ئىستىقبال سەھنىسىدە ئىستىقبال بارمۇ ؟

52arslan

	abdul915 يوللىغان ۋاقتى  2014-1-27 01:39 PM مەنچە بۇ پروگراممىنىڭ يولغا قويۇلىشى پەقەت بىر قانچە ك ... سىزنىڭچە قانداقراق كىشىنىڭ سۆزلەش سالاھىيتى باردۇ ؟  سىزنىڭچە مەن ئارمان شىركىتىدىنمۇ چوڭ شىركەتتىن بىر قورۇپ ئاندىن سۆزلىسەم سۆزلەش سالاھىتىم بار بولىدىغان ئوخشىمامدۇ ، خوش ئەمسە گەپ سىزنىڭ سالاھىيتىڭىزگە بېرىپ تاقىلىدۇ - دە ، مىنىڭ سالاھىيتىمگە كەلسەك مەن يۇقۇرقى سۆزلەرنى  قىلىش سالاھيتىم مەيلى ئوقۇش تارىخى ياكى كەسپىي جەھەتتىن بولسۇن بار دەپ قارايمەن ، ھەم شۇڭا بۇ تىمىنى يازدىم ، ھەم تىمىدىمۇ شۇ سالاھىيتىمگە ماس كىلىدىغانلارنىڭ مەيدانىدا تۇرۇپ سۆز قىلدىم ، ھەرگىز ئىقتىساد دوكتۇرلىرى ياكى لىدىرلار ياكى دۆلەت رەھبىرى سالاھيتىدە سۆز قىلمىدىم . .ەڭ تۆۋەن مۇئاش بىلەن چىقسا بولىدۇ ، لىكىن ‹ قابىليىتى بارلار بىزگە ئىشلەپ بەرمەي دۆلەت مەمۇرلىقىغا كىتىدۇ ، ئىشلەپ بىرەي دەپ كەلگەنلەرنىڭ قابىلىيتى يوق › دەپ داۋراڭ سېلىپ سىتۇدېنتلاردىن ئاغرىنسا  بولمايدۇ . مەن سىز ھەممە ئادەمگە جىق پۇل بىرىڭ دىمىدىم ، ‹ قابىلىيەتلىك ئادەم لازىم بولسا شۇنىڭغا چۇشلۇق ھەق بىرىڭ ، بىرىدىغان ھەققىڭىز ئاز بولسا شۇنىڭغا يارىشا ئادەم ئىشلىتىڭ › دىدىم . ئارمان شىركىتىگە قارىتا قىلغان گىپىڭىزگە دەيدىغىنىم مۇشۇ ، ئارمان شىركىتىنىڭ ھازېرقى ئەھۋالىنىڭ تازا كۆڭۈلدىكىدەك ئەمەسلىكىمۇ ھەم ئايان ،  چىدىسا ئىشلەتسۇن ، سىتۇدېنتلارمۇ ساراڭ ئەمەس ، 17 يىل ئوقۇغان ئادەم قاپاقباش ئەمەس بىكاردىن بىكار شىركەت كارخانىنى تاللىماي دۆلەت مەمۇرلىقىنى تاللايدىغان . يەنە بىرگە سىز دىگەن ئىقتىساسلىقلار بازىرىدىمۇ ئۇنچىۋالا خارلىققا قالغان ، ئۇنچىۋالا ئەتىۋارسىز باكلاۋۇر - ماگىستىر ئوقۇغۇچىلار يوق ، كۆپىنچىسى تولۇق ئوتتۇرا ياكى كەسپىي مەكتەپ ئوتتۇرا تېخنىكۇمنى پۈتتۈرگەن باللار  بولغاچقا دۆلەتنىڭ مۇناسىۋەتلىك ئىمتىھانلىرىغا قاتنىشىشقا ئۇنۋان سالاھىيەت جەھەتتىن ماس كەلمىگەچكە شۇ يەرگە بېرىشقا مەجبۇر بولغان ، بىكار بولۇپ قالسىڭىز بېرىپ ئايلىنىپ كىلىڭ .

