مەسلىھەت بەرسەڭلار: ئالىي مەكتەپ ئىمتىھانىدا نېمىلەرگە دېققەت قى....

Sayaq

      ئەسسالامۇ ئەلەيكۇم ھۆرمەتلىك باغداش ئەھلى، كەمنىە ئىنىڭلارنىڭ سالىمىنى قوبۇل قىلغايسىلەر.
      مەن بۇيىل ئالىي مەكتەپ ئىمتىھانىغا قاتنىشاتتىم، بىراق بۇ جەرياندا ( مەيلى ئىمتىھان بېرىش جەريانىدا بولسۇن، ياكى ئېمتىھاننىڭ ئالدى كەينىدە بولسۇن ) قانداق ئىنچىكە ھالقىلارغا دېققەت قىلىشىم كېرەك؟ بۇھەقتە يېتەرلىك ئىدىيە تەييارلىقىم يوقكەن. شۇ ۋەجىدىن « كۆپنىڭ كۆزى كۆپ بولۇر» دەپ ھەرقايسىڭلارنى مالال قىلىپ ئولتۇرۇپتىمەن.
ئاراڭلاردا بەلكىم ئىمتھانغا قاتنىشىپ ھەرخىل تەجىربە-ساۋاقلارغا ئىگە بولغانلار ئاز ئەمەس. شۇڭا مەيلى كەيپىيات تەڭشەش ئۇسۇلى بولسۇن، ياكى باشقا جەھەتلەردىن بولسۇن تەجىربە ساۋىقىڭلارنى، تەكلىپ-تەۋسىيەڭلارنى ئايىماي ئوتتۇرىغا تاشلىغان بولساڭلار. بەلكىم مەنلا ئەمەس، ماڭا ئوخشاش نۇرغۇن قارا كۆزلەرمۇ نەپكە ئېرىشسەك ئەجەپ ئەمەس.
     ھە راس ئاڭلىسام جاۋاب قەغىزىنىنىڭ تېگىگە قويۇپ يازغان جاۋابنى نۇسخىلىۋالغىلى بولىدىغان تەگلىك چىقىپتۇدەك، بۇنى ئىشلىتىش ئىمتىھان قائىدىسىگە ئۇيغۇنمۇ؟ نازارەتچىلەر يىغىۋالسا يوللۇقمۇ؟
     ئىمتىھانغا مۇناسىۋەتلىك ئەڭ يېڭى ئۇچۇرلار بولسىمۇ بولىدۇ، ياردىمىڭلارنى ئايىمىغان بولساڭلار، رەھمەت قېرىنداشلار.

rushangull

مەن كەيپىيات جەھەتتىن سۆزلەي ھە ، ئىمتاھاننىڭ ئالدى كەينىدە كۆڭلىڭىزنى ئازادە تۇتۇڭ ،ئەڭ ياقتۇرۇپ قىلىدىغان ئىشىڭىزنى قىلىڭ ، مەسىلەن ئويۇن ئويناش،ناخشا ئېيتىش دېگەندەك ئۆزىڭىزنى بەك يېنىك ھېس قىلدۇرىدىغان ئىشلار بىلەن مەشغۇل بولسىڭىز بولدى .  سىزگە ئامەت تىلەيمەن

