QQ دىكى يارىلانغان سۆيگۈ ( ھېكايە )

tax☆kampit

	ئەتە كۆرەي..............

lawa0998

	قارچۇقۇمدا كۆرىمەن سېنى، قارچۇقۇمدەك ئېزىز كۆرىمەن. قارچۇقۇمدەك رەزىل بۇ دۇنيا، قارچۇقۇمغا خەنجەر ئۇرىمەن....... ئەسسالامۇ ئەلەيكۇم قېرىندىشىم-ھىكايىنىڭ سۆزلىرى ئەشۇ ‹‹شۇمتەك››نىڭ تۈگمىسىدەك سۈزۈك ھەم دانە-دانە چىقىپتۇ داۋامىغا ئۇتۇق تىلەيمەن.

joda☠

	ياخشى يىزىلىپتۇ ..

ettar

	داۋامى ...    كېيىن ۋاقىتنىڭ ئۆتىشىگە ئەگىشىپ ھەممە كۆڭۈلسىزلىكلەر يۇيۇلۇشقا باشلىدى ، ئۇنىڭ پۈتۈن تىرىشچانلىقى بىلەن گۇناھىنى يۇيۇشقا تىرىشۋاتقىنىنى ھىس قىلاتتىم . شۇنچە ئىشلار يۈز بەرسىمۇ ئۆزۈمنى ئۇنىڭغا ئالدانغاندەك ، ئۇ مېنى ئالدىغاندەك ھىس قىلمىغىنىمغا ئۆزۈممۇ ھەيران . تا ھازىرغىچە ! تا ھازىرغىچە ... ئۇنى مېنى سۆيىدۇ دەپ ئويلىدىم ... پۈتۈن ئىشتىياقى بىلەن سۆيىدۇ دەپ ئويلىدىم ... شۇ كېچىسىدىكى ئۇنىڭ يىغىسى مېنى سۆيگىنىنىڭ ئىپادىسى ، مەيلى ئالدانغان بولاي ياكى باشقىسى بولسۇن ، شۇ كېچىدىكى ئۇنىڭ ۋاقىرىغان ئاۋازى مەڭگۈ يادىمدىن چىقمايدۇ ...    _ مېنىڭ تۇنجى سۆيگىنىمنى كۆرۈش ھوقۇقۇم يوقمۇ ؟ چوقۇم كۆرىشىمەن سەن بىلەن ، يازدا دېدىڭ ھە دېدىم ، كېيىن كۈزدە دېدىڭ .. ئەمدى ھەرگىز ئۇنىمايمەن ، ئەگەر كەلمەيدىغان بولساڭ ئۆلىۋالىمەن ، مېنى چاقچاق قىلدى دىمە ، چوقۇم ئۆلىۋالىمەن .     ئۇ ھەقلىق ئېدى ، يەتتە ئاي ! يەتتە ئاي سۆيدى مېنى ، قانچىلىك سۆيگىنىنى بۇ يەردە تەسۋىرلىيەلمەيمەن ، لېكىن ئۆزۈم بىلىمەن .. يەتتە ئاي قارامنى كۆرسەتمىدىم ، كۆزىنى يۇمۇپ تۇرۇپ سۆيدى ، ئاۋازىمنى سۆيدى ، مەن ئۇنىڭغا ئەۋەتكەن سۆرەتلەرنى سۆيدى .. بۇنداق سۆيمەك ئاسان ئەمەس.. ئۇنىڭ تەلۋىلىكى ماڭا ئايان ئېدى ، ساراڭلىقى تۇتقاندا مەندىن ئۆچ ئېلىش بولسىمۇ شۇنداق قىلمايدۇ دېگىلى بولمايتتى ، ھەتتا ئۇنداق قىلىشى مۇمكىن ئەمەسلىكىنى بىلىپ تۇرساممۇ شۇنداق سۆزلەرنىڭ ئالدىدا بىرەر جاۋاپ بەرمەسلىكىم مۇمكىن ئەمەس ئېدى . مېنىڭ ئۇنىڭ ئالدىغا ئۇچۇپ بارغۇم يوقمۇ ؟ مېنىڭ ئۇنى كۆرگۈم يوقمۇ ؟ مەن ئۇنى سۆيمەيمەنمۇ ؟ ماڭا قۇيۇپ بەرسە ئۇ تۇنجى قېتىم كەل دىگەندىلا بېرىپ بولغان بولاتتىم ، لېكىن بارالمايدىغان يېرىم بار ئېدى ...    _ مەن باغقا قارىمىسام بولمايدۇ .. شۇنچە جىددى ئىشنى تاشلاپ ئۈرۈمچىگە بارالايمەنمۇ ؟ ئۇنىڭ ئۈستىگە ھېيت كەپ قالغان تۇرسا ؟ قانداق قىلسۇن دەيسەن ؟ ياكى بوۋاينى رەنجىتىپ ئۆيدىن قاچايمۇ ؟   ئۇ دادامغا قەۋەتلا ئامراق ئېدى ، ئۇنىڭ سالامەتلىكى ياخشى ئەمەسلىكىنى ، خاپا قىلماسلىقىمنى دائىم دەيتتى ، ھازىرمۇ ئۇنىڭ گېپىنى ئاڭلاپ پەسكويغا چۈشتى .    _ ئەمسە قانداق قىلىمىز ؟ ساڭا تەييارلىغان سوۋغىلىرىم بار ئېدى ...    _ مەن ئالدىڭغا بىر دوستۇمنى چىقىراي ، شۇنىڭغا بېرىپ قوي ..    ئۇ باشتا ھەرگىز قوشۇلمىدى ، بىر ھازا سۆزلىگەندىن كېيىن ئاخىر :   _ ماقۇل ، ئەمما قىز بالا دوستۇڭ چىقىپ قالمىسۇن ، يۈزىگە تۈكۈرۈپلا قۇيىمەن .    مەن باشقا گەپ قىلمىدىم ، يولغا چىقتىم ، ئەتە ھېيت دېگەن كۈنى ئۈرۈمچىگە چۈشتۈم.. ئاندىن كۇرۇستا ئوقۇيمەن دەپ تەتىلدە ئۆيىگە قايتمىغان ساۋاقدىشىمنى چاقىردىم ، ئۇنىڭغا بۇرۇنمۇ شۇنداق بىر ھاجىتىم بارلىقىنى ئېيتىپ كېلىۋاتقاچقا چۈشەندۈرۈشكە كۆپ ۋاقىتمۇ كەتمىدى ، ئۇنىڭغا سېرىق ساپلىق بىر قەلەمتۇراچ بىلەن < بۇخارا > دېگەن كىتابنى تۇتقۇزۇپ ، ئۈچتاشنىڭ يان تەرىپىدىكى ئاسما كۆۋرۇكتە ساقلاپ تۇرىشىنى ئېيتتىم . تاكى شۇ ئىشلارنى شۇقەدەر ئەتراپلىق پىلانلاپ ، ئۆزۈم كۆۋرۈكنىڭ ئاستىدا شۇنچىلىك غېرىبانە ھالدا تۇردۇم . ئۇ دېگەن ۋاقىتتىن قىرىق مىنۇتچە كېچىكىپ كەتتى :    _ ھەي سەن قانداق بىر نېمە ؟ نېمانداق ئادەمنىڭ يۈزىنى تۆكىسەن خەق ساقلىغىلى نىكەم .. ،- تېلىفوندا ئۇنىڭغا زارلىناتتىم ، < ئاكا ، سەن ئۆزۈڭ كەلدىڭ ھە ، يۈرىكىم شۇنداق تۇيۇپ كېتىۋاتىدۇ ، سەن ئۆزۈڭ كەلدىڭ ...> دېگەن سۆزلىرىگە باغرىمنى تىلدۇراتتىم ..    _ مانا كېلەي دېدىم ئاكا ، خاپا بولما ، ئۇ قىزغا دەپ قوي كېتىپ قالمىسۇن ، ئاق قۇۋۇققا كەلگەن بەك توسۇلۇپ كەتتى ، چۈشۈپ قالدىم ، مانا ، ھازىرلا تاكسىغا چىقىپ بارىمەن ...،- شۇنداق دەپمۇ يەنە خېلىدىن كېيىن تېلفونۇم سايرىدى :   _ ئاكا ، مانا مەن كەلدىمغۇ ؟ قېنى ئۇ قىز ؟ ،- تېلفون قولۇمدىن چۈشۈپ كەتكىلى تاس قالدى ، لېكىن چاندۇرسام پەقەت بولمايتتى ، بۇ كاساپەت نەدىدۇ ؟ نېمىشقا مەن كۆرمەيمەن ؟قولۇمدا تېلىفون ، كۆۋرۈك ئاستىدا ئۇنى ئىزدەيتتىم ، ئاخىر قولىدا تېلىفون تۇتقان ھالرەڭ كوپتا ، ئاق يوپكا كىيگەن بىر قىزنى كۆردۈم دە ئىچىمدە < شۇ ! > دېدىم ، < ئەجەب قارا كىيىم كىيىپ كەلدىم دەۋاتىتى ، قارا بۇ كاساپەتنى ..>    _ ھە ، مەن ھازىر بەك ئالدىراش ، تېلىفونمۇ تاقىلىپ قالىدۇ ، توكى تۈگىدى دېدىمغۇ بايا ساڭا ، ئۆزۈڭ تېپىشۋال ، ئۇ قىز شۇ كۆۋرۈكنىڭ ئۈستىدە بار ..،- دېدىمدە تېلىفوننى قويغان پېتى تاقاپلىۋەتتىم . ئۇ بىر دەم كۆۋرۈكنىڭ ئۈستىگە بىر دەم ئەتراپىغا قارايتتى ، ھەر قېتىم كۆزلىرى ماڭا چۈشكەندە يۈرىكىم جىغىلداپ كېتەتتى ، گەرچە مېنى تۇنۇيالىشى مۇمكىن بولمىسىمۇ ، ئۇنىڭغا مانا بۇ مەن دەپ ئۆزۈمنىڭكىنى ئەمەس ، سىنىپ باشلىقىمىزنىڭ سۆرىتىنى كۆرسەتكىنىم ئىسىمدە بولسىمۇ جىغىلدايتتى ... مەن ئاستا كۆۋرۈككە چىقىپ ساۋاقدىشىمنىڭ يېنىغا باردىمدە ئۇنىڭغا قارىماي تۇرۇپ ، خۇددى كىنۇدىكى ئىشپىيۇنلۇق تەشكىلاتىدىكى ئادەملەردەكلا :    _ شۇ قىز شۇ .. يېنىغا چۈشۈڭ ، - دىدىم .    ساۋاقدىشىممۇ  قىلچە چاندۇرماي چۈشۈپ كەتتى . ئۇلار ناھايىتى قىزغىن كۆرۈشكەندىن كېيىن  ، بۇرۇلۇپ ياندىكى .ئاشخانىغا كىرىپ كەتتى .    ئەنە ، ئۇلار ئىككىسى ئاش - لەمپۇڭ بىلەن ئالتا زىق كاۋاپ يىدى ، ئاندىن پىيادە ئالتۇن بۇلاق ئەتراپىدا كاۋاس ئىچكەش سۆزلەشتى ، ئاندىن كارىفورغا ... ئەڭ ئاخىرىدا يىقىنلا ئەتراپتىكى ئاشخانىغا  كىرىپ تاماق بۇيرۇتتى ، بۇيرۇتتى ئەمما يىيىلمىدى ، بۇ مېنىڭ تەكلىپىم ئېدى :    _ قوسىقىڭ ئاچمىسىمۇ زورلاپ ئەكىر .. مەن ئۇنى يەنە بىر دەم كۆرىۋالاي ، بۇ ئاخىرقى قېتىم كۆرگىنىم ..    بىر ئازدىن كېيىن ئۇلار ئايرىلدى .. بىرى بىر تەرەپكە ، يەنە بىرى يەنە بىر تەرەپكە .. ئوتتۇرىدا مەن قالغان ئېدىم .. مېنى يىغا تۇتاتتى ، ۋاقىراپ ۋاقىراپ يىغلىغۇم كېلەتتى ، تەقدىردىن زارلىناتتىم ، ھەئە ، تۇنجى قېتىم قاتتىق زارلاندىم .. داۋامى يېزىلۋاتىدۇ ...

