كىم ئارتۇق قىلىپ چىلان سودىسى توردا باشلاندى

imirghazi

turkan0997 يوللىغان ۋاقتى  2014-10-18 16:17
بىز بۇ يىل بىر موچەنلىك چىلان ساتالمايدىغان ئوخشايمىز  ...

بۇ يىلقى پايدىنى كۆزلىسە كۆپ پايدا چىقماسلىقى مۇمكىن ، لېكىن بۇ يىگىرمە بەش يىللىق يەر ، يىللىقى يىگىرمە سەككىز مىڭ يۈئەن توختايدۇ  ، چىلاننىڭ باھاسى چۈشۈپ كېتىپ قالسا دەپ ئالدىن مىڭ تۈپ ياڭاق سېلىنغان . ياڭاق بولىقىغا كىرسە بىر تۈپ ياڭاقتىن ئەڭ تۆۋەن بولغاندىمۇ يۈز يۈئەن كىرىم بولىدۇ .
ئەگەر سىز كونا زەرگەرنىڭ قېشىغا بارسىڭىز مۇنداق ئىشقا يولىقىسىز ، يەنى ئۇلار ئالتۇن باھاسى قانچىلىك ئۆرلەپ كەتسۇن ياكى قانچىلىك چۈشۈپ كەتسۇن ئۇلار ھەر ۋاقىت سەرراپتىن ئالتۇن ئالىدۇ . چۈنكى ئۇلاردەيدۇكى « بىز ئەزەلدىن ئالتۇن ساقلاپ جان بېېقىۋاتقان ، چۈشۈپ ئۆسۈپ تۇرىدىغان بولغاچقا سودا ياخشى بولىدۇ ، چۈشۈپ كېتىشتىن قورقساق سودا قىلماي نەخ پۇلنى خەجلەپ دەسمىينى يوق قىلساق بولىدۇ ، بىز نەخ پۇل ساقلىمايمىز ئالتۇن ساقلايمىز » .
سەرراپلارچۇ ؟ ئۇلارنىڭ ئالتۇنى بىر گىرامدا بىر يۈئەن ئاستىن - ئۈستۈن بولسا  نەچچە كىلو ئالتۇندا نەچچە يۈزمىڭ پايدا -زىيان مەسىلىسى كېلىپ چىقىدۇ . بىر كۈننىڭ ئىچىدىلا نەچچە قېتىم ئۆسۈپ نەچچە قېتىم چۈشۈپ تۇرىدۇ . ئەگەر ئۇلار باھانىڭ چۈشۈپ كېتىشىدىن قورقسا سەرراپ زەردار بولالمايدۇ . چوڭ سودىنى چوڭ پايدىنى كۆزلىگەن ئادەم باھانىڭ ئۆسۈپ چۈشۈشىدىن قورقمايدۇ ، ھاياتلىقتا ئېگىز -پەسلىكنىڭ بولۇپ تۇرغىنى ياخشى ، بولمىسا ئۇ ئۆلۈمدىن دېرەك بېرىدۇ .
ئەتە قانداق بولىدىغانلىقىنى ، كېلەر يىلى قانداق بولىدىغانلىقىنى ھېچقايسىمىز بىلمەيمىز ، ئاللاھ تەۋەككۈل قىلغۇچىلارنى ياخشى كۆرىدۇ .

