پاجىئەلىك تەقدىر(پوۋىست)

nazpari

	داۋامى تېخىچە يوققۇ....

kara-yijiran

	گۈلجامال ئورنىدىن تۇرۇپ ئىشتىنىنى ئالماشتۇرۇپ،كۆينىگىنى ئالماشتۇرۇشقا ئۈلگۈرمەيلا قورونىڭ ئىشىگى قاتتىق ئۇرۇلدى.قىز لوقۇلداپ ئاغرىۋاتقان بىشىنى ئالقىنى بىلەن بېسىپ ،قەدەملىرىنى تەستە يۆتكەپ ئىشىكنى ئاچتى.چىرايىدىن ھارغىنلىق چىقىپ تۇرغان مەمەت قىزغا قاراپ توڭلۇڭ بىلەن: -ئىشىكنى نىمانداق تەستە ئاچىسەن،يەنە ھىلىقى جاۋىلداق غەيۋەتچىنى ئۆيگە ئەكىرىۋالغان ئوخشىمامسەن؟ -ياق ،سەل مىجەزى يوق يېتىپ كۆزۈم ئۇيقۇغا كىتىپتۇ، -ئاپام مۇشۇ ھالەتتە ياتسىمۇ سىنىڭ كۆزۈڭگە ئۇيقۇ بارىدىكەن ھە؟ -ئۇنداق ئەمەس راستلا مىجەزىم يوق، -ساڭا نىمە بولدى ئەمدى؟ -ئازراق بېشىم ئاغرىپ باشقا ئىش يوق، -قاپاقلىرىڭ ئىششىپ كىتىپتىغۇ، خېلى بەكلا مىجەزىڭ يوقمۇ قانداق؟ -ھىچنىمە بولمۇدۇم ئاكا، -ئاپامنىڭ ئورنىنى تەييارلاپ قويغانمۇ؟ -ئەمدى تەييارلاپ بېرەي، -بولدى سەن ئۆزەڭنىڭ ئىششىنى قىلىۋەر، گۈليار تەييارلىسۇن، گۈلجامال كەينىگە ئۆرىلىشىگە بېشى پىررىدە قېيىپ يىقىلىپ كىتىشتىن ساقلىنىش ئۈچۈن، ئىتتىكلا تامنى تۇتۇپ تۇرىۋالدى. كېسەلدىن چىرايى تاترىپ مەمەتكە يۆلىنىپ ئارانلا ئۆرە تۇرغان باھار ئانا، گۈلجامالغا لەپپىدە قاراپ ئۇنىڭ كۆينىگىنىڭ ياقىسىغا تىگىپ قالغان قاننى كۆرۈپ چۆچۈپ كەتتى.ھەم زەئىپ ئاۋازدا: -قىزىم كۆينىگىڭنىڭ ياقىسىدا قان تۇرىدىغۇ؟ -بايا بېشىم قېيىپ يىقىلىپ كىتىپ توغرا تامغا بېشىم تىگىپ كەتتى. -مۇنداق قىلە كۆرۈپ باقاي؟ -بەك چوڭ ئەمەس ئازراق سۈرلۈپ كىتىپتۇ، -سۈرۈلۈپ كەتكەنگە قاناپ كەتمەيدۇ بۇياققا كەل، قىز ئىلاجىسىز ئانىنىڭ يېنىغا كەلدى.ئەمما كۆڭلىدە ھەرخىل ئەندىشىلەرنى قىلاتتى.مۇمكىن قەدەر ئۆزىنى ئۇلارغا سالماق كۆرسۈتۈش،ھىچ ئىش بولمىغانلىقىغا ئىشەندۈرۈشكە ئورناتتى.لىكىن ھەركىتى قولاشماي ئۆزىمۇ تەمتىرەپ ،ھەممە ئىششى ئاشكارلىنىپ كەتكەندەك،ھازىرلا ھەممىسى ئۇنى ئەيىپلەيدىغاندەك تۇيغۇغا كىلىپ ھۇدۇقۇپ كېتىۋاتاتتى. باھار گۈلجامالنىڭ چاچلىرىنى قايرىپ قارىدى.قىزنىڭ بېشىدىن قان ھېلىمۇ تەپچىرەپ چىقىۋاتاتتى. ئانا ئېغىر ئۇھسىنىپ قويۇپ مىھرىبانلىق بىلەن ئۇنىڭغا تىكىلدى. مەمەت ئاپىسىنى ئاۋايلاپ يۆلەپ ئۆيگە كىردى.باھار كاڭنىڭ لىۋىدە ئولتۇرۇپ مەمەتكە قاراپ: -بالام مىنىڭ قىشلىق چاپىنىمنىڭ قولتىقىنى سۈكۈپ، پاختىدىن ئازراق چىقىرىپ ئۇنى كۆيدۈرۈپ سىڭلىڭنىڭ يارىسىغا بېسىپ تېڭىپ قويغىن، -ئاۋال سەن جايلىشىپ يېتىۋالە،قالغىنىغا بىز بار ئاپا، گۈليار ئاپىسىنىڭ ئورنىنى ئوڭشىغاچ مەمەتنىڭ ئورنىدا جاۋاپ بەردى.