ئەزىمەتلەر ئوچىقى شىنجاڭ بوكس كوماندىسى

Erkal

جىگەر يىرتىلىپ كەتتى، يۈرەك تىلغاندى، ئۆپكە پارچىلاندى ...

alaman0998

تۇنۇگۇن ئاڭلاپ ئىشەنمەيلا قالدىم!!! مىللەتنى جاھانغا تۇنۇتقان دۆلىتىمىزگە خەلقىمىزگە زور شان-شەرەپ ئېلىپ كەلگەن تالانىت ئىگىسى ئىدى،،،ئاسىيا بوكىس چىمپىيۇنى بولغان شۇ ۋاقىتتا چەتئەللىك كىشىلەر راسلا بۇ قېرىندىشىمىزنىڭ جۇڭگۇلۇق ئىكەنلىگە ئىشەنمەي قالغانكەن،،،،ئەمما كىيىن جۇڭگۇلۇق ئۇيغۇر مىللىتىدىن ئىكەنلىكىنى بىلىپ بۇ مەملىكەتتە ئۇيغۇر دەيدىغان مۇشۇنداق شىر يۇرەك،قەيسەر،باتۇر بىر مىللەتنىڭ بارلىقىنى تېخىمۇ چۇڭقۇر بىلىپتىكەن ،،،ھەي ئىسىت !!!!ياتقان يېرى جەننەتتە بولغاي

kaman1

رەھمەتلىكنى تۇنجى كۆرگۈنۈمدە، كىلىشكەن قەددى-قامىتىگە قاراپ ،ئەسلى ئۇيغۇر مۇشۇنداق بولسا كېرەك دەپ ئويلىغان ئىدىم.

kelender

قەددىڭ ئىدى تەڭرىتاغ
～
）مەرھۇم ئاسىيا بوكىس چېمپىيونى ئابدۇراھمان ئابلىكىمگە مەرسىيە （



بۇ زېمىننىڭ باغرىدا ئۆسكەن تالاي مەرد ئوغلان،
شۇڭا ئۇشبۇ ماكانغا تەڭرىتاغ دەپ نام قويغان.
ئەزىزلىگەچ خۇدايىم تا ئەزەلدىن ئۇلارنى،
ياراق تۇتۇپ جەڭلەردە تاغلىرىغا تۇغ ئويغان！
～
ئەسىرلەردىن مابەينى ئۇزاپ كەلدى كۆپ كارۋان،
كولدۇرمىسى ئويغىتار شېرىن چۈشتىن، بىر ئارمان.
تەكلىماكانغا دۈملەنگەن تىلسىملىق سىر تولا،
كۆچۈپ يۈرەر شۇندىمۇ يۇلغۇنلۇقتا قۇم بارخان.
～
چېلىشتا مەردلىكنى جاكارلىغان ئەزىمەتلەر،
تىغ سالسىمۇ ئارقىدىن خۇمسى ،ناكەس، نامەردلەر.
ئوغۇز قېنى ئۇرغۇغاچ يەر چىشلىتەر دۈشمەننى،
يەڭلەر تۈرۈپ تەق تۇرغاچ دوست-يارەن ھەم ئۈلپەتلەر.
～
سېنىڭ قېنىڭ شۇ ئىدى گۈلخان كەبى قاينىغان،
جاسارىتىڭ تەپتىدىن ئۇيغۇر روھى ئاينىغان.
مەيدان ئارا ھۇررادا قىلچە ئارتقا يانمىغان،
كىم دېسە، ئابدۇراھمان ئاسىيادا چاقنىغان.
～
تەقدىر شۇنداق ئىكەنغۇ ياخشىلارغا كۈن يوق دەپ،
يامانلاردىن بۇ ئۆلۈم ئەجەب يىراق قاپتۇ خەپ！
ۋادەرىخ！ يۈرەك داغلاپ كېتىپ قالدىڭ بىمەھەل،
سەن كەبى بىر ئوغلاننىڭ چىقىشىدا ئەمدى گەپ...
～
ياۋغا ئاتقان مۇشتنى، بولسا ئەجەلگە ئاتقىلى،
ئاتار ئىدۇق بەسمۇ-بەس سېنى ئېلىپ قالغىلى！
كەتكەنلەرنىڭ كەينىدىن بولماسكەن يا كەتكىلى،
ياكى ياخشىچۈن ياماننىڭ بىر جانىنى ساتقىلى؟
～
سادىر، غېنى باتۇرۇڭ چاقىردىمۇ يا سېنى؟
ئىزلىرىڭنى باسارغا ئوغلان چىقار، سەن قېنى؟
ئاھ،ئىسىت!دەپ لەۋ چىشلەپ،قاناپ كەتتى چىشلارمۇ،
بىزگە ئېغىر كەلدىغۇ ياش كەتكەننىڭ يامىنى！
～


شىر ئىدىڭ مەيدان ئارا ئەغيارنى تىز پۈكتۈرگەن،
غۇرۇر،ئەخلاق،ئىماندا ۋۇجۇدۇڭنى پۈتكۈزگەن.
مىخ بولۇپ پاتقان ئىدىڭ ھەر رەقىبنىڭ كۆزىگە،
نۇسرىتىڭ ئۇيغۇرنى شەرەپ تەختىگە ئۆتكۈزگەن…
～
سېنىڭدەكتىن قورققانلار،سېپىلىنى* سوققانلار،
ئەلگە كېرەك ئىدى رەقىب گېلىنى بوغقانلار.
شۇم ئەجەلنىڭ قوينىدىن قۇتۇلماسكەن ھېچكىممۇ،
قان يىغلىدۇق،دوست-ئاداش،يىراق-يېقىن تۇغقانلار…
～
ئاسىيادا بىر يۇلتۇز ساقىپ كەتتى ئەجەبمۇ،
داڭ قالغان نامىڭغا ۋەتەن تۈگۈل ئەرەبمۇ؟
تەقدىر دەيمىز ئاھ ئۇرۇپ، توپا تاشلاپ كەتمەندە،
ئەل ئايرىدۇ ھەممىنى گۆھەر، زەررە، سەدەپمۇ…
～
رەھمانىدىن راھمانغا بالدۇر كەلگەچ شۇم ئەجەل.
جىمىپ كەتتى تەڭرىتاغ، بۇغدا، تارىم  شۇ قەدەر.
جەننىتىڭنى تىلىدۇق مىليون ئۇيغۇر دۇئادا،
خانتەڭرىنىڭ كۆكسىگە يېزىپ قويدۇڭ مۇڭ غەزەل！
～
سېپىل*-مەرھۇمنىڭ تۇنجى ئەسىرى كۆزدە تۇتۇلغان.

sultan777

خەلقىمىز بۇ باتۇرىمىزنى مەڭگۈ يات ئىتىدۇ.

ahgul914

ئاتا ئۆلمەك مىراس،
ئانا ئۆلمەك مىراس،
قېرىداش ئۆلۈمى قىيامەت.


رەھمەتلىكنىڭ ياتقان يىرى جەننەتتە بولسۇن.

amul

پالۋىنىمىزنىڭ ياتقان يېرى جەننەت بولغاي،رەھمەتلىكنىڭ نېمە سەۋەب بىلەن تۈگەپ كەتكەنلىكىنى ھەجەپ بىلەلمىدىم.

YOQSUL

ئاللاھ يېقىن بەندىلىرىنى شۇنداق تېز ئېلىپ كىتىدىغان ئوخشايدۇ.ئاجايىپ كاتتا ئوغلان ئىدى،ئىسىت!!! ياتقان يېرى جەننەتتە بولغاي،ئامىن!