قۇمۇل 2-ئوتتۇرا مەكتەپتىكى ئاقىللارغا نەزەر

osumluk

       قۇمۇل 2-ئوتتۇرا مەكتەپ ئۇيغۇر ئاپتۇنومىيە رايونى دائىرىسىدىكى نۇقتىلىق تولۇق ئوتتۇرا مەكتەپ بولۇپ ،ئوقۇتقۇچىلار قوشۇنى،ئوقۇتۇش ئۇسلۇبى ۋە سۇپىتى ئاپتۇنوم رايون بويىچە ئالدىنقى قاتاردا تۇرىدۇ.بۇ مەكتەپكە قومۇل ۋىلايىتىدىكى ھەر قايسى تولۇقسىز ئوتتۇرا مەكتەپلەردىن تاللانغان ئەلاچى ئوقۇغۇچىلار تاللاپ قوبۇل قىلىنىدۇ.پىلاندىن سىرت قوبۇل قىلىنغان ئوقۇغۇچىلارغىمۇ باشقا تولۇق ئوتتۇرا مەكتەپلەرنىڭ نومۇر چېكىدىن يۇققۇرى ئۆلچەم قويۇلغان بولۇپ،ئوقۇغۇچى قوبۇل قىلىش ئۆتكىلى تولىمۇ چىڭ تۇتىلىدۇ.يىلىغا تەخمىنەن 30 سىنىپ ئەتراپىدا تەخمىنەن 2000ئەتراپىدا ئوقۇغۇچى قوبۇل قىلىنىدۇ.بۇ مەكتەپتىن يىلىغا بېيجىڭ ئۇنۋېرستېتى،چىڭخۇا ئۇنۋېرستېتى،فۇدەن ئۇنۋېرستېتىغا 8دەك ئوقۇغۇچى قوبۇل قىلىنىۋاتىدۇ.بۇ يىل بۇ مەكتەپتىن 18 ئوقۇغۇچى يۇققۇرقى 3 ئالې مەكتەپكە قوبول قىلىندىن.جۈملىدن يېققىنقى بىر نەچچە يىلنىڭ ياقى بۇ مەكتەپتە ئوقۇۋاتقان ئۇيغۇر ئوقۇغۇچىلاردىن يىلىغا 2 نەپەر ئوقۇغۇچى يۇققۇرىقى 3 ئالې مەكتەپكە قوبۇل قىلىنىۋاتىدۇ.بۇلتۇر ئىككى ئۇيغۇر ئوقۇغۇچى فۇدەن ئۇنۋېرستېتىغا قوبۇل قىلىنغان ،بۇ يىل گۇلنەزەرئاي بېيجىڭ ئۇنۋېرستېتىغا،ئىليارجان (ئۆز ئارزۇسى بويىچە) فۇدەن ئۇنۋېرستېتىغا قوبۇل قىلىندى.بۇ يىل ھەر قايسى تولۇقسىز ئوتتۇرا مەكتەپلەردىن تاللانغان ئوقۇغۇچىلار ئىچىدە 2-ئوتتۇرىنىڭ تەجرىبە سىنىپىغا(تولۇق نومۇرلۇق ئوقۇغۇچىلار سىنىپى دىسەك بولىدۇ) ئەنسارجان،ئەلئېكرام،ئېلشاتجان قاتارلىق يېڭى ئوقۇغۇچىلار ئادىل رىقەبەت ئارقىلىق قوبۇل قىلىندى.2- ئوتتۇرىدا ئوقۇۋاتقان ئۇيغۇر ئوقۇغۇچىلار تەخمىنەن %0.5 نى ئىگەللىسىمۇ نۇقتىلىق 3 ئالىي مەكتەپكە ئۆتۈش نىسپىتى%12-%35 بولۇپ كەلگەنلىكتىن (باشقا سەۋەپلەرمۇ بولۇشى مۇمكىن) بۇ يىل 2-ئوتتۇرا مەكتەپ ئاز سانلىق مىللەتتىن بولغان بالىلارغا ئالاھىدە ئېتىۋار بېرىپ ئۇلارغا ئالاھىدە نومۇر چېكى بەلگىلەپ قوبۇل قىلىنىدىغان ئاز سانلىق مىللەتتىن بولغان ئوقۇغۇچىلار سانىنى كۆپەيتتى.
    مەن بۇ يازمام ئارقىلىق بارلىقىنى ئۈگۈنۈشكە بېغىشلىغان دۆلىتىمىزنىڭ نۇقتىلىق ئالىي مەكتەپلىرىدە جاپالىق بىلىم ئېلىۋاتقان 2-ئوتتۇرىنىڭ بارلىق ئوقۇغۇچىلىرىغا ھۈرمىتىمنى بۈلدۇرۇش يۈزۈسىدىن ئۇلارنىڭ تۇرمۇشىدىن ئازراق چۈشەنچە بېرەي.