ATAMAN25

	تېما ئىگىسى ھەقىقەتەن ئەتىراپلىق پىكىر يۈرگۈزۈپتۇ، ئەجرىڭىزگە تەشەككۈر. مەن بىر گەپنى قىستۇرۇپ قويماقچى، تېما ئىگىسى دېگەندەك دۆلەت مەمۇرى بولسا دەسلىپىدىلا سىز دېگەندەك شۇنداق مائاش ئېلىشى مۇمكىن، بىراق شىركەت كارخانا ئوخشىمايدۇ. يېڭى ئوقۇش پۈتتۈرگەن ئوقۇغۇچىلار ھەر قانچە بىلىملىك بوپ كەتسىمۇ يەنىلا تەجىربىسى 0. شۇنداق بولغانىكەن ھەقىقىي ئۆزىگە ئىشىنىدىغان ھەم قابىلىيىتى بار ئوقۇغۇچىلار ئىشنى ئاساسىي قاتلامدىن باشلىسا بولىدۇ. ھەر قانداق شىركەت كارخانىنىڭ يېڭى خىزمەتچىگە قويىدىغان تەلىپى شۇنداق. يېڭى ئىشقا چۈشكەندە مائاشى تۆۋەندەك قىلغان بىلەن ئارلىقتا 1 يىل ئۆتسۇن، ئەگەر شۇ ئوقۇغۇچىنىڭ قابىلىيىتىلا بولىدىكەن يۈز دە يۈز بىر دۆلەت مەمۇرىنىڭ مائاشىدىن ئېشىپ كېتىدۇ. بىر دۆلەت مەمۇرىنىڭ مائاشى يىلدا بىر قېتىم ئۆستىمۇ دەيلى ، مائاش ئۆسكەن تەقدىردىمۇ پەقەتلا 100 سوم ياكى ئۇنىڭدىنمۇ تۆۋەن ئۆسىدۇ. شىركەت كارخانا ئۇنداق ئەمەس. كارخانىنىڭ تەلەپ قىلىدىغىنى قابىلىيەت. قابىلىيىتىڭىز بولىدىكەن ئۇنداقتا شۇ شىركەتكە كىرىپ 2 يىلدىن كېيىنكى مائاشىڭىز ئېنىقلا 20-30 يىللىق مەمۇرنىڭكىدىن يۇقىرى بولىدۇ. بۇنىڭغا ئىسپات كەتمەيدۇ، بۇ دېگەن ئەمەلىيەت. ئۆزەممۇ ئوقۇش پۈتتۈرگەندىن كېيىن دۆلەت مەمۇرلۇق ئىمتاھانى بولامدۇ ئىشقىلىپ قانداقلا ئىمتىھان بولسۇن بىر قېتىممۇ قاتنىشىپ باقمىدىم ھەم قاتناشمايمەن. بىر ئۆمۈر قۇرۇق خىزمەت ئۈستىلىگە باققاۋۇللۇق قىلىپ ئۆتكۈم يوق. مەنمۇ كارخانىدا ئىشلەۋاتقىلى 3 يىل بولدى، يېڭى ئىشقا چۈشكەندە مەنمۇ 1500 سومدىن ئىشلىگەن، لېكىن ھازىر 6000 نىڭ ئۈستىدە، يىللىق مۇكاپاتتىن سىرت. بۇنداق دەپ ئۆزەمنىڭ كىرىمىمنى ئالاھىدە تىلغا ئالغىنىم ئەمەس، بۇ دېگەن بىر ئەمەلىي پاكىت. مەن بىلەن بىللە ئوقۇش پۈتتۈرگەن ساۋاقداشلىرىمنىڭ تولىسى دۆلەت مەمۇرى، ئوقۇتقۇچى قاتارلىق خىزمەتلەرنى قىلىۋاتىدۇ، ئارىدا بەزىلەر خىزمەتتىن چىكىنگەنمۇ بولدى. نىمىشقا؟ چۈنكى شۇلارنىڭ ئېرىشكىنى ئەتىگەندىن كەچكىچە ئۈستەل ئالدىدا كومپيۇتېرغا قاراپ ئولتۇرۇش، نامى يوغان، ئاي توشقاندا قولغا تېگىدىغان مائاش ئىككى تال مائاش بولدى. تېما ئىگىسى دېگەندەك دۆلەت مەمۇرىنىڭ مائاشى 3000-3500 دېگەن بىلەن ئەمەلىيەتتە قولغا تېگىدىغىنى 3000 نىڭ ئاستىدا. شۇڭا بۇ ئەمەلىيەتنىمۇ چەتكە قاقماسلىق كېرەك. ئەمەلىيەتتە ئاشۇ ئوقۇغۇچى كېيىنلىكىنى كۆرەر بولسا دەسلەپ ئىشقا چۈشكەندىكى مائاشقا ئەمەس شىركەتنىڭ تەرەققىياتى بارمۇ يوق دېگەنلەرگە قاراش كېرەك. دەسلەپكى ئىشقا چۈشكەندىكى مائاشقا قاراش بۇرنىنىڭ ئۇچىنى كۆرگەنلىك خالاس. شىركەت كارخانىلارنىڭ پوزىتسىيىسىگە كەلسەك، ئۇلارنىڭ تۇتقان يولى پۈتۈنلەي توغرا. يېڭى ئوقۇش پۈتتۈرگەن بىر ئوقۇغۇچى ئۆزىنىڭ ئوقۇش ئۇنىۋانىنى ئوتتۇرىغا قويۇپ سۆزلىگىنى بىلەن پۈتۈن كارخانىچىلارنىڭ ئويلايدىغىنى شۇ ئوقۇغۇچىنىڭ ھەقىقىي بىلىمىنىڭ، ئىقتىدارىنىڭ بار يوقلۇقى. ئەگەر بىرەر شىركەتتە باشقۇرغۇچى بولۇپ ئىشلىگەن ياكى ئالاھىدە خىزمەت تەجرىبىسى بار خادىملار بولسا ئۇلار بىر شىركەتتىن توختاپ بولغۇچە يەنە بىر شىركەت شۇ خادىمنى تەكلىپ قىلىپ ئىشنى پۈتتۈرۈپ بولىدۇ. چۈنكى ئۇ خادىمدا شىركەتنىڭ ئەڭ چوڭ تەلىپى بولغان ئىقتىدار ۋە مول خىزمەت تەجرىبىسىنىڭ بولغانلىقى. ئىستىقبال سەھنىسى 2-سانىدىغۇ دەيمەن بىر ئىقتىساسلىق خادىم بىلەن ساداقەت (ئىسىمدە قېلىشىچە شۇنداق، خاتا بولغان بولسا تورداشلار قايتا كۆرۈپ باقسا بولىدۇ) شىركىتى بىلەن يېڭىدىن تەتقىقات ئورنى قۇرۇش توغرىسىدا كېلىشتى شۇنداقلا ئۇ خادىمنىڭ تەلىپىگە ساداقەت شىركىتىمۇ پۈتۈنلەي قوشۇلدى. چۈنكى ئۇ خادىمنىڭ تەجرىبىسى ۋە ئۆزىگە ئىشىنىشى كارخانا خوجايىنلىرىنى قايىل قىلدى دېگەن گەپ. ئۇندىن كېيىنچۇ، ئىستىقبال سەھنىسىگە كەلگەنلەرنىڭ ھەممىسى تېخى ئوقۇش پۈتتۈرمىگەن، ياكى بولمىسا يېڭىدىن ئوقۇش پۈتتۈرگەن، ئوقۇغان كەسپى شۇ نەق مەيداندىكى شىركەت كارخانىلارغا ماس كەلمەيدىغان ئوقۇغۇچىلار كېلىپ قاتنىشىۋاتىدۇ. مۇشۇنداق قارايدىغان بولساق گۇنانى شىركەت كارخانىلارغىلا ئەمەس يېڭى ئوقۇش پۈتتۈرگەن ئوقۇغۇچىلاردىنمۇ ئىزدەش كېرەك. يېڭىدىن ئوقۇش پۈتتۈرگەن سىتودېنتلارغا تەۋىسىيەم، مۇھىمى سىزنىڭ ئىقتىدارىڭىز شۇنداقلا شىركەتكە قانچىلىك مەنپەئەت يەتكۈزەلەيدىغانلىقىڭىز. شۇڭا بىرەر شىركەت بىلەن كېلىشىم ھاسىل قىلسىڭىز چوقۇم شىركەتنىڭ تەرەققىيات سىتراتىگىيىسى بىلەن تونۇشۇپ چىقىڭ، ئەگەر ھەقىقەتەن ئىستىقبالى پارلاق شىركەت دەپ قارىسىڭىز شىركەتنىڭ دەسلەپ سىزگە بېكىتىپ بەرگەن مائاشى بىلەن ھېسابلىشىپ كەتمىسىڭىزمۇ بولىدۇ، مۇھىمى شۇ شىركەتتە ئۆزىڭىزنىڭ قابىلىيىتىنى جارى قىلدۇرۇش.

