جۇڭگۇ پەن تەتقىقات ئىقتىدارىنى يوقاتتى

ziya

دۇنيا يېڭىلىق يارىتىش دەرىجە قاتارىدا كورىيە، ياپونىيە، گېرمانىيە ئالدىنقى 3 ئورۇنغا تىزىلدى

ئالغا باسماي بىر ئىزىدا توختاپ قالغان دۇنيا ئىقتىسادىغا نىسبەتەن، ئەڭ ياخشى دورا يېڭىلىق يارىتىش. بىلۇمبېرگ ئاگېنتلىقى بىر قانچە كۈن ئىلگىرى 2015-يىلى دۇنيادىكى ئەڭ يېڭىلىق يارىتىش كۈچىگە ئىگە ئالدىنقى 50 دۆلەت ۋە رايوننى دەرىجىگە تۇرغۇزغان بولۇپ، جۇڭگو 22-ئورۇندا

جۇڭگو ئاخبارات تورىنىڭ 23-يانىۋار خەۋىرى: ئالغا باسماي بىر ئىزىدا توختاپ قالغان دۇنيا ئىقتىسادىغا نىسبەتەن، ئەڭ ياخشى دورا يېڭىلىق يارىتىش. بىلۇمبېرگ ئاگېنتلىقى بىر قانچە كۈن ئىلگىرى 2015-يىلى دۇنيادىكى ئەڭ يېڭىلىق يارىتىش كۈچىگە ئىگە ئالدىنقى 50 دۆلەت ۋە رايوننى دەرىجىگە تۇرغۇزغان بولۇپ، جۇڭگو 22-ئورۇندا تۇرغان، بىراق يۇقىرى پەن-تېخنىكا ۋە پاتېنت تېخنىكىسى كۆرسەتكۈچى دەرىجە قاتارىدا ئالدىنقى 3-ئورۇندا تۇرغان.
بىلۇمبېرگ ئاگېنتلىقى ئوخشىمىغان دۆلەت ۋە رايونلارنىڭ تەتقىقات كۈچى، يېڭىلىق يارىتىش، يۇقىرى پەن-تېخنىكا شىركەت، ئالىي مائارىپ، تەتقىقاتچى خادىم ۋە پاتېنت تېخنىكىسى قاتارلىق 6 چوڭ كۆرسەتكۈچكە ئاساسەن ئۇنىۋېرسال دەرىجىگە تۇرغۇزغان بولۇپ، كورىيە 1- ئورۇندا تۇرغان، ئىككىنچىدىن بەشىنىچىگە بولغانلىرى ئايرىم-ئايرىم ھالدا ياپونىيە، گېرمانىيە، گوللاندىيە، ئىسرائىلىيە قاتارلىقلار، ئامېرىكا 6- ئورۇندا تۇرغان، جۇڭگو 22-ئورۇندا تۇرغان. شياڭگاڭ 34-ئورۇندا تۇرغان.
بىراق جۇڭگو يۇقىرى پەن-تېخنىكا شىركىتى ۋە پاتېنت تېخنىكىسى دەرىجە قاتارىدا ئالدىنقى ئورۇندا تۇرغان. يۇقىرى پەن-تېخنىكا قاتارىدا ئالدىنقى 5-ئورۇندىكىلىرى ئايرىم-ئايرىم ھالدا ئامېرىكا، جۇڭگو، ياپونىيە، كورىيە، كانادا. ئامېرىكىنىڭ گۇگول، فېيسبۇك قاتارلىق يۇقىرى پەن-تېخنىكا شىركەتلىرىدىن قارىغاندا «يېڭىلىق يارىتىش ئىقتىدارى» كىشىنى چۆچىتىدۇ. جۇڭگودا بولسا تېڭشۈننىڭ بازاردىكى قىممىتى 147 مىليارد ئامېرىكا دوللىرىدىن ئاشىدىغان بولۇپ، ئالدىنقى ئورۇننى ئىگەللەيدۇ.
پاتېنت تېخنىكىسى جەھەتتە كورىيە سامسۇڭنىڭ تۆھپىسىدە پاتېنت سانى جەھەتتە بىرىنچىلىككە ئېرىشتى، ياپونىيە 2-، جۇڭگو 3-ئورۇندا تۇردى. ئادەتتە بىر دۆلەت پاتېنت سانى قانچە كۆپ بولسا، ئۇلارنىڭ پەن-تېخنىكا جەھەتتىن ئىلگىرىلەۋاتقانلىقىنى چۈشەندۈرۈپ بېرىدۇ، بۇ جۇڭگونىڭ پەن-تېخنىكىدا يېڭىلىق يارىتىش جەھەتتە يوشۇرۇن كۈچكە ئىگە ئىكەنلىكىنى كۆرسىتىپ بېرىدۇ.
تەرجىمىدە: ئاينۇر
http://www.okyan.com/html/news/Tech/2015/0123/8244.html

ahxir

ۋاي قۇرۇپ كەتسۇنا ئۇنداق يۇشۇرۇن كۈچى، يۇشۇرۇن كۈچىنى سىنايدىغان ۋاقىت ئەمدى كەلمەكتە.

