- تىزىملاتقان
- 2015-1-29
- ئاخىرقى قېتىم
- 2015-2-28
- ھوقۇقى
- 1
- جۇغلانما
- 51
- نادىر
- 0
- يازما
- 3
ئۆسۈش
   17%
|
مەن يازغۇچى ،ئوبزورچى ئەمەس ،پەقەت بىر راھمانجان.ئەسلى جاھاننىڭ ئىشلىرى بىلەن كارىم بولمىسىمۇ بولاتتى،ئەمما كۈندە ئوقۇۋاتقان ،ئاڭلاۋاتقان ئىشلار مىنىمۇ بىر قىسما قىلىپ قويدى،پۈتكۈل جاھان 2015-يىلىنى كىتاپ ئوقۇش يىلى دەپ كىتاپ ئوقۇشنى باشلىسا بىز بىچارىلەر توردا،ئۈندىداردا ئۆز-ئاراچىشلەشكەننى،غەيۋەتنى ئوقۇماقتىمىز،بۇ جېدەل ،ئاخىرى يوق مۇلاھىزىلەر يېڭى يىل كۈنى ئەلى مۇئەللىمنىڭ نۇتقى تۈپەيلى باشلانغان ،مانا بۇگۈن ئاي ئاخىرىغىچە داۋاملىشىۋاتىدۇ،بۇ ئاز كىلىپ قالغاندەك پالۋىنىمىز ئابدىراھماننىڭ مۇسىبىتىمۇ قۇشۇلدى، مۇسىبەت دىگەن يەتتە كەتمەن توپىدىن كىيىن ئۆز-ئارا سەبر تىلەش،ھەمدۇسانا ئېيتىش،ئاخىرەتلىك ئىشلىرىنى ياخشى ئورۇنلاشتۇرۇش بىلەن ئاخىرلاشسا بولاتتى،ئەمما ھازىر ئۇنداق بولماي قالدى.ئويلاپ باقسام بۇ يەردىكى تالاش-تارتىشنىڭ سەۋەبى باشقا ئىش ئەمەسكەن،شۇ ياردەم قىلىشكەن،ئەلى مۇئەللىم جېدىلىنىڭ سەۋەبىمۇ ئۇنچىۋالا چوڭ ئەمەستى، ئۇ بىر يىتىشىۋاتقان پىسىخىلوگ ئىدى، ئەمما جامائەت ئۇنى پىسخىلوگ ئەمەس دىدى،زادى پىسخىلوگمۇ ئەمەسمۇ بۇنىڭغا ۋاقىت جاۋاب بىرەتتى،ئاخىرى ئۇياندىن چىشلەپ بۇياندىن تارتىپ شۇ بەندىنىمۇ زىرىكتۈرۈپ قويغىلى ئاز قالدۇق،جەمىيىتىمىزدە نى-نى ئادەملەرمۇ بارتى،باشقىلارنى زار قاقشىتىپ،قان يىغلىتىپ يۈرىۋاتقان،زەھەر سېتىۋاتقان،بالا ئوغۇرلاۋاتقان،ئاتا-ئانىسىنى،قېرىنداشلىرىنى ئازابقا مۇپتىلا قىلىۋاتقان، ھاراقنىڭ،پاھىشىنىڭ قۇلىغا ئايلىنىپ كىتىۋاتقان،بۇلارنى چىشلىيەلمەيدىكەنمىز،تىللىيالمايدىكەنمىز، ئىچىمىزدىن پىدائىي بۇلۇپ گۇرۇپپا تەشكىللەپ شۇلارغا تەربىيە ياكى زەربە بېرەلمەيدىكەنمىز،نىمىشقا؟چۈنكى بۇلارنى يىغىشتۇرىدىغانغا قانۇن بار،ئەمما ئارىمىزدىكى داڭلىقلىرىمىزنى چىشلىسەك،شۇ توغۇرلۇق دەتالاش قىلساق بۇنى قانۇن سورىمايدۇ،شۇڭا خاتىرجەم چىشلەۋېرىمىز،شۇندىققۇ.