uyghurizlari

  ئالىي مەكتەپ ئىمتىھانى ئېلىمىز مائارىپىدىكى كۆلىمى ئەڭ چوڭ، تەسىرى ئەڭ زور بولغان ئىمتىھان، بۇ ئىمتىھانغا جەمئىيەتتىكى ھەر ساھەلەر، بولۇپمۇ ئاتا-ئانا، مەكتەپ ۋە ئوقۇتقۇچىلار يۈكسەك ئېتىبار بىلەن قارايدۇ. ئىمتىھان ۋاقتى يىقىنلىغانسىرى مەكتەپلەر پۈتۈن كۈچى بىلەن تەكرارنى كۈچەيتىدۇ، ئاتا-ئانىلار بالىلىرىنىڭ ئوزۇقلىنىشى، ئۆگىنىشى ۋە ئىمتىھاندىن كېيىنكى ئىشلىرىغىچە كۆڭۈل بۆلۈپ جىددىيلىشىدۇ. بۇ چاغدا ئوقۇغۇچىلاردا چۈشكۈنلىشىش، تەشۋىشلىنىش، زېرىكىشتەك بىر قاتار مۇرەككەپ پىسخكىلىق مەسىلىلەر كۆرۈلىدۇ. شۇڭا ئالىي مەكتەپ ئىمتىھانى يېقىنلاپ قالغان مەزگىلدە، ئوقۇتقۇچىلار، ئاتا-ئانىلار ئوقۇغۇچىلارنىڭ پىسىخىكىغا تۇراقلىقىغا ئالاھىدە ئەھمىيەت بېرىشى كېرەك.
   دۆلىتىمىزدە ئاتا-ئانىلارنى ئالىي مەكتەپ ئىمتىھانىغا ياندىن قاتناشقۇچى دېيىشكە بولىدۇ. چۈنكى، كۆپىنچە ئاتا-ئانا پەرزەنتنىڭ كەلگۈسىنى پۈتۈنلەي ئالىي مەكتەپ ئىمتىھانىغا باغلايدۇ ۋە ئۇنى ھەممىدىن ئۈستۈن ئورۇنغا قويىدۇ. ئالىي مەكتەپ ئىمتىھانىنىڭ مۇھىملىقى ھەقىقەت، ئەمما زىيادە كۆڭۈل بۆلۈش ئوقۇغۇچىلارغا  روھىي بېسىم ئېلىپ كېلىدۇ. ئاتا-ئانىلار بۇ مەسىلىگە سەگەكلىك بىلەن مۇئامىلە قىلىپ، پەرزەنتلىرىنىڭ ھەر بىر ئىشىغا «ئارىلىشىۋېلىش»تىن، ئۆگىنىشنى، تەكرار قىلىشنى تەكىتلەشتىن، ئۇلارنىڭ ئوزۇقلۇقىغا كۆڭۈل بۆلدۈم، دەپ ئەكسىچە ئۈنۈمگە ئېرىشىپ قېلىشتىن ئېھتىيات قىلىشى زۆرۈر. ئىمتىھان يېقىنلاشقانسېرى ئاتا-ئانىلارمۇ  بالىنىڭ ئۆگىنىشى، ئوزۇقلىنىشى، تۇرمۇشىدىكى ھەر بىر ئىنچىكە ھالقىلارغا قەدەر ناھايىتى كۆڭۈل بۆلۈپ كېتىدۇ-دە، بالىنىڭ پسىخىكىلىق بېسىمنى ئېغىرلاشتۇرۇپ روھىي جەھەتتىن چارچىتىۋېتىدۇ. مۇھىمى ئاتا-ئانىلار بالىسى بىلەن سەمىمىي پىكىر ئالماشتۇرۇپ،  «بۇ ھاياتىڭدىكى بەك مۇھىم پەيت، پۈتۈن كۈچۈڭنى ئىشقا سال، ئائىلىمىزنىڭ پۈتۈن ئۈمىدى سەندە، بىزنى ئۈمىدسىزلەندۈرمە، بۇ ئۆمۈرلۈك ھاياتىڭنى بەلگىلەيدۇ» دېگەندەك سۆزلەرنى قىلىشتىن ساقلىنىش لازىم. ئەكسىچە  بالىدا ئىشەنچ تۇرغۇزۇپ ئۇلارنىڭ روھىي كەيپىياتىنى تۇراقلاشتۇرۇش كېرەك. مەكتەپلەرمۇ  ئوقۇغۇچىلارنىڭ روھىنى كۆتۈرۈش، ئۇلارغا ئىلھام بېرەلەيدىغان تۈرلۈك پائالىيەت، لىكسىيەلەرنى ئورۇنلاشتۇرۇش، ئۇلارنىڭ قىسقا ۋاقىت ئىچىدىكى ئۈنۈملۈك ئۆگىنىشىگە كۈچىنىڭ بارىچە يېتەكچىلىك قىلىشقا ئەھمىيەت بېرىپ، ئوزۇقشۇناس ۋە سەھىيە خادىملىرىنى تەكلىپ قىلىپ، ئۇلارنىڭ ساغلاملىق جەھەتتىكى كۈتۈنۈشىگە ئائىت بىلىملەرنى يەتكۈزۈشنى ئۇنۇتماسلىقى كېرەك.
  ئوقۇغۇچىلار ئىمتىھانغا بىۋاسىتە قاتناشقۇچى. ئالىي مەكتەپ ئىمتىھانىغا بىر ئاي قالغاندا ئۇلار ئۈچۈن ئەڭ مۇھىمى ياخشى بولغان روھىي ھالەت.  جىددىي تۇرمۇش رىتىمى ۋە قاتمۇ-قات تەكرار ئوقۇغۇچىلارنى ھالسىرىتىپ، روھىي بېسىمىنى ئاشۇرۋېتىدۇ. شۇڭا، ئوقۇغۇچىلارمۇ بۇ بىر ئايدىكى كۈندىلىك ھەرىكىتىنى قايتىدىن پىلانلاش، مۇۋاپىق ھالدىكى چېنىقىش، تەبىئەت مەزىرىلىرىدىن ھوزۇرلانغاچ پىيادە مېڭىپ نىرۋىنى ئارام ئالغۇزۇش، يېنىك جۇشقۇن مۇزىكىلارنى ئاڭلاش، ئۆزى ياخشى كۆرىدىغان تەنھەرىكەت تۈرلىرى بىلەن شۇغۇللىنىشنى ئۇنۇتمىغىنى تۈزۈك.
   ئامېرىكا خارۋارد ئۇنىۋېرسىتېتى پسىخىكا مۇتەخەسسىسى ۋېليام جامۇسنىڭ تەتقىقاتىدىن مەلۇم بولۇشىچە: ئىلھاملاندۇرۇلمىغان ئوقۇغۇچى ئىقتىدارىنى %20- ٪30كېچە جارىي قىلدۇرالايدىغانلىقىنى، ئىلھاملاندۇرۇلغان ئوقۇغۇچىنىڭ ئىقتىدارىنى % 80- ٪90كېچە جارى قىلدۇرالايدىكەن. ئوخشاش بىر ئوقۇغۇچى ئىلھاملاندۇرۇلغاندىن كېيىن، جارى قىلدۇرىدىغان ئىقتىدارىنىڭ ئىلھاملاندۇرۇشتىن بۇرۇنقىدىن 3 ھەسسىدىن 4 ھەسسىگىچە يۇقىرى بولىدىكەن.
  ئەمەلىيەتتە، ھەرىكەت قىلىش، مۇزىكا ئاڭلاش، پاراڭلىشىش، ژۇرنال ، تېلېۋىزور كۆرۈش قاتارلىقلارمۇ ئارام ئېلىشقا كىرىدۇ. ھەرىكەت قىلىش بېسىمنى ئازايتىشنىڭ ياخشى شەكلى. پىيادە مېڭىش، توپ ئويناش قاتارلىقلارنىڭ جىددىي كەيپىياتنى ياخشىلاشقا ياردىمى بولىدۇ. ئۇنىڭدىن باشقا،  مۇزىكا ئاڭلاش ئارقىلىقمۇ، بېسىمنى يېنىكلەتكىلى بولىدۇ.

