتلارنى ياغدۇرۇپ،ئالدىغا تاقاق قۇيۇپ،قانچە-قانچە ئالىم،ئۇستازلىرىمىزنىڭ بېشىنى يىدۇق،ئەمدە بۇنداق ئىللەتلەرگە خاتىمە بىرىشىمىز،خۇددى قەيسەر مىجىت كۇرسەتكەندەك ئۇلارنى ئەتىۋالىشىمىز،ئۇلارنىڭ سېپىنى كىڭەيتىشىمىز زۇرۇر.تۇۋەندە ئەسەردىن ئۇزۇندىلەرنى قايتا تەكىتلەشنى مۇۋاپىق كۇردۇم:
  باشقىلارنىڭ ئۆزىنى، جەمىيەتنى ئۆزگەرتىشىنى كۈتۈپ تۇرماي، ئالدى بىلەن ئۆزۈمنى ئۆزگەرتىشىم، ئۆز ھەركىتىم ئارقىلىق - ئۆزۈم ئارزۇ قىلغان ھاياتنى بەرپا قىلىشىم كىرەك.

لىكىن بىز بۈگۈن ئىچىدە ياشاۋاتىمىز، بىزنىڭ ھىساپلىشىدىغىنىمىز بۈگۈن ۋە كىلەچەك يەنى ئەۋلاتلىرىمىزنىڭ بۇندىن كىيىنكى ياشاش بوشلۇقى ۋە تەرەققىيات پۇرسەتلىرى ھەققىدە بولۇشى كىرەك.

بىزنىڭ مىللەت سۇپىتىدە كۆرۈۋاتقان كۈنىمىز - كىشىنىڭ كۆڭلىنى مەيۇس قىلىدۇ. مەيۇسلۇكتىن -خوشاللىققا كۆچۈش -ۋاقىتلا تەلەپ قىلمايدۇ،مۇھىمى بىر ئۇزۇنغا سوزۇلغان جەريان تەلەپ قىلىدۇ. بۇ جەرياننىڭ مەزمۇنىنى قەتئىلىككە تولغان ھەركەت يارىتىدۇ .بۇ خىل مەزمۇن كۆپ خىللىققا  ئىگەدۇر. بۇلارنى- تەشكىللەش، يىتەكلەش، تەڭشەش، ۋە سيستمىلاشتۇرۇش كىرەك. بۇنىڭغا ئاۋامنىڭ ئەقلى، ئەقىدىسى، سەمىمىيىتى ۋە ئىتتىپاقلىغى كىرەك شۇنداقلا بۇ خىل زامانىۋى ئويغىنىش ھەركىتىنى قانات يايدۇرۇشقا  نۇرغۇن ئىجتىمائى بايلىق كىتىدۇ. بۇنى بىز ئۈچۈن دۇنيادا ھىچكىم قىلىپ بەرمەيدۇ.  بۇمىنىڭ يەكۇنۇم - يەنى ھازىرقى دۇنيادىكى ئەھۋاللارنى سەگەكلىك بىلەن كۈزۈتۈپ تۇرغان بىر ئۇيغۇر پەرزەنتىنىڭ چىقارغان يەكۇنى. ياخشى كۈنلەرگە ئىرىشىشىمىز ئۇچۇن ئۆزىمىزلا بەدەل تۆلىشىمىز، تەر ئاققۇزۇشىمىز، ھەسسىلەپ تىرىشىشىمىز كىرەك. بىزگە ھىچكىمدىن ۋاپا، ۋە ھەقىقى مەنىدىكى ياخشىلىق كەلمەيدۇ. قوشنىلىرىڭىزمۇ،دىنداشلىرىڭىزمۇ، تۇققانلىرىڭىزمۇ- ھەممىسى شۇ. قۇرۇق ئۇمىتتە بولماڭلار، تەمەخور بولماڭلار، ئادەملەر!. ئۆزىمىز تىرىشىپ ئەقىل بىلەن كۈنىمىزنى ياخشى قىلمۇغۇچە ھىچكىمنىڭ ھۆرمىتىگە، ئەمىلى ياردىمىگە ئىرىشكىلى بولمايدۇ. "ئۆز-كۈچىگە تايىنىپ ئىش كۆرۈپ، ئۆز --ئۆزىگە خوجا بولۇش" دىگەن شۇئار بىزگە تىخىمۇ ماس كىلىدۇ.

