مىسرانىم مۇنبىرىگە ھەقىقىي پىكىر بېرىڭ!

RUNAK

	مەن  دىسەم  بۇ  دىگەن مەۋھۇم  دۇنيا  بىز  پىكىر  بەرسەكمۇ  بىزنىڭ  قانداق  ئادەم ئىكەنلىكىمىزنى بىلمىگەن دىكىن  مۇنبەر  باشقۇرغۇچىلار  يەنىلا  ئۈزى بىلگەننى  قىلدۇ  بىز  ھەممىمىز  پىكىر  بەر  دىسە  بىر  مۇنچە  پىكىر  بىرمىز ھەم  بىرمەن پىكىر  دىسە مەندىمۇ  بىر  مۇنچە پىكىر  بار  لىكىن ئاڭلايدىغان ئادەم  يوق  گەپنىڭ قىسقىسى (كىشىنىڭ ئىشىنى قىلسا تۇمۇزدا قول كۈيىدۇ) ئۈزىمىز تىرىشمىساق  بىكار               (تىرىشچانلار ئۇزايدۇ يىراق مەنزىلگە قاراپ،              تىرىشمىغانلار تۇزايدۇ ئىس-تۈتەكتەك تاراپ.) مىسرانىمنىڭ تىخىمۇ تەرەققى قىلشى ئۈچۈن  بىر كىشلىك ھەسسە قۇشىمەن ھەم مسرانىمنىڭ تەرەققى قىلشىنى تىلەيمەن ئامىن

قەھۋە

	ھەممىمىز مىسرانىمنى تېخىمۇ ياخشى بولۇپ كەتسىكەن دەيمىز.تۆۋەندە مەنمۇ ئۆزەمنىڭ ئويلىغانلىرىمنى دەپ باقاي. 1.مۇنبەرنىڭ گەرچە ئادەم سانى جىق بولسىمۇ،تىما،ئىنكاسلارنىڭ سانى جىق بولسىمۇ لېكىن كىشىگە ياقىدىغىنى ناھايىتى ئاز،ئەلۋەتتە،ھەممە ئادەمنىڭ چىقىش نۇقتىسى ئوخشىمايدۇ.مەن ئويلايمەن.مۇنبەردە سان بار ساپا يوق.ھەممىمىزنىڭ ئىشىمىز بار،مۇنبەرگە كۈنلەپ قاراپ ئولتۇرالمايمىز.ئانچە مۇنچە كىرگەندە بىر بەت تىمىلارنىڭ ئىچىدىن تېتىمىق تىمىدىن بىرنى تاپالماي ئۈمۈدسىزلىنىپ چىقىپ كەتكەن ئەزالار نۇرغۇن دەپ ئويلايمەن.گەرچە ئۆزىمىز يازالمىساقمۇ لېكىن ھوزۇرلىنىشنىڭ ئۆزىمۇ بىر خىل سەۋىيە كېتىدۇ،ھېچ بولمىسا شۇ يازغۇچىغا نىسپەتەن مۇئەييەنلەشتۈرىدىغان.ياكى تەنقىد قىلىدىغان ئىنكاسلارنىمۇ بولسا قالدۇرالايدۇ.ئىنكاس بولسا قەلەمكەش ئۈچۈن يىڭى تۇيغۇلارنى ئېلىپ كېلەلەيدۇ...بۇ خىل ئەھۋالدا بەزى تورداشلارمۇ دەپ ئۆتۈپتۇ.مەنمۇ شۇنى دەيمەن.بولسا قەلىمى ئۆتكۈر.ئىدىيىسى ئىلغار ئەدىبلىرىمىزنى تەكلىپ قىلساق.يەنى سەرخىللاشقان ئەدىبلەر قوشۇنى بولسا،بۇنداق بولغاندا ئەزالارنىڭ قىزغىنلىقىغىمۇ زور قىزغىنلىق قوشىلاتتى دەپ ئويلايمەن.مەسىلەن.مۇشۇ مۇنبەرگە ئەزا بولغان قەلەمكەشلىرىمىزمۇ نۇرغۇن.ئەزىزان،ھىجران،ئۈزۈمچى.ناز.گۈلگۈن،ھېسلىرىم،ئۇيغۇرشاھ دېگەنگە ئوخشاش.لېكىن ئۇلارنىڭ كۆپى قولىغا قەلەم ئالماس بولىۋالدى،نىمە ئۈچۈن؟ئومۇمىي كەيپىيات سۇس،يا جاپا تارتىپ يازغان نەرسىسى ئاسانلا كۆمۈلۈپ قېلىۋاتقان،يا بولمىسا ئۇنداق مۇنداق ئىشلار بىلەن كۆڭلى قېلىۋاتقان.شۇڭا مۇشۇنداق قەلەمكەش ئەزالارغا كۆپرەك ئىلھام بەرسەك. 2.مۇنبەرداشلار بىلەن سۆھبەت پىروگراممىسىمۇ شۇنداق ياخشى ئېلىپ بېرىلىۋاتىدۇ،شۇنىڭغا ئوخشاش ئومۇمىي مۇنبەر پائالىيتىگە ئەھمىيەت بېرىلسە. 3.باشقۇرغۇچىلارنىڭ بىر قىسمى مەخسۇس ئىنكاسلارغا ئاجرىتىلسا،پاخپاق ،تېتىقسىز ئىنكاس بەك جىق. 4.دېسەم تىلىم كۆيىدۇ دېمىسەم دىلىم كۆيىدۇ،بەزى مەزمۇنى كىچىكلەرنىڭ كۆرىشىگە ماس كەلمەيدىغان تىمىلار قەتئىي تەستىقلانمىسا،بەك بولمىسا سېتىۋېلىپ كۆرىدىغان قىلىنسا.ئۆيدە ۋاقتىدا نەچچە قېتىم شۇنداق ئوڭايسىزلاندىم دادام بىلەن مۇنبەر كۆرۈپ ئولتۇرۇپ.مۇنبەر ساغلاملىقىغا ئالاھىدە كۆڭۈل بۆلۈنسە.

