قېرىنداشلار ئىمپىريسىى

tohotur

شانىياز بىلەن مەتنىياز بۇ ئائىلىدە ماختاشقا قارىغاندا ئەيىپلىنىشكە باشقا باللارغا سېلىشتۇرۇشقا جىقراق ئۇچراپ چوڭ بولدى . ئائىلىدە بىرلا ئادەم ئىشلەيدىغان بۇ ئائىلىدە پۇل ھەمىشە جىددىلىك ھالىتىدە تەكىتلىنەتتى . چۇنكى بالىدىن قېرىنداش ئۇستۇن دىگەن شۇئار بۇ ئائىلىدە بايراق سۇپۇتىدە تۆرگە چىققان ئىدى .
شانىياز توخوتۇر ياراتقان بىر پىرسۇناج بولۇش سۇپۇتى بىلەن ئەلى مۇئەللىمنى بەك ياقتۇرۇپ كەتمەيتتى .ئەمما شانىياز ئەلى مۇئەللىمنىڭ  ناۋادا ئاتا ئانا ئۆز بالسىنى ئەيىپلەپ سىرتتىكى باللارنىڭ ياخشى گىپىنى قىلىۋىرىدىكەن ، ئۇ بىر ساراڭنى تەربىيلەپ چىقىدۇ دىگەن سۆزىگە بەكمۇ قايىل بولدى .
شانىيازنىڭ ئانىسى ئۇچۇن بالسىنىڭ كەمچىلىكىنى ئۇرۇق تۇققان قولۇم قوشىنىلارغا يېيىش بىر پەزىلەت ئىدى.
بىر قېتىم شانىياز يەنە مامىسىنىڭ تۆت ئوغلىغا سلېىشتۇرۇلغاندا ئانىسىغا قاراپ :ئانا مومامنىڭ تۆت ئوغلىنىڭ بىرەسىمۇ مومامغا ئالتۇن ئۈزۇك سېلىپ قويالمىدى ، مەن قانداقلا بولمىسۇن ساڭا ئۇچ ئالتۇن ئۇزۇك ئېلىپ سوغا قىلدىم. دەپ تاشلىدى . ئانا بۇ راست گەپكە گەپ تېپىپ بىرەلمەي گىلەمنىڭ ئاستىدىن شانىياز سوغا قىلغان ئالتۇن ئۇزۇكلەرنى شانىيازنىڭ يۇزىگە ئاتقىلى تۇردى .شانىياز قاقاقلاپ كۇلۋېىتپ ئۆيدىن قېچىپ چىقتى .

