ئۈمۈد غەنىگە سۇئال قويغۇچىلارغا جاۋاب

basit123

مەن ئۈمۈت ئەپەندىنىڭ ئۇيغۇرلار  بىر پىرسەنىتمۇ كىتاپ  ئوقۇمايدۇ دىگن سۆزىدىن بۇ ئەپەندىنىڭ  ئۇيغۇرلار ئارىسىدا ئەمەسلىكىنى ھىس قىلدىم .   نىمىشقا  دەمسىز؟
مەن تۇرغان يەر كىچىككىنە بىر تاغلىق يىزا نۇپۇسى 6000مىڭغا يىتىدۇ.  لىكىن مىنىڭ   بىلىشمچە خىلى كۆپ  دىھقاننىڭ ئۆيىدە كۈتۈپخانا بار. مىنىڭ ئۆيۇمدىمۇ 2000‹ئىككى مىڭ › پارچىدىن ئارتۇق كىتاپ  بار،   مەن تۇرغان كوچىداكىتاپ  ئوقۇمايدىغانلار  يوق دىيەرلىك.  چوڭلاردىن باشلاپ  كىچىكلەرغىچە. لىكىن ھازىر  كىتاپ  ئوقۇيدىغانلار راستىنلا ئازلاپ  كەتتى.  كىتاپ ئوقۇيدىغانلار يوقلىقدىن ئەمەس  بەلكى ئوقۇيدىغان  كىتاپنىڭ  كەمچىللىكىدىن.  ھۆكىمەتنىڭ  شۇنچە ئىللىق  سىياسىتىدىمۇ مەن تىخى  ئۆي ئىتىشكە قادىر  بولالمىدىم. ئۈچ ئىغىز  ياغاچ قۇرۇلمىلىق ئۆيۈم بار. بىرىدە  كىتاپ.  مەن ھەر ئايدا  كىتاپ  سىتىۋالىمەن  لىكىن   لىكىن تولۇق ئوقۇپ  چىقىشقا  رايىم  بارمايدۇ.   
مىنىڭ ئۆيۇمدىن كىشىلەر ئاساسەن ،ئىز ، ئويغانغان زىمىن، داغ، تۇندىكى چاقماق. يول ، مىھراپتىن چايان، قىزىل راۋاقتىكى چۈش،  سۇ بويىدا،  تۇنجى مۇھەببەت ، يىگىت دىگەن شۇنداق بولسا، رەزىل يۈرەك، كەتمەن چاپقان گۇناھمۇ، ئانا يۇرت،سۇتۇق  بۇغراخان ،  ماخمۇت قەشقىرى، جۇدالىق،  كاككۇك قونغان تال،   كاككۇك قايتا سايرىغاندا،چالقۇشى، جاللات خىنىم ، باھادىر نامە.  كۆمۈرچى   بالا ، ئامەت ۋە ئاپەت.  لىيىغان بۇلاق........قاتارلىق كىتاپلارنى  نۆۋەت ساقلىشىپ  تۇرۇپ  ئوقۇيتتى،   كىتاپ تەگمىگەنلىرىگە  ئوقۇپ  بولغانلىرى  ھىكايەت  قىلىپ  سۆزلەپ  بەرگەنلىرىنىمۇ ئاڭلىغانمان .لىكىن ھازىر ئالغان كىتاپلىرىمغا  بەزىدە ئىسىت  پۇل دەپ  قالىمەن.  مەنمۇ ئىقتىسادتا ھىرىپمۇ  قالدىم    بەزى كىتاپنىڭ  باھاسىغا   بويلىشىپ  بولغىلى   بولمايدۇ  دە.  چۇنكى  مەن دىھقان ئەمەسمۇ. ئۇنىڭ ئۈستىگە شەرىق شامىلى  كىتاپ  دىگەننى ۋاشاڭ  قىلىۋاتتى، خەت  يازالايدىغان  يولى  بارلار    يازغۇچى،   قوشاق  توقىيالايدىغانلار،  شائىر ، دوكلات يازالايدىغانلار ماقالىچى . ياخشى  كىتاپلارنى  ھىلىمۇ  تالىشىپ  ئوقۇيدۇ. راس  گەپنى  قىلغاندا  ئۇيغۇر ئەدەبىياتى ئاتالمىش ئەندىزلىرىنى بۇزۇپ  ئۆزىدىن ھالقىمىسا ئەمدى ئوقۇرمەن كۆڭلىدىن ئورۇن ئالالمايدۇ،
ئۇيغۇر ئەدەبىياتى بىزدەك  قارا قوساقلارنى تەپەككۇرغا  باشلىيالىشى كىرەك. يازارمەننىڭ ئارىسىدكى چوڭلار جان  باقتىلىق  قىلىۋاتىدۇ نۇرغۇنلىغان  مايسىلارنى   چەيلەۋاتىدۇ،  شۇنىڭ  بىلەن مۇقاۋىسى سۈپەتلىك  كىتاپلار  ساماندەك لىكىن توپا  بىسىۋاتىدۇ،   مەن شۇنداق  دىيەلەيمەنكى ئۇيغۇر  كىتاپ ئوقۇمايدۇ  ئەمەس  تاللاپ  ئوقۇيدۇ

