NASA: مارستا بىر قەدىمقى كۆل تېپىلدى

bilimhumar

NASA: مارستا بىر قەدىمقى كۆل تېپىلدى

بىلىمخۇمار

2013-يىلى 9-دىكابىر

ناسا نىڭ ھازىر مارس ئۈستىدە تەكشۈرۈش ئېلىپ بېرىۋاتقان «ھەۋەسكار» (Curioisity)  ناملىق ماشىنىسى بىر كەڭلىكى 5 كىلومېتىر، ئۇزۇنلۇقى 50 كىلومېتىر كېلىدىغان قەدىمىي سۇ كۆلىنى بايقىدى.  مۇتەخەسسىسلەرنىڭ «ھەۋەسكەر» ئارقىلىق توپلىغان ئۇچۇرلارنى ئانالىز قىلىپ بېكىتىشىچە، مارسنىڭ ئۈستىدىكى بۇ سۇ كۆلى نەچچە ئون مىڭ يىل مەۋجۇت بولۇپ تۇرغان ئىكەن.  بۇ ئۇچۇرنى كالىفورنىيە تېخنولوگىيە ئىنستىتۇتىنىڭ جۇغراپىيە مۇتەخەسسىسى جون گروتزىڭگەر (John Grotzinger) بۈگۈن كالىفورنىيەنىڭ سان فرانشىسكو (San Francisco)  شەھىرىدە ئۆتكۈزۈلگەن ئامېرىكا جۇغراپىيىلىك فىزىكا بىرلىكى نىڭ يىغىنىدا ئېلان قىلدى.

مۇتەخەسسىسلەرنىڭ بايقىشىچە، ھازىر «ھەۋەسكار» تەكشۈرۈش ئېلىپ بېرىۋاتقان رايون ئاشۇ كۆلنىڭ ئىچىدىكى بىر جاي بولۇپ، مارسنىڭ باشقا رايونلىرىدىكى سۇلار قۇرۇپ كېتىپ بولغان، ياكى ھاياتلىققا مۇۋاپىق كەلمەيدىغان تېيىز، كىسلاتالىق، ۋە تۇزلۇق سۇلار ئۇ يەر بۇ يەرلەردە ئانچە-مۇنچە ساقلىنىپ قالغان بىر ۋاقىتتا، بۇ يەردە پاكىز سۇلار مەۋجۇت بولغان.  بۇ يەردىن تېپىلغان لايلارمۇ بۇرۇن مۆلچەرلەنگەندىن ياشراق بولۇپ، شۇ ئارقىلىق مارستا سۇ مەۋجۇت بولۇپ تۇرغان ۋاقىت بۇرۇن مۆلچەرلىگەندىن ئۇزۇنراق ئىكەنلىكى جەزىملەشتۈرۈلگەن.  بۇ كۆلدە تاش يەيدىغان مىكروبلار ياشاپ باققان بولىشى مۇمكىن ئىكەن.  بۇ بايقاش بۈگۈن ئامېرىكىنىڭ مەملىكەتلىك تېلېۋىزورلىرىدا خەۋەر قىلىندى.  

پايدىلىنىش ماتېرىيالى:
NASA Mars rover finds evidence of life-friendly ancient lake

http://www.reuters.com/article/2 ... USBRE9B815620131209

http://s1.reutersmedia.net/resou ... pl=&r=CBRE9B81NS700
A self-portrait of the Mars rover Curiosity is seen in this February 3, 2013 handout image courtesy of NASA.  CREDIT: REUTERS/NASA/JPL-CALTECH

ablimitt

ئاللا-ئاللا...تەكشۈرۈشلەر بىكار كەتمەپتۇ ئەركىن ئاكا، شۇنىڭدىن قارىغاندا شۇ چاغلاردا مارىسنىڭ تارتىش كۈچىمۇ يۇقىرى دىگەن گەپ، ياپونلارنىڭ، ھىلىقى زەمبىرىكىنى مارىسقا ئاچىقىپ تۇپراق قاتلىمىنى تەكشۈرسە تىخىمۇ يىڭى بايقاشلار مەيدانغا كەلگۈدەك. دىمەك بۇرۇن مارىسمۇ يەرشارى ئوربىتىسىدا ئايلىنىپ يۈرگەن ۋاقتى بۇلىشى مومكىندەك قىلامدۇ نىمە؟...

