ئادەمنىڭ تەقدىرى راستىنلا پىشانىسىگە پۈتۈلگەنمۇ؟

esil521

پىشانىسىگە پۈتۈلگەن دىگەن سۆزدىنمۇ مۇۋاپىق سۆز يوق ..چۈنكى ئات ئىشەكتەك تىرىشىپ ياخشى ئىش ياخشى ئەمەللەرنى قىلىپ تۇرۇپمۇ دىشىۋارچىلىق تارتىۋاتقانلارغا مۇۋاپىق جاۋاپ بىرىش مومكىن ئەمەس جاۋاپ بەرگەن تەقدىردىمۇ قايىل قىلارلىق جاۋاپ مەۋجۈت ئەمەس ..

ئۆمەر

Fedaiy يوللىغان ۋاقتى  2015-2-23 21:26
تەقدىر مەسىلىسى، ئىدىئولوگىيىلىك مەسىلە ئەمەس، پەلسە ...

ئەسسالامۇ ئەلەيكۇم!
   اللە ئىنكاس يازغان قولىڭىزغا دەرت بەرمىسۇن، ئىلمىڭىز ۋە ئەجرىڭىزنى زىيادە قىلسۇن، امين!

ئۆمەر

intil571 يوللىغان ۋاقتى  2015-2-24 15:33
ئىنساننىڭ تەقدىرى پىشانىسىگە پۈتۈلگەنمۇ دىگەندەك سۇئ ...

ئەسسالامۇ ئەلەيكۇم!
    تولىمۇ ياخشى ئىنكاس بوپتۇ قېرىندىشىم. اللە قولىڭىزغا دەرت بەرمىسۇن، ئىلمىڭىز ۋە ئەجرىڭىزنى زىيادە قىلسۇن، امين!...

ئۆمەر

   مەن سىزنىڭ پاچاقچىلىق تەرىقىسىدە يېزىلغان يازمىلىرىڭىزنى تور دۇنياسىدا بىرە-بىرە ئۇچرىتىپ تۇراتتىم، ئەمما ئىنكاس يېزىشنى بىھۇدە چاغلاپ ئىنكاس يازمىغان ئىدىم. چۈنكى سىلەرنىڭ تالاش-تارتىشىڭلار ئىسلامغا، توغرىسى مۇسۇلمانلارغا مۇناسىۋەتسىز ئىدى. ئەھمىيەتسىز، ئايىقى چىقماس بۇ بەس-مۇنازىرىلەرنىڭ ۋاقىت ئىسراپچىلىقىدىن باشقا نەرسە ئەمەسلىكى ھەربىر ئەقلى ئويغاق ئىنسانغا بەش قولدەك ئايان ئىدى. ئەمما بۇ يازمىڭىزغا ئىنكاس يېزىشنى ئىمانىي بۇرچۇم دەپ قارىغانلىقىم ئۈچۈن بۇ ئىنكاسنى يېزىپ ئولتۇرۇپتىمەن. مەن سىزدەك قۇرۇق گەپنى تولا قىلمايمەن، نېمە بولسا شۇنى ئۇدۇللا دەيمەن:
    1 . قوينى قاسساپ سويسۇن! دەيدۇ كونىلار. شۇڭا سىزنىڭ چىت لاتىسىدە ھەممىگە چېپىلىۋالماي ئۆزىڭىزنىڭ بىلىش دائىرىسدە ھەرىكەت قىلىشىڭىزنى، شۇ بىتەلەي ئوقۇغۇچىلىرىڭىزغىلا كاپشىپ ئاي توشقۇزۇپ جان ساقلاپ ئۆتۈشىڭىزنى، دىن بارىسىدىكى نازۇك، سەزگۈر مەسىلىلەرگە ‹‹مېنىڭچە... پالانىنىڭ دېيىشىچە››دېگەندەك مۇجىمەل، كۇفرانىي ھۆكۈملەرنى چىقارماسلىقىڭىزنى تەۋسىيە قىلىمەن؛
    2. تەقدىر ــ ئۇ تولىمۇ چوڭ، ھەم ئىنسان چىش پاتۇرالمايدىغان تېما! بىر مۇسۇلمان تەقدىرنى ئىنكار قىلىش سەۋەبىدىن شەرتسىز كافىر بولۇپ كېتىدۇ!...  بۇ تېما توغرۇلۇق ئىنسانىيەت ئاپىرىدە بولغاندىن بىرى نەچچە مىليارت ئىنسان ئىزدەندى، ھەم ئىزدىنىۋاتىدۇ. ئەمما ئاخىرى بېرىپ تەقدىرگە تەن بېرىۋاتىدۇ. نۇرغۇنلىغان ئاللاھنىڭ ئىتائىتىدىن چىققان دىنسىزلار تەقدىرنى ئۆزگەرتىمىز، تەبىئەتكە جەڭ ئىلان قىلىمىز! دەپ شوئارلارنى توۋلاپ ئالەمنى مالەم قىلىۋىدى ئۇزۇنغا قالماي ئۆزلىرى ئۆلۈمنىڭ قاخشاتقۇچ تەمىنى تېتىپ، يۇرت ماكانلىرى تەبىئەتنىڭ قاتتىق ئۆچ ئېلىشىغا ئۇچراپ شەرمەندىلەرچە يەربىلەن-يەكسان بولدى! يىقىلغان چېلىشقا تويمىغاندەك ئۇلارنىڭ دەھرىي ئىدىيىسىگە ئەگەشكەن ماڭقۇرتلار تا بۈگۈنگىچە تەقدىر توغرۇلۇق ئۆزنىڭ ئەرزىمەس شەخسىي قاراشلىرىنى بايان قىلىشىپ نادانلارنى قايمۇقتۇرماقچى بولىۋاتىدۇ. ئۈمىدىم: سىز بۇنداقلارنىڭ جۈملىسىدىن بولۇپ قالماڭ ئېمانى گاداي مۇئەللىم!...
   ھەق گەپ ئاچچىق بولىدۇ، ئەمما ئۇنى قىلىشقا جۈرئەت قىلىش كېرەك!...

