مائارىپىمىزنىڭ ھالى ۋە زارى

zerdab

بۇ خىلدىكى ماقالىلەر ھازىر تۆكمە بولۇپ كەتتى. قايسى بىر مەسىلە ھەل بولدى؟ دېمەك، يۇقىرى كۆڭۈل بۆلمىسە، پوقرانىڭ قاخشىغىنى بىكار. ئۇنىڭ ئورنىغائاپتورلىرىمىز بىرلىشىپ تەكلىپ - پىكىرلىرىنى مۇناسىۋەتلىك رەھبەرلەرگە يوللاش كېرەك. بولمىسا، يۇقىرىدا بىر تورداش دېگەندەك شەكىلۋازلىق بارغانسېرى كۈچىيىپ ماڭىدۇ.

zinnure0992

مىنىڭ دىمەكچى بولغۇنۇم دەل پارخورلارنىڭ يارامسىز باللىرنى ياخشى ئوقۇغانلارنىڭ ئورنىغا سەپلەپ باشقىلارنى نادامەتتە قۇيدىغان پۇلدارلارنى دىمەكچى.ئەگەر مائارىپتىكى ئوقۇتقۇچىلار پۇل تىپىشنى بىرىنچى مەقسەت قىلسا ئۇلار قۇرۇتقۇچى بۇلۇپ مائارىپ يەنى ئۇيغۇر مائارىپ يوقۇلدۇ بىلىم بىرىشنى بىرنىچى ئاساس قىلغان ئاساستا پۇل تاپسا بەلكىم مائارىپ يەنە پۇت تىرەپ تۇرالايدۇ.

پۇرۇخ

SARSAN_8
      سىز «جاپاكەش ئوقۇتقۇچى - ئۇستازلارنىڭ ، شۇنداقلا مىللىي مائارىپىزنىڭ بۈگۈنى ۋە كەلگۈسىگە يېقىندىن كۆڭۈل بۆلىۋاتقان بارلىق قېرىنداشلارنىڭ مەزكۇر ماقالىنى تەپسىلىي ئوقۇپ چىقىپ ، ئىلمىي پوزىتسىيەدە ئىنكاس قايتۇرۇشىنى ، مائارىپتىكى بىرقىسىم ناچار خاھىش ۋە ھادىسىلەرنى ئومۇمىيلىق دەرىجىسىگە كۆتۈرۈپ ، بەك قايناپ كەتمەسلىكىڭلارنى ئۈمىد قىلىمەن . » دەپسىز .
      ئۇشبۇ ماقالىدە ، ئۇيغۇر مائارىپىمىزدا ساقلىنىۋاتقان ، ئادەم قاينىماي دېسىمۇ قايناپ كەتكۈدەك نۇرغۇن مەسىلىلەرنى بايان قىلىپ بولۇپ ، قايناپ كەتمەسلىكنى تەكىتلەپسىز . ئۇنداقتا ئۇشبۇ ماقالىنى مۇنبەرگە يوللاشتىن مەقسەت زادى نىمە ؟
      مېنىڭ شەخسەن كۆز قارىشىم: ئۇشبۇ ماقالىگە نىسبەتەن ھەركىم ئۆز كۆزقارىشىنى بايان قىلىپ ئىنكاس يېزىش بىلەن ھىچقانداق بىر مەسىلىنى ھەل قىلغىلى بولمايدۇ .قىسقىسى ئۇشبۇ ماقالىدە ئوتتۇرىغا قويۇلغان مەسىلىلەرنى ھەل قىلىش بىزنىڭ قولىمىزدىن ئەسلا كەلمەيدۇ . بىز قانداقلا پوزىتسىيەدە ئىنكاس قايتۇرايلى ، بىزنىڭ ئىنكاسىمىزغا قۇلاق سالىدىغان ئادەم قېنى ؟
..........،
بۇ ئىنكاس ئادەمنى خېلى ئويلاندۇرىدۇ. بۇ ماقالە شىنجاڭ مائارىپىغا بېسىلىپتۇ.ماقالىدا لوگىكىلىق خاتالىق بار. قىسمەنلىكنى ئومۇمىيلىققا دەسسەتمەڭلار دەپ قويۇپ، ئۆزى دەسسىتىپتۇ.
شىنجاڭ مائارىپىدىكى مۇشۇنداق قۇرۇق ۋايساش تىپىدىكى ماقالىلەرنىڭ قانچىلىك ئۈنۈمى بولار دەپ قالىمەن ئۆزەمچە؟

assalam2

بۇنى ئوقۇپ قۇيۇش بىلەن مەسىلە ھەل بولمايدۇ بۇنى ئ‍ە مىلي تۇرمۇشتا يۈرەكلىك ھالدا  باللارغا توغرا يۇسۇندا بۈلدۈرۈش كىرەك،  ئەڭ  ئاۋال  ئ‍اتا ئانا  بولغۇچى يىتەرلىك ئەنئەنىۋى ئەخلاق ساپا  ۋە مائ‍ار ساپانى ئۆز ئارا بىرلەشتۈرۈپ تەربىليگەندە ھەم ھەرۋاقىت نازارەت قىلىپ  تۇرغاندا نەتىجە قازانغىلى بۇلۇش  مۇمكىن  ،بۇ ئۇسۇلنى  سسىناق قىلىپ  باقايلى !!!

