ﻛﻪﻟﮕﯜﺳﯩﻨﯩﯔ ﺋﻪﻧﺪﯨﺸﯩﺴﻰ: ﭘﺎرﻗﯩﺮاق ﻣﻪﻛﺘﻪپ ۋە ﺋﯚﺳﯜﻣﻠﯜك ﺋﺎدەم

aghyar

ھەقىقەتەن ياخشى تېما بولۇپتۇ. راس گەپنى قىلسام دوستلار مەنمۇ ئەپلەپ سەپلەپ كۈن ئۆتكۈزۋاتىمەن.مەنمۇ بىر ئوقوتقۇچى ‹‹ئالاھېدە ئورۇن››ئېمتىھانىغا قاتنىشىپ ئۆتكەن.مەن ئىشلەۋاتقان كەنىتتە سالار مىللىتى ئاساسى سالماقنى ئېگەللەيدۇ.مەن ئېمتىھان بېرىشتىن بۇرۇن تىزىملكتە 6 نەپەر ئۇيغۇر قۇبۇل قىلىنىدۇ دەپ يېزىقلىق ئىكەن.مەن بولمىدى دېگەندە قوش تىل مەكتىپى ئوخشايدۇ دەپ ئويلاپتىكەنمەن.ئەپسۇس،نەدىكى پۇتۇنلەي خەنچە ئۆتىلىدىكەن.ئۆزۈم 11 يىل ئانا تىلدا ئوقىغان ئالى مەكتەپنى ‹‹خ س ك››6-دەرىجە ئېلىپ ئاران پۈتتۈرگەن.لىكىن يەنە ئۇنى- بۇنى قىلىپ ئۆتۈپ كېتىۋتىمەن.

YOK

بىر جۈپ ئاتا-ئانا ئىككى-ئۈچ بالىسىنى بېقىپ بولالماي، ئاغزىدىن سۈت تېمىپ تۇرغان بالىسىنى يەسلىگە ئاپىرىپ بەرسە، (يېزىدىكى دېھقانلاردىمۇ بۇ ئىشلار بەك ئەۋج ئالغىلى تۇردى دىسە!) بىر ئوقۇتقۇچى 40-50 ئوقۇغۇچىنى قانداقمۇ ياخشى تەربىيەلەپ بولالىسۇن. مەن مەكتەپتە ئوقۇتقۇچۇمنى خاپا قىلىپ تاياق يەپ ئۆيگە قېچىپ كەلسەم، دادام كالتەك بىلەن تازا سېلىپ مېنى مەكتەپكە ئاپىرىپ بېرىپتى. شۇنىڭ بىلەن ئوقۇپ ئوقۇتقۇچى بولدۇم. ئەمما ھازىرقى ئوقۇغۇچىلارغا قاتتىقراق ۋارقىراپ قويسام، ئاتا-ئانىسى كېلىپ مېنى تاس قالىدۇ ئۇرۇپ كەتكىلى. شۇنداق تۇرسا قانداقمۇ بالىلارغا بارلىقىمىزنى بېغىشلىغىلى بولىدۇ دەيسىلەر.  سىنىپمۇ بىر ئائىلە، ئائىلە دىگەندە ئۇنداق-مۇنداق زىددىيەتلەر بولمامدۇ دەيمەن. بىر ياقتىن ئاتا-ئانىلار، بىر ياقتىن مەكتەپتىكى ئەمەلنى پۇلغا سېتىۋالغان ئەمەلدارلارنىڭ بېسىمى، يەنە بىر ياقتىن ئائىلىمىزنىڭ تۈرلۈك بېسىملىرى.... ئاستىدا قانداقمۇ ئوقۇتقۇچىلىقنى ياخشى قىلغىلى بولسۇن!!! مەكتەپلىرىمىز تۈرمىدىن پەرقى قالمايۋاتسا، بىزلەر گۈندىپايلىقتىن زېرىكمەي نېمە بولماقچى!!!

abdulla350

تەشەككۈر!!!!

5sawr5

مەكتەپلەردە ئوقۇتۇشنىڭ موھىم بولماي ، بەلكى مەنىۋىي -مەدەنىيەت ،سىياسى خىزمەتلەرنىڭ موھىم بولىۋاتقانلىقىغا خېلى يىللار بولغان بولسىمۇ ،لىكىن بۇنىڭغا ھېچقايسىمىز ئېتىبار قىلماي كەلگەن ئىدۇق ،ھالا بۈگۈنگە كەلگەندە بولسا يۇقىردىن كەلگەنلەرنىڭ ئېغىزدىن ئوقۇ -ئوقۇتۇشنىڭ قانداقلىقىنى سوراپ قويۇشنىمۇ ئاڭلىغىلى بولمايدىغان ،ئوقۇتۇش چەتتە قېلىپ ،مەكتەپ مەكتەپكە ئوخشماي قالىدىغان ئەھۋال شەكىللەندى ،ئوقۇتقۇچىنىڭ ۋەزىپىسى شۇ قەدەر كۆپكى بۇنى سانىساق بۇلارنىڭ ئىچىدە ئوقۇتۇش كۆرۈنمەي قالىدۇ .بۇنىڭغا ياخشىراق چارە قىلمىساق ،ئۆزىمىزنىڭ كەلگۈسىنى ئۆزىمىز بىتجىت قىلغان بولىمىز .
  بۇ تىما ناھايىتى ئەمەلىي تەسىر كۈچى بار تىما بوپتۇ ،تىما ئىگىسىگە تەشەككۇر .

