ئېرىمگە يىزىلغان بىر پارچە خەت

jahangir11

زۇلپىيە خانىم قولىڭىزغا بەرىكەت بەرسۇن !

بۇ ئەسىرىڭىز ھەقىقەتەن كۆپلىگەن ، قەلبى مىھىر-مۇھەببەتكە تەشنا ، ئاجىز خانىم قىزلارنىڭ  كۆڭۈل ئىزھارى ئىكەن .دۇنيادىكى  بارلىق ئەرلەرنىڭ كۆڭلىگە ئىنساپ بەرسە،ئۇلار خانىم قىزلارغا بىر ئىستاكان مىھىر -مۇھەببەت ئاتا قىلسا   بىز ئاياللار دىڭىزچە مىھر-مۇھەببىتىمىزنى ئۇلارغا بىغىشلايمىز ئەمەسمۇ؟ لىكىن بىز ئىھتىياجلىق  بولىۋاتقىنى دەل مۇشۇ ئىستاكان كەبى مۇھەببەت!
ئۇلۇغ ئاللاھ بارلىق ئائىلىلەرگە مىھىر-مۇھەببەت ئاتا قىلسۇن !  

199661

ئالدى بىلەن تېما ئىگىسىگە ئۇلۇغ ئاللاھ دىن سالامەتلىك خوشاللىق تىللەيمەن ،ئاندىن ئىنكاس يازغان قېرىنداشلىرىمغا ئىككى ئېغىز سۆزۇمنى دەۋالاي......ئاياللار ھەقىقەتەن چىن كۆڭۇل بىلەن بېرىلگەن مېھرى _مۇھەببەتكە مۇھتاج،نۇرغۇن چاغلادا كۆڭۇلدە ئويلىغان شۇنداق زىل ھەم گۇزەل ئارزۇلىرىنى ھالال جۇپتىگە دەۋالغۇسى كېلىدۇ ،بىۋاستە دەي دىسە ئەرلەرنىڭ قوۋۇرغىسى ئىگىلىپ كېتىۋاتقان دىمەي دىسە كۆڭۇل گەپلىرى توشۇپ كېتىۋاتقان .......ئىچ -پۇشىقىنى چىقىرىشنىڭ يا  باشقا ئامالى بولمىغان........ تېما ئىگىسى كەسپى يازغۇچى ئەمەس ھەرقاچان ،نىمە ئويلىسا شۇنى يازغاندۇ......ئاياللارغا باشقا يەردە ئازادە سورۇن بولمىغاندىكىن باغداش تورىدا بولسىمۇ ئەركىن -ئازادە بىلجىرلىۋالىدىغان سورۇن بېرىڭلار قېرىنداشلار!!!!!!

quxiniwal

مەن بۇ تىمىدىن بىر  ئايالنىڭ ئۆز ئىرىدىن كۈتىدىغان ئۈمۈدى ۋە ئۇنىڭغا بولغان ساداقىتىنى شۇنداقلا بىر ئەرنىڭ ئايالىنى چۈشىنىشتە كەم بولسا بولمايدىغان مەجبۇرىيىتى ھەم مەسئۇلىيىتىنى ھەقىقى ھىس قىلغاندەك بولدۇم.

kitabhumar

ئالدى بىلەن سىزگە خۇشاللىق،ئاسانلىق،بەركەت تىلەيمەن.
تىمىڭىزدا دىيىلگەن كۆڭۈل سۆزلىرىڭىز ئورونلوق بولسسىمۇ لىكىن تىمىڭىزدا دىيىلگەن كۆڭۈل ئىزھارىڭىز،ئىنكاسلاردىكى خانىم قىزلارنىڭ پىكىرلىرى ۋە ئوغوللارنىڭ پىكىرلىرىدىنمۇ كۆرۈنۈپ تۇرۇپتۇكى ئاياللار بىلەن ئەرلەرنىڭ تۇرمۇشقا بولغان كۆز قارشىدا پەرق بەك زور.بۇ پەرقلەر ئىنىقكى تۇرمۇشتا كۆڭۈلسۆزلۈك،توقونۇش ياكى تۇرمۇشتىكى روھى بىسىمنى پەيدا قىلىدۇ.
مەن ئايالىمنى ياخشى كۆرىمەن.ئائىلەمنى ھەممە نەرسەمدىن بەكرەك قەدىرلەيمەن.ئىنشائاللا تۇرمۇشۇم ئىنتايىن خاتىرجەم ھەم كۆڭۈللۈك .

