چېقىن: چاۋشيەنچە ئوبزور ۋە سۆكۈش

ablimit007

شىمالىي كورېيە دۇنيادىكى ئەڭ رەزىل ھاكىمىيەتتۇر، بۇ دۆلەت بەئەينى ئۈستى ئوچۇق تۈرمىگە ئوخشايدۇ. كىم جۇڭئۇن شىمالىي كورېيەدىكى بىردىنبىر سېمىز ئادەمدۇر، قالغانلىرىغا ئوزۇقلۇق يېتىشمەي ئورۇق، ئاۋاق ھالەتتە ياشايدۇ. بۇ دۆلەتتە غالجىر ھاكىمىيەتنى قوغدايدىغان ھەربيىيلەرنىڭ تەمىناتى ياخشى، لېكىن بىچارە پۇقرانىڭ قورسىقى تويىشىمۇ بىر ئېغىر مەسىلە، ئۆزى ئىشلەپچىقارغان ئاشلىقتا ئۆزىنى باقالمايدۇ. باشقا دۆلەتلەر شىمالىي كورېيە ھاكىمىيىتىگە ئەمەس پۇقرالىرىغا ئاشلىق ياردەم قىلسا كىم جۇڭئۇن دېگەن پور كاللا ئاشۇ ئاشلىقنىمۇ ئىسكىلىت شاھقا ئوخشاپ قالغان پۇقرالىرىىغا بېرىشكە پايلىماي كۆپ قىسمىنى ھەربىيلەرگە بېرىدۇ، نەتىجىدە ھەر يىلى ناھايىتى نۇرغۇن شىمالىي كورېيە پۇقراسى ئاچارچىلىقتىن ئۆلۈپ كېتىدۇ. كىم جۇڭئۇن دېگەن پور كاللا رەزىل ھاكىمىيىتىنى ساقلاپ قېلىش ئۈچۈن بارلىق مەبلەغلىرىنى توختىماي ھەربىي سانائەتكە ۋە ھەربىي قىسىم قۇرۇلۇشىغا ئىشلىتىدۇ، ئاچ قېلىپ ئۆلۈپ كەتكەن كىشىلەر بىلەن رەزىل ھاكىمىيەتنىڭ كارى يوق، ئەكسچە ئاچارچىلىقتا ئۆلۈپ كەتكەن كىشىلەرنىڭ سانىنى خەلقئارا جەمئىيەتتىن يۇشۇرىدۇ. شىمالىي كورېيە ئىنتايىن تۇزكور دۆلەتتۇر، بۇ رەزىل ھاكىمىيەتكە جۇڭگو غايەت زور ياردەم قىلغان، ھازىرمۇ ياردەم قىلىۋاتىدۇ، لېكىن جۇڭگودىن ياردەم ئېلىپ تۇرۇپ جۇڭگو ھۆكۈمىتىنىڭ بىر ئېغىز گېپىنى ئاڭلىمايدۇ، دائىم جۇڭگو ھۆكۈمىتىنىڭ تەكلىپ-پىكىرىلىرنى رەت قىلىدۇ، ئۆزى خالىغىنىنى قىلىپلا يۈرۈيدۇ. ھازىر جۇڭگو ھۆكۈمىتىمۇ شىمالىي كورېيە دېگەن پەسكەش ھاكىمىيەتنى قوللىغىنىغا پۇشايمان قىلىۋاتىدۇ ھەم ئىنتايىن بىزار بولدى. چۈنكى شىمالىي كورېيە يادرو بومبىسى ۋە ۋودرود بومبىسى سىناق قىلىش ئارقىلىق جۇڭگونىڭ غەزىپىنى كەلتۈرۈپ قويدى، شۇنىڭ بىلەن بىرگە خەلقئارادا تېخىمۇ يېتىم بولۇپ قالدى. ئەگەر جۇڭگو پۇقرالىرى ئۇقۇشماي شىمالىي كورېيە چېگراسىغا كىرىپلا قالسا شىمالىي كورېيە ھەربىيلىرى جۇڭگو پۇقرالىرىنى ھېچقانداق گەپ سورىمايلا ئېتىپ ئۆلتۈرىۋېتىپ جۇڭگودا خېلى كۆپ بەس-مۇنازىرە قوزغىدى، جۇڭگونىڭ قوشنىلىرى ئىچىدە چېگرادىن ئۇقۇشماي ئۆتۈپ كەتكەن جۇڭگو پۇقرالىرىنى ئېتىپ ئۆلتۈرىۋېتىدىغان نوچى دۆلەتتىن پەقەتلا شىمالىي كورېيەلا بار، شىمالىي كورېيەنىڭ جۇڭگو پۇقرالىرىنى قالايمىقان ئۆلتۈرىۋېتىدىغان قىلمىشى بىر قېتىم ئەمەس نەچچە قېتىم يۈز بەردى. شۇنىڭ جۇڭگولۇقلار شىمالىي كورېيە دېگەن دۆلەتتىن يىرگىنىشكە باشلىدى، بۇنداق غالجىر ئىتلارغا ياردەم قىلغاننىڭ پايدىسى يوقكەن دېگەن يەرگە كەلدى. ئەگەر جۇڭگو ياردەم قىلسا شىمالىي كورېيە كۈچۈكلىنىپ تۇرۇپ ياردەمنى ئالدى، ياردەمنى ئېلىپ بولۇپ جۇڭگونىڭ تۇمشۇقىغا سېلىۋاتىدۇ. شىمالىي كورېيە ھۆكۈمىتىنىڭ پارك گيۇنخاينى ئۇنداق بەتبەشىرە تىللار بىلەن تىللىشى ئۇلارنىڭ پىسخىك ئاجىزلىقنىڭ ئىپادىسى، ئۇلار شۇنداق قىلىش ئارقىلىق ئۆزىنىڭ ئاجىزلىقىنى يۇشۇرۇشقا ئۇرۇنىدۇ. شىمالىي كورېيە شۇنچە نامرات، دىۋانە، قەلەندەر تۇرۇپ جەنۇبىي كورېيەنى ئازاد قىلىمىز دەپ غەلىتە گەپلەرنى قىلىپ يۈرىدىكەن. جەنۇبىي كورېيە بىلەن شىمالىي كورېيەنىڭ ھەر قانداق ساھەسى ئاسمان-زېمىن پەرق قىلىدۇ. بىرى ئىنتايىن ئىلغار دۆلەت، يەنە بىرى ئىنتايىن قەبىھ دۆلەت.

