(bilgejan) ئەيدىز يۇقۇشنىڭ پىرسەنتى قانچىلىك؟

turantikin

999999 يوللىغان ۋاقتى  2015-12-30 12:10
ئاڭلىشىمچە يەمەن مەملىكىتىدىن بىر موللام كىشى ئەيدىز  ...

قۇرۇق گەپ،بۇنىڭ يالغانلىقىنى بىلگەجانمۇ ئىشقىلىپ بىر ئالىمىمىز ئىسپاتلاپ ماقالە يازغان.......

bagdax0903

راست ئۈنۈمى بولۇشىمۇ مۇمكىن ، نۇرغۇن تەجىرىبىگە قاتناشقانلاردىمۇ يۇقاپ كېتىدىكەنغۇ قاندا ، غەرىپلىكلەر نۇرغۇن تەجىربىدىن ئۆتكۈزۈپ ئاندىن ئېلان قىلدۇ ئەمەسمۇ ، شۇڭا بەلكىم ئۇ كىشى داۋالاپ شۇ دەرىجىگە ئاپارغان بولۇشىمۇ مۇمكىن ، كىسىپ بىر نىمە دېگىلى بولمايدىغۇ ھازىرچە تېخى .

manmanqi

ھەممە ئنسان ئوزىنى- ئوزى قوغدىمىسا  بىكار،باشقىلار سىزنى مەجبۇرلىمايدۇ شۇنداق جايلارغا بېرىشقا،يەنى ئاللاھنىڭمۇ ئامالى يوق سىزنى قۇتقۇزۇشقا........

andy4930

ablimitt يوللىغان ۋاقتى  2015-12-29 21:00
82-يىللارمىكىن، تىلۋىزوردا بىر كارتون فىلىمدە يۇقۇملۇ ...

ھې ھې ھې ئەيدىز بىيمارلېرىنىمۇ شۇنداق قىلساق دىمەكچىمۇيا،ھېھ ې ھې ھې ھې ھ ې ېھې

murat47

andy4930 يوللىغان ۋاقتى  2015-12-30 18:49
ھې ھې ھې ئەيدىز بىيمارلېرىنىمۇ شۇنداق قىلساق دىمەكچى ...

ئەيدىز بىمارلىرىنى ئۇنداق قىلىشقا بولمايدۇ، ئۇنداق قىلىدىغان بولسا ئەيدىز بىمارلىرى تېخىمۇ كىسىلىنى يۇشۇرىدۇ، دوختۇرخانىغا بېرىشقا ئۇنىمايدۇ، بەزى ناھەق يۇقتۇرۋالغانلارغا ئۇۋال بۇلىدۇ.....    

Yillarsiri

ئامېرىكىدا ئىلىم تەھسېل قېلىۋاتقان ، ئۇيغۇر دوكتۇرلىرىمىزدىن بىرى ، مەخمەت ئىمىن ئەپەندىنىڭ ، ئەيدىز كېسىلى توغىرىسىدا ئېلان قىلغان  « ئەيدىز كېسىلىنىڭ يوشۇرۇن مەزگىلى » ۋە « ئەيدىز كېسىلىنىڭ ئۇيغۇر ئاياللىرى ئوتتۇرسىدىكى تارقىلىشچانلىقى » ناملىق ماقاللىرىدە ئېيتىلىشىچە ، ئەيدىز كېسىلى بىلەن يۇمۇملانغۇچىلار ، بۇ كېسەل بىلەن يۇقۇملىنىپ تاكى ، تەرەققىي قىلغۇچە ، 1 يىلدىن 12 يىلغىچە ئوخشاش بولـمايدىكەن . بۇ مەزگىللەرگىچە ، ئادەم بەدىنىدە يوشۇرۇن تۇرالايدىكەن . يۇقۇملانغۇچى ، باشقا نورمال ئادەملەرگە ئوخشاش ، يەپ  ـ ئېچىپ ، نورمال ياشىيالايدىكەن . كېسەلنىڭ ئەڭ خەتەرلىك يېرى ، مانا مۇشۇ يەردە .
1999 ـ يىلى ، ئۇيغۇرلار رايۇنىدىكى ، ئەيدىز كېسىلى بىلەن يۇقۇملانغان ئاياللارنىڭ تېزىملىكتىكى سانى ، 280 بولۇپ ، 2002 ـ يىلىدا سانى ، 700 گە يەتكەن ئىكەن .
2004 ـ يىلىغا كەلگەندا ، 3000 دىن ئېشىپ كەتكەن .
دېمەك ، بۇ كېسەلنىڭ ئۇيغۇرلار ئاياللىرى ئوتتۇرىسىدا ، تارقىلىشچانلىقى بىر قەدەر تىز بولىۋاتىدۇ . ھازىرقي 2015 ـ يىلىدا نەچچە مىڭغا يەتكەندۇ ؟
بۇ سان  ـ سېفىرلار ، ئادەمنى ھەقىقەتەن ئويغا سالـماي قويمايدۇ . ئادەمنى چۆچۈتىدۇ .