kitabhumar

لىكىن سىز دىگەن گەپلەرنى مۇبادا ئايالىم ماڭا دەپ قالسا مەن راسلا ئۇنداق قىلالمايمەن ھەم ئۇنداق دىمەيدىغانلىقىنىمۇ بىلىمەن.
ئىنىق كىسىپ ئىيتالايمەن ،ئايالىممۇ مەندىن رازى،مەنمۇ ئايالىمدىن رازى ،ئايالىم ئۆز خىزمىتىدىن باشقا ئائىلىدە ئۆز ئىشلىرىنى قىلىدۇ مەنمۇ خىزمىتىمنى قىلغاندىن باشقا چاغدا ئۆز ئىشىم بىلەن .راستىمنى دىسەم ئۆيدە مەن قىلغۇدەك ئىشمۇ يوق.بار بولسا ئۆزۈم قىلىمەن،ئەمما تاماق ئىتىشكە ياردەملىشىش ۋە باشقا ئىشلارنى دىسە سەپرايىم ئۆرلەيدۇ.لىكىن ئۆزۈم بەزىدە كۆڭلۈم خالاپ قىپ قويىمەن.نىمىشقا دىگەندە ئايالىمنىڭ جاپاسىغا قاراپ يۈرىگىم مۇجۇلۇپ كىتىدۇ.
ئايالىم مىنىڭ خوتونۇم بولوپلا قالماي مەن تۇرمۇشلۇق بولغاندىن كىيىن ماڭا ئانامغا ئوخشاش ئۆزىنىڭ مىھرىنى بىرىپ كىلىۋاتقان،ئانامنىڭ مىھرىنى داۋاملاشتۇرىۋاتقان ئايال،ئۆيدە شۈنچىلىك جاپا چىكىشلىرى ئارقىلىق ئانامنىڭ مەن ئۈچۈن قانچىلىك جاپا چەككىنىنى ھىس قىلدۇرغان ،ئۇ ئۈنسىز ھەركەتلىرى ،مىھرى ئارقىلىق ئاياللارنى ماڭا قايتا تونوتقان ئايال...