wahxi

ياش ئوقۇتقۇچىلار جانلىق، ئۈمىدۋار، بىلىم-سەۋىيىسىمۇ يۇقىرى كېلىدۇ. شۇڭا ئۇلار ئۈمىدۋارلىق بىلەن بېرىلىپ ئىشلەيدۇ. لىكىن قانچىلىق ۋاقت شۇنداق ئىشلىيەلەيدۇ؟ مەكتەپتىكى ئوقۇتقۇچىلارنىڭ خىزمىتىنى باھالاشتا ئادىللىق بولمىسا، ئوقوغۇچىغا ياخشى بولسۇن دەپ سەل قاتتىقراق تەربىيە قىلىپ قويسا ئائىلە باشلىقى كېلىپ ئۇنىڭ ياقىسىغا ئېسىلسا، ئوقۇتۇش خىزمىتىگە، بالىلارنى يېتەكلەشكە بەكرەك بېرىلىپ كېتىپ، مەكتەپ تاپشۇرغان تۈرلۈك قوشۇمچە ئىشلارغا ئازراق تەسىر يېتىپ قالسا، پالانچى بىز تاپشۇرغان ئىشنى ۋاقتىدا قىلمىغان، جەدۋەلنى، ماتېرىيالنى، تەسىراتنى،.....ۋاقتىدا تاپشۇرمىغان دېگەندەك باھانىلەر بىلەن ئەدىپىنى بەرسە، ئاشۇ ئۈمىدۋار ياش ئوقۇتقۇچىلارمۇ ۋاقتنىڭ ئۆتۈشى بىلەن قىزغىنلىقى سۇسلىشىپ، ئۆگەنگەنلىرىنىمۇ ئاستا-ئاستا ئۇنتۇپ، ئاكتىپچانلىقى يوقاپ كېتەرمىكىن؟

orkex

wahxi يوللىغان ۋاقتى  2013-10-2 23:30
ياش ئوقۇتقۇچىلار جانلىق، ئۈمىدۋار، بىلىم-سەۋىيىسىمۇ ي ...

ھازىر ياش ئوقۇتقۇچىلار سىز دىگەندەكلا بولۇۋاتىدۇ .

sawr120

بەدىنىمىزدە بىر پارچە گۆش بار.ئۇ تۈزەلسە پۈتۈن ھەممە تۈزۈلىدۇ.ئۇ بولسىمۇ قەلىب.
گۈزەل قەلىب بىلەن قىلغان ئەمەللەر بىلەن جەننەتكە كىرەلەيمىز...مۇسۇلمان بىلەن كافىرنى ئايرىيدىغان نەرسە‹ئىلىم بىلەن ھەرىكەت›.

iltebir107

مۇشۇنداق ئەملىي ئىشلارنى دەلىلەر بىلەن ئېچىپ بېرىدىغان  ئوقۇتقۇچى ۋە تەتقىقاتچىلار كۆپلەپ چىقسا ،مائارىپىمىزدىكى قۇرۇق سەپسەتىگە ئايلانغان ئىسلاھ قىلىش شۇئارلىرى ھەقىقى مەندىكى ئەكسىنى تاپامدىكىن دەپ ئويلايمەن.مېنىڭچە ھازىر ئوقۇتقۇچىلارنىڭ دۈچ كەلگەن خىزمەت بېسىمى تۆۋەن ئەمەس.ئۈرۈمچىدەك چوڭ شەھەرلەردە يەرلىككە  ئوخشاش كۆپ قۇشۇمچە ئىشلار بولمىسىمۇ ،كۈنسايىن كۆپىيىۋاتقان ئوقۇغۇچىلار سانى ،ئوقۇتقۇچىلارغا ئاز بولمىغان خىزمەت بېسىمى يۈكلىدى.ئۈرۈمچى شەھىرى تەڭرىتاغ رايۇنىدىكى ئۇيغۇر سىنىپلارغا قارايدىغان بولساق 60~70دىن ئوقۇغۇچى بىر ئوقۇتقۇچىغا ئىككى سىنىپ،ئاپئاق بالىلارغا بىر نەرسە چۈشەندۈرۈش ئۇياقتا تۇرسۇن ئىنتىزامىنى تەشكىللەشمۇ خېلى قول تۇتىدىغان  ئىش.دەرس پىلانىمىز تەلەپكە يەتمىسە تېخى.نەتىجە چىقمىسا تېخى.ئوقۇتقۇچىلارنىڭ جىنى تۆمۈر ئەمەستە؟!تېخى باشلانغۇچ تۆۋەن يىللىق تاپشۇرۇق بېرىلمەيدۇ دەپ ئوختۇرۇش چىققان بولسىمۇ ،يۇقىردىن ۋە مەكتەپتىن تاپشۇرۇق سۈرۈشتىسىنى قىلىدۇ.نېمە دىگەن بىر-بىرىگە زىت گەپلەر-ھە!