(پاتىخ) ئۈچ ۋىلايەت ئىنقىلابى مەزگىلىدىكى

Turk-Zat

ئەنۋەر خانبابا  دېگەن كىمۇ؟ مۇشۇ كىشى توغرىسىدا تەپسىلىي ماتېرىيال بارمىدۇ؟      ئەنۋەر خانبابا (  ئۆزبېك ) رەخىسى بابانىڭ ئوغلى . ئۇ 1918 - يىلى ماي ئېيىنىڭ 1 - كۈنى ئۆزبېكىستاننىڭ تاشكەنت شەھىرىدە تۇغۇلغان . ئاتىسىدىن كىچىك قالغان ئەنۋەر خانبابا بوۋىسنىڭ تەربىيەسىدە بولۇپ ، 1927 - يىلى بوۋىسى بىلەن بىرگە ئۈرۈمچىىگە كېلىپ ، تۇرسۇن بابانىڭ تەربىيەسىدە بولىدۇ . ئۇ ئۈرۈمچى گىمنازىيىسىنى پۈتتۈرگەندىن كېيىن 1935 - يىلى بىرقانچە ساۋاقداشلىرى بىلەن بىرگە موسكۋاغا ئوقۇشقا بارىدۇ . ئوقۇشنى پۈتتۈرگەندىن كېيىن ، ئۈرۈمچىگە كېلىپ ، 1944 - يىلى 12 - ئايدا ئۈچ ۋىلايەت ئىنقىلابىغا قاتنىشىدۇ . ئۇ ئۈچ ۋىلايەت ئىنقىلابىي مەزگىلىدە ئۈچ ۋىلايەت ئىنقىلابىي ھۆكۈمىتى مائارىپ نازارىتىدە بۆلۈم باشلىقى ، شىنجاڭ ئۆلكىلىك ھۆكۈمەتنىڭ ئەزاسى ، ئىلى ۋىلايىتى مائارىپ ئىدارىسىنىڭ باشلىقى ، قوشۇمچە مەدەنىيەت - مائارىپ كومىتېتىنىڭ مۇئاۋىن مۇدىرى قاتارلىق ۋەزىپىلەرنى ئۆتەيدۇ . ئازاتلىقتىن كېيىن ئاپتونوم رايونلۇق مائارىپ نازارىتىنىڭ نازىرى ۋە پارتىيە گۇرۇپپىسىنىڭ شۇجىسى ، مەدەنىيەت - مائارىپ بولۇمىنىڭ باشلىقى ، ئاپتونىم رايونلوق سىياسى كىڭەشنىڭ ئەزاسى ، شىنجاڭ ئۇنۋېرسىتېتنىڭ مۇئاۋىن باشلىقى ، ئاپتونوم رايونلۇق مەدەنىيەت - مائارىپ كۆمىتېتىنىڭ مۇدىرى ھەم پارتىيە گۇرۇپپىسىنىڭ شۇجىسى ، ئاپتونوم رايونلۇق 1-،2-،3-،4-،5-نوۋەتلىك سىياسىي مەسلىھەت كېڭىشىنىڭ مۇئاۋىن رەئىسى ، پارتىيە قۇرۇلتىيىنىڭ ۋەكىلى ، مەملىكەتلىك 2- نوۋەتلىك خەلق قۇرۇلتىيىنىڭ ۋەكىلى ، 6- نوۋەتلىك مەملىكەتلىك سىياسىي مەسلىھەت كېڭىشىنىڭ ئەزاسى قاتارلىق ۋەزىپىلەرنى ئۆتەپ ، شىنجاڭنىڭ تەرەقىياتى شۇنداقلا  ھەر مىللەت خەلقى ئۈچۈن زور توھپىلەرنى قوشقان ئۇلۇغ مەرىپەتپەرۋەر زاتتۇر !   ( مەنبە ؛ شېرىپ نىياز خۇشتار ؛ ‹‹ شىنجاڭ يېقىنقى زامان تارىخىدا ئۆتكەن شەخسلەر ›› )  

yalghuz2

    ياخشى يېزىلغان تېما ئىكەن. مەن بۇرۇن ئاڭلىمىغان كۆپ ئىشلارنى بىلىۋالدىم. رەخمەت.

almahan

مەن غۇلجىلىق بۇلغانلىقىمدىن پەخىرلىنىمەن .

harzat

ھەقىيقەتەن بىز پەخىرلەنگۇدەك ئىشلار ناھايىتى كۆپ،بىراق ئۆتمۇشنىڭ گۇزەللىگى ئاشۇ بىرئەۋلات كىشىلەرگە مەنسۇپ ،بىزنىڭ ئەۋلاتلىرىمىز بىزدىن پەخىرلەنگۇدەك ئىشلارنى قىلىش قىلالماسلىق بىزنىڭ شىجائىتىمىزگە باغلىق.نۆۋەتتىكى مائارىپىمىزنىڭ ئەھۋالى ھەممىگە ئايان بىراق نىمە ئۇچۇن بۇ رىئاللىقتىن ئۇزۇمىزنى قاچۇرۇمىز .نىمە ئۇچۇن نەچچە ئونيىللىق بۇزۇلغان مائارىپ مەسىلىمىزنى ھەل قىلىشقا تىرىشمايمىز بۇلۇپمۇ يېزامائارىپىنى ،بۇنى كىم ھەل قىلىپ بىرىدۇ....
بۇنىڭ ئۇچۇن كىملەر خۇشال كىملەر زار،بىزنىڭ ئەل باشلىرىمىز يىراق-يىراق جايلارغا خىزمەت تەكشۇرۇپ بارالىغان بىلەن مەسىلە ھەلقىلالايدىغانلار قانچىلىك.....

سەدەف

ئۆتمۈش جىمجىت تۇرىدۇ،بۈگۈن‹‹غىپپىدە›› ئۆتۈپ كېتىدۇ،كەلگۈسى لاغايلاپ تەستە كېلىدۇ.ئەمدى بىز قانداق قىلىمىز؟

بۇ يازمىدىن مۇنۇ نۇقتا تېخىمۇ يېشىلدى:ھەرقايسى دەۋرلەردە چەتئەللەرگە بالدۇرراق چىقىپ،دۇنيانى كۆرۈش-چۈشىنىش پۇرسىتىگە ئېرىشەلىگەنلەرنىڭ مىللەتنى يېتەكلەشتىكى رولى ئەڭ ئۈنۈملۈك بولغان.ئابدۇخالىق ئۇيغۇر،مەمتېلى تەۋپىق،ئەخمەتجان قاسىمى...لاردەك.
شۇڭا ‹‹جاھان كەزگەن ئىتتىن قورق›› دېگەنىكەن ئەجدادلار.