ئابرال تۇراسى

نوكىيا 1-ئاپرېل  شىركەت بلوگى ئارقىلىق symbian سىستېمىسىنىڭ ئەسلى كودېنى ئېچىۋەتكەنلىگىنى رەسمىي جاكارلىدى. ئەمدىلىكتە بارلىق شىركەتلەر ۋە شەخسىي قوللانچىلار بۇ كودلارنىڭ ئىشلىتىش ھوقوقىغا بىمالال ئېرىشەلەيدۇ. ھازىرغىچە كۆپ قىسىم سىمبىيان سىتېىمىلىرىنىڭ ئەسلى كودى شىركەت تور بىكىتىغا يوللانغان بولۇپ، قالغانلىرى يېقىن مەزگىلگىچە يوللىنىدۇ.

ئەقلىفۇن(ئەقلى ئىقتىدارلىق تېلېفۇن)لارغا بولۇپمۇ Symbian سىستېمىسىدىكى ئەقلىفۇنلارغا ئۆزىڭىز خالىغان ئۇيغۇرچە فۇنت ياكى باشقا فۇنتلارنى قاچىلاش ياكى ئۆزگەرتىشنى بىلمەي تىڭىرقاپ قالدىڭىزمۇ ؟ ئۇنداقتا بۇ تېمىغا نەزەرىڭزنى ئاغدۇرۇڭ.

ئەقلىفۇنغا فۇنت قاچىلاش ئۈچۈن سىزدە ئىككى شەرت ھازىرلانغان بولىشى كىرەك ، بىرى قاچىلايدىغان فۇنت يەنە بىرى فۇنت قوزغىتىش دىتالى FontRouter . يانفۇن ئۇيغۇرچە فۇنتلىرىدىن ھازىر بار بولغىنى Uyghur-CJK1 فۇنتى،Uyghur Ali فۇنتى،Uyghurphone فۇنتى قاتارلىقلار بار، بۇ فۇنتلارنى ئالاقىدار تور بەتلەردىن تاپالايسىز.فۇنت قوزغىتىش دىتالى FontRouter نى سىز Baidu,Google لارئارقىلىق چۈشۈرەلەيسىز. خوش، بۇ ئىككى شەرتنى ھازىرلاپ بولغان بولسىڭىز ئەمىسە قاچىلاشنى باشلاپ كەتتۇق.

مەن گەرچە بلوگتا Blogbus ئىلانىنى قويۇشنى تۇغرا چۈشەنسەممۇ، لىكىن بلوگۇمنىڭ بەت يۈزىنىڭ ھەر خىل ئىلانلاردىن خالى پاكىز تۇرۇشىنى بەكرەك خالايمەن، شۇڭلاشقا مۇشۇ كەمگىچە بلوگۇمدا ئىلان قويۇپ باقمىدىم. Blogbus نىڭ بۇ ئىلانى بەك چوڭمۇ ئەمەس ھەم بەتكە بەك چوڭ تەسىر يەتكۈزمىسىمۇ ،لېكىن ئۇنى كۆزدىن يوقۇتۇشنى ئويلاپ يۈرەتتىم. باشقا بلوگلاردا بۇنىڭ ھەل قىلىش چارىلىرى سۆزلەنگەن بولسىمۇ، سىناپ باقسام بەزىلىرى ئىشلىمىدى، بەزىلىرىنىڭ كودې بەكلا ئۇزۇن بولغاچقا بلوگنىڭ ئېچىلىش سۈرئىتىگە تەسىر يەتكۈزىدىكەن. شۇنىڭ بىلەن تورنى مالتىلاپ يۈرۈپ ئاخىرى بۇنىڭ ياخشى ھەل قىلىش چارىسىنى تاپتىم .

    بلوگباسنى ئىشلىتىۋاتقان بلوگ ئېگىلىرىگە مەلۇم بولغىنىدەك ، بلوگباس مۇشۇ كەمگىچە بلوگ يازمىلىرىنىڭ ئوقۇلۇش قىتىم سانىنى  كۆرسىتىشنى ئەمەلگە ئاشۇرغىنى يوق، بۇنداق بولغاندا سىز يوللىغان تېمىنى زادى قانچە ئادەم كۆردى بۇنى بىلىش تەسكە توختايدۇ، ئۇنداقتا بۇنى ئەمەلگە ئاشۇرۇشنىڭ ئامالى يوقمۇ ؟ كونىلار «سەۋەب قىلساڭ سىۋەتتىمۇ سۇ توختايدۇ» دەپتىكەن. بۇنىڭ ئامالىمۇ بار . قىنى تۈۋەندىكى ئۇسۇل بويىچە سىزمۇ سىناپ كۆرۈڭ.