مەن ئوغلۇمنىڭ تەجرىبە سىنىپقا قوبۇل قىلىنغانلىقىدىن ئالەمچە خۇش بولغان ئىدىم،بىراق دەرس باشلاش بىلەن تەڭ بالام تەمتىرەپ قالدى،ئۆزىگە بولغان ئىشەنچىسى سۇسلاشتى،چۈنكى بۇ سىنىپتىكى كۆپىنچى بالىلار يازلىق تەتىلدە بۇ مەۋسۇملۇك دەرسلەرنى ئالدىن ئۆگۈنۈپ بولغانكەن(كۇرسلارغا  بارىدىكەن)،ھەتتا بىر ئوقۇغۇچى بېيجىڭغا بېرىپ بىر ئايلىق ئېڭگىلىس تىلى كۇرسىغا قاتنىشىپتۇ.(بىر ساۋاقدىشىنى ياپونىيەگە  ئېچىقىپ تېز سىزما كۇرسىدا ئوقۇتۇپ كەلدى )..........................شۇڭا ئوغلۇم كۇنىگە كۆپ ئۇخلىسا 5-6 سائەت ئۇخلايدۇ،ئاز ئۇخلىغان كۇنلىرى 2 سائەتلا ئۇخلايدۇ،چۈشلۈك دەم ئېلىشتىمۇ تاماق يەپ بولۇپلا تەكرار قىلىدۇ.بۇرۇنقىدەك كومپىيوتوردا ئويۇن ئوينايدىغان،كارتون فىلىم كۆرىدىغان ئىشلار يوق.بۇ مەكتەپ پەقەت يەكشەنبە كۇنىلا دەم ئېلىشقا قويۇپ بېرىدۇ.دەل مۇشۇ يەكشەنبە كۈنى بالام دوستلىرى بىلەن 2-3 ساەت ۋاسكىتبول ئوينىغىلى بارىدۇ.مەن مەلۇم سەۋەپ بىلەن 2-ئوتتۇرىنىڭ ئوقۇتۇش بىناسىغا كىردىم بۇ دەل بالىلارنىڭ تەكرار قىلىش ۋاقتىكەن ،كارىدوردا ماڭغان بالىلار خۇددى جىنلاردەك ئاۋاز چىقارماي ماڭىدىكەن،بارلىق سىنىپلاردا بىرەرمۇ پاراڭ سېلىپ ئولتۇرغان  ئوقۇغۇچىنى كۆرگىلى بولمايدىكەن،بارلىق ئوقۇغۇچىلار خۇددى كىتاپقا مىخلاپ قويغاندەك پۇتۇن دىققىتى بىلەن ئۈگۈنۈش قىلىدىكەن،تاپشۇرۇقنى ئىشلەپ بولالمىغانلار ،تېكىسنى يادلاپ بولالمىغانلار ئوقۇتقۇچىنىڭ ئىشخانىسىغا كىرىپ تاپشۇرۇق ئىشلەيدىكەن ياكى مۇئەللىمنىڭ ياردىمىدە تېكىسنى يادلايدىكەن.سىنىپتا سورالغان سۇئالغا جاۋاپ بېرەلمەيدىغان،تاپشۇرۇق ئىشلىمەيدىغان ئىشلار بولمايدىكەن،شۇڭا بالام بۇ كەسكىن رىقابەت ئىچىدە تاۋلىنىشقا باشلىغان ئىدى. مانا بۇ 2-ئوتتۇرىدىكى بالىلارنىڭ تۇرمۇشىدىن ئاددى كۆرۈنۈش.
    شۇڭا دەيمەنكى غەيرەتلىك بولۇڭلار بالىلىرىم،بارلىق ئاتا-ئانىلار سىلەردىن پەخىرلىنىدۇ!ئىلىم-ئىرپان نۇرلىرى سىلەردىن تارايدۇ!سىلەر ئىلىم ئۈچۈن نۇرغۇن قۇربانلىق بېرىۋاتىسىلەر ،ئەرزىيدۇ !! بالام .ئىلىم ئىگەللىگەن كىشى بىلەن ئىلىمسىز كىشى ئۆلۈك بىلەن تىرىكنىڭ مىسالى! سىلەرگە ئامانلىق ،ئاق يول ،بەخت تىلەيمىز ،بارلىق ياخشى تىلەكلەر بىلەن سالىمىمنى تاماملاي.
  مەنبە:2-ئوتتۇرا ئوقۇغۇچىلار تۇرمۇشى
   

apandim111

قۇمۇل  2-ئوتتۇرا مەكتەپتىكى ئوقۇتقۇچى -ئوقۇغۇچىلار يارايدۇ.بىز سىلەردىن ئىپتىخارلىنىمىز.مىللىتىمىزنىڭ كەلگۈسى تېخىمۇ پارلاق بولغۇسى!

turayigiti

apandim111 يوللىغان ۋاقتى  2014-10-21 21:03
قۇمۇل  2-ئوتتۇرا مەكتەپتىكى ئوقۇتقۇچى -ئوقۇغۇچىلار يار ...