gheyurr

مېنىڭ كۆز قارىشىم مۇنداق:
1- ئۇيغۇرچە كىتابلارنىڭ ھەممىسى ئەخلەت كىتاب ئەمەس. ئۇيغۇرنىڭ مەنىۋىيىتىنى بېيىتىدىغان، ئالغا يېتەكلەيدىغان، كەلگۈسىگە يۈزلەندۈرىدىغان ياخشى مەزمۇنلۇق كىتابلارمۇ ھەر يىلى ئاز تولا بولسىمۇ چىقىۋاتىدۇ.
2-ھازىرقى بازاردا ئۇيغۇرچە كىتابلار ئەڭ كۆپ بولغاندا 6 مىڭ خىلغا ئاران بارىدۇ. ئەلۋەتتە بۇلار سىياسىي-نەزەرىيىە، ئەدەبىيات -سەنئەت، پەلسەپە-ئىجتىمائىي پەن، تارىخ- جۇغراپىيە، مەدەنىيەت -مائارىپ، سەھىيە-تىبابەت، پەن-تېخنىكا، بالىلار ئوقۇشلۇقى، تەرجىمە ئەسەرلەر قاتارلىقلارنى ئۆز ئىچىگە ئالىدۇ، ھەتتا ئوتتۇرا-باشلانغۇچ مەكتەپلەرنىڭ ئوقۇ-ئوقۇتىشىدا پايدىلىنىش ماتىرىياللىرىنىمۇ ئۆ ئىچىگە ئالىدۇ. ئۇيغۇرچە كىتاب نەشىر قىلىدىغان بارى-يوقى 11نەشىرىيات يىلىغا كۆپ بولسا 1500خىل كىتاپ نەشىر قىلىدۇ. بۇنى 10 مىليۇن ئۇيغۇرغا كۆپ دەپ كەلكىلىمۇ بولمايدۇ. خەنزۇلارنىڭ 600 گە يېقىن نەشرىياتى يىلىغا 100 خىل كىتاب نەشىر قىلىدۇ.
3-جەمىيەتشۇناسلىققا ئائىت كىتابلار ئۇيغۇرغا بولمىسا بولمايدۇ، چۈنكى دۇنياغا يۈزلىنىشتە، ئۆزىمىزنىڭ مەنىۋىيىتىمىزنى كۈچلەندۇرۈشتە، دۇنيانى ۋە ئۆزىمىزنى چۈشۇنۇپ دەۋر بىلەن تەڭ ياكى دەۋرنىڭ ئالدىدا مېڭىشىمىزدا، نەزەرىيىۋى مۇكەممەللىك، توغرا ئاڭ سەۋىيە بولمىسا بولمايدۇ.
4-تارىخىي كىتابلارمۇ ئۇيغۇرغا بولمىسا بولمايدۇ، چۈنكى تارخ ئارقىلىق ئۆزىمىزنى بىلەلەيمىز، كەلگۈسىگە يۈزلىنىشتە تارىختىن ئۈلگە ۋە ئىبرەت ئالىمىز، بولمىسا «توكتىن چىققان چۆجە» گە ئوخشاپ قالىمىز.
5-ئۇيغۇرچە كىتابلارنىڭ ھەممىسى ئەخلەت ئەمەس، شۇنداقلا ھەر قانداق بىر ئۇيغۇرچە كىتاب ئۇيغۇرنى خاتا يولغا، دەۋرنىڭ كەينىگە ماڭدۇرمايدۇ، ھىچ بولمىغاندا مىسقالچىلىك بولسىمۇ نەپ بېرەلەيدۇ.
6-ئەمدى ئاران بىر ئۇيغۇرغا كىتاب ئوقۇشنى ئومۇمىيلاشتۇرىمىز دەۋاتقاندا، ھەممىنى بىر تاياقتا ھەيدەپ، قىزغىنلىققا سوغوق سۇ سەپمەيلى. ئالدى بىلەن كىتاب ئوقۇشقا يۈزلىنەيلى، كىتاب ئوقۇغان ئادەم .از-تولا بولسىمۇ بىلىمگە ئىگە بولىدۇ، بارا -بارا تاللاپ ئوقۇشنى بىلىۋالىدۇ، شۇ ۋاقىتتا سىزلەر دىگەن ئەخلەت كىتابلارمۇ تەبىئىي ھالدا بازاردىن شانلىنىدۇ،

