ئايبەرچىن:ھاراقكەشنىڭ رامىزانلىق كۈندىلىك خاتىرىسى

aybarqn

	zulayha يوللىغان ۋاقتى  2013-8-6 05:15 PM چىن دوستۇم،چىن خانىم! قەلەمنىڭ جېنىنى ۋايىغا يەتكۈزۈپ  ... ئەسسالامۇ ئەلەيكۇم،تولىمۇ گۈزەل سۆز-ئىبارىلەر بىلەن مىنى تەرىپلىشىڭىزدىن بەكمۇ خوشال بولدۇم،سىزنىڭ بۇ ئىلھامىڭىز ئىجادىيەتتىكى تىرىشچانلىقىمنى يەنە بىر بالداق يۇقىرى كۆتۈرگىسى،رەخمەت......

aybarqn

	zulayha يوللىغان ۋاقتى  2013-8-6 05:25 PM مەن بۇ ئەسەرنى چىن ۋەقەلىكمىكىن ياكى راستلا يېزىلغان  ... ئەسەر مەزمۇنى راست،مەن سەل بېيىتىپ يېزىۋاتىمەن،مۇشۇنى يازىمەن دەپ 10 كۈندىن ئارتۇق باش پرسوناژ بىلەن ئۈندىداردا پاراڭلاشتىم...ئاسانغا تۇختىمىدى....

aybarqn

	بۈگۈن رامىزاننىڭ 15-كۈنى.ئۆيگە كەچ كەلدىم،نەگە باردىڭىز دەمسىز...راست گەپ قىلسام نەگە بارغىنىمنى دىيىشكە سەل جىجىل بولىۋاتىمەن.دەۋېرەي،مەسچىتكە باردىم،تاراۋا نامىزى ئوقۇغىلى.بۇ ئىككى كۈن ئىچىدە مەندە ئۆزگىرىش دىگەن زور...مەسچىتتە ئۆزۈم بىلە تەڭ دىمەتلىك بىر يىگىت بىلەن تونۇشۇپ قېلىپ،ئۇنىڭ تۈرىتكىسىدە مانا نامازلىقمۇ بولۇپ قالدىم .ئۈندىدار دوسلار چەمبىرىكىدىن زوھۇر ۋە ئىپتارنىڭ دۇئاسىنى بىردەمدىلا ئۈگۈنىۋالغانىدىم،توۋۋا،بەش ۋاخ ناماز دەرىسلىكىمۇ شۇنچە چۈشىنىشلىك باركەن تېخى،مانا مۇشۇنچە كۆپ ئىسلامىي بىلىملەرنى باشقىلار ھەقنىڭ يولىدا بىر ئادەمگە بولسىمۇ پايدىسى بولۇپ قالار دىگەن نىيەت بىلەن شۇنچە جاپا تارتىپ خالىس يوللاپ قويىدىكەن .بۇلارنى كۆرۈپ ئىختىيارسىزكۆزلىرىمگە ياش كەلدى. تېلفون قولۇمدىن چۈشمىگەچكە ناماز ئوقۇشنىمۇ تېزلا ئۈگۈنىۋالدىم.تېخى ئۇنىڭ بىلەن بۈگۈن بار ئىقتىسادىمغا يارىشا ئۆشرە-زاكاتمۇ ئايرىپتىمەن.مانا ئەمدى بىرەرسى مەندىن سەن مۇسۇلمانمۇ دەپ سورىسا"لائىلاھە ئىللەللاھۇ مۇھەممەدىن رەسولىللاھ،مەن مۇسۇلمان"دەپ قورقماي جاۋاپ بېرەلەيمەن.شۇنداق مەن مۇسۇلمان،بۇرۇنقىدەك چوشقا گۆشى يىمەيدىغانلا يېرىم كاپىردىن پەرىقلىنىدىغان ئەمەس بەلكى ھەقنى تۇنىغان موسۇلمانغا بۇيرۇلغان بەش پەرھىزنى چامام يەتكىنىچە ئادا قىلىۋاتقان ھەم تولۇق ئادا قىلىشقا تىرىشۋاتقان"ئەلىھەمدىلۇللا"مۇسۇلمانمەن.                               ***********************************************               بۈگۈن رامىزاننىڭ 17-كۈنى.بەلكىم باشقىلار مىنىڭ بۇنچە تېز ئۆزگىرىپ كەتكىنىمدىن ھەيراندۇ،ئەلۋەتتە شۇنداق بولىدۇدە..ئاناممۇ ھەيران قېلىۋاتسا.كونىلار" قاغا بىلەن بىللە يۈرسەڭ يىيىشىڭ پوق "دەپ تولىمۇ توغرا ئېيتقانىكەن. ئۇنداق دەپ بۇرۇنقى دوستلىرىمنى يامان دىمەكچى ئەمەسمەن،بۇرۇن دوسلىرىم بىلەن بولدى دىگىچە ھاراقنى ئىچىپ،قۇسۇقلىرىمىزغا مىلىنىپ بارچە كىشنىڭ لەنىتىنى ئاڭلاپ يۈرەتتۇق.مانا شەپقەت بىلەن تونۇشقان ھەپتە بولمىغان ۋاقىت ئىچىدە ئۇ چەتئەلدىن ئەكەلگەن ناماز كىيمىنى كىيىپ،ئەتىرنى يەڭگىل چېچىپ مىڭىپ كەتسەك ھەممە بىزگە ھەۋەس بىلەن قارىشىپ كىتىدۇ.شەپقەت مىسىردا دىننىي تەربىيە كۆرگەن بولۇپ،مىنىڭ مەسچىتتىكى قولاشمىغان ھەركىتىم ۋە گەپ سۆزىمدىن خەن ساۋاتلىقىمنى پەرەز قىلىپ ئۆزى تەشەببۇسكارلىق بىلەن ماڭا دوسلۇق قولىنى سۇندى،  قىسقىلا ۋاقىت  ئىچىدە مىنى ئاجايىپلا بىر ئادەم قىلىۋەتتى.ئۇنىڭ ماڭا ئۆگەتكەنلىرىدىن قەلبىمدە ئاللاھقا ھەققىقىي چىن مۇھەببەت ئويغاندى.مەن ئاللاھقا بىر قەدەم يېقىنلىشىۋىدىم ئۇ ماڭا ئىماننى،ئىنسابنى،پاكىزلىقنى يەنە شەپقەتتەك ئىلىملىك ئىككى دۇنيالىق قىيامەتلىك دوستنى سوۋغا قىلدى....ئەي كېرەملىك ئاللاھ،بۇرۇنراق قەلبىمنىڭ قۇلۇپىنى ئېچىپ ئۆزۈڭنىڭ يولىدا قىلساڭ بولماسمىدى...خەير،ھېلىمۇ چەكسىز شۈكرى...نادانلىقىمدىن رامىزان چىقىپ كىتىپ مەلۇم ۋاقىت ئۆتكەندىن يەنە ھاراق ئىچىشنى نىيەت قىلىپ يۈرۈپتىمەن...بەس،ھېلىغۇ ئىختىيارىم بىلەن ئەمەس،بەلكى دۇختۇر دۇرىلىققا بۇيرۇپ شۇ بىر يۇتۇم ھاراق بىلەن ھايات قېلىش توغرا كىلىپ قالسىمۇ،ئۆلسەم ئۆلىمەنكى ھەرگىزمۇ ھاراق ئىچمەيمەن...ئاللاھ گوۋاھ بولسۇن..........