ablimitt

Yillarsiri يوللىغان ۋاقتى  2015-12-30 22:18
ئامېرىكىدا ئىلىم تەھسېل قېلىۋاتقان ، ئۇيغۇر دوكتۇرلىر ...

شۇ يېرى يامان، بىر يېرى بولمىسا ئى تەتەيلەر شۇنچە يىراقتىن كىلىپ بۇ يەردە ساتمايتتۇ، شۇلاردىن يىراقراق تۇرمىسا ۋەھشى تارايتۇ بۇ كىسەل...

bilgejan

turantikin يوللىغان ۋاقتى  2015-12-30 12:32
قۇرۇق گەپ،بۇنىڭ يالغانلىقىنى بىلگەجانمۇ ئىشقىلىپ بى ...

http://yarp.net.cn/uighur/e/acti ... ssid=52&id=2019

ئەيدىزنى ساقايتىدىغان دورا چىقتىمۇ؟

     ئەسسالام ئەلەيكۇم قېرىنداشلار،

    يىقىندىن بىرى ئۇيغۇر مۇنبەرلىرى ۋە ئۈندىدار قاتارلىق ۋاستىلەر بىلەن تارقالغان ئەيدىز كېسىلىنى داۋالاپ پۈتۈنلەي ساقايتىدىغان بىر دورىنىڭ چىققانلىقى توغرىسىدىكى خەۋەر نۇرغۇن كىشىلىرىمىزنىڭ دىققىتىنى تارتتى ۋە تالاش-تارتىشلارغا سەۋەب بولدى. ئەيدىز كېسىلى نۆۋەتتە دۇنياغا، جۈملىدىن ئۇيغۇر خەلقى ئىچىدىكى   بىر قىسىم كىشىلەرگە چېتىشلىقى بار ئاپەت خاراكتىرلىك بىر كېسەل بولغاچقا، بىئو-مىدىتسىنا ساھەسىدىكى ئۇيغۇر كەسىپ ئەھلىلىرى ئەيدىز كېسەللىكلىرى تەتقىقاتىغا يىقىندىن كۆڭۈل بۆلۈپ يېڭىلىقلاردىن خەۋەردار بولۇپ تۇرغان ئىدۇق. مەن بۇ ھەقتە ئېلان قىلىنۋاتقان ئىلمىي ماقالىلەرنى ئوقۇپ تۇرۋاتقان ۋە ئۆتكەن يىل 12-ئايغىچە دۇنيادىكى تىببى مۇتەخەسىسلەر ۋە ئالىملارنىڭ ئەيدىز كېسىلىنى بوي سۇندۇرۇش ئۈچۈن ھېلىمۇ توختماي ئىزدىنىۋاتقانلىقى ۋە بۇ جەھەتتە بىر قىسىم كىشىنى ئېلھاملاندۇرىدىغان ئىلگىرلەشلەرنىڭ مەيدانغا كىلۋاتقانلىقىنى بىلەتتىم.