shungqar

	تولۇق ئوتتۇرىدا ئوقىۋاتقان چاغلىرىمدا مېنىڭ بىر ساۋاقدىشىم بولىدىغان ئاتا- ئانىسىنى بەكلا قاخشاتقان،ئۆيدىن بىر چىقىپ كەتسە ھەپتە -ھەپتىلەپ ئۆيگە كىرمەيتتى. بىر قېتىم يەنە شۇنداق بولدى.شۇ قېتىم دادىسىنىڭ مۇئاشىنى  ئوغۇرلاپ يانچۇقىغا سېلىپ ئۆيدىن چىقىپ كېتىپتۇ،شۇ چىقىپ كەتكۈنىچە بىر ئايچە ئۆيگە كىرمەپتۇ،بىزنىڭ ئىزلىمىگەن يېرىمىز قالمىدى.بىر كۈنى مەن ئۇنى كىچىككىنە قاۋاقتىكى ھاراق ئۈستىلىدە جوزىغا نەچچە بوتولكا ھاراق قويىۋېلىپ، ئالدىغا ئۆيدىن چىقىپ كەتكەن ئىككى قازاق بالىنى ئولتۇرغۇزىۋېلىپ ،ئاتا -ئانىنى قاخشتىشنىڭ ئېغىر گۇناھ ئىكەنلىكى توغۇرسىدا نەسىھەت قىلىپ ئۇ ئىككىسىنى تەسىرلەندۈرۈپ يىغلىتىۋەتكەن ھالىتىنى  كۆرۈپ ھەيران قالغانتىم.  ئەپسۇس ئۇ باشقىلارغا نەسىھەت قىلىپ بولۇپمۇ يەنە كونا يولىدا مېڭىۋەردى!     مەن مىسىرانىدا ئەشۇ دوستۇمغا ئوخشاش ئۆزىنىڭ قىلىۋاتقان ئىشىدا  چاتىقى يوق، لېكىن  باشقىلارغا پەندى-نەسىھەت قىلىشقا خۇمار بولۇپ قالغان (ھەممىمىز پاك،ھېچكىمدە گۇناھ يوقتەك ئىنكاس يازىمىز. ھەممىمىز پاك بولساق شۇ نەسىھەتنى كىمگە قىلىمىز؟؟)  ئەزالارنىڭ تېما-ئىنكاسلىرىنى چەكلىسىكەن دەپ ئويلايمەن!    مەن ئادەتتە تېما يوللىمايمەن،لېكىن ئىنكاس يازىمەن. ھازىر ئىنكاس يازغۇدەك تېمىلارمۇ ئازلاپ كەتتى.

Bashliq

	مەن ئالدىراشچىلىقتا ھازىر مۇنبەرنى بېسىپ كۆرەلمەيۋاتىمەن..... شۇڭا جىق پىكىر-تەكلىپ بېرىشكە تېگىشلىك نۇقسانلىق نۇقتىلارنى بايقىمىدىم.... ئەمما، تورداشلارغا ئوخشاش بىر قانچە ئويۇم بار: بىرىنجىسى، مۇنبەر بانكىسىنىڭ پۇل يۆتكەش ئىقتىدارى سەۋەبسىز تاقىلىپ قالدى. بولسا، شۇ ئىقتىدارنى ئەسلىگە كەلتۈرۈپ، ئەزالار ئوتتۇرىسىدىكى ئوبورت ئايلىنىشىغا يول ئاچقان بولساڭلار..... ئىككىنجىسى، ئىدىرىسجان دېگەندەك سوۋغات مەركىزىنى بىر ئامال قىلىپ قۇرساق بولاتتى. ئۈچىنجىسى، بۇرۇن مۇنبەرلەردە يەر ئىگىسى ئويۇنى (斗地主) ئوينىغىلى بولاتتى،  مۇشۇنى ھازىرمۇ ئەمەلگە ئاشۇرۇش ئۈستىدە ئازىراق تىرىشىپ باقساڭلار. تۆتىنجىسى، ئۆزگىچە ئىمزا، كىيىم دېگەندەك باش سۈرەت ئەتراپىنى بېزەشكە كېرەكلىك بىر ئىقتىدارلار بولىدىغان..... مەن بۇ ئىقتىدارلارنى ھېلىمۇ سىلەردىن كۈتىمەن. ئەڭ مۇھىمى، ماتېماتىكا ئېيتقاندەك نادىر تېما تاللاشتا، پەن-تېخنىكا ۋە تارىخىي سەھىپىلەردىكى تېمىلارغىمۇ ياخشىراق دىققەت قىلىپ قويساق. دېھقانچىلىق مەيدانى ئېچىلىپ، مىسرانىم مۇنبىرىنىڭ كۆڭۈل ئېچىش ئىقتىدارلىرى جەھەتتە ھازىرقى ئۇيغۇر مۇنبەرلىرىنىڭ ئالدى بولۇپ قېلىشىغا يول ئاچقان. يۇقارقى مۇنبەر پۇلىنى ئايلاندۇرۇشقا پايدىلىق كۆڭۈل ئېچىش ئىقتىدارلىرى مۇنبىرىمىزنى بۇ جەھەتتە (كۆڭۈل ئېچىش) تېخىمۇ مۇكەممەللىككە قاراپ يۈزلەندۈرگەن بولاتتى....