KARAMAT147

	مانا بۇ ھەقىقى ئىسلامنىڭ روھى ،مانا بۇ ئۇلۇغ ئاللانىڭ « بەندەم ماڭا بىر غىرىچ يىقىنلاشسا مەن ئۇنىڭغا بىر قەدەم يىقىنلىشىمەن ، بەندەم مەن تەرەپكە مىڭىپ كەلسە ،مەن ئۇنىڭ تەرىپىگە يۈگۈرۈپ بارىمەن ،بەندەم مەندىن سورىسا  مەن ئۇنىڭ سورىغىنىنى بىرىمەن ، بەندەم ماڭا تەۋبە قىلسا  مەن ئۇنىڭ تەۋبىسىنى قۇبۇل قىلىمەن » دىگەن ۋەدىسىنىڭ ئەمەلدە ئىپادىلىنىشى .   گەرچە بۇ بىر ھىكايە بولسىمۇ قىرىندىشىمىز ئايبەرچىن ئىسلامنىڭ بۇ ئىسىل ئەنئەنىسىنى  كۈچلۈك قەلەم قۇۋۋىتى بىلەن تورداشلارغا يەتكۈز گىنىگە ئۇلۇغ ئاللاھتىن كاتتا ئەجىرلەر برىلىشنى سورايمىز.... ئامىين!!!       قىرىندىشىم ھارمىغايسىز !!

aybarqn

	KARAMAT147 يوللىغان ۋاقتى  2013-8-7 03:51 AM مانا بۇ ھەقىقى ئىسلامنىڭ روھى ،مانا بۇ ئۇلۇغ ئاللانى ... رەخمەت،ئوقۇپ ھەم قوللاپ كىلىۋاتقان دوسلارغىمۇ ئەجىرلەر بولسۇن.....

