شۆھرەت مۇتەللىپ نەق مەيدان دوكلاتى (فىلىم)
ئەسسالامۇ ئەلەيكۇم قېرىنداشلار:
دۇنياغا مەشھۇر بىئولوگىيە ئالىمىمىز دوكتۇر شۆھرەت مۇتەللىپ 2013-يىلى كۆپلىگەن خەلىقئارادىكى ئەڭ نوپۇزلۇق ئىلمىي ۋە ئاممىباپ مەتبۇئاتلار تەرىپىدىن «دۇنيادىكى تەسىرى ئەڭ زور 10 مۇنەۋۋەر ئالىم» نىڭ بىرى بولۇپ باھالىنىپ ئۇيغۇرنىڭ يۈزىنى يورۇق قىلغان، ئۇيغۇرلارنىڭ ئىنسانىيەت ئىلىم-پەن خەزىنىسىگە زور تۆھپىلەرنى قوشۇپ ياشاۋاتقان بىر توپ ئىكەنلىكىنى ھەقىقىي ئىسپاتلاپ بىزنى چەكسىز ئىپتىخارلىق، پەخىرلىنىش تۇيغۇسىغا چۆمدۈرگەن ئىدى. تۆۋەندىكىسى ئۇ ئۆزىنىڭ قىلىۋاتقان تەتقىقاتلىرىنى ئاددى تونۇشتۇرۇپ سۆزلىگەن ئىلمىي دوكلاتىنىڭ نەق مەيدان فىلىمى بولۇپ، سىلەر بىلەن ھەمبەھىرلىمەي تۇرالمىدىم. بۇ دوكلاتنىڭ ئىلمىيلىكى ۋە كەسىپچانلىقى ناھايتى يۇقىرى بولغانلىقى تۈپەيلى ئەسلى ئېنگىلىز تىلىدا سۆزلەنگەن بولۇپ، مەن ئۆتكەن يىل 12-ئايدا مەخسۇس مۇشۇ دوكلاتنى ئاممىباپ تىلدا ئۇيغۇرچىغا تەرجىمە قىلىپ ئۇيغۇر جامائىتىنىڭ ھوزۇرىغا سۇنغان ئىدىم. فىلىمدىكى چۈشەنمىگەن مەزمۇنلار بولسا تۆۋەندىكى يازمىنى ئوقۇساڭلار ياردىمى بولۇشى مۇمكىن.
./thread-21479-1-1.html
ئەمدى ئىلمىي دوكلات نەق مەيدان فىلىمىنىڭ ئۇيغۇرچە خەت كىرىشتۈرۈلگەن نۇسخىسىنى بىر كۆرۈپ بىقىشىڭلارنى كۈچلۈك تەۋسىيە قىلىمەن. بۇ دوكلات ئۇيغۇر ئالىملار سۆزلىگەن دوكلاتلار ئىچىدە ئىلمىيلىكى ئەڭ يۇقىرى، ئەمما چۈشىنىشلىك ۋە تەرتىپلىك ئۇسۇلدا سۆزلەنگەن ئۈلگىلىك بىر ئىلمىي دوكلات بولۇپ، بۇ فىلىمنى كۆرۈپ بولۇش ئۈچۈن كەتكەن 25 مېنۇت ۋاقتىڭىز دەل جايىغا سەرىپ قىلىنغان ۋاقىت بولىدىغانلىقىغا ئىشەنچىم كامىل. ياخشى نەرسىنى كۆپ ماختىمىساقمۇ ئۆزىدىن مەلۇم، قېنى بۇ ئېسل دوكلاتقا مەرھەممەت قىلىڭ:
فىلىم مەنبەسى: http://v.youku.com/v_show/id_XNjY2MjM0Mjky.html
ئەسكەرتىش: ئىلمىي دوكلات مەزمۇنىغا بىۋاستە مۇناسىۋەتلىك سۇئاللار بولسا ئوتتۇرىغا قويساڭلار، مەن ۋاقىت چىقىرىپ كۈچۈم يىتىشىچە جاۋاپ بىرىشكە تېرىشىمەن. مەنبەسىنى ئەسكەرتكەن ھالدا خالىغانچە تارقىتىپ قويۇشۇڭلارنى قارشى ئالىمەن. رەھمەت!
سالام بىلەن،
بىلگەجان
2014-يىلى قەھرىتاننىڭ 29-كۈنى (سان ئانتونىيو، ئامېرىكا)
| 
يوللىغان ۋاقتى 2014-1-30 08:09:22