شۇنداق بۇ جەمەت ئىمپىراتۇرلىقىدا كۆز بىلەن سۆز دىگىلى بولمايدىغان بىر سېلشىتۇرۇش مەۋجۇت ئىدى ، بولۇپمۇ شانىيازنىڭ ئاپسىنىڭ ئاپىسى بولغان بۇ ماما كىشى ئەنە شۇنداق  سېلىشتۇرۇپ تۇراتتى .  توۋۋا بىز ئانىلارنى ئۇلۇق دەيتتۇققۇ ،بىز قېرىنداشلارنى بىر بىرىگە دەھشەت كۆيۇملۇك دەپ ئۆتكەنغۇ ، بىراق شانىيازنىڭ مومىسى ئۆزىنىڭ باللىرىنى ئۆزىنىڭ چوڭ قىزىنىڭ باللىرى بىلەن سېلىشتۇرۇپ كۆڭلى يېرىم بولاتتى . ئۆز باللىرنىڭ  ئۇستۇن ئورۇندا تۇرۇشىنى ئۇمۇت قىلاتتى .
بىراق شانىيازنىڭ ئانىسى مومىسىنىڭ بۇ خىل ئارزۇسىغا ۋارىسلىق قىلىپ ئۆز باللىرىغا تېخىمۇ زور ئۇتۇق تىلەيدىغان ئىشنى قىلمىدى . شانىيازنىڭ ئانىسى ئۆز ئاپسىنىڭ (شانىيازنىڭ مومىسىنىڭ ) ئارزۇسىنى قاندۇرۇش ئۇچۇن ئىمكانىيەتنىڭ بارىچە ئۆز باللىرىنى چۆكۇرۇپ ئاپىسىنىڭ باللىرىنى يەنى قېرىنداشلىرىنى كۆتۇرۇشكە تىرىشاتتى .
شانىيازنى ئەيىپلەيدىغان ھەر بىر پۇرسەت كەلگەندە ئانسىى مۇنداق دەيتتى : ماماڭنىڭمۇ تۆت ئوغلى بار شۇنداق كۆيۇمچان شۇنداق ئوبدان ، . شانىياز دەسلەپتە ئۇن چىقمىدى ، نۇرغۇن قېتىملىق سېلىشتۇرۇشلاردىن كىيىن ، -ئۇ قىمارۋاز قەرىزگە بوغۇلغان ئۇكۇلىرىڭغا مامام ئۆز ئاغزى بىلەن ئۆلۇم تىلگەنلىكىنى ئاڭلىغان ئىدىم دىدى . يەنە بىر قېتىم ئانىسى : ماماڭنىڭمۇ تۆت  كىلىنى بار ، نىمە دىگەن ئوبدان نىمە دىگەن كۆيۇملۇك ، -ھەئە بەك كۆيۇملۇك ، مومامنىڭ ئۇ يۇزى yoq  كىلىنلىرى مەن توي قىلسام بىر موچەن خىنىسى يوق توينىڭ تۆرىدە ئېكرانغا قاتار چىقىشىپتۇ ، بەك كۆيۇملۇك بولغاچقا مومام سەكسەندىن ئاشسىمۇ بىرەرسىنىڭ ئۆيىدە بىر ئاي تۇرماق بىر ھەپىتىمۇ تۇرالمايدۇ . ....

شۇنىڭدىن كىيىن شانىيازنىڭ ئانىسى ماماڭنىڭمۇ تۆت ئوغلى بار ،ماماڭنىڭمۇ تۆت كىلىنى بار شۇنداق ئابدان بۇنداق ئابدان دىگەن گەپلەرنى دىمەس بولدى .

tohotur

باللار چوڭ بولغاندا باللارنىڭ ئۆيدىكى ئورنى ۋە ھوقۇقىدىمۇ مەلۇم ئۆزگىرىشلەر بولۇشى كېرەك .مانا بۇ دىمىكراتىك ئائىلىدە چوقۇم شۇنداق بولۇشقا تىگىشلىك بىر ئىش .
ئەمما شانىيازلار ئائىلىسدە ئۇنداق بولمىدى .ئانىسى ئىككىنچى سىنىپقىچە ئوقۇغانلىقىغا قارىماي بۇ ئائىلىنىڭ ئىشلىرىنى بىر قوللۇق قارار قىلىپ ئۆز كونتۇرۇللىقى بويىچە كىتىپ باراتتى .ئەمما شانىياز بىلەن مەتنىياز دائىم بۇ ئائىلىدە ئۆزىنىڭ قانچىلىك ئورنى بارلىقىنى ھىس قىلالماي ئاھ ئۇرۇپ يۇردى . ئانىسىنىڭ ئۇچ جادى سىڭلىسىنىڭ ھەر بىر گىپى بۇ ئائىلگە كۇچلۇك بوراندەك تەسىر قىلاتتى  . شانىيازلار ئائىلىسنىڭ ھەر بىر خوشاللىق خاپىلىقىنى مانا بۇ ئۇچ جادى تىزگىنلىۋالغان ئىدى .
ئۇلار گاھىدا ئۆز ئەرلىرىنىڭ ئۆي توبالايدىغانلىقىنى ، كىر قات يۇيدىغانلىقىنى  تىلغا ئېلىپ شانىيازنىڭ ئانىسىغا سۇنئى ئىچ ئاغىرىتاتتى .شانىيازنىڭ ئانىسى بولسا ئۆزىنى  راستىنلا قومۇل شەھرىدىكى ئەڭ بەخىتسز ئايال بولۇپ قالغاندەك ھىس قىلاتتى .
ھەتتا لەڭخەبىسى ئىشلەپ كەتمەيدىغان باللىرىنى ناھايىتى ئەقىللىق ناھايىتى مەسئوليەتچان قىلىپ كۆرسىتەتتى .قىمارۋاز ئۇكىلىرىنى  ئەڭ كۆيۇملۇك ياردەمگە مۇھتاج مۆمىنگە ئايلاندۇراتتى .شۇنىڭ بىلەن شانىيازنىڭ ئانىسى باللىرىم نىمىشقا مېنىڭ گپىمنى ئاڭلىمايدۇ ، نىمشىقا مېنىڭ كۇتكەن يېرىمدىن چىقمايدۇ دەپ ئۆزىنى قومۇل شەھرىدە ئەڭ نەس باسقان، ئەردىن باللىرىىدىن تەلەيى كەلمىگەن ناتاۋان ئايال دىگەن تۇيغۇغا كىلەتتى ، ياق ئاشۇ جادىلار شانىيازنىڭ ئانىسىنى ئاشۇ تۇيغۇغا كەلتۇرۇشۇپ قويۇپ ئاندىن تاماشا كۆرىشەتتى . شۇنىڭ بىلەن شانىيازلار ئائىلسىدە ئانىسنىڭ ئاي ئايلاپ ئاھ ئۇرىۋاتقان ئاي ئايلاپ قاپاق ئېچىلمايۋاتقان ھالىتىنى كۆرەتتى .