گۈلنار بولسا ھويلىدىكى ئوچاققا ئوت يېقىش بىلەن ئاۋارە بولىۋاتاتتى. ئۇنىڭ كۆزلىرى پاكىز سۈپۈرۈلگەن ھويلىنىڭ بۇلىڭىدىكى ئۇۋۇلۇپ چۈشكەن قورو تېمىنىڭ چالمىلىرىغا چۈشۈشىگە يۈرىگى ‹جىغ›قىلىپ قالدى.شۇنداقلا كاللىسىدىن غەلىتە بىر خىيال كەچتى.ئەمما بۇنى كىسەل ياتقان ئاپىسى،ئاچچىغى يامان ئاكىسى.ئاغزى ئىتتك سىڭلىسىغا قانداق دىيىشنى بىلەلمىدى. ئۇ،تۇرۇپلا بۇ ئىشنى گۈلجامالدىن سوراپ كۆرۈشنى ئويلاپ ئۆيگە بۇرۇلۇپ بولۇپ يەنە قەدىمىنى توختىتىۋالدى.‹بىرەسى تامدىن ئارتىلىپ چۈشتىمۇ قانداق؟بىزكەتكەندە ئۆيدە ساق قالغان قىز قانداققىسىگە بىردەمدىلا ئاغرىپ قالىدۇ؟بۇنىڭ تىگىدە چوقۇم بىرگەپ بار،بۇ قىز بولمىغۇر ئىشلارنى قىلىپ يۈرمىگەندۇ تايىنلىق،پۇرسەت تېپپ بۇ ئىشنى ئۇنىڭدىن سوراپ كۆرمىسەم،ئۇنىڭ ھۇدۇقۇشلىرىغا قارىغاندا بىزدىن بىر ئىشنى سىر تۇتىۋىتىپتۇ،زادى نىمە ئىش بولغان بولغىيتى؟›گۈلنار خىيال بىلەن بولۇپ كېتىپ مەمەتنىڭ چاقىرغىنىنى ئاڭلىمىدى.تېرىككەن مەمەت سىڭلىسىنىڭ يېنىغا چىقىپ ئۇنىڭ قولاق تۈۋىگىلا ۋاقىردى.تىگى يوق خىيالغا بەنىت بولۇپ كەتكەن گۈلنار چۆچۈپ بېشىنى كۆتۈردى. -ھەي پاڭقاي، نەچچە قېتىم چاقىرسام نېمانداق مۆرىمەيسەن؟ -ھە ئاكا،شۇ ئاپامنىڭ كىسىلىنى ئويلاپ خىيال سۈرۈپ قاپتىمەن، -ئاپامنىڭ قىشلىق چاپىنىنى نەگە يۇغۇشتۇرۋەتتىڭ؟ -سەن تاپالمايسەن،ئەستەر-تېشىنى سۆكۈپ يۇيۇپ قوياي  دەپ، قايسى كۈنى ئۆي يۇغۇشتۇرغاندا كىر كىيىملەر قاتارىغا قويغانتىم،ئۆزەم تېپپ  بېرەي سەن تاپالمايسەن كىرگەچ تۇر،مەنمۇ كەينىڭدىن ھازىرلا كىرىمەن، مەمەت باشقا ئىشقا ئانچە دىققەت قىلمىدىمۇ قاپاقلىرىنى ساڭگىلاتقانچە كىرىپ كەتتى.گۈلنارمۇ ھويلا تېمىنىڭ ھىلىقى ‹گۇمانلىق› يىرىگە لەپپىدە بىر قاراپ قويۇپ ئاكىسىغا ئەگەشتى.قىز قازناققا كىرىپ ئاپىسىنىڭ پاختىلىق چاپىنىنى ئىزلەۋىتىپ، گۈلجامالنىڭ يېڭىلا سېلىپ قويغان ئىشتىنى قولىغا چىقىپ قالدى.گۈلنار ئىشتاننى قولىغا ئېلىپ ئەمدى بىر چەتكە قوياي دىيىشىگە ئۇنىڭ قولىغا نەم‹ھۆل› تەگدى.قىز ئىشتاننى قايتىدىن قولىغا ئېلىپ تەپسىلى قارىدىيۇ ھەممىنى چۈشەنگەندەك لەسسىدە بولۇپ تۇرۇپ قالدى. چۈنكى ئىشتاننىڭ بىر پۇشقىقىنىڭ چىكى باشتىن-ئاياق سۆكىۋىتىلگەن،ھەم ئاللا قانداق غەيرى پۇراق تارقىلىپ تۇراتتى.گۈلنارنىڭ كۆڭلى ئېلىشقاندەك بولۇپ ئىشتاننى ئايرىم بىر بولۇڭغا قويۇپ،ئاپىسىنىڭ چاپىنىنى كۆتۈرگەنچە گۈلجامال ياتقان ئۆيگە كىرىپ ئۇنىڭغا  تىكىلدى.ئاچىسىنىڭ سۇئال يېغىپ تۇرغان كۆزلىرى،چوڭقۇر مەنىلىك قاراشلىرى.