دوكتۇر شۆھرەت مۇتەللىپ بىلەن قانداق تونۇشتۇم

دىيارىم

	bilgejan يوللىغان ۋاقتى  2013-8-4 05:04 PM دوكتۇر شۆھرەت مۇتەللىپ بىلەن قانداق تونۇشتۇم (3) - دوكتۇ ... ئاخىرىغا تەشنامىز قېرىندىشىم ، شۇنچە ئالدىراشچىلىقلاردىن ۋاقىت چىقىرىپ بۇنداق ئىسىل تىمىنى بىز بىلەن يۈز كۆرۈشتۈرگىنىڭىزگە كۆپ تەشەككۈر ، ئۇلۇغ ئاللا ئىشلىرىڭىزنى ئوڭۇشلۇق ، ئائىلىڭىزنى بەختلىك قىلسۇن .

zakir

	تىببى ئونۋېرستىتتا خەنچە ئۈگەنگەن ئاتالغۇلارنى ئۆز تىلىمدا كۆرۈپ ياخشى چۈشۈنۈپ بولالماي قايتا-قايتا ئوقۇشقا مەجبۇر بولۇۋاتقىنىمدا پۈتۈنلەي باشقا تىلدا تەتقىقات بىلەن شوغۇللىنىۋېتىپ شۇ ئالدىراشلىقىڭىزدىن ۋاقىت چىقىرىپ ئالىمنىڭ يازمىسىنى بىزگە ئۆز تىلىمىزدا شۇنچە چۈشۈنۈشلۇك يەتكۈزگىنىڭىزنى ئويلاپ ئۆزەمدىن خىجىللىق ھېس قىلدىم.                                   يازمىڭىزنى شۇنچە ھاياجان ،سۆيۈنۈش ئىچىدە ئوقۇۋاتقان ھەربىر قېرىندىشىمنىڭ ھېسياتى ئەينى چاغدا سىز ئالىم بىلەن تونۇشقان پىكىرلەشكەن چاغدىكى ھېسياتىڭىزدىن كەم ئەمەس دەپ ئويلايمەن،چۈنكى بىز مىللىتمىزدىن يېتىشىپ چىققان دۇنيانى زىل-زىلىگە سالغۇدەك نەتىجىلىرى بىلەن ئىلىم-پەننىڭ يۈكسەك چوققىسىدا تۇرغان ئالىملىرىمىزنى بىزنىڭ قېرىندىشىمىز دەپ يۈرەكلىك جاكارلىيالايمىز.يازمىڭىزنىڭ ئاخىرىنى سوراش بىلەن بىرگە يېڭى تەتقىقات نەتىجىلىرىدىن داۋاملىق خەۋەردار بولۇشنى تولىمۇ ئۈمىد قىلىمەن.

turantikin

	شۆھرەت ئاكىمىزنىڭ ئىشلىرىغا ئۇتۇق تىلەيمەن ، نوبىل مۇكاپاتىغا ئېرىشىڭىزنى پۈتۈن ئۇيغۇر خەلقى كۈتمەكتە

putukqi

	ئەسسالامۇ ئەلەيكۇم، بىلگىجان قېرىندىشىم، ئۇچۇرىڭىزدىن بەخىتلىك بىر ئائىلىنى قۇرغۇنىڭىزنى بىلدۇق،  ئاللاھ رەھمەت قىلسۇن! ئائىلىڭىزگە خاتىرجەملىك ھەم سالامەتلىك تىلەيمىز.

burkut327

	ئىسىل ماقالە. شۆھرەت مۇتەللىپكە سالامەتلىك، ئۇتۇق يار بولسۇن.

uyol

	شۆھرەت مۇتەللىپ بىزنىڭ پەخرىمىز!!!!

