بىلىمخۇمار: بۆشۈكنىڭ بوۋاققا زىيىنى بارمۇ؟

generall

ئۇيغۇر تۇرمۇشىدا بۆشۈك كەم بولسا بولمايدۇ. ئىشچان، پاكىز ئانىلار بالىلارنى بۆشۈككە بۆلەش ۋاقتىنى، مەشغۇلات قائىسىدىنى ناھايىتىنى ئوبدان بىلىدۇ.
يېقىندىن بۇيان بەزى ئاز ساندىكى كالتە كۆسەيلەر ‹‹ بۆشۈكتە ياتقان بالىنىڭ مىڭىسى چايقىلىپ دەلدۈش بولۇپ قالىدۇ›› دېگەن سەپسەتىنى كۆتۈرۈپ چىقتى. بۇنىڭ ئەگەشكۈچىلىرىمۇ ئاز بولمىدى، قايمۇققانلارمۇ ئاز بولمىدى.
يەنە بەزىلەردىن ‹‹ كاۋاپ ياكى نان ( كۆمۈرلۈك ئوتتا پىشۇرۇلغانلىقى ئۈچۈن) راك پەيدا قىلىدۇ›› دېگەن گەپلەرنىمۇ ئاڭلاپ قالدىم.
بۆشۈكنىڭ كەمچىلىك تەرەپلىرىگە قارىغاندا ئارتۇقچىلىقلىرى بەكمۇ كۆپ، شۇڭا ئۇيغۇردا بۆشۈك ۋە بۆشۈك مەدەنىيىتى شەكىللىنىپ بولغان.

   بىلىمخۇمار ئاكىمىزغا تىنچ-ئامانلىق تىلەيمەن، ئەجرىڭىزگە كۆپ رەھمەت.

hayat

يەنى، ئەنئەنىۋى بۆشۈك بىر قاتتىق يۈزنىڭ ئۈستىدە تەۋرىتىلىدىغان بولۇپ، ئۇ بالىلارنىڭ بېشىنى خېلى قاتتىق چايقايدۇ. يېڭى ئېلېكترونلۇق بۆشۈكلەر بولسا گۈلەڭگۈچكە ئوخشاش سىلىق تەۋرەيدىغان، ھەمدە بالىلار ئۇنىڭدا يانتۇ ياتىدىغان بولغاچقا، ئۇنىڭ زىيانلىق تەرەپلىرى ئەنئەنىۋى بۆشۈكتىن كۆپ ئاز، دەپ قارىساق خاتالاشمايمىز.
--------
قۇرۇق گەپ .
ئانا تۇغۇلغان بالىسىنى بۆشۈككە بۆلەش ،تەۋرىتىش ، ئېمىتىش، تەۋرەتكەچ ئۇنىڭ قۇلىقىغا تاتلىق پىچىرلاش ئارقىلىق پەرزەنتىگە مەڭگۈ ئۇنتۇلماس ئانىلىق مېھىرىنى بىرىدۇ. بۇخىل مېھىر مۇھاببەتتىن ئىنسان بالىسى ئىككىنچى قىتىم ئوخشاش ھېسسىياتتا ھوزۇرلانمىغى تەس.   بەلكىم ئېلىكتۇرۇنلۇق بۆشۈكلەر قولايلىق بولۇشى مومكىن. لىكىن ئۇنىڭ زىيانلىق تەرىپى پايدىلىق تەرىپىدىن كۆپ بولسا كۆپكى ھەرگىز ئاز ئەمەس.