ahtar

	ياخشىمۇسىز!مىسرانىم ئاكا! مىسرانىمغا ئەزا بولغاندىن بېرى،مىسرانىمدىن ئۆزەمگە پايدىلىق بولغان ئۇچۇرلارنى ئىگلەپ،مەنىۋى دۇنيارىمنى بېيىتىپ كىلىۋاتىمەن.مەن مىسرانىمدىن تولىمۇ خۇرسەن. تەكلىپ:بايا مەن مىسرانىمغا <مىسرانىم فوندى> سەھىپىسى ئېچىلسا دەپ تەكلىپ بەرگەن ئىدىم.بۇ تەكلىپنى بىر ئويلىشىپ كۆرسىڭىز.ئەزالارمۇ بۇ ئىشنىڭ بىرقەدەر تەس ئىكەنلىكىنى ئىنكاسلىرىدا ئەسكەرتىپ ئۆتتى. توغرا بىر ئىشنىڭ باشلانمىقى تولىمۇ تەسكە توختايدۇ.ئەمما يەنىلا بۇ يولدا بىر نۆۋەت تىرىشىپ كۆرسىڭىز،بۇ ئىش ۋۇجۇدقا چىقسا تولىمۇ ياخشى ئىش بولاتتى.ئەگەر پەقەت بولمىدى دېگەندە مىسرانىمدا <مىسرانىم ئىئانە ساندۇقى> سەھىپىسىنى ئىچىشنىمۇ ئويلىشىپ كۆرسىڭىز.بۇ بىر قەدەر ئاسانراقمىكىن دەپ ئويلاپ قالدىم.ئاخىرىدا مىسرانىمنىڭ تېخىمۇ گۈللەپ ياشنىشىغا تىلەكداشمەن!

sahralik0999

	ئەسسالامۇ-ئەلەيكۇم ! مىسرانىم مۇنبىرىدىكى مۇنبەر ئەھلى ،مەن مۇنبەرگە يېڭىلا كىرگەن ئەزا بولغاچقا مۇنبەرگە بولغان چۈشىنىشىم يېتەرلىك ئەمەس،شۇڭا نېمە دەپ تەكلىپ-پىكىر بېرىشنىمۇ بىلەلمەي قالدىم.مېنىڭ ئويلايدىغىنىم ھەممىمىز بىرلىكتە مۇنبەرنىڭ تەرەققىياتى ئۈچۈن كۈچ چىقارساق.كونىلارنىڭ "يالغۇز ئاتنىڭ چېڭى چىقماس،چېڭى چىقسىمۇ دېڭى چىقماس"دېگەن بىر گېپى بولىدىغان، شۇڭا بىرلىكتە ئالغا باسساق دېگەن ئۈمۈدتىمەن!

saptilak

	مەن ئىككى ئېغىز قوشۇپ قوياي. 1. مۇنبەردە ئەزا، تىما دېگەن ساماندەك، ئەمما ساپالىق ئەزا، تىتىملىق تىما بارماق بىلەن سانىۋالغىدەك. شۇڭا ئىملا جەھەتتىلا ئەمەس، مەزمۇن جەھەتتىن ياخشى چىققان تىمىلارنى ئامالنىڭ بارىچە ئىلگىرى سۇرۇپ، بولمىدى دېگەندىمۇ ئۈچ كۈن مۇنبەر مۇندەرىجىسە ساقلاپ قالساق. 2. مۇنبەردىكى تىمىلارنىڭ %  50 نى  شېئىر تەشكىل قىلىدۇ. شۇڭا چوقۇم شېئىرغا چەك قويۇلسا. (مۇھاببەت ھەققىدىكى ھېلىقى تۆت مىسرانى تىزىپلا شېئىر دەپ يازغان شېئىرنى ئويلىسام مۇنبەرگە زادىلا كىرگىم كەلمەيدۇ). 3. خەلق ئېغىز ئەدەبىياتىغا مەنسۇپ بولغان مەخسۇس بىر ساھىپە تەسىس قىلىنسا.