سىرلىق بېقىشلارغا بەرداشلىق بېرەلمىگەن قىز،كۆزلىرىنى ئۇنىڭدىن ئېلىپ قېچىپ باشقا ياققا قارىۋالدى.گۈلنار سىڭلىسىدىن ئەمدى گەپ سوراي دىيىشىگە گۈليارنىڭ ئۇنى چاقىرغان ئاۋازى.گەپ قىلىش پۇرسىتى بەرمىدى.گۈليار ،گۈلجامالغا قاراپ بېشىنى مەنىلىك لىڭشىتىپ قويۇپ چىقىپ كەتتى.بۇنىڭ بىلەن گۈلجامال خۇددى قوقاستا قالغاندەك تىپىرلاپ كەتتى. كىچە: گۈلجامالنىڭ كۆزىدىن ئۇيقۇ قاچقان.توختىنىڭ بۈگۈن قىلغان ھەر- بىر ئىششىنى ئويلىغاندا ئۇنىڭ بەدىننى تىتىرەك بېسىپ شۈركۈنەتتى.ئەگەر ئۇنىڭغا كۈچى يەتسە ئىدى .شۇ تاپنىڭ ئۆزىدە چىقىپ ئۇنى قىيما-چىيما قىلىۋەتسىمۇ ئازلىق قىلىپ دەردى چىقمايتى. قىزنىڭ كۆزلىرى نەملەندى.ھەتتا ياستۇقى ھۆل بولۇپ كەتكىچە لەۋلىرىنى قاتتىق چىشلەپ، يوتقانغا بېشىنى تىقىۋېلىپ ئۈنسىز ياش تۆكتى.بىراق يىغلاش بىلەن ھىچ ئىشنى ھەل قىلغىلى بولمايدۇدە؟ بولغۇلۇق ئاللا بۇرۇن بولۇپ بولدى.بۇنى كىمدىن كۆرۈش كېرەك؟ ئۆزىدىنمۇ؟توختىدىنمۇ؟ ياكى توختىگۈلدىنمۇ؟ياكى ئۆزىنى بېقىۋالغان مۇشۇ ئائىلىدىنمۇ؟ۋەياكى ئۆزىنى بۇ يۇرۇق دۇنياغا ئاپرىدە قىلىپ قويۇپ كارى بولمىغان تاش يۈرەك ئاتا-ئانىسىدىنمۇ؟ زادى كىمدىن كۆرۈش كىرەك؟ ئەگەر ئۆيدىكىلەر بۇ سەتچىلىكنى بىلىپ قالسا ئۇنىڭغا قانداق مۇئامىلىدە بولار؟ئۇنىڭ كىيىنكى تەقدىرى قانداق بولۇپ كېتەر؟ مەمەت ئۇ مۇناپىقنى بوش قويىۋىتەرمۇ؟بىچارە باھار يۈزىنى قانداق كۆتۈرۈپ يۈرەر؟ئاچىلىرى توختى ئائىلىسى بىلەن قانداق جىدەللىشەر؟ئۇ ساراڭغۇ  قىلغۇلۇقنى قىلىپ چىقىپ كەتتى. ئەمما ھەممە دەرتنى تارتىدىغان ئادەم گۈلجامال ئائىلىسى.بەكىرەك ئازاپ چىكىدىغىنى باھار بولۇپ قالىدۇ ئەمەسمۇ؟ يۇقارقى بىر قاتار سۇئاللار گۈلجامالنىڭ مىڭىسىنى قوچۇپ، ئۇنى خۇددى ئەجەل سىرىتمىقى ئالدىغا مەجبۇرى سۆرەپ ئېلىپ مىڭىۋاتقاندەك ئۇنى قىينايتى.قىزنىڭ كاللىسىغا تۇرۇپلا ‹ئەگەر ئۆلىۋالسامچۇ؟› دىگەن بىر مۇدىھىش خىيال چاقماق تىزلىگىدە ‹يالىت› قىلىپ چېقىپ ئۆتتى. ‹توغرا شۇنداق قىلاي ،ھىچكىمگە ئىش تېپپ بەرمەي بۇ دۇنيا بىلەن جىممىدە خوشلىشاي،بۇ ئىش سىر پېتى قىلىۋەرسۇن،مەندەك بىر ئاسراندى قىزنىڭ بولغىنىدىن بولمىغىنى ياخشى،ئۆز ئاتا-ئاناممۇ مەندىن بىزار بولۇپ مېنى تاشلىۋەتكەن ،مەن بىلەن كارى بولمىغان يەردە باشقىلار مەن ئۈچۈن ئانچە بەك ئازاپلىنىپمۇ يۈرمەس،› ئەمما بۇ نادان قىز شۇنى ئويلىمىدىكى ئۆز بالىلىرىنى بىر ياققا قايرىپ، بارلىق مىھرى-مۇھەببىتىنى بىر ئۆزى ئۈچۈن سىڭدۈرگەن،يوقسۇل بولسىمۇ بارلىغىنى ئۆزىگە ئاتىغان ئانىنىڭ يۈرىكىنىڭ نىمە دەپ سوقىدىغىنىنى ھىس قىلالمىغان ئىدى.