bilgejan

	zakir يوللىغان ۋاقتى  2013-8-5 03:54 PM تىببى ئونۋېرستىتتا خەنچە ئۈگەنگەن ئاتالغۇلارنى ئۆز تى ... پىكىرلىرىڭىز سەممىي ھەم ئورۇنلۇق بوپتۇ. بۇ يازمىنى ياقتۇرۇپ ئوقۇغىنىڭىزغا ۋە ياخشى تىلەكلىرىڭىزگە كۆپ رەھمەت! دىمىسىمۇ ھازىر پۈتۈن كەسپىي ئاتالغۇلارنى يات تىلىدا ئۆگىنىدىغان بولغاچقا ئۇيغۇرچە ئاتالغۇلارنىڭ دەل ماس كىلىدىغىنىنى تاپالماي بۇ ماقالىنى ۋە بۇرۇنقى ھورمۇن، كلون تېخنىكىسى...قاتارلىق تىمىلارنى يىزىشتا ناھايتى قېينالدىم. مەنمۇ تولۇق ئوتتۇرا مەكتەپ بىئولوگىيسىدىن باشقىسىنى خەنزۇچە ۋە ئېنگىلىزچە ئۆگەنگەن بولغاچقا، بەزى ئاتالغۇلار قېلىپقا چۈشمەي قالغان بولۇشى مۇمكىن، لىكىن مەن ئىمكانقەدەر ئۇيغۇر ئاممىسى كۆرۈپلا چۈشەنگۈدەك يىزىشنى مەقسەت قىلىپ بارلىق ئاتالغۇلارنى ئۇيغۇرچە ئالدىم، بەزىلىرىنى لۇغەت ئاختۇرۇپ ئىزدەپ تاپتىم، بەزىلىرى لۇغەتتىمۇ يوق بولغاچقا ئۆزەم ئەڭ ماس كىلىدۇ دىگەن بويىچە سۆزنى ياساپ ئىشلىتىۋەردىم. مەسىلەن، ئېنگلىزچىدىكى totipotent, pluripotent دىگەندەك سۆزلەرنى ئۇيغۇرچە مۇتلەق تولۇق پوتىنسىئاللىق ۋە تولۇق پوتىنسئاللىق دەپ ئالدىم. مەنچە بۇ خىلى ئىزىغا چۈشتى دەپ قارايمەن. مېنىڭ پەننى، كەسپىي ئاتالغۇلارنى پۈتۈنلەي ئۇيغۇرچە ئىشلىتىشىم يازمىلىرىمدىكى ئەڭ مۇھىم، ئەڭ قىممەتلىك قىسمى بولۇپ قالىدۇ، دەپ ئويلايمەن. مەن پىشقەدەم ئۇستازلاردىن ئۇيغۇرچە كەسپىي ئاتالغۇلارنى كۆپرەك ئۆگىنۋىلىشنى ۋە ھازىردىن باشلاپ بۇلارنى كەلگۈسى ئەۋلادلارغا قالدۇرۇشنى ئارزۇ قىلىمەن. قىزىم چوڭ بولغاندا ئۇنىڭ بىلەن غول ھۆجەيرە ۋە كلون تېخنىكىسى ئۈستىدە ئۇيغۇرچە مۇنازىرىلىشىشنى ۋە بولسا نەۋرىلىرىم بىلەنمۇ (ئاللاھ شۇ كۈنلەرنى كۆرۈشكە نېسىپ قىلسا) شۇنداق پاراڭلىشىشى ئىستەيمەن. سىزگە ئوخشاش تىببىي خادىملارنىڭمۇ ئۇيغۇرچە ئاتالغۇلارنى ئۆگىنىپ تۇرۇشىنى ۋە ئۇيغۇر بىمارلارنى داۋالىغاندا داۋالاش ئىلىپ بىرىشنىڭ تىگى-تەكتىدىكى ئىشلارنى ئاددىي قىلىپ ئۇيغۇرچە چۈشەندۈرۈپ بىرىشكە تىرىشىشىنى تەۋسىيە قىلىمەن. خەلقىمىز دورىنىڭ نىمە ئۈچۈن پايدا قىلىدىغانلىقى، ئوپراتسىيەنىڭ ياكى خېمىيلىك داۋالاشنىڭ زادى قانداق قىلىپ كېسەلنى ساقايتىش، ياخشىلاش ئۈنۈمى بارلىقىنى ئۇيغۇرچە بىلىش ھوقۇقى بار. سىزدەك زېرەك، زېھنى ئوچۇق ياش دوختۇرلارنىڭ مۇشۇ جەھەتتىن كۆپرەك كۈچىشىنى ئۈمىد قىلىمەن.