خۇددى سىزدەكلا مەنمۇ بۇ مەكتەپتىن ناھايىتى پەخىرلىنىمەن،ھەر قېتىم ئالدىدىن ئۆتكەندە مەكتەپ ئالدىغا چاپلانغان شەرەپ تاختىسىدىكى مىللىتىمىزدىن بولغان ئۇكا-سىڭىللىرىمىزنىڭ ئىسمىنى قايتا-قايتا ئوقۇپ كېتىمەن.ئازراق ئەپسۇس،بۇ خەنزۇ ئوتتۇرا مەكتىپى.....

bigham123

موشۇ خىل ئوقۇتۇش ئادەمنى ھەقىقەتەن چوڭقۇر ئويغا سالىدۇ.ئەركىن تەپەككۇردىن ئايرىلغان تۈز سىزىق بويىچە مېڭىش ،چىڭخۇا نى پۈتتۈۇرۇپ چىقسىمۇ يەنە نىمە ئىشلارنى...................................جۇڭگوچە ئوقۇتۇش

arkim

جۇڭگوچە مائارىپ زادى مەغلوپ مائارىپمۇ ۋە ياكى مەغرور، يېڭىلمەس مائارىپمۇ؟! نىمنشقا شۇنچە ھاياتىنى خورۇتۇپ ئۆگۈنۈپ چىڭخۇا، فۇدەنلەرنى ئوقۇپ پۈتتۈرگەن مىليونلاپ ئىقتىساسلىقلارنىڭ بىرەرسىمۇ نوبىل مۇكاپاتى ئالالمايدۇ؟! نىمە ئۈچۈن بۇ ئۇنىۋېرسىتلارنى خەلقئارا ئۇنچە بەك ئېتىراپ قىلمايدىغاندۇ؟!
---
بىراق بالىلىرىمىز يەنىلا مۇۋاپىق تۈردە تىرىشمىسىمۇ بولمايدۇ، ئەلۋەتتە...

nigaran

جوڭگو مائارىپىدا ئەركىن تەپەككۈرگە پۇرسەت يوق . بىچارە بالىلار چوقۇم ئۆزىدىن ئېغىر سومكىلارنى سۆرەپ يۈرۈپ ، ئۇنىڭ ئىچىدىكى بارلىق كىتاپ ، ماتىريال ، تاپشۇرۇقلارنىڭ ھۆددىسىدىن چقىشى كېرەك . بالىلاردا ئۆزى ياخشى كۆرگەن پەننى ئاساس قىلىپ تاللاپ ئوقۇش پۇرسىتى يوق . چوقۇم قىلىپلانغان ئەندىزە بىلەن ئالدى بىلەن كۆرسەتكۈچ ، دىپلۇم ، ئونۋانلارنى ئېلىش ۋەزىپىسى يۈكلەنگەن . ئون نەچچە يىل ئوقۇپ بىر پەننى ۋايىغا يەتكۈزۈپ ئۈگىنەلمەيدۇ .
ھەرقانچە چوڭ ئالى مەكتەپنىڭ ئەڭ  يۇقرى دەرىجىدىكى دىپلۇم ئونۋانلارنى ئالدى دېسىمۇ بەلكىم جىنىنى باقالىشى مۈمكىن . ئەمما بوغۇلغان تەپەككۈر بىلەن نوبىل مۇكاپاتىنى ئېلىشى ئىنتايىن تەس .
تەپەككۈر ساغلام بولغاندا، ھېچقانداق بېسىمغا ئۇچرىمىغاندا ئاندىن ئىنسان ئويلاپ يېتەلمىگەن نەرسىلەرنى ھېس قىلىشقا ، ھېس قىلغانلىرىنى بىلىش ئۈچۈن ئۈگىنىشكە ، ئۈگەنگەنسىرى بىلگەنلىرى كۆپىيىپ تاكاممۇللىشىدۇ . مانا شۇ چاغدىكى بىلىم ۋە نەتىچە ھەقىقى مىۋە بولىدۇ .
ئەلۋەتتە ، دىپلۇم ، ئونۋانلار قانچە كۆپ بولسا شۇنچە ياخشى دەپ قارىلىدۇ . لېكىن بىر مۇنچە دېپلۇم ، ئونۋانلارنى يىغىپ قويۇپ ئىنسان ئۆزى خالىغان ئىشنى قىلالمىسا ،داۋاملىق چەكلىمىگە ئۇچراپ تۇرسا ، ئۇ چاغدا نەتىجە مانا ھازىرقىدەك بولىدىغان ئىش .

yolimiz

arkim يوللىغان ۋاقتى  2014-10-22 12:24
جۇڭگوچە مائارىپ زادى مەغلوپ مائارىپمۇ ۋە ياكى مەغرور،  ...