uyghurizlari

  ئالىي مەكتەپ ئىمتىھانى ئېلىمىز مائارىپىدىكى كۆلىمى ئەڭ چوڭ، تەسىرى ئەڭ زور بولغان ئىمتىھان، بۇ ئىمتىھانغا جەمئىيەتتىكى ھەر ساھەلەر، بولۇپمۇ ئاتا-ئانا، مەكتەپ ۋە ئوقۇتقۇچىلار يۈكسەك ئېتىبار بىلەن قارايدۇ. ئىمتىھان ۋاقتى يىقىنلىغانسىرى مەكتەپلەر پۈتۈن كۈچى بىلەن تەكرارنى كۈچەيتىدۇ، ئاتا-ئانىلار بالىلىرىنىڭ ئوزۇقلىنىشى، ئۆگىنىشى ۋە ئىمتىھاندىن كېيىنكى ئىشلىرىغىچە كۆڭۈل بۆلۈپ جىددىيلىشىدۇ. بۇ چاغدا ئوقۇغۇچىلاردا چۈشكۈنلىشىش، تەشۋىشلىنىش، زېرىكىشتەك بىر قاتار مۇرەككەپ پىسخكىلىق مەسىلىلەر كۆرۈلىدۇ. شۇڭا ئالىي مەكتەپ ئىمتىھانى يېقىنلاپ قالغان مەزگىلدە، ئوقۇتقۇچىلار، ئاتا-ئانىلار ئوقۇغۇچىلارنىڭ پىسىخىكىغا تۇراقلىقىغا ئالاھىدە ئەھمىيەت بېرىشى كېرەك.
   دۆلىتىمىزدە ئاتا-ئانىلارنى ئالىي مەكتەپ ئىمتىھانىغا ياندىن قاتناشقۇچى دېيىشكە بولىدۇ. چۈنكى، كۆپىنچە ئاتا-ئانا پەرزەنتنىڭ كەلگۈسىنى پۈتۈنلەي ئالىي مەكتەپ ئىمتىھانىغا باغلايدۇ ۋە ئۇنى ھەممىدىن ئۈستۈن ئورۇنغا قويىدۇ. ئالىي مەكتەپ ئىمتىھانىنىڭ مۇھىملىقى ھەقىقەت، ئەمما زىيادە كۆڭۈل بۆلۈش ئوقۇغۇچىلارغا  روھىي بېسىم ئېلىپ كېلىدۇ. ئاتا-ئانىلار بۇ مەسىلىگە سەگەكلىك بىلەن مۇئامىلە قىلىپ، پەرزەنتلىرىنىڭ ھەر بىر ئىشىغا «ئارىلىشىۋېلىش»تىن، ئۆگىنىشنى، تەكرار قىلىشنى تەكىتلەشتىن، ئۇلارنىڭ ئوزۇقلۇقىغا كۆڭۈل بۆلدۈم، دەپ ئەكسىچە ئۈنۈمگە ئېرىشىپ قېلىشتىن ئېھتىيات قىلىشى زۆرۈر. ئىمتىھان يېقىنلاشقانسېرى ئاتا-ئانىلارمۇ  بالىنىڭ ئۆگىنىشى، ئوزۇقلىنىشى، تۇرمۇشىدىكى ھەر بىر ئىنچىكە ھالقىلارغا قەدەر ناھايىتى كۆڭۈل بۆلۈپ كېتىدۇ-دە، بالىنىڭ پسىخىكىلىق بېسىمنى ئېغىرلاشتۇرۇپ روھىي جەھەتتىن چارچىتىۋېتىدۇ. مۇھىمى ئاتا-ئانىلار بالىسى بىلەن سەمىمىي پىكىر ئالماشتۇرۇپ،  «بۇ ھاياتىڭدىكى بەك مۇھىم پەيت، پۈتۈن كۈچۈڭنى ئىشقا سال، ئائىلىمىزنىڭ پۈتۈن ئۈمىدى سەندە، بىزنى ئۈمىدسىزلەندۈرمە، بۇ ئۆمۈرلۈك ھاياتىڭنى بەلگىلەيدۇ» دېگەندەك سۆزلەرنى قىلىشتىن