gulamay

رەخمەت سىزگە ئەركىن سىدىق ئەپەندىم.تورداشلارنىڭ تەلىۋى بويىچە شۇنچە ئالدىراش تۇرۇپمۇ ،قىممەتلىك ۋاختىڭىزنى چىقىرىپ جاۋاپ شەكلىدە ‹‹بۆشۈك››ھەققىدە ، باشقا يۇرتتىكىلەرنىڭ تۇرمۇش ئادىتىنى،باشقا مەدىنىيەتتىكى كىشىلەر يازغان ‹‹ئارابن بىر پارچە››ماقالىسىنى بىزگە تەرجىمە ئاساستا يەتكۈزۈپسىز.رەخمەت.
يۇقۇردا بەزى مۇنبەرداشلا تولۇق ئوقۇمىدىمۇ ياكى قايسى مىللەت،كىم يازغانلىقى ھەققىدە ئانچە چۈشەنچىگە ئىگە بولماستىن ، بەزى كۆز قاراشلىرىنى ئوتتۇرغا قۇيۇپتۇ.بۇلارنى توغرا چۈشىنىڭ . كىشى بىلەن كىشىلەرنىڭ بىلىم ئىلىش دەرجىسى،ئوقۇش ،چۈشىنىش ، ھىس قىلىش، تەبەككۈر قىلىشى ،ۋە پىكىر يۈرگۈزىشى ئوخشاش بولمايدۇ.
مەنمۇ بىر ئانا. مۇنداقچە قىلىپ ئىيتقاندا شىنجاڭدا ياشاپ كىلىۋاتقان مىڭلىغان ، تۈمەنلىگەن ئانىلارنىڭ بىرى.مەنمۇ شۇ ‹‹مۇقەددەس››بۆشۈكتە يىتىپتىكەنمەن، ئاناممۇ يىتىپتىكەن.ھەتتا بالاممۇ شۇ بۆشۈكىمىزدە يىتىپ ئىنتايىن ئەقىللىق، ساغلام ،گۈزەل ئەخلاقلىق، ئىمانلىق، بولۇپ چوڭ بولدى.(ئاللا بالامنىڭ ئىشلىرىنى ئاسان قىلسۇن ، تىنچ ئامانلىقىنى بەرسۇن)سىزگە ئوخشاش ، يەنە يۇقۇرلاپ ئوقۇش ئۈچۈن ،سىز بار دۆلەتتە ، ئاسپىرانتلىقتا ئوقۇۋاتىدۇ.
     مىنىڭچە بۆشۈك مەدىنىيىتىمىزگە ،ئىنسانلا تاش قۇرال دەۋرىدىن قۇتۇلۇپ ،يىزا ئىگىلىگى،چارۋىچىلىق بىلەن شۇغۇللانغاندىن كىيىن، بىزنىڭ ئەقىللىق ،چىچەن، قولى گۈل ئەجداتلىرىمىز ، مەشھۇر مىمار چىلىق سەنئىتىنى  بارلىققا كەلتۈرۈش بىلەن بىر ۋاقىتتا  ،ئائىلىدە ئىشلىتىدىغان نۇرغۇن كىرەكلىك نەرسىلەرنى ئىجات قىلىپ ياسىغان . مەسلەن :ياغاچتىن ياسالغان تەڭلە،نوغۇچ، كات كاتارلىقلارنى ياساش ئارقىلىق تۇرمۇشىنى بىيىتقان، شۇنىڭ بىلەن يۈرەك پارىسى بولغان بالىسىنىڭ سوغاقتا سوغاق تىگىپ قىلىشى(ھەممىمىزگە ئايان، قەدىم قەدىم زاماندا ھازىرقىدەك توك ،پار بىنالىق ئۆي بارمىتى؟) .ھايۋانلارنىڭ تۇيۇقسىز ھۇجۇم قىلىشى (ئىلان ،ھەرە ،چايان  ،ئىت قاتارلىقلاردىن مۇداپىيە قىلىش)،بوۋاق كىچىك ،ئىمۇنۇتلۇق كۈچى ئاجىز بولغانلىقى ئۈچۈن سىرتتىن كىرگەنلەردىن (چەتنەپ كىتىدۇ،كۆز تىگىدۇ) يوشۇرۇش،سۇپىدا ياتقۇزسا نەم تاتىپ قىلىشى ،يىقىلىپ چۈشۈش ،.... قاتارلىق نۇرغۇن ئامىللارنى بىلىپ يىتىپ ‹‹بۆشۈك››تىن ئىبارەت ئەڭ ئىسىل تۇرمۇش بۇيىمىنى ئىجات قىلىپ ۋە ئىشلىتىپ ،ئىنسانىيەت مەدىنىيىتىگە زورتۆھپە قۇشۇپ كەپتۇ.
ھەر قانداق بىر نەرسىنىڭ چوقۇم بەلگىلىك ئەكس تەسىرى بولىدۇ.دورىنىمۇ مۇئاپىق ئىستىمال قىلمىسا ئادەمنى زەھەرلەيدۇ..‹‹بۆشۈك››مۇ ئۇنىڭدىن مۇستەسنا ئەمەس ، ئەلۋەتتە.
    مىنىڭچە ئەن ئەنىمىزنى قوغدىغان ئاساستا مۇۋاپىق ئۆزگۈرۈش ئىلىپ بارساق بولىدۇ.مەدىنىيىتىمىزنى ساقلاپ قىلىش  ئاساسىدا يىڭىلىقنى قۇبۇل قىلساق بولىدۇ.ئەگەر بىر مىللەتنىڭ خاس مەدىنىيىتى بولمىسا ئۇ قانداقمۇ بىر مىللەت بولىدۇ؟ بۇ رىقابەتكە تولغان دۇنيادا پەقەت مىللى مەدىنىيىتىمىز بىلەن پەرقلىق تۇرىمىز،ھەم قوغدىلىمىز،ھۆرمەتكە سازاۋەر بولىمىز.نىمە ئۈچۈن ياشقا چوڭ بولغان مويسۈپەتلەرنى ھۆرمەتلەيمىز؟تەۋەرۈكلىرىمىزنى قوغداش كىرەك. ئىلمىلاشتۇرۇش كىرەك.
   مەن سىزدىن سوراپ باقسام ، ئالىم ئەپەندى سىزمۇ ئانا يۇرتىڭىز ئاخسۇدا بۆشۈكتە يىتىپ چوڭ بولۇپ .ھازىرقىدەك مۇئاپىقىيەتلەرگە ئىرىشكەنسىز؟بالىلىرىڭىزنى بۆشۈكتە ياتقۇزغانسىز ھە؟
كەچۈرۈڭ سىزدىن سۇئال سوراپ قالدىم.سىزمۇ پەقەت تەرجىمە قىلغۇچى.بولسا ئانا دىيارىمىزدىكى كۆمۈلۈپ قىلىش گىرداۋىغا بىرىپ قالغان،دۇنيا ئەل جامائىتى بىلمەيدىغان ، بىلىپ قالسا تاڭ قالىدىغان مەدىنى يادىكارلىقلىرىمىزنىمۇ دۇنياغا تونۇشتۇرغان بولسىڭىز.رەخمەت.
     بۆشۈك بالىسى خان بالىسى .....

