« تۇرمۇش دىگەن نىمە ؟ » دىن ئوي-خىياللىرىمغىچە【1】
(مەنسۈر مۇھەممەت)
تۇرمۇش دىگەن بۇ سۆز ئېغىزدا ئاددىي تەلەپپۇز قىلىنسىمۇ ، ئەمەلىيەتتە ئۇ كىشىلىك ھاياتتىكى ئاجايىپ ئۇزۇن ۋە مۇرەككەپ جەريانلاردىن خۇلاسىلەنگەن نەتىجىنىڭ سىموۋۇلىدۇر. ھەركىمنىڭ تۇرمۇشقا بولغان كۆزقارىشى ۋە چۈشەنچىسى، باشقا ھەرقانداق كىشىلەرگە نىسبەتەن مۇئەييەن ئوخشىماسلىققا ئىگە . ھەربىر كىشىنىڭ ئۆز خىيالىدىكى تۇرمۇشقا بولغان ئاددىي ياكى مۇرەككەپ چۈشەنچىسى، ئۆزىگە مەڭگۈ توغرا ۋە بەرھەق. شۇنداق جەزىملەشتۇرۈشكە بولىدىكى ، كىشىلەرنىڭ تۇرمۇشتىن ئالىدىغىنى، ئۆزىنىڭ تۇرمۇشقا تۇتقان مۇئامىلىسىنىڭ قانداق بولىشى بىلەن زىچ مۇناسىۋەتلىك ئەلۋەتتە .
【2】 ئىناق ئائىلە
ئېنىقكى ، بىر ئائىلىدىكى بارلىق ئائىلە ئەزالىرىنىڭ بىر-بىرىگە يەتكۈزگەن مېھرىبانلىقى ۋە مۇھەببەتلىك ئاشىقلىقى بىلەن شۇ قەلبلەر ئوتتۇرسىدىكى بىر-بىرىگە نىسبەتەن چەكسىز بولغان ھەقىقىي ئىشىنىش ، چۈشىنىش ، قەدىرلەش ، ھۆرمەتلەش ، سۆيۈش-سۆيۈلۈش ، قۇربانلىق بېرىش ، بارلىقىنى ئاتاش … قاتارلىق ئىسىل خىسلەت ۋە خارەكتىرىلەرنى ئۆز-ئارا مۇجەسسەملەپ ، شۇ ئائىلىدىكى قەلبلەر رىشتىسىنى مۇستەھكەم باغلاپ تۇرۋاتقان نىكاھ-مۇھەببەتىن ئىبارەت مۇقەددەس ئارغامچىنىڭ ئۈستىگە قويالىغاندا ، ئاندىن قۇرۇلىدىغان يۈكسەك غايىدۇر !
ئۇ ئىنسان جىسمىغا كۈچ -قۇۋۋەت ،ھۇزۇر-ھالاۋەت، ئىشەنچ ۋە جاسارەت بېغىشلاپلا قالماي ، مىسكىن قەلبىگە ئىنساب-ئىمان ، ئەدەپ-ئەخلاق ، ئەقىل-پاراسەت شۇنداقلا شۈكرى ۋە سەبىر چېرىقىنى ياندۇرىدۇ . ھاياتلىقنىڭ جاپالىق ھەم مۇشكۈل سەپىرىدە ، ياراملىق ھەم چىداملىق ئادەم قىلىپ تەربىيلەيدىغان ، چىنىقتۇردىغان ھەقىقىي ۋە بىردىنبىر بۈيۈك سەھنە ھىسابلىنىدۇ .
ئىناق ئائىلە —
گويا مىھرى ئىللىق گۈزەل باغ ،
دىمەك ئۇبىر ئۇلۇغ ماكاندۇر !
ئىناق ئائىلە —
گويا قەددى مەزمۇت ئېگىز تاغ ،
دىمەك ئۇبىر بۈيۈك قورغاندۇر !