   بۇ قېتىم ئەيدىز كېسىلىنى سەللىمازا داۋالاپ ساقايتىدىغان دورا چىققانلىقى ھەققىدىكى ئۇيغۇرلار ئارىسىدا تارقىلىپ يۈرگەن بۇ يېڭى خەۋەر مەن ۋە نۇرغۇن ئۇيغۇر ئالىملىرىنىڭ دىققىتىنى قوزغىدى ۋە بىز بۇ توغرىدا بىر ئورتاق پىكىرگە كەلدۇق. بۇ مەسلىنى ئايدىڭلاشتۇرۇشنى مۇھىم دەپ بىلىپ كۈچلۈك مەسئۇليەت تۇيغۇسى بىلەن بۇ ئىشنى ئېنىقلاشتا كۈچ چىقارغان بارلىق ئالىملىرىمىزغا ۋە تىببى مۇتەخەسىسلىرىمىزگە كۆپ رەھمەت ئېيتىمەن. مەن تىببىي ساھەدە دۇنيادىكى ئەڭ داڭلىق 15 ئۇنىۋىرستىتنىڭ بىرى بولغان ئامېرىكا نىيۇيورك شەھرىدىكى نوپۇزلۇق ئۇنىۋىرستىت-كولومبىيە ئۇنىۋىرستىتىدا مىدىتسىنا تەتقىقاتى بىلەن شۇغۇللىنۋاتقان دوختۇر مەمەت ئىمىن ئاكا بىلەن تەپسىلىي پىكرلەشتىم. ئۇ ئۇزۇندىن بۇيان ئەيدىز كېسىلى توغرىسىدا كۆپ ئىزدىنىپ مۇشۇ ھەقتە بىر قىسىم ئاممىباپ ئۇيغۇرچە ماقالىلارنىمۇ يازغان بولۇپ، ئەيدىز كېسىلى ئۈستىدىكى تەتقىقاتلاردىن ناھايتى ئەتراپلىق خەۋەردار ئىكەن.
ئۇ بۇ توغرىدا مۇنداق چۈشەنچە بەردى:
ئەيدىز كېسىلىنى كەلتۈرۈپ چىقارغۇچى HIV ۋىرۇسى كۆپىنچە لىمغا ھۆجەيرىلىرىدە يوشۇرۇنۇپ ياتىدىغان بولۇپ پۇرسەت بولغاندا كۆپىيىپ قاندىكى مىقدارى يۇقىرىلايدۇ. گەرچە قاندا HIV ۋىرۇسىنى تەكشۈرۈپ تاپالمىغان تەقدىردىمۇ بۇ ئەيدىز كېسىلىنىڭ پۈتۈنلەي ساقىيىپ كەتكەنلىكىدىن دېرەك بەرمەيدۇ. چۈنكى ئىلگىرىمۇ ئامېرىكىدا قاندىكى HIV ۋىرۇسى پۈتۈنلەي تۈگىگەن بىمار ئۈستىدە كىشىنى ھاياجانلاندۇرىدىغان تەتقىقات نەتىجىلىرى ئېلان قىلىنغان بولسىمۇ، ئەمما 2-3 يىل ئىچىدە شۇ بىمار قېنىدا يەنە HIV ۋىرۇسى قايتا پەيدا بولغان بولۇپ، بۇ HIV ۋىرۇسىنىڭ شۇ بىمار لىمفا ھۆجەيرىلىرىدە يوشۇرۇنۇۋالغانلىقىنى، ئەمەليەتتە بىمارنىڭ سەللىمازا ساقايمىغانلىقىنى چۈشەندۈرىدۇ. ھازىرغىچە دۇنيادا گەرچە HIV ۋىرۇسى سانىنى تىزگەنلەيدىغان ۋىرۇسقا قارشى داۋالاش ئىلىپ بىرىشتا ئىشلىتىدىغان دورىلار بارلىققا كەلگەن بولسىمۇ، ئەمما ئەيدىزنى پۈتۈنلەي ساقايتىدىغان دورا تېخى بارلىققا كەلمىدى.
   بۇ قاراشلار مېنىڭ قارىشىم بىلەن تامامەن ئوخشاش بولۇپ، باشقا بىر قسىم تىببى ئالىملىرىمىزنىڭمۇ پىكىرىنى ئالغاندىن كىيىن تۆۋەندىكى خۇلاسىگە كەلدۇق:  «ھازىر بار بولغان ئىلمىي پاكىتلارغا ئاساسەن بۇ قېتىم تارقالغان «ئەيدىزنى پۈتۈنلەي ساقايتىدىغان دورا بارلىققا كەلدى» دىگەن خەۋەر ئىشەنچلىك ئەمەس».
