ئابىدە شىركىتى بىلەن باغداش ھەمكارلىق ئورناتتى

hantagri123

  ئابىدە شىركىتىنىڭ خەلق قەلبىدىكى ئوبرازى كۈندىن كۈنگە تىكلىنۋاتىدۇ ، ئابىدەدەك چوڭ كارخانىنىڭ  تور مەدەنىيتىگە مەبلەغ سېلىشى ئالقىشلاشقا تېگىشلىك . بارىكاللا ئابىدە  تەرەققى قىل باغداش  ، سىلەرگە پۈتۈن خەلق بارىكاللا ئېيتىدۇ  . قول تۇتۇشۇپ مەڭگۈ راۋاج تېپىڭلار !

uya_frozen

قالتىش ئىش بوپتۇ
تېلفۇندىلا باغنى سەيلە قىلىمىزكەندە ئەمدى

tohotur

باغداشلىقلار ھەر كۇنى موشۇ تىما ئاستىغا ياخشى تىلەك ئىنكاسلىرىمىزنى يېزىپ ،ئۇلارنىڭ ئىشىغا رەھمىتىمىزنى بىلدۇرەيلى ھەم ئۇلارنى ئالدىرتايلى

ALKUT15

بۇ باشلىنىشنىڭ ھەر ئىككى تەرەپكە ياخشى نەتىجە ئېلىپ كىلشىگە تىلەكتاشمەن

qrak

بەك ياخشى خوشخەۋەر ئىكەن،تەبىرىكلەيمەن!!! ھەمكارلىق بولغاندا  تەرەققىيات بولىدۇ.ئابىدە شىركىتى ئاپتۇنۇم رايۇنىمىز تەۋەسىدىكى  ئىچىملىك ساھەسىدە  خىلى كۆزگە كۆرۈنگەن شىركەت.باغداش شىركىتىمۇ مەدەنىيەت تور ساھەسىدە تەسىر دائىرسى خىلى كەڭ بولغان شىركەت . ئالتۇن ئۈزۈككە ياقۇت كۆز قويغاندەكلا ماس كەپتۇ بۇ ئىككى شىركەتنىڭ ھەمكارلىقىنىڭ ئوڭۇشلۇق بولۇشىنى ھەمدە مىللي كارخانلىرىمىزنىڭ تېخىمۇ تەرەققىي قىلىشىنى تىلەيمەن.

bagdax

  ئابىدە شىركىتى  شىركەت تور بېكىتىدە ئېلان قىلغان شىركەت خەۋىرى :

شىنجاڭ ئابىدە بىيو پەن- تېخنىكا تەرەققىيات چەكلىك شىركىتى بىلەن شىنجاڭ باغداش مەدەنىيەت  تارقىتىش چەكلىك شىركىتى

ئەپ دېتالىنى ئىشلەش ھەمكارلىق توختامى ئىمزالىدى.