ziya

بۇمۇ بىر كاتتا بايقاشكەن.

kitabhumar

تەكشۈرۈشلەرنىڭ نەتىجىسى كۆرۈلۈۋىتىپتۇ مانا ،يىنە نىمە بايقاشلارغا شاھىت بولارمىز ؟

arslan428

قاچانمۇ مۇشۇ مارسقا چىقىپ ياشىغىلى بۇلار، فانتازىيىلىك ھىكايىلەرنىڭ ئەمەلگە ئېشىشىنى بىر كۆرگۇم بار

alkanat

ئەسسالامۇ ئەلەيكۇم ئەركىن ئاكا، بۇ نەتىجە ئىنسانلارنىڭ ياشىشىغا ماس كېلىدىغان ئەڭ مۇۋاپىق نامزات دېگەن قاراشنى تېخىمۇ چوڭقۇرلاپ ئىسپاتلاپ بەرگەن ئوخشايدۇ ھە!

alkanat

تېمىغا مۇناسىۋەتسىز بولسىمۇ ئۇزۇندىن بېرى جاۋابىنى بىلمەي يۈرگەن بىر مەسىلىنى سىزدىن سوراپ باققۇم كېلىۋاتىدۇ. ئوننەچچە يىل بولدى؛ گېزىت، ژۇرنال، تور قاتارلىقلاردىن ۋاقىت تونىلىغا ئائىت بىر مۇنچە يازمىلارنى ئوقۇدۇم. ئەقلىي نۇقتىدىن ئويلىسام ئۇنداق ئىشلارنىڭ يۈز بېرىشى ئەسلا مۇمكىن ئەمەس. لېكىن ئۇنىڭغا مۇناسىۋەتلىك يازمىلاردا خۇددى راست بولغان ئىشتەكلا يازىدىكەن. قايمۇقۇپلا قالدىم. ئوپتىكا پەنلىرى ئالىمى بولغانلىقىڭىز ئۈچۈن ئۇيغۇرلارنىڭ ئىچىدە بۇ توغرۇلۇق سۆز قىلىشقا سىزنى ئەڭ سالاھىيەتلىك ئادەم دەپ قارايمەن. ئەگەر ۋاقىت چىقىرالىسىڭىز ۋاقىت تونىلى توغرۇلۇق خالىسىڭىز ئايرىم تېما سۈپىتىدە، خالىسىڭىز مۇشۇ تېمىنىڭ داۋامىدا بىر نەرسە دەپ باقسىڭىز بوپتىكەن.

zarbidar

      بەزىدە مەنمۇ ئويلاپ قالىمەن ، ئادەم ياشىغىلى بولمايدىغان مارىسقا مىليونلاپ مەبلەغ سالغىچە ، ئاتىراكتىدا سەھرايى كەبىر دېگەندەك ئادەم يوق يەلەرگە مەبلەغ سالسا بولمامدۇ دەپ. بۇ يەلەردە ھېچ بولمىغاندا ھاۋا ھەم سۇ بار. مارىستا ئىچكىلى بولىدىغان سۇ تېپىلدىمۇ دەيلى ئۇ نەپەسلەنگۈدەك ھاۋاسى يوق ، كېچە - كۈندۈز تېمپىراتورا پەرقى ۋەھشى چوڭ مۇھىتتا قانداقمۇ ياشىغۇلۇق.  شۇ سەۋەبتىن ئېيتقاندا مارىسنى تەكشۈرۈشنىڭ مەقسىدى ئۇ يەردە ھاياتلىق ئىزدەش بولماستى بەلكى ئاستىرونومىيىلىق تەتقىقاتتىنلا ئىبارەت دېسەك بولارمۇ؟