sawda571

   توۋا مۇشۇنىمۇ بىر دۆلەتنىڭ يەنە بىر دۆلەت باشلىقىغا ئاتالغان ،  ئوبزور دىگىلى بۇلامدۇ ؟

بۇ خۇددى 20 - 30 يىلنىڭ ئالدىدىكى ، بىزنىڭ كوچىلاردا خوتۇنلار ئۇرۇشۇپ قالسا مانا مۇشۇنداق تىللار بىلەن تىللىشاتتى ، شۇ ۋاقىتتىمۇ توۋا دەپ ياقا چىشلەيتتۇق ، مانىڭغا چىشلەيدىغان يەر تاپقىلى بولمۇغۇدەك !

ئۇ سانائەت باغچىسى تاقالدى دىگەن گەپ ، چاۋشەننى جان ساقلاشتا يۆلەپ تۇرىدىغان ، كۈندىلىك تۇرمۇش بۇيۇملىرى يەنى ، ئاددىسى قاچا- قۇچا ، چوكا - قۇشۇق ، قازان - چۈمۈچ ، كىيىم - كېچەك ، خام ۋە پىششىق يىمەك ئىچمەك قاتارلىق ھەممە نەرسىدىن ئۈزۈلدى دىگەن گەپ .
مەن بىر ماتىريالدىن يۇقارقى نەرسىلەرنىڭ ھەممىسىنىڭ ئاشۇ ئىككى دۆلەت چىگرىسىدا ، كورىيەنىڭ مەبلەغ سېلىشى بىلەن قۇرۇلغان كائىسوڭ  سانائەت باغچە رايونىدا ئىشلەپچىقىرىلىدىغانلىقىنى ئوقۇغان .
بۇ يەر ئەمىلىيەتتە كورىيەنىڭ ئۆز مىللىتىدىن بولمىش چاۋشەنلىكلەرگە ئىچ ئاغرىتىش ، سانائەت ، مەبلەغ ، تېخنىكا دىگەننى بىلدۈرۈپ قويۇش ، چاۋشەننىڭ تەرەققىياتتا ئۈلگە قىلىشىۋېلىشى ، تېخنىكىغا ئىرىشىش كۆزنىكى ، يولى قىلىۋېلىشى ، ھەم ئاز- تولا پۇل تېپىش قاتارلىق مەخسەتلەر بىلەن بۇ رايوننى قۇرۇپ چىققانلىقىنى ئوقۇغان .

ماۋۇ ئوبزوردىن قارىغاندا ، بۇ سانائەت رايونىنىڭ تاقالغىنىغا چاۋشەننىڭ بەك ئاچچىقى كىلىپتۇ .