توغرا

	Azizan يوللىغان ۋاقتى  2013-8-5 07:05 PM مېنىڭچە كىشىنىڭ نامىدىن بۇنداق چىن بولمىغان نەرسىلەرن ... مېنىڭچە ئەدەبىي ئەسەرنىڭ %95 ى توقۇلما. ئۇ كىشىلەرگە مەلۇم بىر مەقسەت ۋە ئىدىيەنى سىڭدۈرۈش ئۈچۈن ھەر خىل شەكىلدە ئىپادىلىنىدۇ. ئۇنىڭ ئۈستىگە بۇ ئەسەر مەلۇم بىر ئادەمنىڭ ئىسمىنى ئاتاپ تۇرۇپ دېمىگەندىكىن، مەلۇم بىر ئادەمنىڭ نامىدا چىن بولمىغان نەرسىنى توقۇشقا كىرمەيدۇ. بۇ ئەسەردە قانداقتۇر خەنزۇچە ئوقۇغان گۇناھ دېگەن گەپ يوق. سىزمۇ مۇشۇ دىيارىمىزدا ياشاۋاتقان بولسىڭىز سىزمۇ ھېس قىلغان بولۇشىڭىز مۇمكىن. 10 نەچچە يىللىق قارغۇلارچە خەن تىلى قىزغىنلىقى ۋە ئاتا- ئانىلارنىڭ پەرزەنتلىرىنى خەن مەكتەپلىرىدە ئوقۇتۇش سەۋەبلىك مەدەنىيەت ئەبجەشلىكى، ئىدىيە بۆلۈنىشى، ئىتىقادنىڭ سۇسلىشىشى، خەن مەكتەپلەردە ئوقۇغانلارنىڭ ئۆز مىللىتىنى كەمسىتىش خائىشلىرى باش كۆتۈردى. يەنە كېلىپ بۇ ئەسەردە تىلغا ئېلىنغان كىشىلەر ئانا تىلى خەن تىلى بولغان كىشىلەرگە قارىتىلمىغان. شۇڭا سىزنىڭ جەمئىيەتنى توغرا كۈزىتىشىڭىزنى ۋە ئاپتورنىڭ مەقسىدىنى يۈزەكى چۈشىنىۋالماي توغرا چۈشىنىشىڭىزنى ئۈمىد قىلىمەن. ئۆزۈمچە بىلەرمەنلىك قىلىپ سۆزلەپ قالدىم. كەچۈرۈڭلار...

