مىللەت سۆيگەن دىنسىزلىق ئەمەس(نازىگۈل)

nazigul8

	مىللەت سۆيگەن دىنسىزلىق ئەمەس (نازىگۈل) ئۇلۇغ ئاللاھ ياراتتى بىزنى، يارىلىشىڭ ئادەم مەندىن دەپ. ياراتتىغۇ ئەقىلنى بىرگە، ئىشلەتكىن ھەم قىپتۇر سەۋەپ دەپ. ياراتتى ھەم نەچچە مىڭ مىللەت، ئاللاھ ھۆكمى مىللەتنى بىرگە. تونۇمىساڭ مىللىتىڭ ئۆزۈڭ، قارشىمۇسەن ئاللاھ ھۆكمىگە. ئۇيغۇرلىقىڭ ئۇنۇتما دىسەم، چالا موللا قوپتى دىنسىز دەپ. بادام دوپپا مىللى خاسلىققۇ، ئۇيغۇر دىسەم ئۆڭدىڭلار ھەجەپ! ئەرلەر كەيسە بادام دوپپىنى، يارىشاتتى ئۇيغۇرلۇق ئۇرغۇپ. كاللا دىسەم پاقالچەك دەپلا، بۈۋىم قوپتى ھىجاپتىن چۈشۈپ. توۋا دەپلا ياقامنى تۇتتۇم، چالا بۈۋىم چالا موللىغا. ھىجاپلىنىڭ، توسۇش ھەددىممۇ، ئەركىن تاللاڭ، ياغلىق دوپپىلا. مىللەت سۆيسەم دىنسىز چىقارساڭ، نەدىن تاپتىڭ بۇنداق پەتىۋا. سەۋەپ قىلماي تىلەپ ياتامدۇق، تىرىشقاننى كۆرەلمەمدۇق-يا؟!!! قېرىندىشىڭ چىقىرىپ كاپىر، بولماقچىسەن قانداق مۇسۇلمان. چىن مۇسۇلمان بېرەمتى ئازار، قېرىنداشقا ھەم توقۇپ يالغان؟!!! ئىسلام دىنى ئەڭ ئۇلۇغ دىندۇر، بۇرمىلىما تەتۈرگە سۆرەپ. ئۇ ئېتىقاد، ئەمەستۇر پەداز، بولما ۋەزخان كالىدەك مۆرەپ! دىنىم ئىسلام! مىللىتىم ئۇيغۇر! دەيمىز دىلدىن مىللەت سۆيگەنلەر! مىللەت سۆيگەن دىنسىزلىق ئەمەس، ئاچقىن كۆزۈڭ تەتۈر يۈرگەنلەر!!! ئۇيغۇرۇمدۇر ئەجدات ۋارىسى! ئىسمى ئۇلۇغ ئۇيغۇر ئۇيۇلتاش!!! يوقالمىسۇن ئۆزلۈك غورۇرلار! ھەممىمىز بىر ئۇيغۇر قېرىنداش!!! جىسمىم ئۇيغۇر! روھىم ئېتىقاد! ئاتىلارمەن ئۇيغۇر مۇسۇلمان! بىلىم قورال، كۈتمەكتە تاڭلار! پەخرىم مېنىڭ ئۇيغۇر ھەر زامان!!! مەنبە: »ئەرەپمۇ سەن ئۇيغۇرمۇ« دىگەن شېئىرىم ئەسلى، ئۆزلۈك ۋە مىللىي خاسلىقنى ساقلاپ قېلىش مەزمۇنىدىكى شېئىر ئىدى، لېكىن بەزىلەرنىڭ شېئىرىيەتتىكى ئىپادىلەشلەرنى بىلمەسلىكى سەۋەپلىكمۇ ياكى بەزىلەرنىڭ دىنى بىلىم سەۋىيەسىنىڭ چالىلىقى سەۋەبىدىنمۇ  ئۇ شېئىرغا ھەرخىل بۇرمىلاشلارنى ئېلىپ بېرىپ، كەڭ تورداشلارنى خاتا چۈشەنچىلەرگە باشلىۋەتتى.... ئۆز قېرىندىشىنىڭ دىلىغا ئازار بېرىش، توغراگەپ قىلسىمۇ، دىگەن گەپلىرىنى بۇرمىلاپ، دىنسىزغا چىقىرىۋېتىش بىر چىن مۇسۇلمان ئىگىسىنىڭ قىلىدىغان ئىشىمۇ؟؟؟!!!.......... بۇنداق ئىشنى قىلىدىغانلار زادى قانداق مۇسۇلمان؟؟؟!!!......... مۇسۇلمان دىگەن نامغا مۇۋاپىق ئىش قىلىۋېتىپتىمۇ؟؟؟!!!......... مىللەت بىلەن دىن بىر-بىرىنى ئىنكار قىلمايدۇ، دىنىي بىلىم بىلەن پەننىي بىلىممۇ بىر-بىرىنى ئىنكار قىلمايدۇ، بىرى روھدىكى ئېتىقاد بولسا، يەنە بىرى كىملىك سالاھىيەتتۇر. شۇڭا كەڭ تورداشلارنىڭ بۇنى توغرا تەھلىل قىلىپ، ئۆز ئۇيغۇر مىللىتىمىزنىڭ كەلگۈسى ئۈچۈن، ھازىرقى ۋەزىيەتتە تېخىمۇ كەڭرى بىلىملەرنى ئىگەللىشىنى، دىنىي بىلىم بىلەن ئادەم بولۇشنى ئۈگۈنۈپ، پەننىي بىلىمنى قورال قىلىپ ئۆزىنى ۋە مىللىتىنى كۈچلەندۈرىشىنى، ھەر بىر ئۇيغۇرنىڭ بىر ياقىدىن باش چىقىرىپ، دىنىمىز بىر، تىلىمىز بىر، دىلىمىز بىر ئۇيغۇر بولۇشتەك مۇقەددەس بىرلىكنى ساقلاپ، ئۇيغۇر مىللىتىنىڭ گۈللىنىشى ئۈچۈن بىر كىشىلىك مەجبۇرىيىتىنى ئادا قىلىشىنى ئۇلۇغ ئاللاھدىن تىلەيمەن! 2012-يىل 3-ئاينىڭ 9-كۈنى