ساقلىنىش لازىم. ئەكسىچە  بالىدا ئىشەنچ تۇرغۇزۇپ ئۇلارنىڭ روھىي كەيپىياتىنى تۇراقلاشتۇرۇش كېرەك. مەكتەپلەرمۇ  ئوقۇغۇچىلارنىڭ روھىنى كۆتۈرۈش، ئۇلارغا ئىلھام بېرەلەيدىغان تۈرلۈك پائالىيەت، لىكسىيەلەرنى ئورۇنلاشتۇرۇش، ئۇلارنىڭ قىسقا ۋاقىت ئىچىدىكى ئۈنۈملۈك ئۆگىنىشىگە كۈچىنىڭ بارىچە يېتەكچىلىك قىلىشقا ئەھمىيەت بېرىپ، ئوزۇقشۇناس ۋە سەھىيە خادىملىرىنى تەكلىپ قىلىپ، ئۇلارنىڭ ساغلاملىق جەھەتتىكى كۈتۈنۈشىگە ئائىت بىلىملەرنى يەتكۈزۈشنى ئۇنۇتماسلىقى كېرەك.
  ئوقۇغۇچىلار ئىمتىھانغا بىۋاسىتە قاتناشقۇچى. ئالىي مەكتەپ ئىمتىھانىغا بىر ئاي قالغاندا ئۇلار ئۈچۈن ئەڭ مۇھىمى ياخشى بولغان روھىي ھالەت.  جىددىي تۇرمۇش رىتىمى ۋە قاتمۇ-قات تەكرار ئوقۇغۇچىلارنى ھالسىرىتىپ، روھىي بېسىمىنى ئاشۇرۋېتىدۇ. شۇڭا، ئوقۇغۇچىلارمۇ بۇ بىر ئايدىكى كۈندىلىك ھەرىكىتىنى قايتىدىن پىلانلاش، مۇۋاپىق ھالدىكى چېنىقىش، تەبىئەت مەزىرىلىرىدىن ھوزۇرلانغاچ پىيادە مېڭىپ نىرۋىنى ئارام ئالغۇزۇش، يېنىك جۇشقۇن مۇزىكىلارنى ئاڭلاش، ئۆزى ياخشى كۆرىدىغان تەنھەرىكەت تۈرلىرى بىلەن شۇغۇللىنىشنى ئۇنۇتمىغىنى تۈزۈك.
   ئامېرىكا خارۋارد ئۇنىۋېرسىتېتى پسىخىكا مۇتەخەسسىسى ۋېليام جامۇسنىڭ تەتقىقاتىدىن مەلۇم بولۇشىچە: ئىلھاملاندۇرۇلمىغان ئوقۇغۇچى ئىقتىدارىنى %20- ٪30كېچە جارىي قىلدۇرالايدىغانلىقىنى، ئىلھاملاندۇرۇلغان ئوقۇغۇچىنىڭ ئىقتىدارىنى % 80- ٪90كېچە جارى قىلدۇرالايدىكەن. ئوخشاش بىر ئوقۇغۇچى ئىلھاملاندۇرۇلغاندىن كېيىن، جارى قىلدۇرىدىغان ئىقتىدارىنىڭ ئىلھاملاندۇرۇشتىن بۇرۇنقىدىن 3 ھەسسىدىن 4 ھەسسىگىچە يۇقىرى بولىدىكەن.
  ئەمەلىيەتتە، ھەرىكەت قىلىش، مۇزىكا ئاڭلاش، پاراڭلىشىش، ژۇرنال ، تېلېۋىزور كۆرۈش قاتارلىقلارمۇ ئارام ئېلىشقا كىرىدۇ. ھەرىكەت قىلىش بېسىمنى ئازايتىشنىڭ ياخشى شەكلى. پىيادە مېڭىش، توپ ئويناش قاتارلىقلارنىڭ جىددىي كەيپىياتنى ياخشىلاشقا ياردىمى بولىدۇ. ئۇنىڭدىن باشقا،  مۇزىكا ئاڭلاش ئارقىلىقمۇ، بېسىمنى يېنىكلەتكىلى بولىدۇ.