tohotur

چوڭ بولۇپ ئەر بولغان بالىسغا بولغان ئىشەنمەسلىك ، بالىسىنى چۆكۇرۇش ، بالىسىنى ھۆرمەت قىلماسلىق بۇ ئائىلدىكى مىھىر مۇھەببەتنى پەقەت ئاغىزدىلا بار ئەمىليەتتە قاغىجىراپ كەتكەن بىر نىمىگە ئايلاندۇرۇپ قويدى .  شانىيازنىڭ ئانىسىمۇ مەن باللىرىمىنى بەك ياخشى كۆرىمەن دەپ تۇراتتى .ئەمما پۇتۇن قىلغان ئەتكەن ئەمىلى باللىرنى ئەيىپلەش ، چۆكۇرۇش ۋە ئۆزىنىڭ ئىسلام دىنىدىكى ئانىلىق ئورنى ۋە ھوقۇقىنى پەش قىلىش ،ئۇلارمۇ ئەسقاتمىغاندا ئۆز باللىرىنى ئاڭلىتىپ تۇرۇپ قاغاش ئارقىلىق شانىياز بىلەن مەتنىيازنى كونتۇرۇل قىلىشقا ئۇرۇناتتى .

شانىياز ئۆز ئوغلى ئەمەتجاننى ئەركىلىتىپ قۇچاقلاپ تۇرۇپ شۇنداق ئويلاپ قالدى .ئىنسان مەيلى ئالتە ياش بولسۇن مەيلى ئاتمىش ياش بولسۇن ئۆز ئاتا ئانىسىنىڭ ئۆزىنى ياخشى كۆرىىشىنى قاتتىق ئۇمۇت قىلىدىكەن .قانداقتۇر چوڭ بولۇپ بولغاندا بۇ خىل ياخشى كۆرۇش ھىسياتى بولسىمۇ بولمىسىمۇ ئوخشاش دىگەنلىك ئەمەسكەن .دەپ ئويلاپ قالدى .