【3】 سەبرنىڭ ئەجرى قەدرىڭدىن قىممەت
بىر ئەر ئائىلىسىدىكى كىچىككىنە ئۇقۇشماستىن كېلىپ چىققان جىدەل-ماجرادىن ئۆزىنى تولىمۇ بەخىتسىز ھېس قىلدى . ھەم قاياقلاردىن خوشاللىق ئىزدەش نىيتىدە ئۆزىنى سىرتقا ئاتتى .
《 جىق گەپ قىلىدۇ، كۈنلەيدۇ ، ھەممە ئىشىمغا ئارلىشىۋالىدۇ ، ئائىلىگە كۆڭۈل بۆلمەيدۇ 》دىگەندەك يوقىلاڭ باھانىلەر ، ئائىلىدىكى مۇھەببەتنىڭ سوۋۇشىغا ، كۆڭۈلنىڭ بۆلىنىشكە سەۋەب بولدى .
بىر ئايال يەتتە يىل يۈرگەن يىگىتى بىلەن مىڭبىر جاپادا تويىنى قىلدى . ئېرىنىڭ بۇرۇنقى گۈزەل يىقىملىق چاقىرىشلىرى ، ئەركىتىشلىرى، ئىززەت- ئېھتىراملىرى قىسقىسى سۆيۈش-كۈيۈنۈشلەر ، قىزغىنلىقلار تۇيۇقسىز يوقالغاندەك ، بارغانسىرى يۈرۈۋاتقان ۋاقىتلارغا ئوخشىماي قالدى . ئەزەلدىن يىگىتى تەرەپتىن ئالىي ھۆرمەت ۋە كۈيۈنۈشلەرگە كۆنگەن ئايال ، ئېرىنىڭ ھازىرقى ھالىتىدىن ئېغىر ھار ھېس قىلىپ ، تۇرمۇشىنى داۋاملاشتۇرۇشنى خالىمىدى .
ئىككى پارچە تاش ئۆز-ئارا سۈركەلمەي مەڭگۈ جۈپلىشەلمەيدۇ .
شۇنىڭدەڭ ، سۆيگەن يارىڭ بىلەن ئەركىلەشكەن ، يىغلاشقان ، قىيداشقان ، ۋارقىراشقان ھەتتا ئۇرۇشقانلىرىڭنىڭ ئۆزىنىمۇ بىر بەخت دەپ ئويلا !
چۈنكى ، گاھى تاشتەك قاتىدىغان گاھى سۇدەك ئېرىيدىغان ئىككى قەلىب ، ئىككى تەندىكى ئىككى خىل روھ ، سۈركەلمەي ، تېگىشمەي ، قانداقمۇ بىردەك ئوي-پىكىرگە كىلەلىسۇن ، قەلىبلەر قانداقمۇ جۈپلىشەلىسۇن ،……؟! بىرنىيەت بىرمەقسەتتە گۈزەل ئارزۇ-ئارمانلارنى پۈككەن يۈرەك ، ھاياتلىقتىن ئىبارەت ئەگرى-توقايلىققا تولغان سىرلىق بۇ يولنى قانداقمۇ تەڭ داۋام ئېتەلىسۇن ؟!
قىسقىسى
تۇرمۇشىڭنى بارلىقىڭ بىلەن سۆي ،ئۆز يارىڭ بىلەن ئۆتكۇزگەن ھەربىر دەقىقەڭنى قەدىرلە !
چۈنكى ئۇ ، جىسمىڭنىڭ ئەڭ ئاخىرىقى تېنىقىغىچە ، سەن بىلەن ئەڭ كۆپ گۈزەل ئەسلىمىلەرنى قالدۇرىدىغان كىشىدۇر .
2014.2.10
123 قېتىم كۆرۈلدى | mansur | ئەسەر يوللىغۇچى : | |
2017-4-16 8:23:10 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|