yuksalcom

ئەسسالام ئەلەيكۇم ئىنىم  ، مەنمۇ 4 يىل بۇرۇن شۇ ئىمتىھانغا قاتنىشىپ ھازىر ئىچكىردە ئالىي مەكتەپتە ئوقۇۋاتىمەن ، مېنىڭ كۆزىتىشىمگە ۋە تەجرىبەمگە ئاساسەن مۇنداق ئىشلارغا دېققەت قىلىڭ  ،
1.كەيپىيات مەسلىسى  ، بۇ بىر نەچچە كۈندە كەيپىياتىڭىز جۇشقۇن ،ساق تۇتۇڭ، باشقىلار بىلەن ئۇرۇشۇپ قالىدىغان، ئۆيدىكىلەر ۋە ساۋاقداشلار بىلەن ئازارلىشىپ قېلىپ كەيپىياتقا تەسىر يېتىپ قېلىشتىن ساقلىنىڭ ،كومپىيوتېر ئالدىدا بەك ئۇزۇن ئولتۇرماڭ ، كېچىسى ئۇخلىماي تورغا چىقىپ كۇن ئوتكۈزۈدىغان ئىش قەتئى بولمىسۇن .
2.سالامەتلىك مەسلىسى ، سالامەتلىك ئالاھىدە دېققەت قىلىش  ،باش ئاغرىش ،زۇكام بۇلۇپ قېلىش، شامال تېگىپ قېلىش ،تاسادىبىي ھادىسە دېگەندەك مەسلىلەردىن ئىمكان قەدەر ساقلىنىڭ ،ئەلۋەتتە كېسەلنى ئاللاھ سالىدۇ ،ئەمما بۇنداق كىچىك ئىشلادا دېققەت قىلمىسىڭىز بولمايدۇ،ئۆزىنى ئاسراش بەكمۇ مۇھىم ، بۇنىڭ زىيىنى بەك چوڭ .
3.پىسخكىلىق بېسىمنى يېڭىش كېرەك ، يەنى كۆپ ھاللاردا رەسمىي ئىمتىھان تەقلىدىي ئىمتىھانلاردىن خېلىلا ئاسان بۇلىدۇ، بۇنى ئىمتىھانغا كىرگەندە ھېس قىلىسىز، ئەمما ئالىي مەكتەپ ئىمتىھانىنىڭ ئوقۇغۇچىلارغا ئېلىپ كېلىدىغان بېسىمى ئادەتتىكى سىناق ئىمتىھاندىن نەچچە ھەسسە يۇقىرى، شۇڭا ئىمتىھاندا قەتئىي جىددىيلەشمەسلىك ،نورمال ھالەتتە ئۆزىگە ئىشەنگەن ئاساستا جاۋاپ يېزىشڭىز كېرەك ،گەرچە ئىمتىھان سۇئالى ئاسان بولسىمۇ بەزى ئوقۇغۇچىلار ئىمتىھانغا كىرگەندە جىددىيلىشىپ سۇئالنى ئويلىماي نەتىجىنى ئاۋال ئويلايدۇ، شۇڭا قەتئى قوقماسلىق،ھۇدۇقماسلىق ئىنتايىن مۇھىم، ياخشى كەيپىياتنى ساقلاپ تۇرالىسىڭىزلا ئىمتىھان سۇئاللىرىنى ياخشى ئىشلىيەلەيسىز ،
4. ئىمتىھان سۇئاللىرىنى ئىشلەش تاكتىكىسى توغرىسىدا : بۇ ھەقتە ئوقۇتقۇچىلار كۆپ ئەسكەرتىدۇ، مەن ئارتۇق سۆزلەپ ئولتامىساممۇ بۇلا، ئەمما مېنىڭ تەۋسىيەم ، سوئال قەتئىي ئاق قالمىسۇن ،بۇلۇپمۇ ماتىماتىكا ۋە تىل ئەدەبىيات ،خەنزۇتىلى سۇئاللىرى ، ئەلۋەتتە 3+x كە سەل ئامال يوق، ئامما ئەڭ ئاخىرقى 5 مىنىۇ ۋاقىتتا مېنىڭچە يەنىلا ئەدەبىيات ،ماتىماتىكا، خەنزۇتىلى سۇئاللىرىنىڭ چوڭ سۇئاللىرىدا ئاق قالغان جايلار بارمۇ يوق تەكشۇرۇپ ،ئاق قالغان ئىشلىمىگەن جايلار بولسا چۇقۇم مۇناسىۋەتلىك فورمۇلىلارنى ،ھىچ بولمىسا سوئالنىڭ بېرىلىشىلىرىنى بولسىمۇ رەتلىك توشقىچە يېزىپ قۇيۇش كېرەك، ئالىي مەكتەپ سۇئالىنى تەكشۈرگەندە نۇمۇر بېرىش ئۇنچىۋالا چىڭ ئەمەس ،بۇلۇپمۇ چوڭ سۇئاللارنى يېزىپ توشقۇزۇپ ئاق قويمىسىڭىزلا 2 3 تىن نۇمۇر بېرىپ تەكشۇرىدۇ ، 3 4 پەندە  8 9سۇئالدا شۇنچىلىك ئالسىڭىز 40 50 نۇمۇرىڭىز ئاۋۇدى دېگەن گەپ، مۇشۇ نۇقتىلارغا دېققەت قىلىشىڭىزنى تەۋسىيە قىلىمەن ، ئاندىن ھەر قېتىمقى ئىمتىھاننىڭ تاللاش ،بوش ئورۇن سۇئاللىرى ،ۋە بىر قىسىم چوڭ سۇئاللارنىڭ ئاخىرقى جاۋابىنى چۇقۇم يېزىپ چىقىڭ ، بۇنى كېيىن نۇمۇر پەرەز قىلىپ ئارزۇ يازغاندا چۇقۇم ئىشلىتىسىز ، بۇلۇپمۇ خەنزۇتىلىدا تاللاش كۆپ ،شۇنداق بولسىمۇ ئاخىرىدا چۇقۇم يېزىپ ئېلىپ چىقىڭ، ئادەتتە نازارەتچى ئوقۇتقۇچىلار ئاخىرقى نەچچە مىنۇت قاغاندا بۇنى يېزىۋېلىشقا رۇخسەت قىلىدۇ ،ئەلۋەتتە ئىمتىھان ۋاقتى توشقۇچە بولغان ۋاقىتتا  ، ھەرگىزمۇ ئايرىم ۋاقىت بېرىدىغان ئىش يوق. شۇنداق تەگلىكلەرنىمۇ ئىشلەتكىلى قۇيىدۇ ،ئەڭ ياخشىسى نورمال تەگلىكنى ئېلىڭ . ئاندىن ئىمتىھاندىن چىقىپ ئايرىم بىر دەپتەرگە خاتىرلەپ قۇيۇڭ ،كۇندىلىكنى كۈندىلىك قىلىپ . ئاندىن يەنە بىر گەپ ،ھەر قېتىم ئىمتىھاننى بېرىپ بۇلۇپ خەق بىلەن جاۋاپ سېلىشتۇرىدىغان ئىشنى قىلماڭ،خەقنىڭ توغرا خاتا گېپىگە قۇلاق سالماڭ، بولمىسا كىيپىياتقا تەسىر يېتىدۇ دە باشقا ئىمتىھان ياخشى بولماي قالىدۇ،
5.ئاخىرقى مەسلە قەتئىي داۋاملاشتۇرۇش ،سۇئال مەيلى ئاسان بولسۇن قىيىن بولسۇن ،ئىمتىھان ۋاقتىدا ئىزچىل ياخشى كەيپىياتنى ساقلاش لازىم ،ئىمتىھان سۇئاللىرىغا ئەستايىدىل تۇلۇق جاۋاپ يېزىش لازىم، سۇئالنى بىر كۇرۇپلا بولدى تۈگەشتىم دەپ ئويلاپ ،ئىمتىھاننى تۇزۇك بەرمەي كېيىن پۇشمان قىلىپ قالماسلىق كېرەك .
ئاخىرىدا يازغانلىرىمنىڭ ئىمتىھان ئالدىدا تۇرغان ھەممە ئىنى -سىڭىللىرىمغا ئاز تۇلا پايدىسى تېگىشىنى ئۈمىد قىلىمەن .

