بۇ يازمىدا ئاساسلىق SAE دىن پايدىلىنىپ قۇرغان WP تور خاتىرىسىگە ئىستاستىكا كودى قوشۇش ئۇسۇلى سۆزلىنىدۇ. بۇ يازمىدا تىلغا ئېلىنغان دېتالنى ۋە ئۇنى ئىشلىتىش ئۇسۇلىنى «SAE تور خاتىرىسىگە ئۇسلۇب قوشۇش ۋە ئارتۇقچە ئۇسلۇبلارنى ئۆچۈرۈش ئۇسۇلى» دېگەن يازمىدىن كۆرۈۋالسىڭىز بولىدۇ.

يۇقىرىقى يازمىدا تىلغا ئېلىپ ئۆتكەندەك، SAE دىن پايدىلىنىپ قۇرغان WP تور خاتىرىسىنى باشقۇرۇش ئۇنچە ئاسان ئەمەس، ئەمما بۇ يازمىنى ئوقۇپ چىققاندىن كېيىن ئەگەر بۇ ئۇسۇللارنى پىششىق ئىگىلىۋالسىڭىز بۇ ئىشنىڭ ئۇنچە تەس ئەمەسلىكىنىمۇ ھېس قىلىپ قالىسىز.

تور خاتىرىسى يازغانكەنسىز، ئەلۋەتتە، ئوقۇرمەنلىرىڭىزنىڭ زادى قانچىلىكلىنى، ئۇلارنىڭ قەيەرلەردە تۇرۇپ، قايسى يازمىلىرىڭىزغا بەكرەك قىزىقىدىغانلىقىنى قاتارلىق نۇرغۇن ئۇچۇرلارنى بىلگۈڭىز كېلىدىغاندۇ؟ بۇ ئۇچۇرلارنىڭ سىزنىڭ كېيىنكى ئىجادىيەتلىرىڭىزدە بىرەر نىشاننى كۆزلەپ، يازما يېزىشنى داۋاملاشتۇرۇشىڭىزغا كۆپ ياردىمى بولىدۇ. ئۇنداقتا، تور خاتىرىڭىزگە ئىستاستىكا كودى قىستۇرىۋالسىڭىزلا، ئاشۇ ئىستاستىكا كودى بىلەن تەمىنلىگەن تور بەتلەر سىزنى ئاشۇ ئۇچۇرلار بىلەن تەمىنلەيدۇ، تۆۋەندە تور خاتىرىسىگە ئىستاستىكا كودى قىستۇرۇش ئۇسۇلىنى تونۇشتۇرىمەن.

(1) ئالدى بىلەن تۆۋەندىكى بەتكە تىزىملىتىسىز. تىزىملىتىش ئۇسۇلى ئاددى بولغاچقا قالدۇرۇلدى. تىزىملىتىش مەنزىلى: http://www.linezing.com

(2) تىزىملىتىپ بولغاندىن كېيىن ئۆز ھېساباتىڭىزغا كىرىسىز. ئاندىن «يېڭى تور بېكەت قوشۇش» دېگەننى چېكىسىز. رەسىمدىكىدەك:

(3) تۆۋەندىكى رەسىمدىكىدەك كېرەكلىك ئۇچۇرلارنى بولۇپمۇ ئارقىسىغا قىزىل يۇلتۇز بەلگىسى قويۇلغان (رەسىمدە كاتەكچە ئىچىگە ئېلىنىپ، ئىستىرىلكا بىلەن كۆرسىتىلدى) ئۇچۇرلارنى تولدۇرۇپ، ئەڭ ئاخىرىدا «تاپشۇرۇش» (提交)نى بېسىپ جەزملەيسىز. ئىستاستىكا كودىنى سەيياھلارنىڭ كۆرۈۋالماسلىقى ئۈچۈن، «ئاشكارا» تۈرى تاللانماستىن، «ئاشكارىلىماسلىق»(不公开) تۈرى تاللاندى، ئاستىدىكى ئىستاستىكا بەلگىسىنى كۆرسىتىش تۈرىگە تۆت چاسا شەكىلدىكىسى تاللاپ قويۇلدى، ئۇنى ئۆزىڭىز خالىغانچە تاللىۋالسىڭىز بولىدۇ.

مۇۋەپپەقىيەتلىك بولسا تۆۋەندىكىدەك ئۇچۇر كۆزنىكى كۆرۈنىدۇ.

(4) يېڭى چىققان بەتتىكى ئىستاستىكا كودىنى كۆچۈرۈۋالىسىز. ئىستاستىكا كودى ئاساسەن ئوخشاش پەقەت رەسىمدىكى تەرتىپ نومۇرىلا مېنىڭكىدىن پەرقلىنىشى مۇمكىن.

ئادەتتە، SAE بوشلۇقى javascript نى قوللىغانلىقتىن ئۈستىدىكى كودنى «كود كۆچۈرۈۋېلىش»(复制代码) كونۇپكىسىنى بېسىپ كۆچۈرىۋالساق بولىدۇ.