ساۋلاق

بۇ ھەقتە بوۋامدىن سوراپ باقاي

Angelina221

Namrullah77002

     بۆشۈك بالىسى خان بالىسى .....
بۇ سۆزنى مەن بەك ياختۇردۇم

ili

gulamay يوللىغان ۋاقتى  2014-6-21 16:55
رەخمەت سىزگە ئەركىن سىدىق ئەپەندىم.تورداشلارنىڭ تەلىۋ ...

.ئەگەر بىر مىللەتنىڭ خاس مەدىنىيىتى بولمىسا ئۇ قانداقمۇ بىر مىللەت بولىدۇ؟ بۇ رىقابەتكە تولغان دۇنيادا پەقەت مىللى مەدىنىيىتىمىز بىلەن پەرقلىق تۇرىمىز،ھەم قوغدىلىمىز، تۈغرا دەيلا خانىم. ھەر قانداق مىلەتنىڭ ئۈرپە ئادىتى. تىلى يىزقى  شۇ مىلەتنىڭ  ئاتتا بۈۋىسىدىن تارتىپ قۇيۇپ  كەلگەن ئەسلى ئىسىملىرى يۈقالسا مىلەت  يوقۇلىدۇ.ئۇ قانداقمۇ بىر مىللەت بولىدۇ؟ سىلە بۇنى بەك ئۈرۇنلۇق دەپلا  ئۇيغۇرلارنىڭ  ھازىر كىملىك ئىسمى يۈقالدى.يىزقىمىز يوقالدى . ئۇيغۇرلارنىڭ ئىسمىغا قاراپ ھەرقانداق مىلەت سىلەھ ئەرەپمۇ دەيدىغان .يىزىقمىزنى كۈرۇپ ،سىلەرنىڭ يىزقىڭلار يوقمىدى دەيدىغان بىر مىلەتكە ئايلىنىپ قالدۇق. ئەمدىغۇ بۇ ئەرەپ يىزقىدىن قۇتۇلماق ئۈيغۇر خەلقى ئۇچۇن سەل تەس. بولسا ئۇيغۇر مىلىتىمىز ئەسلى ئىسمىزنى ساقلاپ قالساق.يەنى مەنىسى ئۈچۇق مەزمۇنى بار ئىسىملارنى بالىرمىزغا قۆيساق ،باشقا مىلەتمۇ ئىسىمىزغا قاراپ ھە ما ئۇيغۇركەن دىسە ،مىلەتنىڭ ئىسىم مەدىنيىتىنى ھىچ بولمىغاندا ئاز تۈلا ئەسلىگە كەلتۇرئەتتۇق . رەھمەت خانىم سىلە ئۇيغۇرلارغا.ئەگەر بىر مىللەتنىڭ خاس مەدىنىيىتى بولمىسا ئۇ قانداقمۇ بىر مىللەت بولىدۇ؟ قانداق بولغاندا بىر مىلەت بۈلدىغانلىقىنى ئەسلىتىپ قويدىلا رەھمەت سىلگە.

bilimhumar

مەن تورداشلار يازغان ئىنكاسلارنىڭ ھەممىسىنى ئوقۇپ چىقتىم.  شۇنىڭ بىلەن تۆۋەندىكى بىر قانچە ئىشلارنى ئەسكەرتىپ قويۇشنى مۇۋاپىق كۆردۈم.

1.مەن پايدىلانغان مەنبە بىر ئىلمىي ماقالە ئەمەس.  ئۇ بىر تەكشۈرۈش دوكلاتى.  مەن يۇقىرىدىكى ماقالىدا تىلغا ئالغاندەك، مەن تورلارنى ئىزدەپ، بۆشۈكنىڭ پايدا-زىيانلىرى ھەققىدە باشقا بىر تۈزۈكرەك ماقالە تاپالمىدىم.  مېنىڭ پەرىزىمچە، ئەگەر بىز قاتتىق ئىزدەنسەك، ئىنسانشۇناسلىق كەسپى ساھەسىدە بۆشۈك ھەققىدە بىر قىسىم ئىلمىي ماقالىلارنى تاپقىلى بولۇشى مۇمكىن.  لېكىن، سالامەتلىك ۋە بالا تەرەققىياتى (child development)  كەسىپلىرى ساھەسىدە بۆشۈك ھەققىدە ئىلمىي ماقالىلەر ئانچە تېپىلماسلىقى مۇمكىن.