بۇ تېمىنى كۆرسىڭىز بىلىسىز......

./thread-26737-1-1.html
   
        بېننو سىمىت جۇڭگو ئۇنۋېرسىتېتلىرىنىڭ غەيۋىتىنى قىپتۇ
      
                          بوزقىر تەرجىمىسى
      
      
      ئىلگىرى يالې ئۇنۋېررسىتېتىنىڭ مۇدىرلىق ۋەزىپىسىنى ئۆتىگەن بەننو سىمىت ئالدىنقى كۈنلەردە يالې ئۇنۋېرتسىتېتى ئىلمىي ژۇرنىلىدا ئاشكارە ماقالە ئېلان قىلىپ ، جۇڭگو ئۇنۋېرسىتېتلىرىنىڭ غەيۋىتىنى قىلىپ ، جۇڭگو ئۇنۋېرسىتېتلىرىغا قارىتا ئامېرىكا مائارىپ ساھەسىدىكىلەرئارىسىدا كۈچلۈك مۇنازىرە قوزغىدى.


جۇڭگو ئۇنۋېرسىتېتلىرىدىكى ئوقۇتقۇچى-ئوقۇغۇچىلارنىڭ يېقىنقى يىللار مابەينىدە ئۇدا داۋاملىشىپ كەلگەن «قانلىق »ۋەقەلىرىگە قارىتا سىمىت بۇنى ئۇنۋېرسىتېت مائارىپىنىڭ مەغلۇبىيىتى ، دەپ قارايدۇ ھەم مۇنداق دەيدۇ : « ئۇنۋېرسىتېت مائارىپى ئىنسانىيەتنىڭ خارەكتىرىنى ئازات قىلدى، ئادەمنىڭ مۇستەقىل روھىنى يېتىلدۈردى. شۇنداقلا ئادەمنىڭ كوللىكتىۋىزملىق روھىنى كۈچەيتىپ، باشقىلار بىلەن خۇشاللىق بىلەن ھەمكارلىشالايدىغان ، خوشاللىق بىلەن قەلىب ئۇچۇرى قىلالايدىغان قىلدى» . « بۇ خىل روھ ئوقۇغۇچىلار ئارا ، ئوقۇتقۇچى –ئوقۇغۇچىلار ئارا ئەمەلىيلىشىشى كېرەك ئىدى» . « ئۇلاردىكى پىلانلىق ئىلمىي ساھە ئەمەلىيەتتە تەتقىقاتچىلارنى موزدوزغا ئايلاندۇرۇپ قويدى. شۇنداق تۇرۇپمۇ ئۇلارنىڭ باغۋەنلەرگە  ئامراق بولۇپ قالغىنى قىزىق. بىز ئازراقمۇ ئەركىن تەپەككۇرى ۋە مۇستەقىل روھى يوق باغۋەنلەرنى ئەمەس بەلكى ئىسمى جىسمىغا لايىق باغۋەنلەرنى ھۆرمەتلىشىمىز كېرەك».

yuzbexi

مۇنتىزىملاشقان ،ئەسكىرى تۇزۈم ئاستىدا يۈرگىزىلىۋاتقان ،تەتىلى بىلەن ،ئوقۇتۇش ۋاقتىنى بىلگىلى بولمايدىغان بۇ خىل مەكتەپلىرىمىزدە ‹‹ ئوقۇش ›› ھاياتىنى ئۆتكۈزىۋاتقان بالىلىرىمىزغا ئادەمنىڭ قوسىقى ئاغرىيدۇ . مەكتەپ باشقا ، جەمىيەت باشقا . ئىشقىلىپ ھازىرقى ئوتتۇرا مەكتەپ ئەلا ئوقۇغۇچىلىرنىڭ كۆپۈنچىسىنىڭ كىشىلىك مۇناسىۋەت شەكلى ، ياكى پاراڭلىشىش شەكلى تولىمۇ بىمەنە . بىر خىل ھاڭۋاقتىدەكلا  .   شەخسەن ھىس قىلغانلىرىم .