(5) يەرلىككە چۈشۈرۈپ ماس قەدەملەشتۇرۇۋالغان ئۇسلۇب ھۆججەتدانىدىن footer.php ھۆججىتىنى ئاچىمىز. (بۇ باسقۇچ ئالدىنقى يازمىدا تونۇشتۇرۇلغاچقا، بۇ يەردە قايتا تونۇشتۇرۇلمىدى.) ئاندىن بۇ ھۆججەتتىكى تۆۋەندىكى ئورۇنغا كۆچۈرۈۋالغان كودنى چاپلايمىز. مەن ئىشلەتكەن ئۇسلۇب بىلەن سىزنىڭكى پەرقلىنىشى مۇمكىن، شۇڭا ئادەتتە بۇ كودنى

دېگەندىن كېيىنكى ئورۇنغا چاپلىسىڭىز بولىدۇ. ئاستىدىكى كاتەكچە ئىچىدىكىسى بىز چاپلىغان كود. رەسىمگە قاراڭ:

(6) ئاندىن ھۆججەتنى ساقلاپ، ئالدىنقى يازمىدا تونۇشتۇرۇلغاندەك، بوشلۇققا يوللىۋەتسىڭىزلا ئىش پۈتىدۇ. ئەمدى تور خاتىرىڭىزنى ئېچىپ، ئەڭ ئاستىغا قارىسىڭىز، سىز تاللىغان ئىستاستىكا بەلگىسى كۆرۈنگەن بولسىلا، ئىش تامام، ۋەسسالام.

ئەمدى سىز ئىستاستىكا بېتىگە كىرىپ، ئىستاستىكا ئەھۋالىنى كۆرسىڭىز بولىدۇ. تۆۋەندىكىسى مېنىڭ ئىستاستىكا ئەھۋالىم:

بۇ يەردىكى «تەپسىلى مەلۇمات»(详细数据)نى بېسىپ تەپسىلىي ئىستاستىكا ئۇچۇرلىرىغا ئېرىشەلەيسىز. سول تەرەپتىكى ماس تۈرلەرنى بېسىپ، تېخىمۇ ئېنىق مەلۇماتلارنى كۆرەلەيسىز. رەسىمدىكىدەك:

يۇقىرىقى ئۇسۇل بەت ئاستى تەرىپى(footer.php) بار ھەرقانداق ئۇسلۇبقا ماس كېلىدۇ. ئەگەر يۇقىرىقى ئۇسۇلنى ئاۋارىچىلىق كۆرسىڭىز، تۆۋەندىكى ئۇسۇلدىن پايدىلانسىڭىزمۇ بولىدۇ، ئەمما بۇ ئۇسۇل پەقەت يان ئىستون (sidebar.php) بار ئۇسلۇبلارغىلا ماس كېلىدۇ.

(1) يۇقىرىقى 1-،2-،3-4-باسقۇچلار بويىچە ئىستاستىكا كودى ئالىسىز، ئەگەر بۇرۇن ئېلىپ بولغان بولسىڭىز، بۇ باسقۇچلارنى تەكرارلىمىسىڭىزمۇ بولىدۇ، ئەمما ئىستاتسىكا كودىنى كۆچۈرۈۋېلىشنى ئۇنتۇماڭ.

(2) ئارقا بەت (باشقۇرۇش بېتى)گە كىرىپ، «ئۇسلۇب» تىزىملىكىدىكى «قوراللار» تۈرىنى تاللايسىز. (مەن ئارقا بەتنى ئۇيغۇرچىلاشتۇرمىغان.)

(3) ئاندىن ئوتتۇرىدىكى «قوراللار»دىن «تېكىست» نى تۇتۇپ تارتىپ، ئوڭ تەرەپتىكى (ياكى سول تەرەپتىكى) يان ئىستونغا ئاپىرىپ قويۇۋېتىسىز. ئادەتتە تارتىپ ئاپارسىڭىز ئۈزۈك سىزىقلىق كاتەكچە پەيدا بولۇپ، ئۆزلىكىدىن قوشۇلىدۇ.

(4) ئەمدى قوشۇلغان بۆلەكنى تۆۋەندىكىدەك تولدۇرۇپ، ئىستاستىكا كودىنى چاپلاپ (ئەلۋەتتە، سىزنىڭكى پەرقلىنىشى مۇمكىن)، ئەڭ ئاخىرىدا «ساقلاش»(保存) كونۇپكىسىنى بېسىۋەتسىڭىزلا بولىدۇ.

(5) بۇ چاغدا تور خاتىرىڭىزنىڭ باش بېتىنى ئاچسىڭىز، يان ئىستونغا تۆۋەندىكىدەك ئىستاستىكا بەلگىسى كۆرۈنگەن بولسا، ئىشىڭىز پۈتتى.

ئىستاستىكا ئۇچۇرلىرىنى كۆرۈش ئۇسۇلى  يۇقىرىقى 1-خىل ئۇسۇلنىڭ 6-باسقۇچىدا كۆرسىتىلگەندەك.

ئالدىنقى يازما

كېينكى يازما