نېمە ئۈچۈن شۇنداق بولىدۇ؟  مېنىڭچە بۇ سوئالنى باشقىچىراق سورىغان ياخشى:

دۇنيادىكى قايسى بىر تەرەققىي قىلغان دۆلەتتىكى خەلقلەر ئۇيغۇرنىڭ بۆشۈكىنىڭ ئۇيغۇر بوۋاقلىرىغا پايدا ياكى زىيان يەتكۈزىۋاتقانلىقىغا پەرۋا قىلىدۇ؟

ئىلمىي تەتقىقاتقا پۇل كېتىدۇ.  كۆپۈنچە ئەھۋالدا، تەرەققىي قىلغان ياكى ئىلمىي تەتقىقاتقا چىقىنالايدىغان ئەللەر پەقەت ئۆز مەنپەتى بىلەن مۇناسىۋەتلىك ئىشلارنى تېما قىلغان ئىلمىي تەتقىقاتلارغا پۇل ئاجرىتىدۇ.  باشقىلارنىڭ ئىشلىرى بىلەن ئانچە كارى يوق.

ئەگەر بىز قەھۋەنىڭ پايدا-زىيىنى ھەققىدە يېزىلغان ئىلمىي ماقالىلارنى ئىزدەپ باقىدىغان بولساق، ئۇنداق ماقالىلاردىن بىر قانچە مىڭ پارچىسى تېپىلىشى مۇمكىن. چۈنكى، ئامېرىكا، ياۋروپا ۋە باشقا تەرەققىي قىلغان ئەللەر خەلقلىرى قەھۋە ئىچىدۇ.  

ئەگەر ئامېرىكا، ياۋروپا ۋە باشقا تەرەققىي قىلغان ئەللەر خەلقلىرىمۇ بوۋاقلار ئۈچۈن بۆشۈك ئىشلەتكەن بولسا، بۆشۈكنىڭ پايدا-زىيانلىرى ھەققىدە بۇ چاققىچە كۈرمىڭلىگەن ئىلمىي ماقالىلار يېزىلغان بولۇشى ئېھتىمالغا ناھايىتى يېقىن ئىدى.  بەزى ئەللەر مەخسۇس قانۇن چىقىرىپ، بۆشۈك بىلەن مۇناسىۋەتلىك بىر قىسىم نەرسىلەرگە يول قويغان، بىر قىسىم نەرسىلەرنى چەكلىگەن بولۇشىمۇ پۈتۈنلەي مۇمكىن ئىدى.  

ئۇيغۇرلار بالىلىرى ئۈچۈن ئىشلىتىلىدىغان بۆشۈك ھەققىدە ئۇلارنىڭ ئىلمىي تەتقىقات ئېلىپ بېرىشىغا نېمە تۈرتكە بولىدۇ؟  دۇنيادا ۋەھشىي كۈنلەرنى كۆرىۋاتقان بەزى مىللەتلەرگە ھېچ بىر پەرۋا قىلمىغان دۇنيا ئۇلارنىڭ بالىلىرى قانداقراق چوڭ بولىۋاتقانلىقىغا پەرۋا قىلىپ قالارمۇ؟

2.بەزى قېرىنداشلار ئەنئەنىنى ساقلاش نۇقتىسىدىن بۆشۈكنىڭ مۇھىملىقىنى تىلغا ئېلىپتۇ.  مەن ئۇيغۇر ئەنئەنىسىنى قوغداش ۋە ساقلاپ قېلىشنى پۈتۈن كۈچى بىلەن تەشەببۇس قىلىدىغانلارنىڭ بىرى.  شۇڭا يۇقىرىقىدەك قېرىنداشلارنىڭ كۆڭلىنى ئوبدان چۈشىنىمەن.  لېكىن، بىر مىللەتنىڭ ئەنئەنىسى ئىچىدە جان تىكىپ ساقلاپ قېلىشقا تېگىشلىك نەرسىلەر بار.  زامانىۋىلىققا ماسلىشىپ ئىسلاھ قىلىشقا ياكى ئۆزگەرتىشكە تېگىشلىك نەرسىلەرمۇ بار.  مەن كىچىكىمدە ئاساسەن ياغاچتىن ياسالغان يارىيا ھارۋىدا ئولتۇرۇپ چوڭ بولغان.  «پىگلو» ياكى «يەل تاپانلىق ھارۋا» دېگەن ھارۋىلار كېيىنراق پەيدا بولغان ئىدى.  بىزنىڭ ئەنئەنىمىزگە تەۋە بولغان ھېلىقى ياريا ھارۋىلارنى ھازىر تاپقىلى بولامدۇ؟  ئەگەر تاپقىلى بولسا، قېرىنداشلاردىن بىرەرسى ئۇنى رەسىمگە ئېلىپ، ماڭا ماڭدۇرۇپ بەرگەن بولساڭلار.  مەن ئۇنى ئىنتايىن سېغىندىم.  رەسىمىگە بولسىمۇ قاراپ تۇراي.