bilgejan

	2. ئۇيغۇر شاگىرىت تەربىيەلىگەن تۆھپىكار ئالىم - دوكتۇر شۆھرەت مۇتەللىپ ئاكادىمىيە ساھەسىدە كىشىلەرنىڭ قازانغان نەتىجىسى ئاساسلىقى ئۇلارنىڭ تەتقىقات نەتىجىلىرى بولغان ئىلمىي ماقالىلىرىنىڭ سۈپىتى ۋە ئىلىم-پەنگە قوشقان تۆھپىسى ئارقىلىق بەلگىلەنسىمۇ، يەنە ئۇلارنىڭ ئوقۇغۇچىلارغا قانداق دەرس ئۆتۈشى، قانداق كىشىلەرنى تەربىيلەپ چىقىشى ۋە شۇنداقلا جەمئىەتكە قانداق تۆھپىلەرنى قوشۇشى بىلەنمۇ باھالىنىدۇ. دوكتۇر شۆھرەت مۇتەللىپ ئۆز تەجىرىبخانىسغا ئىگە بولغاندىن بۇيان نۇرغۇن ياش ئالىملارنى يىتشتۈرۈپ چىققان. بۇلارنىڭ ئىچىدە ئەڭ دىققىتىمىزنى تارتىدىغىنى نۆۋەتتە دوكتۇر شۆھرەت مۇتەللىپ تەجىرىبىخانىسدا پوستدوكتۇرلۇق تەتقىقاتى بىلەن شۇغۇللىنىۋاتقان ئۇيغۇر يىگىتى - دوكتۇر ئالىم پولات. دوكتۇر شۆھرەت مۇتەللىپنىڭ تەجىرىبىخانىسىدا دوكتۇر ئاشتى بولۇپ تەربىيەلىنىۋاتقان دوستۇم دوكتۇر ئالىم پولات: مۇشۇ يازمىنىڭ داۋامىنى ياخشى تاماملاشنى ۋە شۇنداقلا دوستۇم ئالىم بىلەن ئەسرالىشىشنى كۆزدە تۇتۇپ تۈنۈگۈن كەچ ئالىم بىلەن تېلىفۇندا بىر يىرىم سائەتتىن ئارتۇق پاراڭلىشىپ ئۇ توغرىسىدا تېخىمۇ ياخشى چۈشەنچىلەرگە ئىگە بولدۇم. دوستۇم ئالىمنى ئىككى يىل ئاۋۋال تۇنجى قېتىم توردا ئۇچراتقان ۋە ئۇنىڭ شىۋىتسىيەدە ئوقۇۋاتقان ۋاقىتلىرىدا ئېلان قىلغان ئىلمىي ماقالىلىرىنى كۆرۈپ ئۇنىڭغا ھۆرمىتىم قوزغالغان ئىدى. شۇنىڭدىن كىيىن ئۇنىڭ بىلەن توردا دوست بولۇپ پۇرسەت بولغاندا ئۇنىڭ بىلەن ئىلخەتلەردە پىكىر ئالماشتۇرۇپ تۇردۇق. تۈنۈگۈن كەچ تۇنجى قېتىم ئۇنىڭ بىلەن تېلىفۇندا كۆرۈشۈشۈم ئىدى، شۇنچىلىك قىزغىن پاراڭلىشىپ خۇددى كونا قەدىناس دوستلىرىم بىلەن پاراڭلاشقان ۋاقىتلاردىكىدەكلا قەۋەتلا خوش بوپ كەتتىم. نىمىلا دىگەنبىلەن يىشىمىزمۇ تەڭتۇش، ئوخشاش كەسىپتىن ۋە ئوخشىشىدىغان ھايات مۇساپىلىرىنى باشتىن كەچۈرگەنلاردىن بولغاچقا ئىككىلىمىز بىر-بىرىمىز بىلەن تىزلا ئىچەكىشىپ دەسلىپىدە غول ھۆجەيرىدىن چۈشۈپ ئارىلىقتا شېۋىتسيەنىڭ گەپلىرىگە يۆتكەلسەك بىردەمدە بالىلىرىمىز ئۈستىدە توختىلىپ ئاخرىدا يەنە شۇ بالىلارنىڭ ئۇخلايدىغان ۋاقتى بولغاچقا دائىم پاراڭلىشىپ تۇرۇشقا پۈتۈشۈپ تېلفۇننى قويدۇق. دوكتۇر ئالىم پولات 2005-يىلى فۇدەن ئۇنىۋىرسىتىتىدا ئېلىكتىر ئېنژىنرلىقى كەسپىدە تولۇق كۇرۇسنى تاماملاپ شۇ يىلى كۈزدە شېۋىتسىيە چالمىرز تېخنىكا ئۇنىۋىرستىتى (Chalmers University of Technology) دا نانو تېخنكىسى كەسپىدە ماگىستىرلىق ئوقۇشىنى باشلىغان. ئىككى يىلدىن كيىن ئۇ ماگىستىرلىق ئوقۇشىنى مۇۋاپىققىيەتلىك تاماملىغان ۋە شۇ مەزگىلدىكى يىتەكچى ئوقۇتقۇچىسى شېۋىتسيەدىكى كىنشۆپىڭ ئۇنىۋىرستىتى (Linköping University) غا كۆچۈپ بارغاندا ئۇنىڭ بىللە بىللە شۇ ئۇنىۋىرستىتقا بىرىپ دوكتۇرلۇق ئوقۇشىنى باشلىغان. بۇ مەزگىللەردە ئالىم (تەڭتۇش دوستۇم بولغانلىقى ئۈچۈن ئىسمىنى بىۋاستە ئاتىدىم) ناھايتى تىرىشىپ ئوقۇغان بولۇپ، دوكتۇرلۇق ئوقۇشى مەزگىلىدە ئامرىكا ۋە ياۋروپادا چىقىدىغان نوپۇزلۇق ئىلمىي ژورناللاردا نانو تېخنىكىسى ۋە بىئو-فىزىكا ساھەسىگە ئائىت 5 پارچە ئىلمىي ماقالە ئېلان قىلغان. ئۇ دوكتۇرلۇقنىڭ ئاخىرقى مەزگىلىدە نانو ماتىرىياللارنى ئىشلىتىپ بىر يەككە ھۆجەيرە ئىچىدىكى گلۇكوزا مىقدارىنى ئۆلچەش تېخنكىسىنى ياراتقان بولۇپ، شۇنىڭدىن باشلاپ ھۆجەيرىلەرگە ناھايتى قىزىقپ قالغان. ئۇ 2010-يىلى دوكتۇرلۇق ئوقۇشىنى مۇۋاپىققىيەتلىك تاماملىغاندىن كىيىن، شىۋىتسىيەدە پوستدوكتۇرلۇق خىزمىتى ئىزدەۋىتىپ شىۋىتسىيە تەتقىقات كېڭىشى (Swedish Research Council) تور بىتىدىن شىۋىتسيەدە دوكتۇرلۇقنى پۈتتۈرگەنلەر ئۈچۈن ئۆز كەسپىدىن ئازراق ئوخشىمايدىغان بىر ساھەدە پوستدوكتۇرلۇق تەتقىقاتى بىلەن شۇغۇللانماقچى بولسا ئىلتىماس قىلغىلى بولىدىغان بىر تەتقىقات مەبلىغى بارلىقىنى بايقىغان. شۇ مەزگىلدە ئالىم دوكتۇر شۆھرەت مۇتەللىپ بىلەن ئالاقىلىشىپ ئۆزىنىڭ ئۇنىڭ تەتقىقاتلىرىغا بولغان قىزىقىشىنى بىلدۈرگەن ۋەئۆزىنىڭ بىر تەتقىقات تۈرىگە ئىلتىماس قىلىشىغا ياردەم بىرىشىنى ئۆتۈنگەن. دوكتۇر شۆھرەت مۇتەللىپ بۇ تەكلىپنى خوشاللىق بىلەن قوبۇل قىلغان ۋە ئالىمغا ياردەملىشىپ شىۋىتسىيە تەتقىقات كېڭىشىنىڭ يۇقىرىدىكى تەتقىقات تۈرىگە ئىلتىماس قىلىش ئۈچۈن تەتقىقات پلانىنى تەييارلىشىپ بەرگەن. ئالىم نۇرغۇن ۋاقىت سەرىپ قىلىپ بۇ تەتقىقات تۈرىنى ئوبدان چۈشەنگەن ۋە ئىلتماسنى تاپشۇرغان. 