ئۆتكەندە بىر ماتىريالدا چاۋشەندە بىرتال مىنىرال سۇ ئىشلەپچىقىرىدىغان زاۋۇتنىڭ قۇرۇلغانلىقى سەۋەپلىك ، كىم قانخورنىڭ ئاتايىتەن نۇتۇق سۆزلەپ ، مۇشۇ زاۋۇتنىڭ قۇرۇلۇشى بىلەن ئەمدى چاۋشەننىڭ سانائەتلىشىشكە قاراپ ماڭغانلىقىنى ئاغزىغا ماغزاپ كەلگۈچە سۆزلىگىنىنى ئوقۇغان .

بىزنىڭ ماۋۇ يەردە بىرتال مىنىرال سۇ ئىشلەپچىقىرىدىغان سۇ زاۋۇت ئەمەس ، نەچچە يۈز مىليون مەبلەغ سېلىنغان ، چوڭ بىر زاۋۇت قۇرۇلسىمۇ ناھىيەنىڭ ھاكىمىمۇ كىلىپ قويمايدۇ ، شۇنىڭدىن قارىغاندا چاۋشەن دىگەن بىر دۆلەت دىگەندىن كۆرە رايونىمىزدىكى بىرەر ناھىيەچىلىك ئەمەسمىكىن دەيمەن .

BABURJAN

شىمالى چاۋشىيەن  ۋودورود بومبىسىنى ياساپ چىقىپ تاشقى تاجاۋۇزچىلىق تەھدىتىنى يوقاتتى. ئەمدى كىم جۇڭئىنىڭ ئورنىغا دىڭشاۋپىڭدەكتىن بىرەسى چىقىپ  خاتىرجەم ئىقتىسادى ئىسلاھات ئېلىپ بېرىپ سانائەتلىنىشكە يۈزلەنسە 30 يىلدا جەنۇبى چاۋشىيەندىن ئىشىپ كىتىشى تەس ئەمەس...

Zan_Jir

BABURJAN يوللىغان ۋاقتى  2016-2-29 15:09
شىمالى چاۋشىيەن  ۋودورود بومبىسىنى ياساپ چىقىپ تاشقى ت ...

مۇمكىن  بولمايدىغان  ئىشقۇ  ئۇ  .،ئى  بىر چاغدىمۇ  خېلى  يوغان  ئەمىلى  بار  يېقىن  بىر  تاغىسى  
ئاشۇندا  جۇڭگۇچە  ئىسلاھات  ئېلىپ  بېرىش  توغرىسىدا  تەكلىپ  بەرسە ،
كىم بوداقنىڭ  بەك  ئاچچىقى  كەپ  كىتىپ  تاغىسى   قوتىندىكى  ئىشتلىرنىڭ
بىر  ۋاق مىزىلىك  تامىقىغا  ئايلىنىپ   كەتكەن  خەۋىرىمۇ  تورلادا  ئېقىپ  يۈرگەن  .،.