    خىلىدىن بىرى بلوگنىڭ يان تەرىپىدە Blogbus نىڭ ئىلانى پەيدا بۇلىۋىلىپ،ئۇنى قانداق يوقىتىشنى بىلەلمەي ئىچىم بەك پۇشقانتى، بەلكىم بلوگباسنى ئىشلىتىۋاتقان خىلى كۆپ بلوگداشلار مەندەك تەسىراتقا كەلگەن بولىشى مۈمكىن. مەن بۇنىڭ ئامالىنى تىپىش ئۈچۈن تورنى مالتىلاپ يۈرۈپ ئاخىرى بۇنىڭ ھەل قىلىش چارىسىنى تاپتىم، سىناپ باقسام مۇۋاپىقىيەتلىك بولدى، باشقا بلوگداشلارنىڭ پايدىلىنىشى ئۈچۈن بۇ يەرگە چىقىرىپ قويدۇم.

     ئاۋۋال بلوگباسنىڭ ئارقا ھويلىسىغا كىرىپ ئۇسلۇب دىگەننى بېسىپ ئۇسلۇب تەھرىرلەش ھالىتىگە كىرىمىز ، ئاندىن ئايرىم- ئايرىم Index ۋە Detail كود بۆلىكىنى ئىچىپ تۈۋەندىكى رەسىمدە كۆرسىتىلگەندەك قىزىل ۋە كۆك رامكا ئىچىگە ئىلىنغان كودلارنى تىپىپ شۇ كودلارنى ئۆچۈرۋەتسىڭىزلا ئىش تامام بولىدۇ.

Blogbus نى ئۇيغۇرچىلاشتۇرۇپ ئىشلىتىۋاتقان بلوگ ئېگىلىرى دىققەت قىلدىمىكىن، مىكرو سوفت شىركىتى يىقىندا Internet Explorer نىڭ  8.0 رەسمىي نەشرىنى ئېلان قىلغانتى، بۇ نەشرىنى ئىشلىتىۋاتقانلار بىر مەسىلىگە دۈچ كەلگەن بولىشى ئىنىق، يەنى ھازىر بىز بارلىق ئۇيغۇرچە تور بېكەتلەردە ئىشلىتىۋاتقان تور يۈزىدە بىۋاستە ئۇيغۇرچە كىرگۈزۈش كودى ctrl+K كونۇپكىسىنى بېسىش ئارقىلىق ئۇيغۇرچە ۋە لاتىنچە يېزىش ھالىتىگە ئالمىشاتتى، ئەمما 8.0Internet Explorer دا بولسا، مۇشۇ كونۇپكا بىلەن ئېچىلغان بەتنى بەت يۈزىدە يەنە بىر نۈۋەت ئاچىدىغان قىلىپ لاھىيەلىگەن بولغاچقا ،بلوگتا ئىنكاس يوللىغاندا ctrl+K بېسىپ لاتىنچىگە ئالماشتۇرغىلى بولماي خەت كىرگۈزۈشكە ئامالسىز قالدىغان ئەھۋال يۈز بەرمەكتە.

    نۈۋەتتە QQ بىلىپ بىلمەي ۋەتەن ئىچىدىكى ئۇيغۇرلارنىڭ توردىكى ئەڭ چوڭ پاراڭلىشىش قورالى بولۇپ قالدى ، بەلكىم ھەممىز QQ نى ئىشلەتكەن ياكى ئىشلىتىۋاتقان بولىشىمىز مۈمكىن.
    تىڭشۈن شىركىتى QQ2008 نەشرىنى ئىلان قىلىپ، ئارقىدىنلا QQ2009 نىڭ سىناق نەشرىنى ئىلان قىلغانلىقىدىن، بەلكىم خەۋىرىڭىز بولسا كىرەك . بەلكىم سىناق نەشرىنىمۇ چۈشۈرۈپ ، سىناپ باققان بولىشىڭىز مۈمكىن ، QQ2009 دىكى ئەڭ چوڭ يېڭىلىق ئۇنىڭ خەلقئاراغا يۈزلىنىپ يۇنىكود ئۆلچىمىنى ئىشلەتكەنلىگىدە بولسا كىرەك . بۇ بىز ئۇيغۇرلارنىڭ QQ دا ئۆز ئانا يېزىقىمىزدا پاراڭلىشىقا شارائىت يارىتىپ بەردى ، لىكىنQQ2009 ئۇيغۇر يېزىقىنى تەل تۈكۈس قوللايدۇ دىگىلى بولمايدۇ، چۈنكى QQ2009 سىناق نەشرىدە تىخى ئۇيغۇر يېزىقىغا ئوخشاش ئوڭدىن سولغا يېزىلدىغان يېزىقلار ئۈچۈن ئوڭدىن باشلاپ يېزىش شەكلى ئىشلىتىلمىگەن بولغاچقا ، ئۇيغۇرچە خەت يېزىپ يوللىغاندا ئاسانلا خەت شەكلى بۇزۇلۇپ كىتىش ئەھۋالى يۈز بىرىپ نورمال ئىشلىتىشكە تەسىر يەتكۈزىۋاتىدۇ .
    نۈۋەتتە تىڭشۈن شىركىتى ئۆز مۇنبىرىدە QQ2009 ئۈچۈن تەكلىپ - پىكىر يىغىۋاتىدۇ . ئۇيغۇر يېزىقىمىزنىڭ كەلگۈسىدە ئىلان قىلىندىغان QQ2009 نىڭ رەسمىي نەشىرىدە تولۇق قوللاشنى ئەمەلگە ئاشۇرۇش ئۈچۈن ، سىزنىڭمۇ بۇ تۇغرىسىدا پىكىر - تەكلىب بىرىشىڭىزنى ئۈمىد قىلىمەن .
مەن ئازراق بولسىمۇ تەكلىب بېرىپ قويدۇم، خەنزۇچە سەۋىيەم ياخشى بولمىغاچقا دىمەكچى مەقسىدىمنى ئىنىق ئىپادىلەپ بىرەلمىگەن بولىشىم مۈمكىن . تۈۋەندىكى ئۇلىنىشتىن كۆرۈڭ.
http://support.qq.com/cgi-bin/beta1/content?tid=913883&start=0&num=20&order=0#addpage