imirghazi

مۇنداق بىر ھېكايە بولىدىغان ، بىر ئاتا-بالا بولۇپ ئىقتىسادى ناچار كۈنلىرىنىڭ بىرىدە بالىسى ئاتىسىنىڭ قېشىغا كېلىپ دەپتۇ « ئاتا بازاردا ئاتنىڭ باھاسى بەك ئەرزانكەن بىر ئات بىر تەڭگە بىرەنى ئېلىپ قويغان بولساق » ئاتىسى :« ئوغلۇم بۇ ئاتلار بەك قىممەتكەن بىز ئالماي تۇرايلى » . بىر مەزگىل ئۆتۈپ ئۇلارنىڭ ئىقتىسادى ياخشىلىنىپتۇ ، بىر كۈنى يەنە ئوغلى ئاتىسىنىڭ قېشىغا كېلىپ دەپتۇ :« ئاتا سىزگە بىر ۋاقىتتا ئات ئەرزانكەن بىر ئات بىر تەڭگە بىرنى ئېپ قويايلى دېسەم ئۇنىمىغانتىڭىز مانا ئەمدى بازاردىكى ئاتنىڭ باھاسى ئۆسۈپ بىر ئات يۈز تەڭگىگە چىقىپتۇ » ئاتىسى كۈلۈپ تۇرۇپ دەپتۇ :« ئوغلۇم ئۇ ۋاقىتتا ئات ھەقىقەتەن قىممەت ئىكەنتۇق ، ھازىر بەك ئەرزان بوپ كېتىپتۇ ، يۈر بازارغا بېرىپ نەچچە ئات ئېلىپ قويايلى.»
ئەمەلىيەتتە پۇل يوق ئىقتىسات ناچار ۋاقىتتا ھەر قانچە ئەرزان نەرسىمۇ قىممەت كۆرىنىدۇ . پۇل بار ئىقتىساد ياخشى ۋاقىتتا قىممەت بولسىمۇ سودا ياخشى بولىدۇ ، مانا بۇ ئاتالمىش « سۇ سايغا ئاقىدۇ پۇل بايغا » دېگەن گەپنىڭ چۈشەندۈرىلىشى.
نامرات ئادەم نېمىشقا نامرات بولىدۇ ؟ چۈنكى ئۇ ئادەتتە ئەرزانراق بولسىكەن مەن پايدىنى جىق ئالسام دەپ ئىزدەپ ئاخىرى زىيان تارتىدۇ. مەسىلەن باي كىشى بازاردىن ئالما ئالماقچى بولسا ئالمىنىڭ ئەڭ نوچىسىنى قىممەت بولسىمۇ ئالىدۇ ، ئالما نوچى بولغاچقا ھۇزۇرلىنىپ ئولتۇرۇپ يەيدۇ ، نامرات كىشى بازاردىن بەك ئەرزان پۇلغا بەك جىق ئالما ئالدىم دەپ ئويلايدۇ ئۆيىگە ئاپارغاندا ئالمىنىڭ سۈپىتى ياخشى بولمىغاچقا يېرىمىنى ئاقلاپ تاشلايدۇ يېرىمىنى يەپ بولغۇچە ئېشىپ قالغىنى بۇزۇلۇپ تۈگەيدۇ ، ئاقىۋەتتە ھەم زىيان تارتىدۇ ھەم ھۇزۇر ئالالمايدۇ . ئىقتىسادنى قانداق ئىسراپ قىلىۋەتكىنىنى بىلەلمەيدۇ ، نامرات پېتى قېلىۋىرىدۇ .
دوستلارغا « باي دادام ، نامرات دادام » دېگەن كىتابنى ئوقۇپ بېقىشىنى تەۋسىيە قىلىمەن .

turkan0997

imirghazi يوللىغان ۋاقتى  2014-10-18 16:34
بۇ يىلقى پايدىنى كۆزلىسە كۆپ پايدا چىقماسلىقى مۇمكىن  ...

بۇيىل بىز تەرەپلەردە ياڭاقنىڭ باھاسى تۆۋەنرەك ،
ياڭاق سودىسى قىلغان نۇرغۇن سودىگەرلەر خېلى كۆپ زىيان تارىتتى ،
دېھقانلار بۇنىڭدىن كىيىن ھەر يىلى ياڭاق باھاسىنىڭ مۇشۇنداق چۈشۈپ كىتىشىدىن قاتتىق ئەنسىرىمەكتە ، چۈنكى ياڭاق يىلدىن يىلغا كۆپىيىۋاتىدۇ ،

qolak

بەشكىرەمنىڭ يەرلىك سوقا چىلىنىنىڭ ياخشىسىنىڭ كىلوسى 30 يۈۋەن

imirghazi

يەنە بىرسى مۇددەتكە بۆلۈش مەسىلىسىگە كەلسەك ئىككىگە بۆلۈپ بەرسە بولىدۇ ، مەسىلەن بۇ يىل 400مىڭنى كېلەر يىلى 300 مىڭنى دېگەندەك

imirghazi

شىنجاڭ تەۋەسىدىن كېلىپ كۆرۈپ بېقىشنى خالايدىغانلار بولسا كېلىش ئايروپىلان بېلىتىنى ئىككى كۈنلۈك تاماق خراجىتىنى كۆتۈرىمىز .  شەرت كۆرۈپ باقماقچى بولغانلارنىڭ 400مىڭ نەخ پۇلى ياكى بانكا پۇل چېكى بولىشى كېرەك

mersedes

پۇل بولغان بىلەن،مەبلەغ سالىدىغانلار چىقامۇ.خۇتەندىمۇ مىلىيونىرلار جىققۇ ئەجىبا شۇلاردىن  نىمىشقا مەبلەغ  سالىدىغانلار چىقمىغاندۇ

imirghazi

mersedes يوللىغان ۋاقتى  2014-10-18 18:54
پۇل بولغان بىلەن،مەبلەغ سالىدىغانلار چىقامۇ.خۇتەندىم ...

سىز بۇنى تاللا بازىرىدىن بىر قاپ تاماكا سېتىۋالغانغا ئوخشاتماڭ ، مىليونىرلار مىليون پۇلىنى سامانلىقىغا تىقىپ قويمايدۇ ، دوستلىرىڭىزغا مۇشۇنداق بىر ئىش باركەن دەپ قويۇڭ ، چىقىپمۇ قالار