ئەمىليەتتە شانىياز ئويلاپ قالدى ، ئاپاممۇ سەكسەن ياشلىق مومامنىڭ ئالدىدا پەقەت بىر بالا ،ئۇمۇ ئۆز ئانىسنىڭ مېھىر مۇھەببىتىگە تەشنا ،ئەمما بۇ مومام ۋە ئۇنىڭ ئەتىراپىدىكى ھېلقى جادى قېرىنداشلىرى بولسا شانىيازنىڭ ئانسىىنى ئۆز سىزىقىغا چۇشۇرۇپ ھوزۇرلانسا كېرەك .
ئىست بىچارە ئاپام دەپ ئويلىدى شانىياز ، بۇ چوڭ جەمەتتە ھەممىدىن چوڭ بولۇپ ئوقۇيالمىدى ، يا جەميەتتە دوست سىردىشى بولۇپ باقمىدى ، موشۇ ئاي موشۇ كۇنلەردە شانىيازنىڭ ئانىسىنىڭ ئەڭ چوڭ قورقۇنچى ئۆز قېرىنداشلىرىنىڭ ئۇنى ئەيىپلىشى ھەم ئارىغا ئالماسلىغى  ئىدى ، ئەمىليەتتە شانىيازنىڭ ئاپسى دىققەت قىلمىسا ئۆز قېرىنداشلىرنىڭ تەلەپلىرى بويىچە ئىش كۆرمىسە قېرىنداشلىرىدىن ئايرىلىپ قېلىش مۇمكىنچىلىكىنى ئاللىبۇرۇن ھىس قىلغان . شانىيازنىڭ ئانىسىنىڭ ئۈچ جادى سىڭلىسى بىرلىشىۋېلىپ شانىيازنىڭ ئاپىسىنى ئەنە شۇنداق ئازاپلايتتى . ناۋادا شانىيازنىڭ ئاپىسى بۇ قېرىنداشلىرىنىڭ ئويلىغىنىدەك بولالمىسا ، ئارزۇ تەلەپلىرىنى ئورۇنلىمىسا ئۇ ھالدا ئۇلار شانىيازنىڭ ئاپىسنى چەتكە قاقاتتى . ھۇ پەزىلەتسىز چۇپرەندىلەر  سەنلەر كاللسىى ئىككىنىچى سىنىپتا توختاپ قالغان ئاپامنى ئۆزەڭلارنىڭ ئاچىسىنى  سەنىمىڭلارغا دەسسىتىپ ئۆزەڭلارنىڭ مۇۋاپىقيەت قازىنىش تۇيغاڭلارنى قاندۇردىكەنسىلەر ھە .bu قومۇل شەھرىدە ئاز كۆرىلىدىغان قارىماققا يېققىن ئەمىليەتتە زەھەرخەندە قىز قېرىنداشلارنىڭ مۇناسىۋىتى ئىدى ،

tohotur

شانىياز ئانىسنىڭ ئەڭ چوڭ قورقىنچىنىڭ قېرىنداشلىرىدىن ئايرىلىپ قېلىش ، قېرىداشلار ئىمپىراتۇرلىقىدا چەتكە قېقىلىش ئىكەنلىكىنى ھىس قىلدى. لېكىن جاھاننىڭ بىر پىرىنسىپى بولىدىكەن ئانا سەن زادى نىمدىىن قورۇقساڭ ئاشۇ ئىش بېشىڭدىن كەتمەي تۇرۋالىدىكەن . سېنىڭ بۇنداق قورقىنچىڭنى سەندىنمۇ بەك ياخشى چۇشەنگەن جادى سىڭىللىرىڭ ، بۇ قورقۇنۇچىڭنى كوزۇر قىلىپ تۇرۇپ سېنىڭ ئائىلەڭنىڭ خاتىرجەملىكىنى يوقۇتۇشنى شۇ قەدەر ياقتۇراتتى .
جېنىم ئانا دەپ ئويلىدى شانىياز ، سېنىڭ قېرىنداشلىرىڭنى بىزدىنمۇ بەك يوقۇرى ئورۇنغا قويۇشىڭدا يەنە باشقا سىرلارمۇ بارمۇ قانداق ؟يەنى سەن قېرىداشلىرىڭىنى بەك ياخشى كۆرىسەن ، ئەمما ئۇلارغا شۇ قەدەر ئىلتىپاتلارنى قىلمىساڭ ئۇلار سەندىن يۇز ئۆرۇيدۇ ، ئەمما باللىرىڭ بولسا مەيلى سەن ئۇلارنى نىمە دە ،چۆكەر يۇزىگە تۇكەر مەيلى قانداقلا قىل ئۇلار سەندىن يۇز ئۆرمەيدۇ .
شۇنداق دىدى شانىياز بىر كۇنى ئۇكىسى مەتنىيازغا  بۇ دىگەن ۋاز كەچكىلى بولمايدىغان ئازاپ . بىز نىمىلا بولمىسۇن ئاپىمىزدىن ۋاز كىچەلمەيمىز .ئەمما ئاكا دىدى مەتنىياز : -ئۇ بىزنىڭ ئاپىمىز ئىدىغۇ ، بىزگە قەلبىدىن ئورۇن بىرەلمەسمۇ ،
-بىلمىدىم ئۇكام .ناۋادا ئاشۇ جادى سىڭىللىرى تۇيۇقسىز پەزىلەتلىك بولۇپ قالسا ،-قارا ئاچا بىزمۇ باللىرىمىزنى مۇنداق ياخشى كۆرىمىز ،مۇنداق ئورۇن بىرىمىز ، ئەرلىرىمىزنى مۇنداق ھۆرمەتلەيمىز ، سەنمۇ شۇنداق قىل دىسە ئۇ ھالدا قانداقكىن تاڭ ، ئەمما ئۇ جادىلار ئۇنداق دىمەيدۇ  ئۇلارنىڭ قەلبىدىكى ئاچىسىدىن ئاشالمىغان ھەسەت ئۇلارنى ئۇنداق دىگۇزمەيدۇ . سەبىر قىلايلى ئۇكام ئاللاھ سەبىر قىلغۇچىلار بىلەن بىللە .