sadirman

	ناھايىتى ئۆتكۈر پىكىرلىك ،جانلىق بىر ماقالە بوپتۇ.كارخانىچىلارنى چىچاڭشىتىۋەتمەي،ئوبدانراق ئويلاندۇرۇپ باقسىكەن دەيمەن.

52arslan

	ATAMAN25 يوللىغان ۋاقتى  2014-1-27 02:14 PM تېما ئىگىسى ھەقىقەتەن ئەتىراپلىق پىكىر يۈرگۈزۈپتۇ، ئە ... رەھمەت سىزگە ، مەنمۇ سىزنىڭ قارشىڭىزغا قوشىلىمەن ، ھەم ئۆزۈممۇ سىتۇدېنتلارنىڭ شىركەت- كارخانىلارغا بېرىشىنى قوللاش تەرەپدارى ، لىكىن مىنىڭ گگۋدىلەندرمەكچى بولغىنىم يەنى دىمەكچى بولغىنىم شىركەتلىرىمىز ھەم كارخانىلىرىمىز قانداق قىلىپ شۇ سىتۇدېنتلارنىڭ مايىللىقىنى قولغا كەلتۈرۈپ ئۇلارنى مەمۇرلۇق يولىغا ئەمەس ئۆز كارخانىسىغا جەلىپ قىلىش . ئەلۋەتتە ھەممە سىتۇدېنت سىزدەك تەۋەككۈل قىلالىشى ناتايىن ، چۈنكى سىتۇدېنتلار ئوقۇش پۈتتۈرىشى بىلەن ئاتا- ئانا ئۇرۇق - تۇققان قاتارلىقلىرى ئۇلارغا نۇرغۇن يول كۆرستىدۇ ، يوللارنىڭ كۆپىنچىسى ئاساسلىقى دۆلەت خىزمەتچىسى ، سىتۇدېنتلار شۇلارنى قايىل قىلالىشى كىرەك ، شۇلارنى قايىل قىلالىشى ئۈچۈن شىركەت - كارخانىلىرىمىز قايىل قىلالىغۇدەك ئاساس ھەم سەۋەپ كۆرسىتەلىشى كىرەك . 30 يىلدىن كىيىن پىنىسيگە چىقىش يېشىغا يەتكەندىن كىيىن ‹ئىستىقبال سەھنىسى› دىكى 12شىركەتتىن يەنە نەچچىسى 30 يىل پۇت دەسسىت تۇرالىشى مۇمكىن ؟ ئەگەر موللاق ئاتسا بۇ سىتۇدېنت يەنە قايسى شىركەتكە بارىدۇ ، بارغاندىن كىيىن ئىشنى يەنە نەدىن باشلايدۇ ؟ ئۇنى پىنسىيە سۇغۇرتىسىغا قاتناشتۇرغان شىركەت مولاق ئاتسا ، كىيىن كىرگەن شىركەت بۇنىڭغا ئىگە بولامدۇ ؟  قاتارلىق قاتارلىق ......لارنى ئاتا-ئانىلار ئوقۇش پۈتتۈرگەن سىتۇدېتلارغا ئىزىپ -ئىچۈرۈپ ئۇلارنى بىردەمدىلا ئۆزىنىڭ كۆرسەتكەن مەمۇرلۇق يولىنىڭ توغىرلىقىغا قايىل قىلىۋىتىدۇ ، ھەم بۇنداق مىساللارنى دائىم كۆرۈپ تۇرىۋاتىمىز .