3.بەزى قېرىنداشلار ئاتا-بوۋىمىزنىڭ دەۋرلىرىنى تىلغا ئېلىپتۇ.  ئاتا-بوۋىلىرىمىز ھېچ كىم بىلەن رىقابەتلەشمەي، كۆزى-قارنى توق ياشىغان.  ئەمما دەۋر ئۆزگىرىپ كەتتى.  ھازىر باشقىلار بىلەن قاتتىق رىقابەتلەشمىسە ياشىغىلى بولمايدۇ.  باشقىلار بىلەن رىقابەتلىشىش ئىقتىدارى يوق خەلقلەرنىڭ ئۆزلىرىنى ساقلاپ قالالىشىمۇ بىر مەسىلە.  شۇڭا مەن قېرىنداشلاردىن بۇ مەسىلىدە نەزەرنى سەل يىراققىراق سېلىشىنى ئۈمىد قىلىمەن.  

4.بۆشۈكنىڭ پايدا-زىيىنى ھەققىدە ئىلمىي تەتقىقات ئېلىپ بارغىلى بولىدۇ.  تەرەققىي قىلغان ئەللەردە ساغلاملىق ۋە بالا تەرەققىياتى ساھەسىدە بۇنداق ئىلمىي تەتقىقاتلار داۋاملىق ئېلىپ بېرىلىپ تۇرىدۇ.  مەسىلەن، بىر يىل ئىچىدە تۇغۇلغان بىرەر مىڭ بوۋاقنى تىزىملاپ، ئۇلارنىڭ بۆشۈكتە يېتىش ئەھۋالىنى 10-20 تەكشۈرۈپ ۋە خاتىرلەپ تۇرۇپ، 10-20 يىلدىن كېيىن ئۇلارنىڭ جىسمانىي ۋە ئەقلىي تەرەققىيات ئەھۋالىنى بىر قىسىم ئىلمىي ئاساستا بېكىتىلگەن ئۆلچەم بويىچە خۇلاسىلىغاندا، بۆشۈكنىڭ قانداق پايدىسى ۋە قانداق زىيىنى بارلىقىنى ئېنىقلاپ چىققىلى بولىدۇ.  بىر قىسىم قېرىنداشلار تىلغا ئالغان «ئىلمىي تەجرىبە» مۇشۇنىڭغا ئوخشاپ كېتىشى مۇمكىن.

ئەمدىكى گەپ، ئۇيغۇر بوۋاقلىرى ئۈچۈن بۇنداق تەجرىبىنى كىم ئېلىپ بارىدۇ؟

5.مەن بۆشۈكتە يېتىپ چوڭ بولغان.  ئەمما بىر كۈندە قانچە سائەت ياتقانلىقىمنى بىلمەيمەن.  ئاپا-دادام تۈگەپ كەتكەن بولغاچقا، بۇ قېتىم ئۇ ئىشنى سوراپ ئېنىقلاش ئىمكانىيىتىم بولمىدى.  بىزنىڭ ئىككى بالىمىزنىمۇ بۆشۈككە بۆلىگەن.  كۆپۈنچە ۋاقىتلاردا ئاخشىمى سۇھۇنداق قىلغان.  ئەمما، بىر ئىش توغرىسىدا ئىلمىي يەكۈن چىقىرىشتا بىز ئومۇمىيلىققا قارايمىز.  قىسمەنلىككە ئەمەس.  بۇ ھەقتە بىرەر ستاتىكا قىلىنىشتىن بۇرۇن، ئايرىم ئەھۋالغا قاراپ بىر ئومۇمىي يەكۈن چىقىرىشتىن ساقلىنىش كېرەك.