kizzik99

	ئۆزىڭىزنى ئاقلاشقا بۇنچىلىك كۈچەشنىڭ ھاجىتى يوق ئىدى. سىزدە خاتالىق يوق، بار بولغان تەقدىردىمۇ  جارائەتنى تۈپ يىلتىزىدىن ساقايتىمەن دەپ چىمدىپلا ئېلىپ، بىمارنىڭ ئازابىنى تېخىمۇ ئېغىرلاتتىڭىز. يارا دېگەنگە ئاستا ئاستا پايدىقىلىدىغان مەلھەمنى ئاستا ئاستا بېرىپ ساقايتىش كېرەك ئىدى. سىز يەنىلا بۇرۇنقى ئۇسۇلىڭىزنى قوللىنىۋاتىسىز. ئۆملۈك ھەرگىزمۇ بىرسىنىڭ  ئېتىقادىغا ھۆرمەتسىزلىق قىلىپ، ئۇلارنىڭ  يارىسىنى تاتىلاش ئەمەس بەلكى ھەر كىمنىڭ تاللىشىغا ھۆرمەت قىلىش. تولا بۈۋىم، چاللا موللا دەپ ئارىمىزدا بۆلگۈنچىلىك چىقارماڭ. قىلغانلىرىڭىز يىتەر.

hasan578

	سىز بولدى قىلسىڭىز بۇلاتتى!!!!

rahmansaykin

	مەنمۇ مۇشۇ موللاملارنىڭ دەستىدىن مۇنبەردە ئاساسەن ئىنكاس يازمايمەن . قانداقلا گەپ بولسا بىر يەرلىرىگە پۇتلىشىدۇ !     مىنىڭ يۇقارقى گىپىمنىۇ نەقىل ئېلىپ تىللايدىغانلار نۇرغۇن .

nazigul8

	kizzik99 يوللىغان ۋاقتى  2013-3-9 01:40 PM ئۆزىڭىزنى ئاقلاشقا بۇنچىلىك كۈچەشنىڭ ھاجىتى يوق ئىدى.  ... بۇ مەن ئۆزەمنى ئاقلاپ يازغان تېما ئەمەس، باشقىلار مېنىڭ ئىسمىمىنى ئاتاپ تۇرۇپ ھاقارەت تېمىسى يوللىسىمۇ، سۈكۈت قىلىپ تۇردۇم، ھەم ئۇلارنىڭ قارا-قويۇق چۈشەنگىنىگە قارىتا ئۇ شېئىردىكى ئىدىيەمنى تېخىمۇ ئوچۇقراق، ئۇ شېئىرىمنى قايتىدىن ئۇلار چۈشەنگىدەك شېئىرى تىلدا،   يېزىپ چىقتىم دىسەممۇ بولىدۇ. ئۇلار ئۆزلىرىنى مۇسۇلمان قىلىپ، مېنى باشقا مىلەتكە چىقىرىۋېتىپ بارسا، ھاي دىيەلمەپسىلەر-يۇ، يەنە بۇ يەردە ماڭا ھاي دەپ، سىزنىڭ قوللايدىغىنىڭىز زادى نىمە؟ نىمە ئۈچۈن؟