yagurqak

tohotur يوللىغان ۋاقتى  2014-11-29 21:20
شانىياز ئانىسنىڭ ئەڭ چوڭ قورقىنچىنىڭ قېرىنداشلىرىدىن  ...

كۆپ تەشەككۇر توخوتۇر ئاكا بارغانچە تۇرمۇشقا بېرىلىپ چۆكۈيتىللا ھەشقاللا  ....... بۇنىڭ كەينى مۇشۇنداقلا تۈگىمىگەندۇ داۋامى باردۇ ؟

tohotur

                   مەن شانىياز

مەن شانىياز .قومۇلدا تۇغۇلغان قومۇلدا ئۆسكەن قومۇلدىكى يېقىنقى ئوتتۇز يىللىق تەرەقىياتقا شاھىت بولغان شانىياز .
مەن شانىياز ئاشۇ شەھەرلىكلەرنىڭ تۇرمۇشىمۇ بەك رەڭدار ئەمەس زامانلاردا شەھەردە ئۆسكەن شانىياز .
مەن شانىياز مەن ئاتا ئانىسى تەرپىدىن بىر قېتىممۇ ماختىلىپ باقمىغان ، دائىم خەقنىڭ باللىرىغا سېلىشتۇرۇلۇپ كۆڭلى ئازار يەپ ، ئاتا ئانىسىنىڭ سېلىشىتۇرۇپ چۆكۇرۇشلىرىگە قايىل بولماي چوڭ بولغان شانىياز .
مەن شانىياز  كىتاپنى ياخشى كۆرىدىغان شانىياز ، كىتاپتىكى قەھرىمانلارنى تەسەۋۋۇر قىلىدىغان ، ئۆزەمنى غايەت كۇچ قۇۋۋەتنىڭ ئىگىسى دەپ خىيال قىلىدىغان خىيالچان شانىياز .
مەن شانىياز پىلانلىرى ئاتا ئانىسى تەرپىدىن ئىزچىل رەت قىلىنىپ كەلگەن شانىياز .

مەن شانىياز خىزمەتكە چىققاندىن كىيىن ئاتا ئانىسىنىڭ رازىلىقىنى ئالىمەن دەپ قىلمىغان ياخشى ئىىشى قالمىغان ئەمما يەنىلا ئاتا ئانىسىنىڭ باشمالتىقىنى چىقرىىشىغا ئېرىشەلمىگەن شانىياز .

مەن شانىياز بەش ياش ۋاقتىدا بالا بولساڭ بالا يوسۇنىڭدا ئولتۇر دەپ ئائىلىنىڭ چوڭ ئىشلىرىغا ئارلاشتۇرۇلمىغان چەتكە قېقىلغان ھۆرمەتلەنمىگەن شانىياز .