گۆزەل

	ياخشى راۋاجلىنۋاتىدۇ، يىتىمنىڭ ئاغزى ئاشقا تەگگۈچە، بۇرنى تاشقا تىگىپتۇ . دىگەندەك بۇ كىلىشمەسلىكنى . داۋامىنى ساقلايمىز.

iptihar2014

	داۋامىغا تەشنا

SIRDAX520

	ئەجەپ پەيزى يىرىگە كەلگەندە تۈگەپ كەتتى ،،،،،داۋامىغا تەشنامەن .

nazpari

	ئۆلىۋالسىلا ئىش تۈگەمدىكەن؟ توۋا...... ساراڭغا سوت يوق دەپ، ئاۋۇ توختى دىگەن ساراڭ بەلكىم ھىچ ئىش بولمىغاندەك يۈرىۋىرىشى مۇمكىن. بارچە كەلگۈلۈك باھار ئائىلىسىدىكىلەرگە بولىدىغان بولدىدە ئەمدى.

baharim0997

	مىنىڭچە  گۈلجامال  مەقسىتىگە يىتەمەيدۇ   گۈلنار ئۇنى پايلاۋاتقان بۇلىشى مۈمكىن                 بولدىلا  مەن قالايمىقان پەرەز قىلماي داۋامىنى  ساقلاي

艾海提江

	sitahun يوللىغان ۋاقتى  2014-2-4 12:39 AM تىمىدىكى گۈلجامال دىگەن نىمىدىگەن كۆزى ئاچ ، ئىشەك مىج ... قانداق دەيسىز؟گۈلجامال تېخى كىچىك قىزبالىغۇ؟قانداقسىگە كۆزى ئاچ،ئېشەك مىجەز ئايال بولۇپ قالىدۇ؟

akkogul

	艾海提江 يوللىغان ۋاقتى  2014-2-4 09:34 PM قانداق دەيسىز؟گۈلجامال تېخى كىچىك قىزبالىغۇ؟قانداقس ... شۇنى دەيمەن       ھەيران قالدىم  بۇ گەپتىن