Gulxat08

	داۋامىنى ئوقۇغۇم با..........................................................

baykiz

	مەنمۇ شۇ

baykiz

	مەنمۇ شۇ

ettar

	_ شۇنداق ئوماق ، بىر تاتلىققىنە قىز بالىكەن ، ئۇنى ئالدىمىساڭ بولمامدۇ؟    _ ...    _ ساڭا بەكلا ئاشىق بوپتۇ ، بەكلا .. بۇنداق قىلمىساڭمۇ بوپتىكەن .. ئۆزۈڭ كۆرۈشسەڭ بولمامدۇ ؟ ئۇ سېنى كەچۈرگەن بولاتتى ، سەن ئۆزۈڭنى نېمە بۇنچە كەمسىتىسەن ؟    _ رەھمەت ساڭا دىلبەر ، مەن قايتاي . ئوقۇش باشلانغاندا كۆرىشەيلى .    _ سېنى نىيەنزىگو بىكەتكىچە ئاپىرىپ قۇياي .    _ ياق بولدى ، قايتىپ كەت ، - ئۇنىڭ قولىدىن كىچىك خالتىنى ئېلىپ ئادەم دېڭىزى ئىچىدە غايىپ بولدۇم .    باغچىدا ئۆزۈم يالغۇز يىغلاشتىن نۇمۇس قىلمىدىم ، يىغلىدىم ، نېمىشقا يىغلىدىم ،بىلمەيمەن ، ئىشقىلىپ يىغلىدىم . خالتىنىڭ ئىچىدىن ئۈلكەرنىڭ ھەرخىل شاكىلاتلىرى ھەم يەنە بىر سۇلياۋ قاپ چىقتى ، قاپنىڭ ئىچىدە ئۇ ماڭا دىگەن ، بىزنىڭ كەلگۈسىدىكى تويىمىزغا ئاتاپ كەشتىلىگەن ، بىر جۈپ قىز يىگىتنىڭ بىر بىرىگە يۆلىنىپ تۇرغان سۈرىتى چۈشۈرۈلگەن ياستۇق ۋە نىپىز ، يازلىق مايكا ، ۋە بەش ئالتە جۈپچە پايپاق ، ئاچقۇچ ئاسقۇ ۋە ئۇنىڭغا ئېسىلغان بىر تال قەلەمتۇراچ ، بىر تال كەشتىلەنگەن ئاسلان ، ۋە م پ 5 ..لەرنىڭ ئۈستىگە قانچىلىك ياشلىرىم تۆكۈلدى ، ئۇنىڭ مايكىسىغا سىڭگەن ھىدىنى قانچىلىك پۇرىدىم ، بىلمەيتتىم . بىر چاغدا مايكىنى تۇتقان قوللىرىم ئىچىدە بىر نەرسىنىڭ شىرىقلىغىنىنى ھىس قىلدىم ، قارىسام مايكىنىڭ يېڭىگە بىر پارچە باغاقچە قىستۇرۇپ قۇيۇلغان ئېدى .    _ بۇ مايكامنى مەن ئەڭ كۆپ كىيىمەن ، بەك ياخشى كۆرىمەن ،سەنمۇزە كىيمىمنىڭ يوقلىقىدا .. يۈرىكىمنى يوغان كۆرسىتىدۇ بۇ مايكا ، گەرچە توشقان يۈرەك بولساممۇ ، كۆرۈنۈشتە دىنازاۋۇر يۈرەك كۆرىنىمەن ،بۈگۈنمۇ كىيىپ ياتىمەن ، ئەمما چاتاق يېرى ، ساڭا پاتمايدۇ ، ئەنسىرەيمەن ، قىستەپ كىيىپ ئامراق مايكامنى يىرتىۋەتسەڭ بوغۇزلايمەن !    خەتنى كۆرۈپ ياش يۇقى يۈرىكىمدە كۈلىۋەتتىم ، بۇ كۈلكەم ئۆزۈمگە شۇنچىلىك پىغانلىق تۇيۇلۇپ كەتتى . ئېسىمگە بىر نەرسە كېلىپ ، ئالدىراپ پايپاقلارنى سىقىمدىدىم ، يەنە شۇ شىرىقلىغان ئاۋاز! ھەر بىر پايپاقنىڭ ئىچىدە بىر پارچىدىن خەت سېلىپ قۇيۇلغان ئېدى ... داۋامى يىزىلىۋاتىدۇ

ئەخمەد

	خاپا بولماي ئاخىرىنى تولۇق يوللاپ بولغاندا ماڭا بىر خەۋەر قىلىۋىتىڭە بولامدا؟؟ قارىسام رىئالنى تۇرمۇشتىن ئېلىنغاندەك قىلىدۇ؟!!

salkin-ay

	بەكلا ياخشى چىقىۋاتىدۇ .داۋامىنى ساقلايمەن .