baturkarahan

سىز بىر ئوقۇتقۇچىكەنسىز ئېلىم-پەنمۇ، ئىنسانمۇ ئالدىن ئۆلچەملىك جاۋاپ بېرەلمەيدىغان ، ئىنساننىڭ بىلىش ۋە تەپەككۇر دائىرسىدىن ھالقىغان ئىلاھىي مەسىللەرنى يېزىپ باشقىلارنى ئۇسۇلغا سالىمەن دېمەي. ئوبىكتىپ نەرسىلەر توغىرسىدا يازسىڭىز بولمامدۇ؟ بۇ سىزنىڭ تەتقىق قىلىدىغان دائىرىڭىزدىكى ماتىماتىكا مەسىللىرىدەك ئۇنداق  مەسىلە ئەمەس.  

baturkarahan

تېما ئىگىسى مۇئەللىم سىزنىڭ سۇئالىڭىزغا ئۆزىڭىز جاۋاپ تاپالايسىز. ئۇ جاۋاب نەدە؟ ئاللاھنىڭ قۇرئانىدا، قۇرئاننىڭ ئەسلىسىنى ئوقۇيالمىسىڭىز. ئۇيغۇرچە تەرجمىسىنى( مۇھەممەت سالىھ ھاجىم تەرجىمە قىلغان پۈتكۈل ئىسلام دۇنياس تەستىقلاپ قايىل بولغان) تەپسىلى ئوقۇپ چىقىڭ، ئىزدىگەن سۇئالىڭىزنىڭ  ئەڭ توغرا، قىل سىغمايدىغان جاۋابىغا ئىرىشەلەيسىز. بۇ يەردە ئارتۇقچە بىلجىرلاشلارنىڭ ھەممىسى يالغان گەپلەردۇر خالاس.

Fedaiy

ziya يوللىغان ۋاقتى  2015-2-24 13:36
تەقدىرنى سەۋەپ-نەتىجە مۇناسىۋىتى بىلەن باغلىنىشى با ...

