تائاملارنى ئۇيغۇرچە ئاتايلى

mgwJut

ئىجتىمائى ، ئىقتىسادى ئالاقە ئىشلىرىنىڭ ئۆزلۈكسىز قۇيۇقلىشىشىغا ئەگىشىپ ئۇيغۇرلار قېرىنداش مىللەتلەردىن نۇرغۇن يېڭى شەيئىلەرنى قوبۇل قىلىپ ۋە ئۆزلەشتۈرۈپ ئۆز تۇرمۇشىنى بېيىتىپ كەلدى ، لېكىن ئىپادىلەش كۈچى ئىنتايىن مول دەپ ماختىنىپ كىلىۋاتقان ئۇيغۇر تىلىمىزدا بۇ تائامالارنى ئاتىغىدەك سۆزلۈك چىقىمىدىمۇ ياكى بىزنىڭ تىل سەۋىيىمىز تۆۋەنلەپ كەتتىمۇ ۋە ياكى ئۆزىمىزنىڭ خەنزۇ تىلى سەۋىيىمىزنىڭ يۇقۇرىلىقىنى نامايان قىلىش سەۋەبىدىنمۇ بۇ تائاملار ئۇيغۇر تىلىدا مۇۋاپىق نامغا ئېرىشەلمەيۋاتىدۇ .بىر قانچە يىللىق تەرجىمانلىق ئەمەلىيتىم ۋە تۇرمۇش تەجرىبەمگە ئاساسەن بىر قانچە خىل تائاملارنىڭ ئۆلچەملىك ئۇيغۇرچە نامىنى رەتلەپ چىقتىم ، كۆپچىلىكنىڭ قىممەتلىك تەكلىپلىرىنى بىرىشىنى ئۈمۈد قىلىمەن.
ھازىرقى ئاتىلىشى                        ئۆلچەملىك نامى  

راڭپىزا                                           خېمىر ياپراقچىسى
لەڭپۇ                                             لىغىلدىما
مىيەنجاڭ كاۋىپى                             خېمىرلاق  كاۋىپى   
نىيۇجۇمىيەن                                  پەيسىمان چۆپ
سوزىمەن                                       قورۇمىلىق ئۈگرە
سومەن                                          قورۇما چۆپ
مىپەن                                           گۈرۈج ئاش
چاۋمىفىن                                     گۈرۈچ لەغمىنى
پىنتاڭ                                         شورپىلىق ماش ئۈگرىسى
دۇفۇ                                            ماش ئۇيۇتمىسى
مالافېن                                        ئاچچق - چۈچۈك ماش ئۈگرىسى
مالاچۈەر                                      ئاچچىق - چۈچۈك كاۋاپلار
دەپەنجى                                     چوڭ تەخسىلىك توخۇ قوردىقى
لازىجى                                       توخۇ مۇچ قورۇمىسى
خۇڭشاۋ چىيېزى                          قىزارتىپ قورۇلغان پىدىگەن
خۇڭشاۋيۈ                                  قىزارتىپ قورۇلغان بېلىق

قالغانلىرى ئىنكاش شەكلىدى يوللىنىدۇ .

parasat

تىرىشچانلىقىڭېزغا ئاپىرىن.

sadiryurti

بەزى تاماق ناملىرىنى تىخىمۇ قىسقارتقىلى بولسا تىخىمۇ ياخشى بولاتتىكەن،چۈنكى ئاتالغۇلار ئاتاشقا قانچە ئەپلىك بولغانسىرى تىلغا شۇنچە ئاسان ئۆزلىشىدۇ ئەمەسمۇ.

ھون

بەك خاسىيەتلىك ئىشنى ۋۇجۇدقا چىقىرىپسىز، تىرىشچانلىقىڭىزغا بارىكاللا، قېرىندىشىم! تىلىمىزنى بۇزغانلارغا مېنىڭمۇ بەك ئاچچىقىم كېلەتتى ھەم ئىچىم پۇشاتتى. بولۇپمۇ ئاشپەزلىرىمىزدە بۇنداق ئىللەتلەر بەك كۆپ.

danaay

بەك ياخشى تېما يوللاپسىز،مەن راڭپىزىنڭ ئاناتىلىمىزدا قانداق  ئاتىلىشىنى ئويلىنىۈاتاتتىم.

123uy

جۇۋاۋا           تۈگرە

ئاۋات، كۇچا، توقسۇ، ئاقسۇلاردا ئىتىلىدىغان تاڭمىيەننى نىمە دىسەك بۇلا؟

nawa717

لەڭپۇنى  بىزنىڭ قەشقەردە لىغىرداق دەپ ئاتىشىۋاتىدىغۇ؟

oguzhan

   مۇشۇ  ئاشخانىدىكىلەر  بىلەن  مەن  تولا  بىر  نەرسە  دىيىشىپ  قالىمەن  ،   بىر  قىسىم  قورمىلارنى  باشقىچە  ئاتىسىمۇ  مەيلى ،  ئەمدى  مۇشۇ  ئەلمىساقتىن  تارتىپ  ئۆزىمىز  ئىجات  قىلىپ  ياكى  يەپ  كېلىۋاتقان  تائاملىرىمىزنى  بولسىمۇ  ئۇيغۇرچە  ئاتىساق  دەيمەن  .   نەچچە  قېتىم  ئاشپەز  ياكى  مۇلازىملار  بىلەن  مۇشۇ   سۇپولو  دىگەن  گەپ  توغۇرلۇق  دىيىشىپ  قالدىم  .

____  ئۇستام  ماڭا  گۆش  پولودىن  بىرنى  .
____  گۆش  تۈگىدى  ،  سۇپولو  بار  .
____  نىمە دىدىڭىز  سۇپولو  دىگەن  قانداق  پولو  ؟
____  گوشى  يوق  پولو  .
____   ھە  مۇنداق  دەڭ  گوشسىز  پولو  دىسىڭىزلا  بولمىدىمۇ .  
____   سەن  پولو  يەمسەن  يىمەمسەن  ؟ ........   ئاخىرىدا  تالاش  تارتىش  شۇ  .......

    بۇنداق  مىساللار  بەك  كۆپ  .     كومپىيۇتورنى  بىز  ئىجات  قىلمىغان  بولساقمۇ  كومپىيۇتور  بىلەن  شۇغۇللىنىدىغان  بالىلار  كومپىيۇتورنىڭ  ھەممە  زاپچاس ،  قاتتىق دېتاللىرى  ۋە  يۇمشاق  دېتاللىرىغا  ئۇيغۇرچە  ئىسىملارنى  قويۇپ  ئىشلەتتى  .   ئەمما  بىزنىڭ  بۇ  ئاشپەزلەر   ئەسلىدە  بار  بولغان  ئىسىملىرىمىزنىمۇ  يوقۇتۇۋاتماقتا  ،  مۇشۇنۇڭدىنلا  بەزى  ئىشلارنى  ھىس  قىلغىلى  بولىدىكەن  .