مەخسۇس تىل-تەرجىمە سەھىپىسى ئېچىلسا

dilnijat

	«ياتقان ساقچى» دەپ ئېلىۋېرىڭ، كەسپچانلىق ۋە جانلىق چىقىدۇ.

gurza

	«ياتقان ساقچى»دەپ ئاتاش خېلى ئوبرازلىق بوپتۇ.لېكىن بۇ سۆزنى مەلۇم سەۋەپتىن «يېتىش»ھالىتىدە بولۇۋاتقان ئادەم ساقچى بىلەن پەرقلەندۈرۈشتە قىيىنچىلىق چىقىشى مۈمكىن.يەنە مەلۇم مەنىدىن ئېيتقاندا،بۇ بىر سۆزبېرىكمىسى بولۇپ،ئىستېمالدا قىسقارتىپ سۆز ھالىتىگە كەلتۈرۈش قىيىنراق بوپ قېلىشى مۈمكىن.مەسىلەن:بۇ سۆز بېرىكمىسىدىكى ئىككى سۆزنىڭ تۈپ ياكى يىلتىزىدىن قارىغاندا،«يات»بىلەن«ساق»تىن تۈزۈلگەن.ئەگەر بىز ئۇنى قىسقارتىمىز دېسەك،ئۇھالدا«ياتساق»بوپ قالىدۇ ھەمدە خارەكتېر جەھەتتىن پېئىل بوپ قالىدۇ.ۋاھالەنكى،بىز ياسىماقچى بولغان سۆز ئىسىم بولۇشى كېرەك.ھېچ بولمىغاندا ھەركەتنامى بولۇش كېرەك.يەنە بىرى:بىز شۇ شەيئى ياكى ھەركەتنىڭ شۇنىڭغا ئوخشاش ياكى ئوخشاپ كېتىدىغان يەنە بىر شەيئى ياكى ھەركەت (ھادىسە)دىن ماھىيەتلىك پەرقلىنىپ تۇرىدىغان ماھىيەتلىك ياكى تىپىك تەرىپىنى ئىپادىلەشكە ئەھمىيەت بەرمىسەك بولمايدۇ.شۇڭا،يەنىمۇ ئىزدەنسەك بولغىدەك.(مەن دەۋاتقان «قاقما»مۇ بۇ تەلەپكە يەتمەيدۇ.چۈنكى،«قاقما»دىگەن كەڭ مەنىدىكى سۆز.ئۇ ھەرگىز يالغۇز减速带نىلا بىلدۈرمەيدۇ.

gurza

	ھۆرمەتلىك دىلنىجات ئەپەندى،مەن سىزنىڭ راستىنلا مەن بىلەن ھەمسۆھبەت بولغانلىقىڭىزدىن بەك خۇشال بولدۇم.ئەلۋەتتە بىز بۇنچىلا تۈزۈت قىلىشىپ كەتمىسەكمۇ بولىدۇ.چۈنكى،سىزنىڭ تىلىمىز ئۈچۈن كۆرسىتىۋاتقان بۇ ئىپادىڭىزنىڭ ئۆزىلا بىزنىڭ ئىرادىداشلىقىمىزدىن دېرەك بېرىدۇ.ماڭا مۇشۇلا كۇپايە.(مەن بىر ئۆمۈر تىل-يېزىقىمنى دەپ تىرىشىپ،ئەمدىگە كەلگەندە تىل-يېزىقىمنىڭ يۇقارقىدەك خەتەردە قالغىنىنى كۆرۈپ،ئېيتقۇسىز ئەندىشە ئىچىدە ياشاۋاتقان ئادەممەن.يەنە كېلىپ مەن كىچىكىمدىنلا باشقا تىلدا تەربىيىلەنگەچكە،تىلىمنى ئۈگىنىش ئۈچۈن بەكمۇ ئېغىر بەدەل تۆلىدىم.شۇڭا،مەن تىلىمنىڭ قانچىلىك قىممەتلىك ئىكەنلىكىنى ھەممىدىن بەك چۈشەنسەم كېرەك دەپ ئويلايمەن.......) مېنىڭ بۇ كىچىككىنە تەكلىۋىمنى قوللىغان قېرىنداشلارغا دىلىمدىن رەھمەت! ئەمدى ماۋۇ مىسرانىمنىڭ باشقۇرغۇچىلىرىمۇ بىزنى مەقسىدىمىزگە يەتكۈزگەن بولسا دەيمەن.

gurza

	透支نى «كۆچۈرمە چىقىم»«پۇل كۆچۈرۈش»«ئۆتكۈزۈپ ئېلىش»«ھالقىتىپ چىقىم قىلىش»دېگەن مەنىلەردە قوللانساق بولار دەيمەن.چۈنكى،بۇ سۆزنىڭ مەنىسى شۇنىڭغا يېقىن كېلىدۇ.

gurza

	高消费نى «يوقۇرى سەۋىيىلىك ئىستېمال»«ئالىي ئىستېمال»دىسەك بولار.

gurza

	铐子نى «بوغۇشلىغۇچ»«تۆمۈر بوغۇچ»«كىشەن »(مەسىلەن :پۇت كىشەن ،قول كىشەن دىگەندەك)دېسەك بولاتتى.لېكىن ھازىر «كويزا»«كىشەن»سۆزلىرى ئومۇملىشىپ بولدى.ئەمدى ئۆزگەرتمەك قىيىن بولارمىكىن.