2011-يىلى بۇ تەتقىقات مەبلىغىگە ئىلتىماس قىلغۇچىلار ناھايتى كۆپ بولۇپ، ئالىم ئىككىلىنىپ تۇرغان مەزگىللەردە ئۇنىڭ بۇ تەتقىقات تۈرى مەبلىغىگە ئېرىشكەنلىكى ئۇقتۇرۇلغان. شۇنداق قىلىپ يىرىم يىل ئىچىدە شىۋىتسىيەدە بۇ تەتقىقات تۈرىگە مۇناسىۋەتلىك قوشۇمچە ماتىرىياللارنى تاپشۇرۇش ۋە ئامرىكىغا ۋىزا ئىلتىماس قىلىش ئىشلىرىنى تۈگىتىپ 2012-يىلى 1-ئايدىن باشلاپ دوكتۇر شۆھرەت مۇتەللىپنىڭ تەجىرىبخانىسىغا كىلىپ ئىككى يىللىق پوستدوكتۇرلۇق تەتقىقاتىنى باشلىغان. ئالىم ناھايتى تۈز كۆڭۈل، خۇشچاقچاق يىگىت بولۇپ، ئۆزىنىڭ دەسلىپىدە خىلى كۆپ قىينچىلىقلارنى تارتىپ ئاندىن غول ھۆجەيرە تەتقىقاتىنى ئوبدان چۈشەنگەنلىكى ۋە دوكتۇر شۆھرەت مۇتەللىپنىڭ تەجىرىبخانىسىدا كۆپ ئىشلىتىدىغان تېخنىكىلارنى ئىگەللىگەنلىكىنى تەپسىلي ۋە قىزىقارلىق قىلىپ سۆزلەپ بەردى. ئۇنىڭغا قايىل بولماي تۇرالمايتتىم چۈنكى مەن باشلاش ئالدىدا تۇرغان پوستدوكتۇرلۇق تەتقىقاتىم بىئولوگىيە كەسپىدە بولماي باشقا بىر كەسىپتە بولۇپ قالغان بولسا مەن ئۇ قېيىنچىلىقلارغا تەۋەككۇل قىلىشىم ۋە ئۈستىدىن غالىپ كىلەلىشىم ناتايىن ئىدى. دوكتۇر شۆھرەت مۇتەللىپنىڭ ئالىمنى ياقتۇرۇشىدىكى سەۋەبمۇ دەل ئۇنىڭ ئىجتىھاد بىلەن تەتقىقات قىلىش روھى، ئۆزلۈكىدىن ئۆگىنىش ئىقتىدارى ۋە يۇقىرى تەتقىقات ئۈنۈمى(3 يىلدا 5 پارچە ئىلمىي ماقالە ئېلان قىلىدىغان دوكتۇر ئوقۇغۇچىلار كەمدىن-كەم ئۇچرايدۇ) گە ئىگە بولغانلىقىدا بولسا كىرەك، دەپ ئويلىدىم. ئالىم ماڭا دوكتۇر شۆھرەت مۇتەللىپنىڭ نەقەدەر كەسىپچانلىقى ۋە قىتىرقىنىپ تەتقىق قىلىش روھىغا ئىگە ئىكەنلىكىنى ئېيتىپ ئۇنىڭغا بولغان قايىللىقىنى بىلدۈردى. ئالىم دوكتۇر شۆھرەت مۇتەللىپنىڭ تەجىرىبخانىسىغا كىرگەندىن بۇيان ناھايتى مۇھىم تەتقىقات ۋەزىپىلىرى ئۇنىڭ زېممىسىگە يۈكلەنگەن بولۇپ، بۇ يىڭى ساھەگە قەدەم قويغىنىغا ئاران بىر يىرىم يىل بولغان ئالىم ئاللىقاچان خىلى زور تەتقىقات نەتىجىلىرىنى ياراتقان. ئۇ دوكتۇر شۆھرەت مۇتەللىپ  «ھۆجەيرە» ژورنىلىدا ئېلان قىلغان «ئىنسان غول ھۆجەيرىسىنىڭ كلونلىنىشى» توغرىسىدىكى ماقالىدا