زىلىيەن سۆزىنى ئۇيغۇرچە نېمە دەيمىز؟

sewdaye1

	مەن 同性恋دىگەن گەپنى ئاڭلىغان، لىكىن 自恋 دىگەن گەپنى ئاڭلاپ باقماپتىكەنمەن، بۇنى مەنمەنچى دەپ ئالسا مۇۋاپىق بولغۇدەك مەنچە بولغاندا. ئۆزىنى سۆيىدىغان دەپ ئالسا تازا بولمىغۇدەك

iltebir

	بۇ ناھايىتى ياخشى ئىزدىنىش بوپتۇ. بىز تىلكومدىكىلەرگە قاراپ تۇرساق ئىش پۈتمەيدۇ. ئۇلارغا ياخشى تەكلىپ بولسا بىرەيلى.

hiyalchan

	بەكمۇ ئىزدىنىپسىز. ئىزدىنىش روھىڭىزغا ئاپىرىن.     شەخسەن مەنچە چولپاننىڭ پىكرىنى ئويلۇنۇپ كۆرۈشكە بولىدۇ.

1elkelem

	بۇنىڭ ئۈچۈن نىمانچە قىينىلىپ ئاتالغۇ تاپالماي ئاخىرى پارىسچىدىن ئاتالغۇ كىرگۈزۈپ نىمىمۇ قىلارمىز. بۇنداقلارنى تىبابەتتە سەۋدالىق ۋە مەجنۇنلۇق كېسىلىگە گىرىپتار بولۇپتۇ دەيدۇ،بۇ كېسەلگە گىرىپتار بولغانلاردا ئاشىقلىقنىڭ ئىپادىلىرى كۆرۈلىدۇ، لېكىن مەشۇقىنىڭ كىم ئىكەنلىكىنى ھىچكىمگە ئېيتالمايدۇ. شۇڭا بۇنى سەۋدالىق ياكى مەجنۇنلۇق دەپ ئالساقلا بولمىدىمۇ.

altuntarim09

	ئۆزپەرەست دېسەكمۇ بولىدۇ، پارىسچىغا يېقىن بولغىدەك، ئۇيغۇرچە قوشۇمچە ئىشلەتسەك ئۆزچى بولىدىكەن، بۇنداق دېسەكمۇ بولىدۇ، بىز ئاممىغا يۈزلىنىشنى بىرىنچى ئورۇنغا قويۇپ سۆز ياسىشىمىز كېرەك، شۇڭا مەن ‹‹ ئۆزچى›› دەپ ئاتىساقمىكىن دەيمەن. مەممەنچى دېسەك مەنا دائىرىسى بەك كەڭ بولۇپ كېتىدۇ.

vincent

	sewdaye1 يوللىغان ۋاقتى  2013-10-27 08:26 PM مەن 同性恋دىگەن گەپنى ئاڭلىغان، لىكىن 自恋 دىگەن گەپنى ئاڭل ... مەنمەنچى دىگەن سۆزنىڭ مەنىسى نىمىدۇ ؟

nur20

	ئۆز خۇمار ئاتالغۇسىنىڭ ئۆز مەپتۇن بىلەن بولغان پەرقى مەنچە بەك چوڭ  ئەمەس،شۇنداق بولغىنىدا ئۆز مەپتۇن دېگەنگە قارىغاندا ئۆزخۇمارنىڭ تىلغا مايىللىقى كۈچلۈكتەك ھېس قىلدىم، بۇنداق دېگىنىم قارىشىڭىزنى ئىنكار قىلغىنىم ئەمەس، ئۆز خۇمار دەپ ئېلىشنىمۇ ئويلىنىپ بېقىشقا بولىدۇ مېنىڭچە.

ئەلدەر

	mirzi597 يوللىغان ۋاقتى  2013-10-27 07:09 PM خۇدپەرەس  دىسە  بىرخىل  ئۆزىگە  چوقۇنىدىغاندەك مەنا  بى ... ئاللاھ ھەممىمىزگە ياخشىلىق نېسىپ قىلسۇن.  شەخسى پىكىرىڭىزنى ئوتتۇرىغا قويغانغا خاپا بولغۇدەك ئىش يوق قېرىندىشىم. ھەقىقەتەن خۇدپەرەست نى ئەلشىر نەۋائى ئۆزىگە چوقۇنغۇچى مەنىسىدە ئىشلەتكەن. مېنىڭ خۇدپەرەست سۆزىنى ياقتۇرۇشۇمدىكى سەۋەبمۇ ئەلشىر نەۋائىينىڭ قوللانغانلىقى ۋە بۇ سۆز ئارقىلىق بۇ ئىشنىڭ نامۇۋاپىق (ئەسەبىيرەك) قىلمىش ئىكەنلىكى كۆرسۈتۈپ بەرگەنلىكىدۇر. شېرىك سۆز دېگەننى مەن مۇشۇ تېمامدا تۇنجى ئاڭلاۋاتىمەن، بۇ ئارقىلىق مۇشۇ سۆزنى قىلغۇچى كاپىر بولىدۇ دېمەكچى بولسىڭىز تېخىمۇ ئالىمراق بىرسىدىن سوراپ ئىزدەنسىڭىز ياخشىراقمىكىن. بەزى چەكلىمىلەردىن بىلمەي ھالقىپ كېتىپ بەزى رۇخسەتلەرنى بىلمەي توسۇۋالمىساق. ئاخىرىدا خۇدپەرەستلىك سۆزىنى بىز ئۆزىنى زىيادە ياخشى كۆرۈش دەپ قوللانساق بولماسمۇ؟

ئەلدەر

	sewdaye1 يوللىغان ۋاقتى  2013-10-27 08:26 PM مەن 同性恋دىگەن گەپنى ئاڭلىغان، لىكىن 自恋 دىگەن گەپنى ئاڭل ... ئۇيغۇر تىلىنىڭ ئىزاھلىق لۇغىتى : مەنمەنچى - ئى ئۆزىنى قالتىس چاغلايدىغان، ئۆزىنى باشقىلاردىن ئۈستۈن تۇتىدىغان ئادەم: مەنمەنچى ھوقۇقدار سۆزىدىن توختاپ، ئىككىنچى قېتىم يانچۇقىدىن تۆگە ماركىلىق تاماكىسى ئالغاندىن كېيىن، بارماق تىرنىقىغا بىر نەچچە قېتىم ئۇرۇپ قويۇپ تۇتاشتۇردى. خۇدپەرەست نى ئۆزىنى زىيادە ياخشى كۆرگۈچى دەپ قوللىنىشنى تەۋسىيە قىلىمەن. خۇدپەرەستلەر ئاساسەن مەنمەنچى بولسىمۇ ھەممە مەنمەنچىنىڭ خۇدپەرەست بولۇشى ناتايىن. ئىككىسىنىڭ ئارىسىدا ئىنچىكە پەرق بار. ئىنچىكە ھالقىلارنى پەرىقلەندۈرىدىغان ئاتالغۇلار قانچە كۆپ بولغانسېرى تىلىمىز تېخىمۇ ئىلمىيلىشىدۇ دەپ قارايمەن.