gheyurr

«خەنزۇچە 100مىڭ خىل كىتاب» دەپ بىلەرسىلەر

yolbars

ئەسسالامۇئەلەيكوم ھۆرمەتلىك تورداشلار:
مەن «ئۈمىد پاراڭلىرى»پروگراممىسىنى كۆرگەندىن كېيىن ھېچقانداق بولمىغان ئىدىم، چۇنكى ئۆتكەن يىلقى مەنتىقىسىز سۆزلەنگەن لىكىسيەسىسى(ئەمەلىيەتتە لىلسىيە دېگىلى بولمايدۇ، تاقا-تۇقا)دىن كېيىن ئۇنىڭ يېرىم چىلەك سۇدەك ئادەملىكىنى ھېس قىلغان ئىدىم. لېكىن ماۋۇ تورداشنىڭ بۇ ئەپەندىنى ئاقلاپ، ماختاپ يازغان يازمىسىنى ۋە باشقا بىر قانچە يازمىلارنى كۆرگەندىن كېيىن ئويلىغانلىرىمنى باشقا تورداشلار بىلەن ئورتاقلاشقىم كەلدى.
بۇ «پاراڭ» ھېچقانداق ئەھمىيىتى يوق بىر پروگرامما بولۇپتۇ. بىزگە ئىسمىگە چۇشلۇق «ئۈمىد» ئىلىپ كەلمەپتۇ. يېقىنقى بىر مەزگىلدىن بۇيان تور يۈزىدە ئارقا-ئارقىدىن جەمئىيىتىمىزدە زور غۇلغۇلا قوزغىغان لىكىسيە ۋە يازمىلار بارلىققا كەلدى. بۇنىڭدا ھەر خىل سەۋەبلەر بار. ئۇيغۇرلار ھېسسياتچان دەيمىز، بىزنىڭ ئاقكۆڭۈللىكىمىز، ھەرخىل ئىشلارغا بولغان غەزەپ-نەپرىتىمىزنىڭ ئېنىقلىقى، ئادالەتپەرۋەرلىكىمىزنى ئاسان ھاياجانلىنىمىز دەپ يىنىكلىك بىلەن بىر تەرەپلىمە ھالدا ئېنىقلىما بەرگەنلەرمۇ بولدى.
نەق گەپنىڭ ئۆزىگە كەلسەم: ئەلى قۇربان مۇئەللىم ئېنگىلىزتىلىدا ئالاھىدە تالانتىنى جارى قىلدۇرۇش بىلەن نۇرغۇنلىغان ئاسپىران ۋە دوكتۇرلارنىڭ ئېنگىلىز تىلى ئاساسىنى سېلىپ بەرگەن، بۇنى 2000-يىللاردىن باشلاپ ئېنگىلىزتىلى ئۆگەنگەن شىنجاڭ ئۇنىۋىرسىتېتى، پېداگوكىكا ئۇنىۋىرستىتىدىكى ئېنگىلىز تىلى ئۆگەنگەنلەر ئوبدان بىلىدۇ، ئۇ يەنە پىسخكا توغرىسىدا ئۇيغۇرلار ئىچىدە تۇنجى بولۇپ پىلاستىنكا چىقاردى، بۇ ئۇنىڭ ئەمەلىي نەتىجسىى؛ رىياسەتچىلەردىن مۇنىرە ھەدىمىز «رىياسەتچىلىك ھەققىدە مەخسۇس كىتاب ۋە مەتبۇئاتلاردا ماقالە-ئەسەرلەرنى ئېلان قىلدى؛ يەنە «مەدەنىيەت بوستانى» پروگراممىسىنىڭ ئېغىر-بېسىق، ۋەزىنىلىك ۋە پاساھەتلىك سۆزلىرى بىلەن ئادەمنىڭ يۈرىكىگە تېگىدىغان سۆزلەرنى قىلىدىغان رىياسەتچىمىز ئابلەت ئابدۇرېھىم ئاكىمىزمۇ مۇشۇ پروگراممىغا ئالاقىدار سۆھبەتلەرنى توپلاپ بىر قانچىلىغان كىچىك كىتابچىلەرنى چىقاردى، خەلق بۇنىڭدىن نەپ ئالدى.