6.ئاخىرىدا مەن قېرىنداشلارغا مەزكۇر يازمىغا چۈشكەن تۆۋەندىكى ئىككى پارچە ئىنكاسنى ئوقۇپ بېقىشنى تەۋسىيە قىلىمەن:

= ================== =
10-qewet
http://bbs.misranim.com/thread-125842-1-1.html

مەن كۆپچىلىككە ئۆزەم  ئاڭلىغان ئىككى ئىشنى دەپ بېرەي:

1-كونا خوشنام ئاۋسترالىيەگە كۆچمەن بولۇپ چىقىپ كەتكەن ئىدى، بىر كۈنى ئۇ بالىسىنى بۆشۈككە بۆلەۋاتسا ئۇنىڭ خوشنىسى (ياۋروپالىق كۆچمەن) كىرىپ قېلىپ، باغلاپ قويۇلغان بالىنى كۆرۈپتۇ، ھەمدە دەرھال ئۇنىڭ ‹‹بالىلارنىڭ جىسمانىي ئەركىنلىكىگە دەخلى تەرۇز يەتكۈزۈش›› قىلمىشىنى ساقچىغا مەلۇم قىپتۇ، ساقچىلار ئۇنىڭغا تەربىيە بېرىپ ئازراق جەرىمانە قويۇپتۇ، ھەمدە شۇندىن كېيىن بالىسىنى بۆشۈككە ‹‹باغلاشقا›› يول قويماپتۇ.
= ================= =

http://bbs.misranim.com/thread-125842-4-1.html
33-qewet
سىز ئاڭلىغان ئىشنى بۇرۇن مەنمۇ ئاڭلىغان ، ئارىدىن نەچچە يىل ئۆتكەندىن كىيىن بۇ يىل قىىشتا قۇمۇلغا بىر ئىش بىلەن بىرىپ يولدا كىتىۋاتقان شوپۇر ئاداش بىلەن ناھايتىى چىقىشىپ كەتتۇق . ئۇ ئاداش چىڭ تۇتىۋىلىپ نەچچە كۈن مىھمان قىلىش جەرياندا يىقىن دوسلىرىنى سورۇنغا چاقرىغان ئىدى . شۇ سورۇندا ئولتۇرغان بىر سورۇنداش ئۆزىنىڭ ئاكىسىنىڭ دىيارىمىزدىن بىر بۆشۈكنى چەتئەلگە ئىلىپ چىقىپ كىتىپ بالىسنى بۆلەپ باققانكەن . قوشنىللىرى ساقچىغا بوۋاقنى خورلاۋاتىدۇ دەپ دىلو مەلۇم قىلغانكەن  ،ساقچى تەرەپ كىلىپ بۇ نەرسە زىيانلىق دەپ ، ئاكىسى پايدىلىق دەپ بىرىلككە كىلمەي ، ئاخىردا  بۇنى ساقلىساڭ مەيىلى بىراق ئىشلەتەڭ بولمايدۇ . دۆلىتىمزىدىكى تېببي خادىملار بۇ نەرسىنىڭ بوۋاق بالىلارغا بولغان ئېجابىي-سەلبى تەرەپلىرى توغۇرسىدا ئىنىق بىر چۈشەنچىگە ئىگە بولمىغۇچە بىز سىنىڭ ئىشلىتىشڭگە يول قويالمايمىز دەپ قارايدۇ .
= ================= =