ziya

ئاكادېمىكلار توغرىسىدىكى بەلگىلىمە «ئەمەلدارلارنىڭ ئىلمىي ئۇنۋانىغا ئېرىشىش» يولىنى چەكلىدى

تەڭرىتاغ ئۇيغۇرچە تورى:
  ۋاڭ جۇڭدې 2014 – يىلى ئىيۇندا ئۆتكۈزۈلگەن جۇڭگو پەنلەر ئاكادېمىيەسى ۋە جۇڭگو قۇرۇلۇش ئاكادېمىيەسى ئاكادېمىكلار يىغىنىدا نىزامغا تۈزىتىش كىرگۈزۈلگەندىن كېيىن، بۇ يىلنىڭ بېشىدا ئاكادېمىكلارنى كۆپەيتىپ سايلاش جەھەتتە يېڭىلىق بولدى. بۇلتۇر دېكابىرنىڭ ئاخىرى جۇڭگو پەنلەر ئاكادېمىيەسى بىلەن جۇڭگو قۇرۇلۇش ئاكادېمىيەسى يېڭى ئاكادېمىكلارنى كۆپەيتىپ سايلاشقا دائىر يولغا قويۇش چارىسى ياكى تەپسىلىي پىرىنسىپىنى ئېلان قىلدى، بۇنىڭ ئىچىدە «باشقارما باشلىقى دەرىجىلىكتىن يۇقىرى كادىرلار نامزات بولۇشقا بولمايدۇ» دېگەن يېڭى بەلگىلىمە كىشىلەرنىڭ دىققىتىنى تارتتى. بۇ بەلگىلىمىنىڭ كونكرېت بايانى تۆۋەندىكىدەك: مەمۇرلار ۋە مەمۇرلار قانۇنى بويىچە باشقۇرۇلىدىغان پارتىيە، ھۆكۈمەت ئورگانلىرىدىكى باشقارما دەرىجىلىكتىن يۇقىرى رەھبىرىي كادىرلار پىرىنسىپ جەھەتتىن نامزات بولۇشقا بولمايدۇ (ئارمىيە سىستېمىسىدا تەتبىقلاپ ئىجرا قىلسا بولىدۇ). بۇنىڭ بىلەن ئىلگىرىكى ئورگانلاردىكى رەھبەرلەرنىڭ ھوقۇقىدىن پايدىلىنىپ، ئاكادېمىلىككە سايلىنىدىغان ئەھۋاللارنى توسۇشتىن ئۈمىد بار بولدى.
    «ئەمەلدار ئاكادېمىك» ھادىسىسى ئىلىم چەمبىرىكىدىكى مەنسەپچىلىك ئىدىيەسىنىڭ يامراپ كەتكەنلىكىنىڭ روشەن دەلىلى. بەزى تاراتقۇلار 2009 – يىلىدىكى ئاكادېمىكلارنى سايلاش تىزىملىكىنى تەكشۈرۈش ئارقىلىق شۇ يىلى جۇڭگو پەنلەر ئاكادېمىيەسىگە يېڭىدىن سايلانغان 35 ئاكادېمىكنىڭ ئىچىدە، %80 ىنىڭ ئالىي مەكتەپ ياكى تەتقىقات ئاپپاراتلىرىدىكى ۋەزىپە ئۆتەۋاتقان ئەمەلدارلار؛ جۇڭگو قۇرۇلۇش ئاكادېمىيەسىنىڭ يېڭىدىن سايلانغان 48 ئاكادېمىكنىڭ ئىچىدە %85 تىن كۆپرەكىنىڭ ۋەزىپە ئۆتەۋاتقان ئەمەلدارلار ئىكەنلىكىنى بايقىغان. ھالبۇكى قۇرۇلۇش ئاكادېمىيەسى تەسىس قىلغان قۇرۇلۇش باشقۇرۇش ئىلىم يۇرتى ئەمەلدارلارنىڭ ئاكادېمىك بولۇپ سايلىنىشى ئۈچۈن دەرۋازىسىنى كەڭ ئېچىۋەتكەن، بەزى مۇئاۋىن مىنىستىر دەرىجىلىك ئەمەلدارلار شۇ چاغدىكى نامزاتلار دائىرىسىگە كىرگۈزۈلۈپ، ئاكادېمىكلارنىڭ «ئەمەلدارلىشىش» ۋەزىيىتى روشەن گەۋدىلەنگەن.
    ئەسلىدە ئاكادېمىك دېگەن بۇ نام شەرەپ سالاھىيىتىگىلا مەنسۇپ بولۇپ، ئىلىم – پەندىكى نەتىجىلىرى بەلگىلىك ئۆلچەمگە يەتسىلا ھەر قانداق كىشىنىڭ قاتنىشىش ۋە باھالىنىش سالاھىيىتى بولىدۇ. يەنە بىر مەنىدىن ئېيتقاندا، ئاكادېمىكنى سايلاشتا «ئەمەل سالاھىيىتى يوق» بولۇشى كېرەك. ئەمما جايلارنىڭ پەن – تېخنىكا تەتقىقات سېلىنمىسىنىڭ زورىيىشى ۋە پەن – تېخنىكا ئىختىساسلىقلىرىغا ئەھمىيەت بېرىشىگە ئەگىشىپ، ئاكادېمىكلارنىڭ سالاھىيىتىگە تېخىمۇ يۇقىرى قوشۇمچە قىممەت تولۇقلىنىشقا باشلاندى. ئاكادېمىك بولۇپ سايلانغان ھامان ئۆي، ئاپتوموبىل، پۇلنىڭ ھەممىسى ئارقىمۇ ئارقا تەل