babur-7

	قىرىندىشىم  قەلىمىڭىز ئۆتكۈر ئىكەن  ،  بۇ توغىرلىق تېما يازمىسىڭىز بولماسمىدى ،  خەنلىشىپ كەتكەنلەر دەل  ئىمان ئىتىقادنىڭ يوقلىغىدىن بۇلاۋاتىدۇ ،  بۇرۇن مەنمۇ سىزدەك  قاراشتا ئىدىم  ،  كىيىن  ئۈزگەردىم  ، بىز ئۇيغۇرلا ئىتىقادتىن ئايرىلساق بىزنى  كىم توغرا يولغا باشلايدۇ ،  بىز ئۇيغۇرلارنىڭ  غىمنى يىگىدەك قايسى باشلىقىمىز بار  ، بىزنى  يىتەكلەپ ماڭغىدەك ئالىملىرمىز بارمۇ  .

nazigul8

	hasan578 يوللىغان ۋاقتى  2013-3-9 01:45 PM سىز بولدى قىلسىڭىز بۇلاتتى!!!! بۇ بولدى قىلىڭ دىگەن گەپنى ئاۋۇ ئادەم ئىسمىنى ئاتاپ تۇرۇپ، ئادەمنى يوقتىن ھاقارەت قىلىۋاتقانلارغا دەڭ، مەن تېخى بۇ يەردە بىرسىنىڭ ئىسمىنى ئاتاپ بىر نەرسە يازمىدىم، ئەمدى نەقىل ئېلىشىڭىز ھاجەتسىز!

nazigul8

	rahmansaykin يوللىغان ۋاقتى  2013-3-9 01:47 PM مەنمۇ مۇشۇ موللاملارنىڭ دەستىدىن مۇنبەردە ئاساسەن ئىن ... شۇنى دىمەمسىز، تېمىنى چۈشىنىپ يازسا ئۇ باشقا، ئۆز ئالدىغىلا بىر پەتىۋالارنى چىقىرىپ، تېما بىر يەردە گېپى بىر يەرگە كېتىدۇ، چېنىپ قالسىمۇ، ئاتتىن چۈشسىمۇ ئۈزەڭگىدىن چۈشمەي ۋەزخانىلىق قىلىدىغانلىرى بار، ئالدى بىلەن شۇلار بىلىمىنى تېخىمۇ ياخشى ئۈگەنسە بولاتتى.  ئابدۇقادىر داموللامدەك كىشىلەر يېتىشىپ چىقالىسا، شۇلارغا مۇھتاجمىز، ھەم قوللايتتۇق.

mayhor

	مەن بۇ يەرگە كالۋالارنىڭ ئىنكاسلىرىنى كۆرگىلى كىردىم،، بىز مەڭگۈ بۇنى يەمدۇق يا ئۇنى يەمدۇق ،بۇنى كەيسەك بولامۇ ياكى ئاۋۇنىمۇ ، بىز ئۇيغۇرمۇ يا قازاقمۇ ، دېگەندەك نەرسىلەرنى تالىشىپ  ،  بوغۇشۇپ  ئۆتۈپ كېتىدىغان ئوخشايمىز،،

nazigul8

	babur-7 يوللىغان ۋاقتى  2013-3-9 02:12 PM قىرىندىشىم  قەلىمىڭىز ئۆتكۈر ئىكەن  ،  بۇ توغىرلىق تېما ... مەنمۇ بولدى قىلاي دەپ،  كۆپ سۈكۈتتە تۇردۇم، ئاخىرى ئامالسىز ئۇلار چۈشۈنىدىغان تىلدا قايتا يېزىپ چىقتىم. سىز مېنىڭ ئورنۇمدا بولغان بولسىڭىز قانداق قىلاتتىڭىز؟