ئاپتۇرلارنىڭ بىرى بولغان. ئامرىكىدا ھەرگىزمۇ جۇڭگودىكىگە ئوخشاش تەتقىقاتقا بىۋاستە تۆھپە قوشمىغان كىشىلەرنىڭ ئىسمىنى ئەل-ئاغىنىدارچىلىق ۋە ياكى باشقا سەۋەبلەر بىلەن ماقالىغا قوشۇپ قويدىغان ئىش مەۋجۇت ئەمەس بولۇپ، ئالىم بۇ ماقالىنىڭ مۇھىم بىر تارماق ۋەزىپىسىنى ئۆز ئۈستىگە ئىلىپ ناھايتى ياخشى ئورۇندىغاچقا بۇ شەرەپكە نائىل بولغان. «ھۆجەيرە» ژورنىلىدەك مەخسۇس بىئولوگىيە ساھەسىدىكى دۇنيادىكى ئەڭ نوپۇزلۇق، ئەڭ داڭلىق ئىلمىي ژورنالدا ئاپتۇرلۇق قىلغان ئۇيغۇردىن دوكتۇر شۆھرەت مۇتەللىپتىن قالسا دوستۇم ئالىم پولاتنىڭ ئىسمىلا بار بولۇشى مۇمكىن. ھازىر ئالىم ئۆزى قىلغان ئاساسلىق تەتقىقاتلارنى خۇلاسىلەپ يازغان بىرىنچى ئاپتۇرلۇقتىكى ماقالىسىنى ئاللىقاچان يىزىپ پۈتتۈرگەن بولۇپ، ئۇ ماقالىنى «تەبىئەت» ژورنىلى بىلەن «ھۆجەيرە» ژورنىلىنىڭ بىرىگە تاپشۇرۇش ئالدىدا تۇرۇپتۇ. پات ئارىدا ئالىمنىڭ بۇ ماقالىسىنى كۆرۈش نېسىپ بولسۇن، ئىلاھىم! ئالىمدىن يەنە بىر نەچچە يىڭى گەپلەرنى ئاڭلىدىم. بۇ يىل 6-ئايدا دوكتۇر شۆھرەت مۇتەللىپ «خەلىقئارا غول ھۆجەيرە تەتقىقاتى» يىغىنىغا بارغىنىدا «تەبىئەت» ژورنىلىنىڭ باش تەھرىرى ئۇنىڭ بىلەن بىر سائەت پاراڭلىشىپ ئۆزىنىڭ ئۇنىڭ دۇنيانى زىلزىلىگە سالغان ئىنسان غول ھۆجەيرىسىنىڭ كلونلىنىشى ئۈستىدىكى تەتقىقات نەتىجىسىنى «تەبىئەت» ژورنىلىغا تاپشۇرمىغانلىقىدىن ناھايتى ئۈمىدسىزلەنگەنلىكى ۋە بۇنىڭدىن كىين مۇشۇنداق ئېسل ماقالىلىرىنى چوقۇم «تەبىئەت» ژورنىلىغا ئەۋەتىشىنى ئۆتۈنۈپتۇ. قىزىق يىرى، دوكتۇر شۆھرەت مۇتەللىپنىڭ ئۇ داڭلىق ماقالىسى 5-ئايدا «ھۆجەيرە» ژورنىلىدا ئېلان قىلىنغاندىن كىيىن، تەھرىرلەشتىكى بەزى خاتالىقلارنىڭ بارلىقى باشقىلار تەرىپىدىن ئاشكارىلانغاندا، «تەبىئەت» ژورنىلى دەرھال بۇ خەۋەرنى بېسىپ ئالىمنىڭ ماقالىسىغا گۇمانىي نەزەردە قاراش بىلەن بىرگە «ھۆجەيرە» ژورنىلىنى ئۇ ماقالىنى پەقەت 3 كۈن ئىچىدىلا ئېلان قىلىپ مەسئۇليەتسىزلىك قىلدى، دەپ ئۈستىدىن شىكايەت قىلغان ئىدى. دوكتۇر شۆھرەت مۇتەللىپ ساقلانغان خاتالىقلارنىڭ پەقەت تەھرىرلەش جەھەتتىكى كىچىك خاتالىقلار ئىكەنلىكى ۋە بۇنىڭ نەتىجىگە