خوش، زادى قانداق قىلىپ ھازىرقى ھالەتنى ئۆزگەرتىمىز، ئەۋلاتلارنىڭ كىلەچىكىنى قانداق يارىتىمىز...؟ ھەر  بىر دەۋر ئادەملىرى ئۆزلىرى قىلىشقا تىگىشلىك ئىشنى ياخشى قىلماي، كىيىنكىلەرگە تاشلاپ قويغاندا، كىيىنكى ئەۋلاتلارنى خانۇ-ۋەيرانلىققا، زۇلۇمغا، ھاقارەتكە تاشلاپ قويغان بولىمىز

كۆپچىلىك شۇنى بىلىشى كىرەككى، بىز بىر پۇتۇن مىللەت سۇپىتىدە پەن-تىخنىكىغا يۇرۇش قىلماي، ئەقىل-ئىدرەككە تايانماي مەڭگۈ ئىككى پۇتىمىز بىلەن ئورە تۇرالمايمىز. باشقىلارنىڭ بىزنى ناخشا ئۇسۇل مىللىتى دەيدىغان مەسخىرىلىك سۆزلىرى مەڭگۇ  تۈگىمەيدۇ خۇددى ئۆگەي ئانا ئۆگەي ئوغلىنى يىتىم ئوغلاق دەپ توختاۋسىز دۇشكەللىگىنىدەك. غۇرۇر ۋە ھۆرمەت - ئەقىل پاراسەت ۋە ئەدەپتىن،ئىجادىيەت ۋە جەمىيەتكە قوشقان تۆھپىدىن كىلىدۇ.
      ئۇيغۇرلار  كۆڭلىمىزدىكىدەك تۇرمۇشقا ئىرىشىمىز دەيدىكەنمىز، پەرزەنتلىرىمىزگە، ياشلىرىمىزغا بىرىلىۋاتقان خاتا قىممەت قاراشنى چەكلىشىمىز، تۈزۈتۇشىمىز كىرەك بەلكى ئۇلارنىڭ پارلاق كىلەچىكىنى يارىتىدغان مىللىتىمىزنىڭ شانۇ شەۋكىتىنى پارلىتىدىغان شەرەپلىك يول - پەن-تىخنىكا ۋە ئىگىلىك تىكلەش يولىغا يىتەكلىشىمىز بۇ ساھەدىكى مۇنەۋۋەرلىرىمىزنى رىغبەتلەندۇرۇشىمىز ۋە قوللىشىمىز لازىم.
     ئاشۇ كىلىشكەن چىرايلىق قىزلىرىمىز مودىللىق قوغلاشسۇن،كىنو چولپىنى بولۇشنى خىيال قىلسۇن، ئاخىرى بىرىپ ياتلارنىڭ توقاللىرىغا ئايلانسۇن، ئوغۇللىرىمىز ئەركەكلىكتىن قىلىپ، غۇرۇرسىز، نىشە چىكىدىغان زەيپانىلەرگە ئايلانسۇن....بۇلارنى كۆرۈپ غەزىپىڭىز كەلمەمدۇ، ئىچىڭىز سىرىلمەمدۇ؟
ئەجەبا ئۇلارنىڭ ئاشۇنداق خۇنۇكلىشىپ كىتىشىدە ئۇلارنىڭ ئاتا-ئانىلىرىنىڭ، بىزنىڭ، جەمىيەتنىڭ مەسۇلىيىتى يوقمۇ؟ ئەلۋەتتە بار!
بۇنداق تۆۋەن قىممەت قاراشتىكى توپنى ھەرقانداق ئادەم ھايۋان(ئىشەك) قىلىپ ئوينايدۇ

ھەرقانداق خەلقنىڭ ياش ئەۋلاتلىرى -جەمىيەتنىڭ كۆيۈنۈشى، تەربىيلىشى، يىتەكلىشى ۋە رىغبەتلەندۇرىشىگە مۇھتاج. ياشلىرىنى يوقۇتۇپ قويغان مىللەت - زاۋاللىققا يۇز تۇتىدۇ.