بولىدۇ. ئىككى ئاكادېمىيە ئاكادېمىكلىرىنىڭ سالاھىيىتى بىر خىل شەرەپ بولۇپلا قالماستىن يەنە، ئىلىم مەرتىۋىسىنىڭ يۇقىرى، تەتقىقات بايلىقى مول ئىكەنلىكىنىڭ سىمۋولى بولۇۋاتىدۇ، بۇ، ئېلىمىزدە ئوبېيكتىپ مەۋجۇت مەسىلە. ئاكادېمىكلارنىڭ سالاھىيىتىنى مەنپەئەت زەنجىرىدىن ئايرىۋەتكەندىن باشقا، ئاكادېمىك تۈزۈمى ئىسلاھاتىنىڭ يىراق كەلگۈسى نىشانى سۈپىتىدە ئاكادېمىكلارنى سايلاشتا سالاھىيەت چەكلىمىسى قويۇش قىسقا ۋاقىتتا ئاكادېمىكلار قوشۇنىنى ساپلاشتۇرىدىغان ئۈنۈملۈك ئۇسۇل بولالايدۇ.
    بىراق، يېڭى بەلگىلىمىدە ئوتتۇرىغا قويۇلغان چەكلىمىدە نامزاتلىق قىلىشقا بولمايدىغان باشقارما دەرىجىلىك رەھبىرىي كادىرلارنىڭ «پارتىيە، ھۆكۈمەت ئورگانلىرى»دا ئىشلەيدىغانلىقىنى كۆرىشىمىز كېرەك. سۆز مەنىسىدىن قارىغاندا، ئالىي مەكتەپ قاتارلىق پەن تەتقىقات ئاپپاراتلىرى ۋە باشقا كەسپىي ئورۇنلاردىكى مەمۇرىي ۋەزىپىسى بار، مەمۇرىي دەرىجىنى ھازىرلىغان «ئەمەلدارلار» بۇ بەلگىلىمىنىڭ چەكلىمىسىگە ئۇچرىمايدۇ. ئەمەلىيەتتە، بۇنىڭدىمۇ ئېلىمىزنىڭ پەن تەتقىقات ئەندىزىسىنىڭ ئەمەلىيىتى نەزەرگە ئېلىنغان. ئەمەلدارلىقنى ياخشى قىلغاندىن كېيىن تېخىمۇ كۆپ نەرسە ئۆگىنىش كېرەك دېگەندىن باشقا، ئەمەلدارلار ئامالنىڭ بارىچە ئىلمىي ئۇنۋانغا ئېرىشىشنى ئويلايدىغان، ئۆگىنىشتىن سىرتقى ۋاقىتلاردا ئەمەلدار بولۇشنى ئويلايدىغان ھادىسە ئومۇميۈزلۈك مەۋجۇت. قولىغا چىققۇدەك نەتىجە قازانغان نۇرغۇن ئالىملار ئۆز ئورنىنىڭ رەھبەرلىك ۋەزىپىسىنى ئۆتەپ كېلىۋاتىدۇ. ئالىي مەكتەپلەردىكى ئەمەلدارلىق قالپىقى ئۇنچە يۇقىرى بولمىغان فاكۇلتېت مۇدىرلىرى مۇئاۋىن مىنىستىر دەرىجىلىك ئالىي مەكتەپلەردە يەنىلا باشقارما باشلىقى دەرىجىسىدە تۇرۇۋاتىدۇ.
    شۇڭلاشقا، مەمۇرىي دەرىجىسى بار پەن تەتقىقات خىزمەتچىلىرىنىڭ ئاكادېمىك بولۇپ سايلىنىشىدا «ھەممىنى بىر تاياقتا ھەيدەش»تىن ساقلىنىشىمىز كېرەك. پەن تەتقىقات جەھەتتە مۇئەييەن نەتىجە قازانغاندىن كېيىن، كەسىپ بىلەن مۇناسىۋەتلىك باشقۇرغۇچى بولۇشى «كەسىپ ئەھلى ئەمەسلەرنىڭ كەسىپكە يېتەكچىلىك قىلىش»ىدىن ياخشى. بىراق كېيىنكى قەدەمدىكى ئىسلاھات پەن تەتقىقات ئورگانلىرىدىكى باشقۇرغۇچىلارنىڭ مەمۇرىي دەرىجىسىنى ئاجىزلاشتۇرۇش، شۇنداقلا تەدرىجىي ئەمەلدىن قالدۇرۇش ئارقىلىق «ئىلىم ئەمەلدارلىرى»دىن ئىبارەت بۇ ئىلىم چەمبىرىكىدىكى غەلىتە سالاھىيەتنى تۈگىتىش بولۇشى كېرەك. پەن تەتقىقات ئاپپاراتلىرىدىكى باشقۇرغۇچىلار «چىقىشنى بىلىپ چۈشۈشنى بىلمەيدىغانلار» بولۇپ قالماسلىقى ھەم ئەمەلىي ۋەزىپىنى ئۈستىگە ئالمىغاندىن كېيىن، مەمۇرىي دەرىجىسى ۋە تەمىناتىنى داۋاملىق ساقلاپ قالماسلىقى كېرەك. مۇشۇنداق قىلغاندىلا، ئاكادېمىكنى سايلاش تۈزۈمى ئىسلاھاتىنى ئۆز ئىچىگە ئالغان ئىلىم چەمبىرىكىدىكى بىيۇروكراتلىقنى تۈگىتىشتەك گۈزەل ئارزۇ – ئىستەكلەرنى ئىشقا ئاشۇرۇشقا تېخىمۇ يېقىنلىشالايمىز.