urkesh

ئەۋلادقا بولغان تەلىم-تەربىيەنىڭ ئەڭ موھىم تېزگىنى يەنىلا ئاتا ئانىلار ئۆزلىرىنىڭ قولىدا، ئائىلە يەنىلا ئەڭ موھىم مەكتەپ. بۇ قەدىمدىن  ھازىرغىچە ھېچ ئۆزگەرمىگەن ھەقىقەت. بالىلار ۋە ئائىلىگە تۈزۈك ئېگە چىقالمىغاندا بالىلىرىمىزنى ھەر قانداق مائارىپ ئادەم قىلالمايدۇ.

urkesh

نۇرغۇن كىشىلەر تىرىشىپ پۇل تېپىپ باللىرىنى ياخشى ئوقۇتۇپ ياراملىق ئادەم قىلىشنى روناق تېپىش يولى دەپ ئويلايدۇ.  ئەمدىكى دەۋىر شەخىسكە ئۇنداق بىر پۇرسەت بەرمەيدۇ.  بىر بالا يالغۇز بىر ئائىلىدە  يالغۇ بىر ئاتا-ئانىنىڭ تىرىشچانلىغى بىلەنلا  پەرۋىش تاپماي بەلكى جەمىيەتتىن ئېبارەت تېخىمۇ چوڭ بىر ئائىلە  ۋە مىڭلىغان ئاتا-ئاتا ئانىلارنىڭ كولىلىكتىپ  ئەقىدىسى ۋە ھەمكارلىغى بىلەنلا ياراملىق قاتارغا قېتىلىشى مۈمكىن.  بۇندىن كېيىنكى دەۋىرنىڭ ئائىلە ئۇقۇمىغا بولغان ئېنىقلىمىسى ئورتاقلىق ئۈستىگە قۇرۇلغان ھەمكارلىق كوللىكتىپىدۇر.

Hakimi

assalam3 يوللىغان ۋاقتى  2015-2-23 00:45
مەن ئويلايمەن ئالىم بولۇشتىن ھەقىقى مەسئ‍ۇلىيەتچان ئا ...

مەسلىنىڭ نىگىزى مۇشۇ يەردە

tahirhaliq

SARSAN_8 يوللىغان ۋاقتى  2015-2-23 01:29
سىز «جاپاكەش ئوقۇتقۇچى - ئۇستازلارنىڭ ، شۇنداقلا مى ...

بۇ ماقالىنى مۇنبەرگە يوللاشتىكى مەقسەت : مائارىپ ئۈچۈن ، كەلگۈسىمىز ئۈچۈن ، ئەۋلادلار ئۈچۈن تېنىمسىز  تەر تۆكىۋاتقان ، كۆڭۈل بۆلىۋاتقان ، باش قاتتۇرىۋاتقان بارلىق قېرىنداشلارنىڭ ، جۈملىدىن ئوقۇتقۇچىلارنىڭ ، ئاتا-ئانىلارنىڭ ، مەكتەپ مۇدىرلىرىنىڭ مەنىۋى تەشنالىقىنى قاندۇرۇش ۋە ئۇلارنى ئىجابىي جەھەتتىن يېتەكلەش ؛ ئۇنىڭدىن قالسا ، مائارىپىمىزدا ساقلىنىۋاتقان مەسىلىلەر  ۋە ئۇنى ئىلمىي ھەل قىلىشنىڭ يوللىرى ئۈستىدە كۆپچىلىكنى ئىلمىي مۇنازىرىگە يېتەكلەش ، خالاس !
مېنىڭ « ئىنكاس يازغاندا بەك قايناپ كەتمەسلىكىڭلارنى ئۈمىد قىلىمەن » دەپ ئەسكەرتىپ قويۇشۇمنىڭمۇ ئاساسى بار . چۈنكى ،  بىر دۆلەت ياكى بىر مىللەتنىڭ مائارىپىدىكى مەسىلىلەرنى  بىر پارچە نادىر ئىلمىي ماقالە بىلەن  ياكى « دەبدەبىلىك » قايناش ، قىيداش بىلەن ھەل قىلىپ كەتكىلى بولمايدۇ ، ئەلۋەتتە .  
  مۇشۇ ماقالىنى ئوقۇپ بولۇپلا « بىزنىڭ يۇرتتا مۇنداق بولۇپ كەتتى ، بىزنىڭ مۇدىر مانداق ناچار ، ھازىرقى مائارىپنىڭ ھالىغا ۋاي ، بالىلىرىمىز مانداق بۇزۇلۇپ كەتتى ... » دەپ ئىنكاس يازىدىغان ئوقۇتقۇچىلىرىمىزمۇ يوق ئەمەس . ھەتتا ، ئىلمىي مۇنازىرە سورۇنىنى پىتنە -پاسات سورۇنىغا ئايلاندۇرىۋېتىپ ، ئۆزى بىر چەتتە تاماشا كۆرىدىغانلارمۇ يوق ئەمەس ئارىمىزدا . شۇڭا ، بۇ ئەسكەرتمەمنى توغرا چۈشىنىشىڭلارنى ، ئەگەر قولۇڭلاردىن كەلسە ، سىلەرمۇ ماقالە ئاپتورلىرىدەك  كۆپ تەرەپلىمە ئىزدىنىپ ۋە تەتقىقات ئېلىپ بېرىپ ، ئۇلارنىڭ ماقالىسىنى  بېسىپ چۈشكۈدەك  بىرەر ئىلمىي ماقالە يېزىپ  ئېلان قىلدۇرۇڭلار . شۇ چاغدا مائارىپىمىزدىكى سىلەر دەۋاتقان مەسىلىلەر « تەلتۈكۈس » ئوڭشىلىپ كەتسە ، ئەجەب ئەمەس !