ئەمدى ئاتالمىش داڭلىق رىياسەتچىمىز ئۈمىد ئەپەندى قايسى جەھەتتە بىر نەتىجە ياراتتى؟ قېنى دەپ بېرىڭلار؟ ئۇ پەقەت رىياسەتچىلىكتىن ئىبارەت خىزمىتىنى قىلىپ كىلىۋاتىدۇ. ئۇنىڭ دېگەنلىرى ھەقىقەت، ئىلغار ئىدىيە بولسا ، قېنى شۇ ئىدىيەلىرىنى مەتبۇئاتلاردا ئېلان قىلىپ باقسىمىسۇنمۇ؟ ھېچ بولمىسا توردا بولسىمۇ مەيلى. بىر پارچە ماقالە-ئەسەر يېزىپ باقىمىغان ئادەم كىلىپ قانچىلىك ۋاقىت ۋە زېھىن سەرپ قىلىپ يازغان، نۇرغۇن ھالقىلاردىن بىر-بىرلەپ ئۆتۈپ ئاندىن خەلق بىلەن يۈز كۆرۈشىدىغان كىتاب-ئەسەرلەرنى ئەخلەتكە چىقىرىۋەتكىدەك ئۈمىد ئەپەندى قانچىلىك ئادەم ئىدى. نوچى بولسا ئاۋۋال ئۆزى يېزىپ باقسۇنچۇ؟ نوچى بولسا يالقۇن روزى، ئەنۋەر ئابدۇرېھىمدەك كىتاب ياكى ئەسەرنىڭ ئىسمىنى تىلغا ئېلىپ، قايسى جەھەتتىن ئەخلەق ھېسابلىنىدىغانلىقىنى كۆرسىتىپ بەرسۇن. ئادەمنىڭ يىشى، جىنىسى، قىزىقىشى قاتارلىق سەۋەبىدىن ھەر خىل كىشىلەرنىڭ ھەرخىل باسقۇچتا قىزىقىپ ئوقۇيدىغان ئەسەرلىرى ئوخشاش بولمايدۇ. شۇڭا، قارقۇياق ھالدا يازغۇچىلىرىمىزنىڭ ئەمگىكىنى ھاقارەت قىلماسلىقى كېرەك ئىدى، لېكىن ئۇ شۇنداق قىلدى، ئۇنىڭ نېمە سالاھىتى بار؟؟؟
يەنە بىرى ئۇ يىنىكلىك بىلەن ئۇلۇغ «قۇرئان كەرىم» «ئىنجىل» قاتارلىق مۇقەددەس دىنىي دەستۇرلارنىڭ ئىدىيەسىنى تەھلىل قىلىپ كىتىپتۇ. بولۇپمۇ ئۇلۇغ «قۇرئان كەرىم» ئاللا تەرىپىدىن نازىل قىلىنغان،ئۇنى بىر ئادەم يازمىغان، ھېلىغۇ بىر ئۈمىد غېنىكەن نەچچە ئون ئۈمىد غېنى بولسىمۇ ئۇنىڭ تېگىگە يېتىپ بولالمايدۇ، ئىسلام دۇنياسىدا تارىختىن بۇيان نۇرغۇنلىغان دۇنيا شۆھرەتكە ئىگە ئالىم-ئۆلىمالار شەرھىيلەپ تېگىگە يېتەلمىگەن. ئۇنىڭ ئۈستىگە 19 يىشىمدا قۇرئان ئوقۇغان دەپ پەش قىلىپ كەتمىسمۇ بولىدۇ، ئۇ بىر مۇسۇلمان بولغۇچى چوقۇم ئوقۇشقا تېگىشلىك ئۇلۇغ كىتاب. ئۇ ھە دېسە دىننى چىشلەپ تارتىدىكەن، بىلىش كېرەككى، ئۇيغۇرنىڭ تەرەققىياتى ئىسلام دىنى سەۋەبىدىن چىكىنىپ كەتمەيدۇ. ئۇيغۇرلار تارىخىدا دىنسىز ياشاپ كەلگەن ئەمەس، ھەق دىن كىلىشىتىن بۇرۇنمۇ ھەر خىل دىنلارغا ئېتقاد قىلىپ كەلگەن. مىسال ئالساق، دۇنيادا ئەڭ چوڭ ئىمپىرىيە قۇرغان مۇڭغۇللارمۇ، يەنە جۇڭگوغا 