kitabhumar

ئەتىگىنى ئورنۇمدىن تۇرغىلى خۇشياقماي سوزولوپ ياتقىنىمدا تەرەتكە سۇ تەييارلاشتىن باشلاپ،چاي قاينىتىش،ياڭاق چىقىش،سۈت قاينىتىش ،ناشتىلىق تەييارلاشتىن باشلاپ ھەممىنى قىلىپ داستىخانغا ئەكەلگەن ،مەن نامىزىمنى ئوقوپ بولوپ تەييار ناشتىلىقنى ھوزور بىلەن يەپ تاماق قاچامنى ئورنىدا قويوپ ئىشقا ماڭسام ئايالىم شۇ قاچىلارنى يۇيۇپ،داستىخانننى ،ئوران -كۆرپىلەرنى يۇغۇشتۇرۇپ،ئۆينى تازلاپ ،يۈگىرەپ دىگەندەك چارچاپ ھالى قالمىغاندا ئىشقا ماڭىدۇ .چۈشتە ئىشتىن كىلىپ قورساق ئاچلىقىدا مەن كومپىيوتىر ئالدىدا تۇرغىنىمدا ياكى باشقا ئىشلىرىم بىلەن مەشخۇل بولغىنىمدا ئۇ يەنە شۇ تاماق ئىتىش بىلەن مەشخۇل ،مەن تەييار تاماقنى يەپ ئۆز ئىشلىرىم بىلەن ئەمما ئۇ يەنە قاچا يۇيۇشتىن باشلاپ ئۆي يۇغۇشتۇرۇشقىچە بولغان ئىشلاردا پالاقشىپ ئاران ئۈلگىرىدۇ.چۈشنتىن كىيىن ئىشتىن ھىرىپ ئىچىپ كەلگەندىمۇ شۇ .تاماق ئىتىش،ئۆي ئىشلىرىنى قىلىش،كىر يۇيۇش،مىنىڭ خىزمىتىمنى قىلىش...مەن بولسام خىزمەتتىن باشقا ئۆينىڭ ھىچ ئىشىنى قىلمايدىكەنمەن.ئەمما ئۇمۇ ماڭا ئوخشاش خىزمەت قىلىدۇ،يەنە كىلىپ خىزمىتى جاپالىق...
ئايالىم بۇ ئىشلارنى قىلغاندا قاقشاپ ياكى قىيداپ ،باتناپ ئەمەس  .خۇددى ئۆزىنىڭ قىلىشقا تىگىشلىك ئىشلىرىنى قىلىۋاتقاندەك تەبىي قىلىۋىرىدۇ.دەل مۇشۇنداق قىلىشلار مىنى ئويغىتىۋەتتى.مەن ئايالىمنىڭ بۇ جەۋرى جاپاسىدىن ئانامنىڭ مىنى بىقىپ مۈشۈنچىلىك قىلغىچە بولغان جەريانىدىكى جەۋرى جاپاسىنى ،ئائىلىمىز ئۈچۈن تۆلىگەن ئۈنتىنسىز بەدەللىرىنى ھەقىقىي كۆردۈم.شۇنىڭ بىلەن ئايالىمنى تەبىيلا باشقىدىن،چىن يۈرىگىمدىن ياخشى كۆرۈپ قالدىم،شۇڭا بەزىدە قولومدىن كەلگۈدەك ئىشلار بولسا قىلىۋىتىدىغان بولدۇم،مەسىلەن:بۇرۇنراق كەلگىنىمدە چاي قاينىتىپ دەملەپ قويوش ياكى بەزىدە ياخشى قىلالمىساممۇ سىرتتىن تاييار كەسمە خىمىرنى ئەكىرىپ سۈيۈقئاش قىلىش دىگەندەك.ئۇندىن باشقا ئىلگىرى ماتىرىياللىرىم ،نەرسە كىرەكلىرىمنى خالىغانچە قويغان بولسا ھازىر ئۆز ئورنىغا قويىدىغان ،يىمەكلىكلەرنىڭ قالدۇقلىرىنى قالايمىقان قويمايدىغان بولدۇم.
ئەگەردە ئايالىم شۇ ئىشلارنى ئازراق قىيداپ ياكى باتناپ قىلغان بولسىدى ياكى مەنمۇ ساڭا ئوخشاش خىزمەت قىلىمەن.ئۆيدە شۈنچە ئىش قىلسام سەن ھىچ قىلمايسەن دىگەندەك ئويلاپ قالغان بولسا ئىدى مەندە بۇ ئويغىنىش ئەمەس ئۇنىڭغا بولغان نەپرەت ئويغانغان بولار ئىدى...
ئايالىمنىڭ شۇ بەدەللىرىگە قاراپ ،ئايالىم شۈنچە قىلىۋاتقانلىرىغا ،ئۆزۈمنىڭ بولسا ھىچ ئىش قىلمىغىنىمغا قاراپ  ئۆزۈمنىڭ بىر ئەركەككە خاس بولغان ئائىلىمىزنىڭ ئىقتىسادى ۋە كەسپى ئىشلرىمدا ئۈزۈپ چىقىش ياكى بۇ ئىشلارغا كۆڭۈل بۆلىشىمنىڭ زۆرۈرلىكىنى تونوپ يەتتىم.ئەگەر قولومدىن ھىچ ئىش چىقماي،ئائىلەم ۋە جەمىيەتكە نىسبەتەن ھىچبىر رولىم بولمىسا،ھىچئىشنى بىشىغا ئىلىپ چىقالمىسام مەن تۇزكور بولغىدەكمەن ،ئايالىمنىڭ جەۋرى جاپاسىغا يۈز كىلەلمەيدىكەنمەن دەپ ئويلاپ ئۆزۈمنىڭ تىل ئۈگىنىش،كىتاب كۆرۈش،ئائىلىمىزنىڭ ئىتىسادى ئىشلىرىغا كۆڭۈل بۆلۈش دىگەندەك ئىشلارغا سۇنىڭ ئىقىشى ،تۈكنىڭ يىتىشىغا ئوخشاش مۇئامىلە قىلماي مەسئۇلىيەتچ

kitabhumar

بىلەن مۇئامىلە قىلىدىغان بولدۇم

kitabhumar

دىمەككى ئايالىم شۇ ئۈنسىز بەدەللىرى ئارقىلىق مىنى ئويغاتتى.ئانامنىڭ جەۋرى جاپاسىنى ھىس قىلدۇردى،ئاياللارنى تونوتتى،بىر ئائىلىنىڭ ئىللىق مىھرىنى ھىس قىلدۇردى،ئۆز مەسئۇلىيتىمنى جانلىق ئۆز ئۈستۈمگە ئىلىش كىرەكلىكىنى ھىس قىلدۇردى...
رەببىمدىن ئائىلەمگە ۋە قىرىنداشلارنىڭ ئائىلىسگە تىنچ ئامانلىق،خاتىرجەملىك ئاسايىشلىق تىلەيمەن