بۇ دۇنيا سەۋەپ-نەتىجىلەرگە باغلىق قىلىپ يارىتىلغان. مەسىلەن: دەرەخنىڭ سايىسىنىڭ يەرگە چۈشۈشى كۈن نۇرىنىڭ دەرەخكە چۈشۈشى سەۋەبلىك. بۇنداق مىساللارنى چەكسىز كېڭەيتەلەيسىز...
ئەمما ئاللاھ ئىستىسە، سەۋەبسىزمۇ يارىتالايدۇ. مەسىلەن: جەننەتتىكى سايىنىڭ سەۋەبسىز ۋە ئۆزلىكىدىنلا مەۋجۈت بولۇپ تۇرىدىغانلىقىنى ئايەتنى تەپسىرلەش ئارقىلىق ئوتتۇرىغا قويىۋاتقانلار بار.
شۇ نوقتا كەسكىن ئايدىڭ بولۇشى كېرەككى: ئىنسان پەقەت يالغۇز ئاللاغا ئىبادەت قىلىش ئۈچۈنلا يارىتىلغان. بىز بۇ دۇنيادىكى پۈتۈن ھاياتىمىزدا پەقەتلا سىنىلىۋاتقان (ئىمتىھان بېرىۋاتقان) جانلىقلارمىزكى، بۇنىڭ نەتىجىسى ئاخىرەتتە چىقىدۇ.
ئەنە شۇ سناقنىڭ مۇھىم نوقتىسىمۇ سەۋەب-نەتىجە مۇناسىۋېتىدۇر. بۇنىڭ بىلەن ئىنسان ئەقلىنىڭ ئىختىيارى بويىچە مۇنكىر (ياخشىلىق) ياكى نەكىر (يامانلىق) دىن بىرنى تاللايدۇ. مانا بۇ سىناقتۇر.
ئىنسان كەم ئەقىلدۇر، پۈتۈن سەۋەب-نەتىجە مۇناسىۋېتىنى چۈشىنىپ بولالىغۇدەك دەرىجىدە ئەمەستۇر. سەۋەبىگە ئەقلى يەتمىگەنلىكى ئۈچۈنلا ئىنكار قىلىش كۇفرىلىققا باشلايدۇ.
مەسىلەن: كۈننىڭ غەربدىن چىققانلىقىنى كۆرگەندىن كېيىن ئىمان قوبۇل بولمايدۇ. چۈنكى، بۇ يەردە كۈننىڭ غەربتىن چىقىشىدىن ئىبارەت پولاتتەك دەلىل بىلەن ئەقىلنىڭ ئىختىيارلىقى (تاللاش ئىمكانىيىتى، يەنى سىناقنىڭ ماھىيىتى) يوقايدۇ. شۇنىڭ بىلەن بارلىق ئىنسانلار ئىمان ئېيتىدۇيۇ لېكىن قوبۇل بولمايدۇ.
شۇڭا، دىن مەسىلىسى (ئىشىنىش-ئىشەنمەسلىك) ۋىجدان، ئىمان مەسىلىسىدۇر.
بىر ئۆمۈر ئىنساننىڭ مايمۇن ئىكەنلىكىنى ئىسپاتلاشقا تىرىشىپ ئۆلۈپ كەتكەن ئالىم بىلەن، شاھادەت بىلەن كەتكەن ئاددىي دېھقاننى پەرقلىق قىلغان ۋىجدان، ئىمان بولماي يەنە نېمىمۇ بولالىسۇن.
(ئەلۋەتتە، ئەڭ توغرىسىنى ئاللاھ بىلۇر...)

ziya

Fedaiy يوللىغان ۋاقتى  2015-2-24 21:15
بۇ دۇنيا سەۋەپ-نەتىجىلەرگە باغلىق قىلىپ يارىتىلغان. م ...

مەسىلەن: كۈننىڭ غەربدىن چىققانلىقىنى كۆرگەندىن كېيىن ئىمان قوبۇل بولمايدۇ. چۈنكى، بۇ يەردە كۈننىڭ غەربتىن چىقىشىدىن ئىبارەت پولاتتەك دەلىل بىلەن ئەقىلنىڭ ئىختىيارلىقى (تاللاش ئىمكانىيىتى، يەنى سىناقنىڭ ماھىيىتى) يوقايدۇ. شۇنىڭ بىلەن بارلىق ئىنسانلار ئىمان ئېيتىدۇيۇ لېكىن قوبۇل بولمايدۇ.

__________

رەھمەت.
كۈننىڭ غەرىپتىن چىقىشى ھەققىدىكى يۇقۇرقى بايانلارنىڭ مەنبەسىنى ئەسكەرتىپ قويغان بولسىڭىز.مالال قىلىدىغان بولدۇم.