تەرەققىيات ھەر ۋاقىت ھەمكارلىققا موھتاج ،ئەگەر مەلۇم بىر شەخس ياكى كوللىكتىپ تېخىمۇ تەرەققىي قىلىشنى ئويلايدىكەن ئۇ ھالدا چوقۇم باشقا شەخس ياكى باشقا كوللىكىتپ بىلەن ھەمكارلىشىشى كېرەك.چۈنكى ئۆز-ئارا ھەمكارلىشش بولغاندا ئاندىن قوللاش ۋە نەپ يەتكۈزۈش بولىدۇ.
2014 -يىلى3-ئاينىڭ 10-كۈنى شىنجاڭ ئابىدە بىيو پەن-تېخنىكا تەرەققىيات چەكلىك شىركىتى بىلەن شىنجاڭ باغداش مەدەنىيەت تارقىتىش چەكلىك شىركىتى ئۆز-ئارا ئىشەنگەن ئاساستا ھەمكارلىق ئورنىتىپ باغداش-ئابىدە ئەپ دېتالىنى ئىشلەش،مەبلەغ سېلىش توختامىنى ئىمزالىدى.
　　  شنجاڭ ئابىدە بىيو پەن- تېخنىكا تەرەققىيات  شىركىتى ئەپ دېتال ئىشلەشكە كېتىدىغان مەبلەغنىڭ تولۇق سېلىنىشىغا كاپالەتلىك قىلىدىغانلىقىنى بىلدۈردى. شىنجاڭ باغداش  مەدەنىيەت تارقىتىش شىركىتىمۇ چوقۇم ئۆز ۋاقتىدا ئەپ دېتال ئىشلەش خىزمىتىنى باشلايدىغانلىقىنى بىلدۈردى.
　　ھەر قانداق بىر خىزمەتكە مەسئۇلىيەتچانلىق بىلەن مۇئامىلە قىلغاندا باشقىلارنىڭ ئىشەنچىسىگە ئېرىشكىلى ۋە ئۈنۈم ياراتقىلى بولىدۇ.ئىشەنچ ۋە مەسئۇلىيەت ئادەمنى ئالغا ئىنتىلدۈرىدۇ.
　　توختام ئىمزالانغاندىن كېيىن ئىككى تەرەپ قانۇنلۇق ھالەتتە مەركۇز  ئەپ دېتالنى ئېلان قىلىدىغان بولۇپ بىر-بىرىنى قوللىغان ئاساستا  مەسئۇلىيەتچانلىق بىلەن ھەمكالىقنى ئۇزاققىچە داۋاملاشتۇرۇش، ئىككى  تەرەپ تەڭ مەسىلھەتىلىشىپ توختامغا  تولۇق ئەمەل قىلغان ھالدا ئۆز-ئارا نەپ يەتكۈزۈش قاتارلىقلار ھەققىدە سۆھبەتلەشتىى.
　　ئۆز-ئارا ياردەملىشىش ۋە دوستانە ھەمكارلىق بولغاندا مۇۋاپىقىيەت ۋە تەرەققىيات يولى مەڭگۈ قىستاڭچىلىق ئەمەس.پەقەت شۇ خىل ھەمكارلىق ۋە دوستلۇقنى ئۇزاققىچە داۋاملاشتۇرغاندىلا كۆزلىگەن نىشانغا غەلبىلىك يېتىپ بارغىلى بولىدۇ.
　　　　بۇ قېتىمقى ھەمكارلىق توختامنىڭ ئىمزالىنىشى ئىككىلا شىركەتنىڭ كەلگۈسى تەرەققىياتىغا ناھايىتى پايدىلىق بولۇپ، ئۇزاققىچە داۋاملاشتۇرۇلسا ئىككىلا تەرەپ تەڭ تەرەققىي قىلشتەك قوش ئۈنۈمگە ئېرىشىدۇ.
　　　　شىنجاڭ ئابىدە بىيو پەن-تېخنىكا تەرەققىيات چەكلىك شىركىتىنىڭ  تور قۇرۇلۇش ئىشلىرىغا مەبلەغ سالغانلىقى ھەقىقەتەن پەخىرلىنىشكە  ۋە ماختاشقا تېگىشلىك بىر ئىش بولۇپ ھېسابلىنىدۇ.شىنجاڭ ئابىدە بىيو پەن – تېخنىكا تەرەققىيات چەكلىك شىركىتى ۋە باغداش مەدەنىيەت تارقىتىش چەكلىك شىركىتىنىڭ قول تۇتۇشۇپ ئۇزاققىچە ھەمكارلىشىپ تەڭ تەرەققىي قىلىشىدا بۇ قېتىملىق ھەمكارلىق تۇنجى قەدەم بولۇپ قالغۇسى!
　　　　　　　　　　　　　　　　　            　　　: رەنا ئەھەت

tohotur

ئابىدە شېركىتىنىڭ جەڭگىۋار قەدەملىرىنى كىريەدىكى يەر تەۋرەش مەيدانىدىمۇ كۆرۇپ قالغان ئىدۇق ،مانا ئەمدىلىكتە بۇلارنىڭ شىرىن بۇلاقتەك ساپ كۆڭلى باغداشلىقلار بىلەنمۇ يۇز كۆرىشىۋاتىدۇ ،

ئابىدە نىڭ ئۆلۇم كۆرۇمدە ئەل بىلەن بىللە بولۇشى ، ئەل كۆڭلىگە ياققان ئىشلارنى قىلىشى قەلبىمىزدە بىر ئابىدە بولۇپ قالغۇسى

bulbulnaz

بۇ تولىمۇ ياخشى باشلىنى بوپتۇ…بىزمۇ تۇشمۇ تۇشتىن قۇل تۇتۇشۇپ  باغداش بىلەن ئابىدە شىركىتىنى قوللايمىز…ئابىدەنىڭ ئىش ئىزلىرنى كىرىيەدىكى يەر تەۋرەشتە ئاڭلىغان ۋە قاتتىق تەسىرلەنگەن ئىدىم…ئاللاھ ئۇيغۇر شىركەتلىرنى كۈنسىرى گۈللىنىشكە نىسىپ قىلسۇن ئىنشائاللا!