ئابدۈشۈكۈرمۇ توغرا ئېيتىمىغان: ئۇتاغدىن بۇتاغقا ۋېلىسپىت بىلەن بارغان،پۇستانى چۆلدىن ياغاچ پۇت بىلەن ئۆتكەن دىگەن ئاتاقلارنى ئېلىپ بۇ خىل ئاتاقلارنى تەمەخورلۇقنىڭ دەسمىيسى قىلىپ خەلق بىزنى بېقىشى كېرەك دەيدىغان تەييارتاپلاردىن پەرقلىنىمىز.بۇ ئوچۇقلا باشقىلارغا قاراتقان زىدىيەت ئوقى، ھەممىسى تەنھەركەتچى،پەقەت تۈرىلا ئوخشىمايدۇ. ئەمەلىيەتتە بۇنچىلىك دىيىش كەتمەيتى،ياردەم قىلىدىغانلارمۇ داۋراڭ سالماي ياردەم قىلىۋەرسە ساۋابىنى ھەسسىلەپ كۆرەتتى. بىز ئۇيغۇر مىللىتى ھەرگىزمۇ نائىنساب ناچار مىللەت ئەمەستۇق، كۆرمىسەك ،ئاڭلىمىساق ئەلەكموللا،لېكىن كۆرۈپ قالساق،ئاڭلاپ قالساق ئىزدەپ سوراپ بېرىپ ياردەم قىلىمىزغۇ،بۇنى پەقەت باشقىلارغا داۋراڭ سالمىغانلا يەر بار شۇڭا باشقىلار مۇشتاق خاتا چۈشىنىۋالىدۇ،نۇر تاي ھاجىم بىرمۇنچە بالىلارنى بېقىۋاتىدۇ،يەنە نۇرغۇنلىغان ساخاۋەتچىللىرىمىز ئىنسى-جىنغا بىلدۈرمەي ئارىمىزدىكى غېرىپ-غۇرۋا ئاجىزلارغا ئۈزمەي ياردەم قىلىۋاتىدۇ.
ئەمدى ئەلى مۇئەللىمگە كەلسەك ئۇ ئۆزىدە بار بىلىملەرنى ھەرخىل يوللار ئارقىلىق مىللىتىمىزگە يەتكۈزىۋاتىدۇ،ياشلىرىمىزنىڭ كالىسىنى ،ئىدىيىسىنى ئېچىۋاتىدۇ،بەزى گەپلەر چاقچاق تەرىقىدە دىيىلىپ كەتسىمۇ 99پىرسەنت گەپ سۆزنىڭ قىممىتى بار،ئۆزىگە جەڭ ئېلان قىلىپ ئۆزىنى يېڭەلىگەن ئىنسان ھەقىقىي غەلبە قازانغۇچى دەپ قارايمەن، مۇسابىقىدىمۇ قارشى تەرەپنى ئەمەس،ئۆزدىكى روھى بېسىمنى يېڭەلىگەن،ئۇتۇش-ئۇتتۇرۇش ئارلىقىدىكى كىشەننى چاقالىغان تەنھەركەتچى ھەقىقىي تەنھەركەتچى بولىدۇ.شۇڭا بىز بىر خاتاغا ئېسىلىپ قالغان توققۇزنىمۇ خاتاغا چىقىرۋېتىدىغان قىلىقنى تاشلاپ ھەممە ئىشقا ئىجابى قارىساق.بىزگە بىر ئەلى ئەمەس مىڭلىغان ئەلىلەر كېرەك،چۈنكى بىز ھازىر پۇلدىنمۇ بەكراق شۇنداق ئادەملەرگە ئېھتىياجلىق.پۇل بولغان بىلەن شۇنى خەجلەيدىغان كاللا بولمىسا يەنىلا دىۋانە ھېسابلىنىدۇ.