uyol

	ھەقىقەتەن ئەتراپلىق تەھلىل قىپسىز. مېنىڭچىمۇ كارخانچىلار بۇ يەردىن ئالغان ئىستىقباللىق كىشىلەرگە باشقىلاردىن پەرىقلەندۈرۈپ مائاش بىرىشى كېرەك دەپ قارايمەن. چۈنكى، ئۇلار نەچچە يىل جاپالىق ئۈگۈنىش ئارقىلىق، ئالىي مەلۇماتلارغا ئىگە بولدى.. ئۇلارنىڭ تەجرىبىسى كەمچىل بولسىمۇ، ئەمما ئۇلادا مۇستەھكەم بولغان پىلان لاھىيە، ئىرادە، چىدام غەيرەت، يەنە ئادىمىي ساپا بار. شۇڭا ئۇلار ھامان باشقىلاردىن پەرىقلىنىپ تۇرىدۇ دەپ قارايمەن

dolanlik11

	ئەسسالامۇ-ئەلەيكۇم،مۇنبەردىكى قېرىنداشلار!!ھەممىڭلارغا ئاللاھنىڭ خاتىرجەملىكىنى تىلەيمەن......تېمىنى ئۇقۇپ چىقتىم،تېما يازغۇچى ئەمىلى گەپلەرنى دەپتۇ،ھەم بەزى مۇنبەرداشلارمۇ خېلى ياخشى پىكىر بېرىپتۇ......راست دىمىسىمۇ بۇ ساناقلىقلا مىللى كارخانىلىرىمىز ئاۋال ئاللاھنىڭ ئىرادىسى،ئاندىن ئۆزلىرىنىڭ ئەقىل پاراسىتى،شۇنداقلا ئاقكۆڭۈل ئۇيغۇر قېرىنداشلىرىمىزنىڭ قوللىشى بىلەن،بۈگۈنكىدەك جاڭ-جاڭ سۆزلىگۈدەك ھالغا كەلدى،ئاللاھتىن بۇلارنىڭ ئىشلىرىغا بەرىكەت تىلەيمىز،بۇ ئىستىقبال سەھنىسىمۇ بىر تۇرۇپ قارىسا ئرتۇقچە ئىشتەك،يەنە بىر تۇرۇپ قارىسا ناھايىتى ياخشى ئىشتەك تۇيىلىدۇ ماڭا........ھەر ھالدا ياخشى دەپ ئويلىدىم.....ئارتۇقچە دىيىشىم،ھۆكىمەتنىڭ نۇرغۇن خادىم قۇبۇل قىلىش يىغىنلىرى ،ھەم شىركەتلەرنىڭ ھەر خىل ئۇسۇللاردىكى خادىم قۇبۇل قىلىش تەرەپلىرىدىن قارىغاندا شۇنداق ئويلىدىم،لىكىن ھۆكىمەتكە،ۋە بەزى كىشىلەرگە نىسبەتەن بۇ تەشۋىقات خىزمىتى بولۇپ،ياخشى رۇلى بار........بىر دوستىمىز دىگەندەك مۇنىرە ھەدىمىز ناھايىتى ياخشى رول ئويناپتۇ،نۇرغۇن ئمتاھانلاردىن  ئۈتۈپ،تالاي يىللار ئۈگىنىپ،ئەمدى بىر ئىستىقبالىمنىڭ دەرۋازىسىدىن كىرەي دەپ تۇرغان،بىلىمى بار تەجرىبىسى كەمچىل،لىكىن تالانتى بار ياشلىرىمىز يەنىلا بىزنىڭ ئاشۇ ئالىم،پپىروففىسۇر كارخانا خۇجايىنلىرىمىزنىڭ خۇددى ئۆزلىرى باشتىن كەچۈرمىگەندەك،تەجرىبىنى بىر كېچىدىلا ئىگەللىۋالغانداك گېدىيىپ تۇرۇپ سۇئال سوراپ،تېخى ئەمدىلا جەمىيەتكە قەدەم بېسىۋاتقان ياشلىرىمىزدىن ئىمتاھان ئېلىشلىرى،ئۇلارنىڭ گاڭگىراپ قېلىشلىرى بىلەن ھىساپلاشماي ئۆزلىرىنىڭ بىلىمىنى(ئەلۋەتتە نۇرغۇن ۋاقىت  ئىشلەش جەريانىدا تەجرىبە ئىگەللىگەن)كۆز -كۆز قىلغانداك،ئۇلارنى ئۇسال ئەھۋالغا يۈزلەندۈرۈپ،ئۆزلىرىنى يوقىتىپ قويىشىغا سەۋەپچى بولغانلىرىنى كۈرۈپ ،مىنىڭمۇ كۆڭلۈم يېرىم بولغان......