mukam804

مەن بىر قانچە تەجىربەمنى سۆزلەپ بىرەي1.ئىمتاھانغا تاھارەت ئىلىپ كىرىش،يەنى نامازدىن كىيىن ئىمتاھانغىچە تاھارەت بۇزلۇپ كەتكەن بولسا ئامال بار تاھارەت ئىلىۋىلىش،چوڭ ئىشىكتىن سىنىپنىڭ ئىشكىدىن بىسمىللا دەپ ئوڭ پۇتنى ئىلىپ كىرىش.
2.سۇئالنى تارقاتقۇچە ئاللاھقا دۇئا قىلىش،ئاللاھتىن ئاسانچىلىق بىرىشنى تىلەش،سۇئالنى تارقاتقاندا بىسمىللاھىراھمانىررەھىم دەپ يىزىشنى باشلاش.
3.ئەگەر بىلىدىغان لىكىن دەماللىققا ئەسلىيەلمىگەن سۇئالغا يولۇقسا،جىلە بولماي ئاللاھنى زىكىر قىلىش(ئاللاھ دىلىغا سالمىسا ھەر قانچە بىلگەن بىلەن بىكار)
4.ۋاقىت كونتىرول قىلىش،بىلمەيدىغان سۇئالغا قاراپ ئولتىرىۋىرىپ كىيىنكى سۇئاللاغا ۋاقىت يىتىشمەي قىلىشنىڭ ئالدىنى ئىلىش،ھەر بىر سۇئالغا مەلۇم ۋاقىت بىكىتىۋىلىپ،شۇ ۋاقىت ئىچىدە تۈگىمىسە ئىمكان بار كەينىگە ئۆتۈپ كىتىش.
5.ئىمتاھاندىن زىنھار بۇرۇن يىنىپ چىقماسلىق،ھەر قانچە يازالمىغان ياكى تولۇق يىزىپ بولغان تەقدىردىمۇ ۋاقىت توشماستا يىنىپ چىقماسلىق كىرەك،بەلكىم ئاخىرقى بىر مىنۇتتىمۇ توغرا جاۋاپ كاللىڭىزغا كىلىپ قىلىشى مۇمكىن.
6.بىر پەننى يەنە بىر پەنگە زىنھار تەسىر قىلغۇزىۋالماسلىق،يەنى ئالدىنقى بىر پەننى تازا ياخشى بىرەلمىگەن بوسلا كەيپىياتنى كىيىنكى پەنگە تەسىر قىلغۇزىۋالماسلىق،ئىككى پەن  ئىمتاھان ئارلىقىدا كەيپىياتنى تۇراقلاشتۇرۇپ كىيىنكى پەنگە روھلۇق كەيپىياتتا كىرىش.
7.ئىمتاھاندىن كىيىنكى نۇمۇر پەرەز قىلىشقا تەسىر يەتكۈزمەسلىك ئۈچۈن ئامال بار جاۋاپنى يىزىۋىلىپ يىنىپ چىقىش،لىكىن زىنھار باشقىلار بىلەن سىلىشتۇرماسلىق،ئەگەر جاۋاپ ئوخشىماس چىقىپ قالسا خاتا ئىشلىگەن ئوخشايمەن دەپ كەيپىياتقا تەسىر يىتىدۇ،باشقىلارنىڭ توغرا سىزنىڭ خاتا بوپ قىلىشنى ناتايىن،شۇڭلاشقا ھەممە پەن تۈگىگەندە بىراقلا ئۆلچەملىك جاۋاپ بىلەن سىلىشتۇرۇش.
8.ئالى مەكتەپ ئىمتاھانىدىن ئۆتۈشنى بىردىن بىر چىقىش يولى دەپ قارىۋالماسلىق،ئالى مەكتەپتە ئوقۇماي تۇرۇپمۇ نى نى ئىشلارنى ۋۇجۇتقا چىقارغىلى بولىدۇ،ئالى مەكتەپ ئىمتاھانى تەقدىرىمىزنى بەلگىلەيدىغان بىردىن بىر ئامىل ئەمەس.