aybarqn

	بۈگۈن رامىزىننىڭ 21-كۈنى.مەن ئاران بىر تۇتىۋاتقاندا شۇنداق تېز ئۆتۈپ كتىۋاتىدۇ بۇ رامىزان.كىچىدە تۇرىمەن،تاماق يەيمەن ئاندىن ناماز ئوقۇيمەن.ئىككى-ئۈچ سائەت ئۇخلېۋېلىپلا ئىشقا ماڭىمەن،تۇرمۇشۇم ناھايتى تەرتىپلىك،ئاشقازىنىممۇ نىمە بولدى بىلمىدىم رامىزان تۇتقاندىن بېرى ئاغرىماسلا بولدى.زوھۇرلۇققا تۇرغاندا ئاللاھنى سېغىنىپ تۇرغاندەك،مەسچىتكە ماڭغاندا ئاللاھنىڭ يولىغا ماڭغاندەك،مەسچىتتە ئولتۇرغاندا ئاللاھنىڭ يېنىدا ئولتۇرغاندەك ئۇزۇندىن-ئۇزۇن ئولتۇرۇپ كىتىمەن.ھەرئىش قىلسام خۇددى كەينىمدە مىنى بىرى قوغداپ تۇرۋاتقاندەك كۆڭلۈم توق.بۈگۈن ئۈچ كۈن بولدى ئاپام ئىككىمىزنىڭ تۈنەۋاتقىنىغا،دادام ئىككى سىڭلىمنى ئېلىپ چوڭ ئۆيگە كەتكەچكە ئاپام ئىككىمىز يالغۇز ئۆيدە.بىرىنچى كۈنى شەپقەت قونۇپ قېلىپ قۇرئان ئوقۇپ بەردى،تۈنۈگۈن ئاپام ئىككىمىزكىچىچە ناماز ئوقۇپ چىقتۇق.بۈگۈنمۇ نامازنى تۈگىتىپ دۇئادا ئولتۇرغان ئاپام تۇيۇقسىز ئۈن سېلىپ يىغلاپ كەتتى...سىنى ياخشى تەربىيلىيەلمەي سەندىن ئۈمىدنى ئۈزگەنىدىم.بارى-يوق بىر تال ئوغلۇمنىڭ ھاراقكەش بولۇپ كتىشىدىن قىيامەتتە قانداق ئازابلارغا دۇچار بولارمەن دەپ ئەنسىرەيتتىم،ھەممىدىن ئۈلۈپ كەتكىنىمدە قەبرەم دۇئاسىز قالىدىغان بولدى دەپ تەشۋىشلىنەتتىم...مانا ئەمدى ئەنسىرمەيمەن...ئاللاھىقا مىڭ شۈكرى مەن سەندىن رازى جېنىم بالام،رەخمەت ساڭا..............         -ئانا،بۇ ۋاققىچە قىلغانلىرىمنى كەچۈر،ساڭا سالغان زۇلۇملىرىمنى كەچۈر،بۇندىن كىيىن ئوغلۇڭ پەقەت ئىككى ئالەمدە يۈزۈڭنى يورۇق قىلىش ئۈچۈن ياشايدۇ،-دىدىمدە ئانامنىڭ باغرىغا ئۆزۈمنى ئاتتىم.                                       ********************************************                     بۈگۈن رامىزاننىڭ 23-كۈنى.شەپقەت بۈگۈن ئۈرۈمچىنىڭ چېتىدىكى بىر مەسچىتتە ئىپتارلىق بەرمەكچى.بىركۈن رۇخسەت سوراپ ئۇنىڭغا ياردەملەشتىم،نەرسە كېرەك سېتىۋېلىپ مەسچىتكە بۇرۇنلا يىتىپ كەلدۇق،مەسچىت ناھايتى كونا بولۇپ قالايمىقانچىلىقتا تېخىمۇ خۇنۇك كۆرۈنەتتى.شەپقەت ئەتراپقا بىر قۇر كۆز يۈگۈرتىۋەتكەندىن كىيىن قولىغا سۈپۈرگىنى ئېلىپ تازىلىققا چۈشتى،دەسلەپ قاتتىق ھەيران بولۇپ تۇرۇپلا قالدىمدە،-تېزلا ئۈزۈمنى ئوڭشاپ ئۇنىڭغا ياردەملىشىكە باشلىدىم .ئۇ باينىڭ بالىسى ئىدى،ئۆزىنىڭ تىجارىتىمۇ چوڭ ئىدى،مانا بۇ مىليونىر يىگىت كۆز ئالدىممدا ئاللاھ رىزالىقى ئۈچۈن يەرلەرنى سۈپۈرمەكتە،سۈرتمەكتە،مەينەت بولۇپ پۇراپ كەتكەن پايپاقلارنى رەتلەپ،ساپما كەشلەرنى يۇماقتا.......ئىپتار ۋاقتىمۇ توشۇپ قالدى . ئاللاھ ئۆزىنىڭ يېقىن بۇ بەندىسىنى تەشنالىق ئازابىدا قالمىسۇن دىدىمۇ ئىشقىلىپ يامغۇر ھاۋىسى بۈگۈن...جامائەت كىرىپ كەلدى،دەستىخانلار سېلىندى،بۇ كىشىلەرگە قاراپ ئىچىم سېرىلدى.يۈرىكىم ئېچىشتى.شەپقەت ئاۋال يانچۇقىدىكىنى ئاندىن ماشىنىسىدىكىنى ھەتتا قولىدىكى سائىتىنى ئېلىپ موھتاجلارغا بەردى...يامغۇر شاقىراپ يېغىشقا باشلىدى...ئۇ يامغۇردا تۈگۈلۈپ كىتىپ بارغان كىشىنى چاقىردى،ئاندىن ئۇچىسىدىكى چاپاننى سالدىدە ئۇ كىشىگە ياپتى....كۆز ياشلىرىمنى يوشۇرۇش ئۈچۈن يامغۇر يېىغىۋاتقان جايغا بېرىپ تۇرىۋالدىم...ئەجەبا مەندىكى مۇشۇنداق روھ نەگە كەتتى،ئىسلامىي تەربىيە كۆرگەنلەر شۇنچە شەخسىيەتسىز بولامدىغاندۇ....ئەي ئىسلام...ئەسلى يولۇڭ شۇنچە گۈزەلمىدى..........................

fathullah

	ھەيييييييي!ئىلھامىڭىز ئاجايىپ كېلىۋاتىدۇ جۇمۇ ھەدە!كۆز تەگمىسۇن.قوللار تالمىغاي!قەلەملەر ھارمىغاي!ئامىين!

KARAMAT147

	ياخشى ،ياخشى ،ياخشى، بەك بەك ياخشى چىقىۋاتىدۇ بۇ ئەسەرنىڭ ئاخىرى ، ھارمىغايسىز ،

intikam2

	نىمىدىگەن قالتىس ياخشى يېزىۋاتىسىز، ئۆزەمنى ھەرقانچە تۇتۇۋالساممۇ كۆزلىرىمدىكى ياشنى باشقۇرالمايۋاتىمەن، ئىسلام دىن نىمىدىگەن گۈزەل!