http://www.nur.cn/news/2015/02/208791.shtml

otkax

جىڭ گەپ ماۋۇ، بىزنىڭ ئالى مەكتەپلىرىمىزدە مەخسۇس پەن- تەتقىقات ئورۇنلىرى يوق، شىركەتلەر مەلۇم بىر پەن تەتقىقات تۈرىگە (يەنى: بىلىمگە) قورقماي مەبلەغ سالالمايۋاتىدۇ.  جەمىيەتتە  سىتودىنتلارنى ئۆزىنىڭ ئوقۇغان كەسپى بويىچە ئىش ئورنىغا قويماي،  كەسپى سالاھىتىنى ئايرىمايلا  ‹ ھە سەن داشۆسىڭ› دەپلا ئىمتىھانغا ( كەسىپ تۈرىنى ئايرىماي، قارا- قويۇق ) قاتناشتۇرىدىغان ،  بۇنىڭ بىلەن مايلامچى ياغاچچىلىق قىلىۋاتقان( شەكىل جەھەتتىن) ، ياغاچچى مايلامچىلىق قىلىۋاتقان ئەھۋاللار مەۋجۇت بۇنداق ئەھۋالدا كەسىپ ئىگىلىرى ئۆز ئورنىنى تاپالماي، يا ئىشنىڭ ھۆددىسىدىن چىقالماي  تىڭىرقاپ قىلىۋاتىدۇ. .  مانا بۇنى جۇمھۇرىيىتىمىزدىكى پەن تەتقىقات كىرزىسىمىكىن دىدىم ئۆزەمچە. چۈنكى بۇ يەردە ئىنسان (يەنى: پۇخرا ) نىڭ سوبىكتىپ ھىسسىياتىنىمۇ كۆزدە تۇتماي بولمايدۇ- ئەلۋەتتە.

motiwarlar

مىنىڭ قارىشىمچە جۇڭگۇ ھازىر ئۆز تۇپرىقىدىكى شىركەتلەر ئارقىلىق تەرەققىيات يۇقىرى پەللىسىگە قاراپ ئۆرلىمەكتە. ئەگەر  مۇشۇ شىركەتلەر بولمىسا جۇڭگۇ ھەقىقەتەن بىر ئىزىدا توختاپ قېلىشى ھەم چىكىنىشى مۈمكىن.