dilbar

	راستلا ئەتراپلىق مۇلاھىزە يۈرگۈپسىز،اللا رەھمەت قىلسۇن،ھازىر بىر نەچچە كارخانىلارلا ئىزچىل «ئىستىقبال سەھنىسىگە» قاتىشىۋاتىدۇ بۇ شىركەتلەر خادىملارنى قوبۇل قېلىپ تۇيۇنسا  بۇ پىرۇگىرامما تاقىلارمۇ،ئالدنقى سانلاردا قوبۇل قىلىنغانلارنىڭ ھازىرقى خىزمەت ئەھۋالى قانداق؟كارخانىلار ۋەدىگە ئەمەل قىلدىمۇ يوق؟مۇشۇلارنى بىلگۈم بار

مەھزۇن

	17يىللىق جاپالىق مەكتەپ ھاياتىنى باشتىن كەچۈرۈپ (ئاسپىرانتلىق ۋە كىيىنكى ئوقۇشنى ھىسابقا ئالمىغاندا) جەمئىيەتكە قەدەم قويغاندا، مائاش مەسىلىسى ۋە ئۆزىنىڭ تۆلەيدىغان بىر مۇنچە قەرزلىرى تۈپەيلىدىن ئوقۇغۇچىلارنىڭ مەمۇرلۇق ئىمتاھانىنى بىرىنچى تاللاش قاتارىغا قويۇپ، مائاشى مۇقىم ۋە خىلىلا يۇقىرى بولغان ئورۇنغا ئىنتىلىشىنى ھەقىقەتەنمۇ چۈشىنىشكە بولىدۇ. ئەمما ھازىرقى مائارىپ تۈزۈلمىسىنىڭ كۆپ قىسىم ئوقۇغۇچىلارغا جەمئىيەتتە ئىستىقبالىغا يەتكۈدەك بىر نەرسە بىرەلىگەنلىكىگىمۇ يەنىلا سوئال بەلگىسى قويۇشقا توغرا قويۇشقا كېلىدۇ.

ashqin

	تەھلىلىڭىز ياخشى بوپتۇ. بۇ پىروگراممىنىڭ ئەڭ چوڭ ئۇتۇقى شۇكى سىتودېنىتلىرىمىز ، ياشلىرىمىز مۇشۇ پىروگراممىدىن كېيىن خىزمەتنى ، جەمىيەتنى تونۇشقا قاراپ يۈزلەندى، خىزمەت توغرىسىدىكى قاراشتا ئاز بولسىمۇ ئۆزگۈرۈش بولدى دەپ قارايمەن