ئابدىراھماننىڭ مۇسىبىتىگە كەلسەك،ئەسلى مۇسۇلمانچىلىقتا مىيىتنىڭ كەينىدىن گەپ سۆز بۇلۇنماسلىقى كېرەك ئىدى، لېكىن ھازىر بەك ئەۋجىگە چىقىپ كەتتى،يامان بولاتتى. بۇ يەردىكى تالاش-تارتىشنىڭ سەۋەبى باشقا ئىش ئەمەس ،شۇ ياردەم قىلىش ،توختىماي بىر بىرىگە ھۇجۇم خاراكتىرلىق قاراتمىلىقى بار يازمىلارنى يېزىۋاتقان قېرىنداشلىرىمغا دەيدىغىنىم،سىز ئۇنىڭ ھەقىقىي دوستىڭىز بولسا،ئۇنىڭ ھەقىقىي دوستىڭىز ئىكەنلىكىنى ئەمدى ھېس قىلغان بولسىڭىز يازما يېزىشنى توختىتىپ ئەمەلىي ئىش قىلىڭ،ئۇ ھايات ۋاقتىدا بەلكىم ئۇنىڭ بىلەن كۈندە بولمىسىمۇ ھەپتىدە كۆرۈشۈپ تۇرىدىغان بولغىيتىڭىز،نىمە ئۈچۈن شۇ چاغدا بۇ ئەقىللەر كاللىڭىزلارغا كەلمىدى،شۇ چاغلاردىمۇ ئۆزىگە سەزدۈرمەي نۇرغۇن ياخشىلىقلارنى يەتكۈزگىلى بولاتتىغۇ،دوستى بولغان ھەرقايسىڭىز كارخانىلار بىلەن ئۇچرىشىپ ئۇنىڭغا شارائىت يارىتىپ بېرەلەيتىڭىزغۇ،ھايات ۋاقتىدا شۇ ئىشلارنى قىلىپ بېرەلمىگەندىكىن ئەمدى زۇۋانىمىزنى يىغىپ ،كەتكەننىڭ كەينىدىن گەپ-سۆز قىلىۋەرمەي ئەمەلىي ئىش قىلايلى.دىگىنىڭلار توغرا تۆھپىكارلار مۇكاپاتى تەسىس قىلىش توغرا ئىش،ئەمما بۇنداق ئىشنى توردا ئەمەس ،دەرقەمتەئولتۇرۇپ چوڭلىرىمىز بىلەن مەسلىھەتلىشىدىغان ئىش،بولمىسا مانا نەچچە كۈندىن بۇيانقىدەك ئايىقى چىقماس زىدىيەتلىك پىكىرلەر تۆكۈلۈپ كىتىدۇ، شۇڭا ئۇسۇلنىمۇ سەھنىدە ئوينىسا،سۇنىمۇ دەريادا ئۈزسە قاملىشىدۇ، ھەممە ئىش ئۆز سەھنىسىدە بولسا.ئۆلگەننىڭ كەينىدىن گەپ-سۆز قىلىشمىساق،بولسا ئۆز-ئارا يازما يېزىۋاتقان قېرىنداشلىرىمىز دەرقەمتە ئولتۇرۇپ زىدىيەتنىڭ تۈگۈنىنى يېشىپ،بىر يەڭدىن قول چىقارسا.ئامال بار تور ئۇرۇشى قىلمىساق.گەپ يۈزدە ياخشى دەپ يۈزتۇرانە گەپلەشسەڭلار. بىز تېخى ئۇنتۇپ كەتمىدۇق جۇرئەت،ئابدۇشۇكۇر،ئابدۇسەمەت،گۈلزۆھرە قاتارلىق نۇرغۇنلىغان قەھرىمانلىرىمىزنى، ئەمدىكى بىر سەۋەپ ،گەرچە مىللەت قېرىنداش بولساقمۇ ئۇلار بىلەن يۈز كۆرۈشۈپ ئەھۋاللىشىپ مۇڭدىشىدىغان شارائىت بىز دە بولمىغاندىكىن نۇرغۇن ئىشلاردىن خەۋەرسىزمىز،شۇڭا توردا كىم نىمە دىسە راسمىدۇ دەپ ئىشىنىپ قالىدىغان گەپ،شۇڭا مىللەتمۇ دىمەي تۇراي،ئۇيغۇرچە خەت ئوقۇيالايدىغان،تورغا چىقالايدىغان ئادەملەرنىڭ ئىدىيىسىدە داۋالغۇش پەيدا قىلمىساق.ھەممەيلەن ئوبدان بىر ئويلىنىپ باقساق بولىدۇ.
|
|
ئىگىسى: tengrikut
يوللىغان ۋاقتى 2015-1-26 20:46:05