مەيلى ئىمتاھان ۋاقتىدا مەيلى ئىمتاھاننىڭ ئالدى كەينىدە ئاللاھنى ئۇنۇتماسلىق،زىكىرنى ئۇنۇتماسلىق،ئاللاھتىن تىلەشنى ئۇنۇتماسلىق،ھەر ئىشنىڭ ئاللاھنىڭ تەقدىرى بىلەن بولىدىغانلىقىغا شەكسىز ئىشىنىش.
يۇقارقىلار تۆت يىل مۇقەددەم بىر ئوقۇتقۇچۇمنىڭ دەپ بەرگەنلىرى ۋە كىيىن ئۆزۈمنىڭ توپلىغان تەجىربىلىرىم،ئىمتاھاندا پايدىسىنى كۆرگەنمەن.
ئاخىردا سىزنىڭ ۋە بۇ يىل ئالى مەكتەپ ئىمتاھانى بىرىدىغان ئىنى سىڭىللىرىمنىڭ ئىمتاھانىنىڭ ئوڭۇشلۇق بولىشىنى،ئارزۇسىدىكى ئالى مەكتەپلەرگە ئۆتۈپ مىللەت ئۈچۈن ياراملىق ئىز باسار بولىشىنى ئۈمۈت قىلىمەن،غەيرەت قىلىڭلار........

ghojia

mukam804 يوللىغان ۋاقتى  2014-6-2 19:09
مەن بىر قانچە تەجىربەمنى سۆزلەپ بىرەي1.ئىمتاھانغا تاھا ...

borabalisi

مەن ئەينى ۋاقىتتا ئالىي مەكتەپ ئىمتىھانىدا شىنجاڭ بويىچە ئىككىنچى بولغان ! مېنىڭ دەيدىغىنىم يەنىلا ئونىۋىرسال پەن يەنى ئۈچ پەن بىرلەشتۈرۈلگەن ئىمتىھاننىڭ سۇئاللىرىنى توختىماي ئىشلەڭ ، تەلۋىلەرچە ئىشلەڭ ، ھىلىقىدەك كەيپىياتىڭىزنى ياخشى تۇتۇڭ ، ياتقاندا پۇتىڭىزنى يىلمان سۇدا يۇيۇپ ئۇخلاڭ دىگەندەك سىز ئادەتتە ئېتىبار بېرىپ كەتمەيدىغان ئىشلارغا ئېسىلىۋالماڭ ، ئادەتتە قانداق بولسىڭىز شۇنداق بولۇڭ ! ئەدەبىياتتىن ئەستايىدىل بولسىڭىزلا ياخشى نۇمۇر ئالالايسىز ، ماتىماتىكىدىن بەك ياخشى ئۆگەنگەن ئوقۇغۇچى بولسىڭىز 100 دىن يۇقىرى ئالالىشىڭىز مۇمكىن ، ئەمما ئۇمۇمىي نۇمۇرغا يەنىلا ئۇنىۋىرسال پەندەك چوڭ تەسىر كۆرسىتەلمەيدۇ ! خەنزۇچە توغرىسىدا كۆپ سۆزلىمەي ، ئۆزىڭىز ئوبدان بېرىڭ !
ئۇنىۋىرسال پەن سىزنىڭ نۇمۇرىڭىزنى كۆتۈرىدىغان ئەڭ مۇھىم ئىمتىھان ! توختىماي سۇئال ئىشلەڭ ، ئىشلىيەلمىسىڭىز جاۋابىغا قاراپ ئىشلەڭ ! ئىمتىھاندىن بۇرۇن نەچچە كۈن كىتاب كۆرمەڭ دىگەن گەپلەر ئىشقىلىپ مەن ئۈچۈن قۇرۇق گەپ !!!!!! ئىمتىھانغىمۇ شۇ سۇئال ئىشلىگەنچە كىرىپ كېتىڭ ! شۇنىڭدىلا ئالىي مەكتەپ ئىمتىھانى سىزگە ئادەتتىكىدەك سېزىم بېرىپ جىددىيلىشىپ كەتمەيسىز .......... تەييارلىق قانچە پۇختا بولسا جىددىيلىك شۇنچە ئاز بولىدۇ ! ئاخىرىدا سىزگە ئامەت تىلەيمەن ! ئالىي مەكتەپ ئىمتىھانى سىزنىڭ ھاياتىڭىزدىكى ئەڭ ئېسىل ، ئەڭ ئۆلچەملىك ، ئەڭ تىنىچ ، ئەڭ ئەھمىيەتلىك ئىمتىھان ھېسابلىنىدۇ ! سىز مۇشۇنى تۇنۇپ يەتسىڭىزلا ئىمتىھاندىن كېيىن ماڭا رەھمەت ئېيتماي قالمايسىز !