200 يىلدىن ئارتۇق ھۆكۈمرانلىق قىلغان مانجۇلارمۇ ئىسلام دىنىغا ئېتقا قىلمىغان، ئەجەپ ئۇلارمۇ ھالاك بولدىغۇ! بۇنىڭ ھەممىسىدە نۇرغۇن ھېكىمەتلەر يۇشۇرۇنغان. ئۈمىد غېنىنىڭ ئۇ كاللىسى بۇلارنى تەپەككۈر قىلىشقا تېخى كىچىك ئىكەن، يەنە 300 يىللاردىن كېيىن ئۇ بۇ ھەقىقەتلەرنى تەپەككۈر قىلالىشى مۇمكىن.
يەنە ئەسكەرتىپ ئۆتسەم، منىڭچە، ئۈمىد ئەپەندى يالغان مىساللارنى ئېلىپ سۆزلەيدىكەن، 20 يىلدىن بۇيان خەنزۇچە كىتاب كۆرۈۋاتقان ئۈمىد ئەپەندىنىڭ خەنزۇچە سەۋىيەسىنىڭ تايىنلىقلىق ئېنىق، ئۇنىڭ قەھۋاخانىدا «ئۇيغۇر پەلسەپ تارىخى» دېگەن كىتابنى كۆرۈۋاتقانلىقىنى بىرسى كۆرگەن دەپ ئاقلاپ يېزىپتۇ، بۇ كىتابنىڭ خەنزۇچىسى چىقمىغاندۇ تېخى. يەنە شىنخۇا جەنۇبىي يولىدىكى كىچىك كىتابخانىنى مەن ئوبدان بىلىمەن، ئۇ يەرگە ئۇيغۇرلار كۆپ بارمايدۇ، مەن شۇ چاغدا دۇكان خۇجايىنى بىلەن پاراڭلىشىپ ئورنىنى ياخشى تاللىمىغانلىقنى دېگەن، كېيىن ئۇ كىتابخانا تاقىلىپ كەتتى، لېكىن كىتابخانىغا كىرگەن ئادەمنى دۇكاندار نورمال بولسىلا نىمە ئشىىڭىز بار دەپ سورىمايدۇ، بۇ پەقەت بىر ئويدۇرما. يەنە ھەپىتىسىگە بىر كىتاب ئوقۇيدىغان ئادەم ئاخىرى ھېچنىمە بىلمەيدۇ دەيدۇ. ئوقۇمىغاندىن ئوقۇغان ياخشى، مۇشۇ كۈندە ھەپىتسىىگە بىر كىتاب ئوقۇغۇدەك ۋاقتى بار ئادەم بارمىدۇ، ئشقىلىپ مەن كۆرۈپ باقمىدىم.
ئاخىرىدا، ئاغزىغا كەلگەننى جۆيىلىسە يۈرەكلىك بىلەن، دادىللىق بىلەن باشقىلار دېمىگەننى دېيەلىدى دەپ قارغۇلارچە ماختىمايلى. سۆزلىيەلىسە ئابدۇقادىر جالالىدىن، زۇلبىقار بارات، يالقۇن روزى قاتارلىقلاردەك ئۆز ساھەسىدە، تەتقىقاتى بويىچە ئىلمىي نەرسىلەرنى سۆزلىسىۇن، بولمىسا «مۇنبەر» دېگەنگە ھەممە ئادەمنى چىقىرىپ قويغىلى بولمايدۇ. تەكلىپ ھۆكۈمەتنىڭ تەشۋىقات ئورنىدا خىزمەت قىلىدىغان بىر ئادەمنىڭ مۇشۇنداق قالايمىقان سۆزلىشىگە يول قويىدىغان قانداق ئىدارىكىن دەپ ھەيران قىلىۋاتىمەن. مۇشۇنداق جۆيلىدىغاندىن بىر نەچچىسى چىقسا، ئاندىن نورمال ھالدا سۆزلىنىدىغان لىكىسىيەلەرنىمۇ تۇسۇيدىغان بولىدۇ. شۇڭا گۈلەن ئاكىمىز ئېيتقاندەك «ئويلاپ سۆزلىگىنى تۈزۈكتى»، بولسا ئەمدى سۆزلىمىسە تېخىمۇ ياخشى.