.ئەگەر بىز ئۆز-ئارا بىر-بىرىمىزگە مىھىر مۇھەببەت كۆرسەتمىسەك، غىمىمىزنى يىيىشمىسەك،كىچىكلەرگە، ئوتتۇرا يولدا قالغانلارغا ئاز-تولا قىرىنداشلىق كۆڭلىمىزنى يەتكۇزمىسەك ئارىمىزدىكى ئاجىزلارنىڭ باشقا قۇتۇپقا ئىغىپ كىتىشى يۈز بىرىدۇ

ئۆز توپىنىڭ ئىچىدە ياشاش، ئۇلارنىڭ كۈلكە ۋە يىغىسىغا داخىل بولۇش، تىلدا، دىلدا، ھەركەتتە بىرگە بولۇش - ئۇ بىر خىل كۈچلۈك مۇھەببەت شۇنداقلا ئۆزىنى سۆيۈشتۇر

ئوز پەرزەنتلىرىگە مىھىر مۇھەببىتىنى يۈكسەك دەرىجىدە ئاتا قىلالايدىغان مىللەتنىڭ كەلگۇسى پارلاق بولماي قالمايدۇ
بالىلىرىمىز، ياشلىرىمىز يولىنى تىپىۋاتىدۇ، ئۇلاردا ئۈمىت بار، مىللىتىمىزدە ئۇمىت بار!

مۆمىن

مۇشۇنداق ئەسەرلەرنى ئۇقۇسا ئادەمنىڭ روھى كۈتۈرلۈپ قالىدىكەن.
قەيسەر ئەپەندىنىڭ ئىشلىرى ئوڭۇشلۇق بولغاي.

zayumka

مىللەت ئىلىم -مەرىپەت بىلەن ئالغا باسىدۇ ،نادانلىق -خوراپاتلىق ،مۇتىئەسسىپلىك مىللەتكە بالايى -ئاپەت ئىلىپ كىلىدۇ،مۇشۇنداق پەرزەنىتنى تۇغۇپ ئوستۇرگەن ئاتا-ئانىلار ھەقىقى قەھىرمان.