مەن شانىياز ئوتتۇز بەشكە كىرىپمۇ خۇددى بەش ياش ۋاقتىدىكىگە ئوخشاش ئائىلىنىڭ ھېچقانداق قارار چىقىرىشىغا ئارلاشتۇرۇلماي بۇ ئائىلدە ئۆزىگە تەۋە ھوقۇق ۋە ھۆرمەتكە ئېرىشەلمىگەن شانىياز .

مەن شانىياز مەن ئاتا ئانىسىنى ياخشى كۆرىدىغان يەنە شۇنداقلا ئىچىنىڭ بىر يەرلىىردە ئاتا ئانسىنىڭ ئۆزىگە بۇ ئائىلىدە ھەقىقى ھوقۇق ۋە ھۆرمەت بەرمىگەنلىكىدىن نەپرەتلىنىدىغان شانىياز .

مەن شانىياز  مەن ئاتا ئانسىنىڭ مەدىنيەت ئىنقىلابىنىڭ تەسىرىدىن قۇتۇلۇپ باللىرى بىلەن بىرلىكتە بۇ خوشال خاتىرجەم بەخىتلىك مىنۇتلارنى بىرلىكتە شاد خورام ئۆتكۇزىشىنى ئۇمۇت قىلىدىغان ،  قىرىق يىلىغىچە بىر پۇتى ئۆيگە كىرىپ يەنە بىر پۇتى دادسىنىڭ ئۆيىدە تۇرىدىغان ئانىسنى ئىككىلا پۇتۇنى  بۇ ئۆيگە بېىسىپ  ئۆز ئائىلسىگە قايتىپ كىلىشىنى ئۇمۇت قىلىدىغان شانىياز .

مەن شانىياز ئانا مېھرىنى ئانسىنىڭ ئۇكىلىرىدىن ھەسەت قىلىدىغان ئۆزىنىڭ بالسىنى ئۇكىسىدىن بەكرەك ياخشى كۆرۇشىنى ھەقلىق دەپ ئويلايدىغان شانىياز .

مەن شانىياز ئويلىغانلىرىنى ئاتا ئانسىغا دىيەلمەيدىغان ھەم ئىچدىن چىقىرىپ ئۇنتىايلمايدىغان شانىياز ،

مەن شانىياز سەبىر قىلدىغان شانىياز ، ئەمما بەزىدە غەزەپ ئىچىدە پارتىلاشتىن ئەنسىرەيدىغان شانىياز .

مەن شانىياز بالا دىگەن ئەرنىڭ ، بېقىپ چوڭ قىلىپ قويدۇم نىم بولساڭ بول دەيدىغان ئەمما ھەپتە كۆرۇنمىسە باللىرىنى قاغاپ ئارام بەرمەسلىكىدىن بىزارلىق ھىس قىلىدىغان شانىياز .
مەن شانىياز قومۇلدا ياشاۋاتقان ئۆز ئائىلىۋى مۇناسىۋەتلەرنى تەڭشىيەلمەيۋاتقان مىڭلىغان تۇمەنىلىگەن قومۇللۇقلارغا قاراپ ئىچى پۇشۇدىغان شانىياز .

بۇ ئىشلارمۇ ئوڭشۇلۇپ كىتەر ، ماڭا ئوخشاش مەدىنيەت ئىنقىلابىنىڭ ئاتا ئانىلارنىڭ ئېڭىدىكى يالقۇنىنىڭ كۆيدۇرىشىگە ئۇچۇرغان قومۇللۇق بىر ئەۋلاتنىڭ سەۋىر قىلىشنى تىلەيدىغان شانىيازمەن .

kokboraa

inormal يوللىغان ۋاقتى  2014-11-26 22:05
بەزىلەر بۇ تېمىغا تۈك ئۈندۈرۈپ دۇئانى ئەرەپچە قىلمىدى ...

ئىسمىڭزنى خاتا قويۇۋاپسىز  ،ئىنورمال  ئەمەس  بىنورمال  دەپ قويسىڭىز ماس كىلەتتىكەن .   

ئىنكاسىڭىزدىن سىزنىڭ نۇرمال ئادەم ئىكەنلىكىڭىزدىن  گۇمانلىنىشقا بولۇدۇ.