Abdulakbar

gheyurr يوللىغان ۋاقتى  2015-2-4 23:41
مېنىڭ كۆز قارىشىم مۇنداق:
1- ئۇيغۇرچە كىتابلارنىڭ ھەممى ...

ئەگەشتىم

tenha_roh

    بۇ تېما ئۈمىت غەنى لىكسىيەسىدىكى ئەڭ ئاددى تېمىغا مەركەزلىشىپتۇ . ئەمەليەتتە ئۇ لىكسيەدىكى ‹‹ئۇيغۇرنىڭ نۆلدە بىر پىرسەنتىمۇ كىتاپ ئوقۇمايدۇ ›› ، ‹‹ ئۇيغۇرلار تارىخىنى ئۇنتۇپ يەرشارى پۇقراسى بولىشى كېرەك ... ›› دېگەنلەرنىڭ ئالدىدا بۇ گەپ ئانچە خاتا گەپ ئەمەستى . ئۇيغۇر يازغۇچىلىرىنىڭ ئىچىدە جان بېقىشنىڭ يولىغا كىرىۋالغانلارنىڭ كۆپلىگىنى ھەممە ئادەم بىلىدۇ . بۇنى ھازىرقى نەشرىياتنىڭ كىمنىڭ پۇلى ، يولى بولسا شۇنىڭ كىتاۋىنى بېسىپ ، ياخشى كىتاپلارنى باسماي ئامبېرىغا باستۇرۇپ قويىۋاتقانلىقىدىنمۇ ئايرىپ قارىغىلى بولمايدۇ . ئەگەر دىيارىمىزدىكى نەشىر ئورۇنلىرىدىمۇ ھېچ بولمىسا ئىچكىرى ئۆلكىلەردىكىدەك نېسپى ئەركىنلىك بولسا ئىدى ئۇ چاغدا يەنە ئەخلەت نەشىر قىلىنامتى ياكى روماندىن باشقا مۇھىم ئەسەرلەرمۇ روياپقا چىقامتى ؟! بۇيەردە ئىشەككە كۈچۈڭ يەتمىسە ئۇر توقۇمنى دېگەندەك مەسىلىنى پەقەت رومان يازغانلارغىلا باغلىۋىلىش مەسىلىنىڭ ئەسلى سەۋەبىنى يېپىشتىن باشقا ئىش بولمايدۇ . دۇنيانىڭ ھەممە يېرىدە پاخال كىتاپلار بىلەن سەرخىل كىتاپلار تەڭ مەۋجۇت . بۇ يالغۇز ئۇيغۇر كىتاپچىلىقىدىكىلا مەسىلىمۇ ئەمەس . لېكىن بىزنىڭ نەشرىياتچىلىقىمىز دۇچ كەلگەن بېسىم يالغۇز بازار ئىگىلىگىنىڭ ئىقتىسادى بېسىمىلا ئەمەس . ئەگەر شۇنداق بولسىدى ئاشۇ يۈزدە بىر پىرسەنت ئۇيغۇر كىتاپخان ئۇيغۇرچە كىتاپ ئوقۇمىسىلا ئۇيغۇرچە كىتاپلار سەرخىللىشىدۇ دەپ كىسىپ ئېيتىۋەتسەك بولاتتى . لېكىن بۇ ھېچنىمىنى ھەل قىلالمايدۇ . ئۈمىت غەنى ئۇيغۇرنىڭ تولىسى  كىتاپ ئوقۇمايدۇ دەپتۇغۇ ، دېمەك ئۇيغۇرلار ئاللىبۇرۇن ناچار كىتاپنى بايقۇت قىلىپ بولغان ...

padiqi2

ياخشى يېزىلغان ئەسەرلەر كىــاپخانىلاردا قالماتىدۇ.....ناچارنى خەق ئالماتىدۇ

ablimitt

tenha_roh يوللىغان ۋاقتى  2015-2-5 00:04
بۇ تېما ئۈمىت غەنى لىكسىيەسىدىكى ئەڭ ئاددى تېمىغا مە ...

  بۇ بىر مۇرەككەپ مەسلە، مۇنبەرلەردە قانداق تىمىلارغا ئىنكاس كۆپ چۈشىۋاتىدۇ، قانداق ئىنكاس چۈشىۋاتىدۇ دىگەندەك نۇقتىلاردىنمۇ ئويلىسا بىر يەردىن مۈجىمەلرەك جاۋاپ چىقىدۇ...