nayip

چاۋشەن ئامېرىكا بىر قوللۇق پەرۋىش قىلىپ ، ئۇستىلىق بىلەن يېتىشتۇرۇپ چىققان نامرات لۈكچەك! بۇ لۈكچەكنىڭ يادرو بومبا ياساش مەخسىدى ھالىغا باقماي ،جوڭگو ۋە روسىيەدەك ئىككى غوجا ئاكىسىنىڭ ئاتىدارچىلىقىدىن قۇتۇلۇش. چاۋشەنگە نىسبەتەن كۈرىيە قېرىنداش، ياپونىيە قورقۇنۇچلۇق ئەمەس. ئامېرىكا بولسا ئۇنىڭ ئىككى توك-توك يادرو بومبىسىدىن قورقۇپ قالمايدۇ. چاۋشەننىڭ يادرو بومبىسى ياساشتىكى ھەقىقى مەخسىدى جوڭگو ۋە روسىيە بىلەن يۇمۇلاق ئۈستەلدە ئولتۇرۇش ، باراۋەر ئورۇندا تۇرۇش. ئامېرىكىنىڭ مەخسىدى بۇ لۈكچەكنى پات-پات غىدىقلاپ ، ئۇنى ھەربى جەھەتتىن كۈچلەندۈرۈپ ، شەرقى شىمالى ئاسىيادا جوڭگو بىلەن روسىيىنىڭ ئەمىلى كۈچىگە تاقابىل تۇرىدىغان يېڭى كۈچ بەرپا قىلىپ، رايون كۈچ تەڭپۇڭلىغىنى ئۆزگەرتىش، جوڭگوغا يېڭى باش ئاغرىقى تېپىپ بېرىش. جوڭگونىڭ مەخسىتى بولسا نۇرغۇن ئەجىر، قان-تەر بىلەن ئۆزى بىر قوللۇق بېقىپ، يۆلەۋاتقان بۇ تەلۋىنىڭ تۇزكورلۇق بىلەن ، ھە دىگەندە قالايمىقانچىلىق پەيدا قىلىپ، جوڭگونىڭ رايوندىكى سىتراتېگىيىلىك مەنپەتىنى ،دۆلەت بىخەتەرلىكىنى خەۋىپكە ئۇچرىتىشىنىڭ ،ئەڭ مۇھىمى ئۆزىنىڭ ئىشىك ئالدىدا چوڭ ئۇرۇشنىڭ پىلتىسىغا ئوت يېقىپ، بالايى-ئاپەت پەيدا قىلىشىنىڭ ئالدىنى ئېلىش. ئامېرىكىنىڭ ھىلىگەرلىك بىلەن شەرقى شىمالى ئاسىيانىڭ ئىشلىرىغا چات كېرىپ، بۇ رايونغا قىستىلىپ كىرىۋېلىشنى توسۇش.
كىم بودەكنىڭ ھە دىسە جوڭگونىڭ پىكرىنى قايرىۋېتىپ، رايون ۋەزىيىتىدە جوڭگوغا ئاۋارىچىلىق تېپىپ بېرىشىنى ، بىراق جوڭگو ھۆكۈمىتىنىڭ يەنىلا سەۋرىچان بولۇپ،ئامال بار توقۇنۇشنىڭ ئالدىنى ئېلىپ، رايون تىنىچلىغىنى قوغدىشىنى ، ئۇرۇش پارتلىشىغا قەتئى يول قويماسلىقىنى مۇشۇنداق چۈشىنىش كېرەك.

murat47

nayip يوللىغان ۋاقتى  2016-2-29 23:47
چاۋشەن ئامېرىكا بىر قوللۇق پەرۋىش قىلىپ ، ئۇستىلىق بىل ...

توۋا قىلدىم، مۇشۇ يىللاردا چىچالمىسىمۇ ئامرېكىدىن كۆرىدىغانلار كۆپىيىپ قالدى. «كورىيە  ئامېرىكا بىر قوللۇق پەرۋىش قىلىپ ، ئۇستىلىق بىلەن يېتىشتۇرۇپ چىققان نامرات لۈكچەك» دىگەن بولسىڭىزمۇ ئىشىنەر بولغىيدىم.

CHEQIN

ھە... تەستىقلىنىپتۇ-ھە؟
بۇنى ئۆرۈپ يوللاپ قويۇشىمدىكى مەقسەت، ھاكىممۇتلەقلىق ئاستىدا ياشاۋاتقان، ئۆز ئالدىغا مۇستەقىل ئوي-پىكىرى يوق خەلقلەرنىڭ قانچىلىك ھاماقەتلەرچە ئىدارە قىلىنىدىغانلىقىدىن ئانچە-مۇنچە بولسىمۇ خەۋەردار قىلىپ قويۇش.
پارك گيۇنخاي دىگەن كورىيەنىڭ ھازىرقى ئايال پىرىزدىنتى.
مۇنداق بىر يۇمۇر ئېيتىپ بېرەي:
ئامېرىكا دېڭىز قاپلىنى ئالاھىدە ئەترىتى ئەزالىرى توپلىنىپ، يۇقىرىدىن قىسقىغىنا بۇيرۇق تاپشۇرۇپ ئېلىپتۇ، «كىم جۇڭئېلنى ئۆلتۈرۈڭلار»دەپ، شۇنىڭ بىلەن ئەزالار سوراپتۇ-دە، بۇ كىم جۇڭئىل دىگەن قانداقراق ئادەم؟
كوماندىرى جاۋاب بېرىپتۇ «سېمىز ئادەم، كۆرسەڭلار ئېتىپ تاشلاڭلار»
ئەزالار «باشقا بىرەر سېمىزنى خاتا ئېتىپ قويساق قانداق قىلىمىز؟»
كوماندىر «مۇمكىن ئەمەس، چاۋشيەندە بىرلا سېمىز بار»

CHEQIN

nayip يوللىغان ۋاقتى  2016-2-29 23:47
چاۋشەن ئامېرىكا بىر قوللۇق پەرۋىش قىلىپ ، ئۇستىلىق بىل ...

ھاي ھاي تورداش! ئويغىنىڭ، ئۇيقۇچىلىقتا باغداشقا ئىنكاس يېزىپ سالدىڭىز.