   دۇنيادا ئىلىم-پەننىڭ بىرلا تىلى بولىدۇ، غەربنىڭ ياكى ئۇيغۇرنىڭ دەپ ئايرىلمايدۇ. ئۇيغۇر تىبابىتى دورىلىرىنى تەتقىق قىلىۋاتقان ئالىملىرىمىز، مەسىلەن، ياپونيەدىكى دوكتۇر ئەلقەم تۇرسۇن قاتارلىقلار، ئۇيغۇر تىبابەت دورىلىرىنىڭ كېسەل داۋالاش مىخانىزىملىرىنى ئىلمىي ماقالە قىلىپ يېزىپ ئېلان قىلىۋاتىدۇ ۋە غەربنىڭلا ئەمەس پۈتۈن دۇنيا ئالىملىرى ئېتراپ قىلغاچقا نوپۇزلۇق ئىلمىي ژورناللاردا ئېلان قىلىنىپ باشقىلار تەرىپىدىن پايدىلىنىش ماتىرىيالى قىلىنىۋاتىدۇ. گەرچە بىر قىسىم ئىجتىمائىي مەسلىلەردە كىشىلەر ئۆز خالىغىنى بويىچە پىكىرىنى بايان قىلسا يوللۇق بولسىمۇ، ئەمما پاكىتنى ئاساس قىلىدىغان تەبئىي پەن ساھەسىدە قولىدا ئېنىق پاكىت بولمىغان ئەھۋالدا ياكى باشقىلارنىڭ سانلىق مەلۇمات ۋە ئىلمىي پاكىتلىرىنى كۆرسىتىپ نەقىل قىلماي تۇرۇپ ھۆكۈم جۈملىلەرنى ئىشلىتىش ئىلمىيلىك ئەمەس. شۇنىڭ ئۈچۈن، بۇندىن كىيىن مۇشۇ خىلدىكى ئىلمىي مەسلىلەردە كىشىلىرىمىزنىڭ ئىلمىي پاكىتلارنى سۈرۈشتۇرۇپ ئاندىن بىر قاراشقا كىلىشىنىڭ ناھايتى مۇھىم ئىكەنلىكىنى تەكىتلەيمەن. يۇقىرىدىكى خۇلاسىمىز نوقۇل ھالدا غەرب تىبابىتى بويىچە ئىلىپ بىرىلغان تەتقىقاتلار ئاساسىدا يەكۈنلەنگەن بولماستىن، بەلكى بار بولغان ئوچۇق ئاشكارا ئېلان قىلىنغان بارلىق ئىلمىي پاكىتلار ئاساسىدا يەكۈنلەنگەن. شۇ سەۋەب مۇشۇ يېڭى ئەيدىز دورىسى توغرىدا ئېنىق بىر چۈشەنچىگە كىلەلمەي گاڭگىراپ قالغان قېرىنداشلارنىڭ كاللىسىدىكى سۇئاللىرىغا بۇ يەردە جاۋاپ چىققان بولۇشىنى ۋە توغرا چۈشىنىۋىلىشىنى سورايمەن.
ئەيدىز كېسىلىنى داۋالاش ھەققىدە تەپسىلىيرەك توختالغۇم بار بولسىمۇ، ئەمما ھازىرچە خىزمەت ۋە تەتقىقاتلىرىمنىڭ ئالدىراشلىقى، يېزىشىمنى كۈتۈپ تۇرۋاتقان تېمىلارنىڭ كۆپلۈكى تۈپەيلى بۇ تېمىدىكى مەزمۇنلار ھەققىدە سۇئالىڭلار بولسا ۋاقتىدا جاۋاپ قايتۇرالماسلىقىم مۇمكىن، بۇ پەقەت ۋە مەن تونۇيدىغان بىر قىسىم كەسپىي تەتقىقاتچى-ئالىملار ۋە تىببىي مۇتەخەسىسلەرنىڭ قارىىشىغا ۋەكىللىك قىلىدۇ. قالغىنى، ئوقۇرمەنلەر ئۆزلىرى قاراپ بىر كۆز قاراشتا بولسا بولىدۇ.

                                    ھۆرمەت بىلەن:      بىلگەجان

2014-يىلى 1-ئاينىڭ 14-كۈنى (ئامېرىكا  سان ئانتونيو )