pinhanjan

مەن قەشقەر مارالبېشىدا ئوقوتقوچىلىق قىلىمەن. بۇ تېمىنى ئوقوپ ئۆزەمگە نىسبەتەن جاۋاپ تاپالمايدىغان سۇئاللارغا دۈچ كەلدىم. ئەلۋەتتە بۇنداق شەرەپتىن سۆيۈندۈم، شاتلاندىم. ئاساسلىقى ھەۋەس قىلدىم. كىچىكىمدە شوپۇر بولۇپ ھەممەت يۇرتنى كىزىپ كۆرسەم دەيدىغان ئارزويۇم بار ئىدى. لىكىن ماشىنغا ئىرىشكەندە بىلىدمكى يۇرىت كىزىش ئۈچۈن ماشىنغا ماي قاچىلاشقا، شۇنىڭ غېمىدە ئائىلە، خىزمەت.... ئىشلىرىنى قىلىشقا توغرا كىلىدىكەن. ئوتتۇرا تېخىنكومدا ئوقوۋاتقان چاغلىرىمدا بولسا چەتئەلگە چىقىش، كۆرۈش، ئوقوش، ياشاش. ئارزۇيدا بولدۇم. لىكىن ئاساسلىقى نېمە سەۋەپلىكىنىمۇ بىلمەيمەن. بەلكىم، مەندىكى جاسارەتسىزلىك ئاساسى سەۋەپتۇ، مەن ئۇنى ئائىلە شارائىتىمغا، ئوقوش شارائىتىمغا، جەمىيەت، ھۆكۈمەت..... لەرگە ئارتىپ كلىۋاتىمەن. ئەمدى ئوغلوم 5 ياشقا كىردى. ئوغلۇم تۇغۇلۇشىتىن بۇرۇنلا تەربىيلەشكە تەييارلىق قىلغان ئىدىم. نەتىجىسى راستىنلا ياخشى بولدى. 5 ياشلىق ئوغلۇمدىن سۆيۈنمەن.
ئەمدى مۇشۇ ماقالىنى ئوقوغاندىن كىيىن ئويلىغىنىم. زادى چەتئەلگە چىقىش ياخشى ئوقوپ، شەرەپ قوچۇشنىڭ ياكى ئەركىن ياشاشنىڭ بىردىن- بىر يولىمىدۇ؟ قانداق قىلسام ھازىرقى شارائىتىم بىلەن چىقىپ كىتەلەيمەن؟ (قايسى دۆلەتكە بولسا مەيلى) ياكى ئوغلۇمنى (يالغۇز مىنىڭ ئوغلۇملا ئەمەس مەن خىزمەت قىلىۋاتقان مەكتەپتىكى بارلىق ئوقوغۇچىلارنى) توغرا بولغان ئوقوتوش، ئۇسۇلى، يۈكسەك نىشانغا يىتەلەيدىغان ئوقوتوش مەزمۇنى بىلەن تەربىيەلىيەلەيمەن؟ ھازىر ھەممە يەردە «قوش تىل» دەپ تىللا بىلسە «ئەلاچى» بولۇپ كىتۋاتىدۇ. ھەتتا مائارىپنىڭ نىشانىق، مەكتەپلەرنىڭمۇ ئاتا-ئانىلارنىڭمۇ نىشانى «شىنجاڭ سىنىپلىرىغا يوللاش» بولۇپ كەتتى. مەنچە بۇ مائارىپ يولى ناھايىتمۇ تار، قىسقا، خەتەرلىك يول. لىكىن راستىنى ئىيىتقاندا رايۇنمىزدىكى مائارىپنىڭ نىشانى «قوش تىل» پەقەتلا «قوش تىل». بىز پەقەت قوش تىلدا سۆزلىگلى يارالغانمۇ؟ ھاياتىمىزنىڭ مەخستى «قوش تىل»لىق بولۇشمۇ؟ «قوش تىل» بىزگە نېمە بىرىدۇ؟ بىز «قوش تىل»دىن پايدىلىنىپ نېمە ئىشلەرنى قىلالايمىز؟ قىسقىسى مەن ئوغلۇمنى قەيەردە؟ قانداق مائارىپ شارائىتىدا تەربيەلىسەم «قوش تىل» ئېلىپ كەلگەن نەتىجدىنمۇ ئارتۇقراق نەتىجىگە ئىرىشەلەيمەن؟ 5 ياشلىق ئوغلۇم زادى قايەردە؟ قانداق شارائىتتا ئوقوسا بولا؟ ئىقتىسادى كۈچۈم چەكلىك، (نورمال بىر ئوقوتقوچى) مەن يەنە نېمە قىلالايمەن؟
مۇشۇ سۇئاللار دائىم قىينايدۇ. ئاخىردا جەمئىيەت، شارائىت مېنى ھەيدەپ كىتىۋرىدۇ. زادى شۇنداق بولۇپ كىتەرمۇ؟ مەن ھېچنىمنى ئۆزگەرتەلمەسمەنمۇ؟
ئۈمۈت ۋە ئۈمۈتسىزلىك، ئارزۇلىرىمنى غۇۋالاشتۇردۇ. ھازىرقى مەكتەپلەردىكى مائارىپ شەكلى ۋە مەزمۇنى ئەڭ مۇھىمى مائارىپنىڭ «قوش تىل» نىشانى ماڭا ئوغلۇمنى مەكتەپكە بەرمەسلىككە ئۈندەيدۇ. ئەگەر بەرمىسەم يەنە قانداق بولىدۇ؟ ئاندىن ئۇنىڭغا نېمە ئۈگىتىمەن؟
قارسام مۇشۇ توردا ئۇيغۇرلارنىڭ ئىچىدىكى سەۋىيەلىك كىشىلەر باردەك قىلىدۇ؟ مۇمكىن بولسا ماڭا بىر يول كۆرستىپ بەرسەڭلا. ئائىلدە، مەكتەپتە قانداق مەزمۇلاردا، ئوقوتوش كىرەك؟ مۇمكىن بولسا ئوغلومنى سىتانفورد ئونۋېرسىتىتىغا يەتكۈزۈش نىشانمنى ئەمەلگە ئاشۇرۇشقا بىر خەرىتە سىزىپ بەرگەن بولساڭلا. بىر تىرىشىپ باقسام. ئەجىرىڭلارغا ئالدىن رەھمەت ئيتىمەن. ئاللادىن ھەممىمىزگە بەركەت تىلەيمەن.