  QQدا قاچانغىچە ئانا يېزىقىمىزدا پاراڭلاشمايمىز؟ QQ2009 Preview نەشرىنى ئىشلىتىڭ

قىزىق ئىشقۇ بۇ،ھازىر تېخى 2008 – يىلى تۇرسا، قانداقسىگە QQ2009 Preview نەشرى بولىدۇ؟ كۆرمىسىڭىز بىلمەيسىز، كۆرسىڭىز ئاندىن بىلىسز.

تىڭشۈن شىركىتى TM2008 نىڭ 4-سىناق نۇسخىسىنى ئىلان قىلغاندىن كېيىن، توردا QQ2009 Preview نەشرى پەيدا بولدى. QQ2009 Preview نەشرى QQ2008  نەشرىدىن كېيىن ئىلان قىلىنغان تېخنىكىلىق سىناق نەشرى بولۇپ ، پەقەت قىسمەن ئابۇنتلار ۋە ئىچكى قىسىمدا سىناشقىلا تەمىنلىگەن بولغاچقا ، كۆپ قىسىم ئىشلەتكۈچىلەر ئىشلىتىشكە مۇيەسسەر بولالمىغانتى . QQ2009 Preview نىڭ ئۇيغۇرلار ئۈچۈن ئەڭ چوڭ ئارتوقچىلىقى، ئۇنىڭ يۇنىكود ئۆلچىمىدە بولۇپ ئۇيغۇر ئەرەب يېزىقىنى تەل – تۈكۈس قوللىغانلىقى بولۇپ ھىساپلىنىدۇ ، گەرچە QQ2009 Preview دا ئوڭدىن سولغا يېزىلدىغان يېزىقلار ئۈچۈن ئوڭدىن باشلاش كونۇپكىسى بىلەن ۋاقتىنچە تەمىنلەنمىگەن بولسىمۇ، لېكىن ئوت يۈرەك تورداشلارنىڭ تىڭشۈن شىركىتىگە كۆپلەپ تەكلىب بىرىشى نەتىجىسىدە بۇ ئەھۋال QQ2009 رەسمىي نەشىرىدە قوللانغۇسى .

    بلوگۇڭىزدا ئۇشبۇ بلوگتەك ھاۋارايى بۆلىكىنى قوشماقچى بولسىڭىز ، http://www.blogweather.net/signup.aspx نى بېسىپ تېزىملاتسىڭىز بلوگىڭىزنىڭ ئۇسلۇبىغا ماس كېلىدىغان ، بلوگ زىيارەتچىسىنىڭ IP ئاددىرىسىغا ئاساسەن شۇ كېشى تۇرۇشلۇق شەھەرنىڭ بۈگۈن ۋە ئەتە ئىككى كۈنلۈك ھاۋارايى مەلۇماتىنى كۆرسىتىپ بېرىدىغان بلوگ ھاۋارايى كودىغا ئېگە بولىسىز . ئەگەر بۇ مەشغولاتلارنى قىلىشنى ئاۋارچىلىق كۆرسىڭىز، ھىچقىسى يوق ، ئەمىسە مەن تەييار ئېلىپ قويغان ھارايى كودىنى ئىشلىتىڭ يەنى بۇ كود : بۇنى بلوگۇڭىزنىڭ باشقۇرۇش ئورنىدىن HTML كودىنى قىستۇرۇش بۆلىكىگە قىستۇرۇپ ئۇنى ئىجرا قىلىۋەتسىڭىزلا بولىدۇ. قىنى سىزمۇ سىناپ بىقىڭ .