ھىچقانداق تەسىر كۆرسەتمەيدىغانلىقىنى چۈشەندۈرۈپ، ئاللىقاچان ماقالىنىڭ تۈزىتىلگەن نۇسخىسىنى قايتىدىن «ھۆجەيرە» ژورنىلىدا ئېلان قىلغان. بۇنىڭدىن كۆرىۋىلىشقا بولىدۇكى، دوكتۇر شۆھرەت مۇتەللىپنىڭ ئىلمىي ماقالىلىرىنىڭ سۈپىتىنىڭ يۇقىرىلىقى ۋە بۆسۈش خاراكتېرلىك نەتىجىلەرنى ياراتقانلىقى تۈپەيلىدىن، دۇنيا ئىلىم-پەن ساھاسىدىكى ئەڭ داڭلىق ئىلمىي ژورناللار ئۇنىڭ ماقالىلىرىنى تالىشىپ تۇرۇپ باسىدىغان ۋەزىيەت شەكىللەنگەن. ئىشىنمەنكى، دوكتۇر شۆھرەت مۇتەللىپ يەنە نۇرغۇنلىغان ئېسىل ئىلمىي ماقالىلىرى بىلەن ئىنسانىيەت بىلىم خەزىنىسىگە ئەڭگۈشتەرلەرنى ئۈزۈلدۈرمەي سۇنىدۇ. دوكتۇر شۆھرەت مۇتەللىپ ۋەتەندىكى ئۇيغۇر سىتۇدىنىتلاردىن تاپشۇرىۋالىدىغان خەتلەرگە ھەر دائىم ۋاقىت چىقىرىپ جاۋاپ قايتۇرىدىغان بولۇپ، بۇمۇ ئۇنىڭ ئۇيغۇر دەپ سوقىدىغان بىر يۈرىكىنىڭ بولغانلىقىدا. ئۆتكەن ئايدا ئالىمنى بىر نەچچە مەتبۇئاتلاردىن كىلىپ زىيارەت قىلغان بولۇپ، بىر خەۋەردە ئۇنى روس دەپ ئاتىغاچقا ئۇ ناھايتى خاپا بولغان ۋە دەرھال چۈشەندۈرۈپ ئۆزىنىڭ ئۇيغۇر ئىكەنلىكى ۋە ماقالىغا ئۆزىنىڭ ئۇيغۇر ئىكەنلىكىنى ئېنىق يازمىسا بۇ ماقالىنىڭ بېسىلىشىغا قوشۇلمايدىغانلىقىنى كەسكىن ئېيتقان. ئۇ توغرىدا ئامرىكىدا بېسىلغان خەۋەرلەرنىڭ كۆپلۈكىدە يۇقىرىدىكى خەۋەرنى ۋاقتىنچە ئىزدەپ تاپالماي قالدىم، لىكىن ئالىم توغرىسىدىكى بىر قىسىم خەۋەرلەرنى بۇ يەرگە چاپلاپ قوياي: http://newsle.com/person/shoukhratmitalipov/9418124 http://researchamerica.wordpress.com/tag/shoukhrat-mitalipov/ ئۇ تەربىيەلەۋاتقان دوكتۇر ئالىم پولات كەلگۈسىدە دوكتۇر شۆھرەت مۇتەللىپنىڭ ئېزىدىن مېڭىپ ئۇنىڭغا ئوخشاش دۇنيانى ھاڭ-تاڭ قالدۇرىدىغان نەتىجىلەرنى قولغا كەلتۈرىدىغانلىقىغا ئىشەنچىم كامىل. ئالىم پولات ھازىرچە دوكتۇر شۆھرەت مۇتەللىپنىڭ شاگرىتىلىرىنى تۇنجىسى ۋە بىردىنبىرى بولۇپ، بۇندىن كىيىن دوكتۇر شۆھرەت مۇتەللىپنىڭ يەنە نۇرغۇنلىغان ئالىم پولاتقا ئوخشاش ئىستىداتلىق ياش ئۇيغۇر ئالىملارنى يىتىشتۈرۈپ چىقىدىغانلىقىدا شەك يوق. دوكتۇر شۆھرەت مۇتەللىپ بىلەن قانداق تونۇشتۇم (4) - ئاخىرقى سۆز داۋامى بار......