يالقۇن روزىغا بىر ئەسكەرتىش

TOR

مەيلى مەنىۋى ۋە ياكى ماددى  جەھەتتىن بولسۇن باشقىلارغا يارىدەم قىلىش بارلىق دىندا بولسۇن ياكى بارلىق مىللەتتە بولسۇن ئىنتايىن ياخشى ئىشتۇر... ياخشىلىقنى ئۈزۈپ قويمايلى قېرىنداشلار...؟!

1mastura

شۇنى دەيمەن، شۇنداق ياخشى ئىش قىلىۋاتساڭلار. ئاتا-ئانىسىمۇ قىزىق خەقكەن. نېمىدەپ ئالمايدىكەن؟ ئالمايدىغان ھەققى بارمىكەن؟ ئالمىسا ئۇرۇپ ياتقۇزۇۋېتىپ، زورلاپ قوينىغا تىقىپ قويۇپ كېلىڭلار. بالىسىنى بوكس شاھى قىلىپ تەربىيىلىگەنكەن، بىزنىڭ پۇلىمىزنى ئالىمەن، ئالمايمەن دەيدىغان ھەققى يوق.
ئەسلى ئابدۇراخمان كەتمەسلىكى كېرەكتى، غۇرۇر دېگەنگە نان ئېلىپ يېگىلى بولمىسا، قورسىقى ئاچ قېلىپ نان يەپ يۈرۈپتۇ ئەنە. ئۇنداق قىينالغۇچە بىر تاختايغا «مەن ئاسىيا بوكس چېمپىيونى ئابدۇراخمان ئابلىكىم. خەلقىم ئۈچۈن بوكسيۇرلۇق قىلىمەن دەپ ئاچ قالدىم. مېنى بېقىڭلار» دەپ يېزىپ، ئالدىغا بىر داستىخاننى يېيىپ دۆڭكۆۋرۈكتە ئولتۇرغان بولسا ئۆيىنىڭ پۇلىنى بىردەمدە تاپاتتى، يۈرەك كېسىلى بىلەن كېتىپمۇ قالمايتتى.

مۇشۇنداق دېمەكچىغۇ ھەرقايسىڭلار ھە؟؟
بوكسچىلىق قىلغىنىمۇ تويغۇزۇپ بولدۇڭلار.

ziya

YOQSUL يوللىغان ۋاقتى  2015-1-27 20:52
مېنىڭچە بولغاندا ئىئانە توپلايمىز،ياردەم قىلىمىز دېي ...

ئەلسۇيەر يازغان ئەسلى يازمىدا ،ئابدۇرەھمان ئائىلىسىگە ئېئانە توپلايلى،دىگەن گەپ يوق.

alipoguz

ئابدۇۋەلى مۇئەلىم  سالامەت تۇرىۋاتامسىز ،ئوقۇغۇچىڭىز بولۇش سۇپىتىم بىلەن سىزگە سالام يوللايمەن ....
ھەقىقەتەن كۆپلىگەن ئەدەپلىرىمىز ئىقتسادى جەھەتتىن قىينلىپ ،چىشىنى چىشلەپ ياشاۋاتىدۇ ،بىر قىسىملار نامراتچىلىق ئىچىدە ئۇ ئالەمگە كېتشتى .ئەنگىلسلار شاڭگاڭنى كونتۇرول قىلۋالغاندا  شاڭگاڭلىكلار نورغۇن جەمىيەتلەرنى قۇرۇپ ،بۇ جەمىيەتتلەرگە توپلانغان مەبلەغەر ئارقىلىق نۇرغۇن ئىشلىرىنىڭ ۋۇجۇتقا چىقىشغا كاپالەتلىك قىلغان ئىدى .ھەرخىل جەمىيەتلەرنى قورۇش ئارقىلىق ئۆز - ئۆزى قۇتقۇزۇش ئالقىشلاشقا تېگىشلىك ئىش دەپ ئويلايمەن .

Bugle-burgha

ئەسلى تۆنۈگۈن 4سائەت ئولتۇرۇپ،ئابدۇراخمان توغرىسىدا بىر ماقالە يېزىپ ،ئىزدىنىش تورىغا يوللىسمام تەستىقلىدمىدى ، قارىغاندا يازمام ئانچە پىشمىغان چېغى،

باغداشقا ئايرىم تىما ئېچىپ يوللىغۇممۇ كەلمىدى،قارىسام بۇ تىمىدىكى مەزمۇنلار بىلەن مىنىڭ قاراشلىرىم ئازراق ئوخشىشىپ كېتىدىكەن ،مۇشۇ يەرگىلا يوللاي، كۆپچىلىك مەزكۇر تېمىنىڭ داۋامى ئىكەن دەپ بىلگەي .
***********************************************
************تۇلپارىمىز-ئابدۇراخمان ،بىز نىمىنى چالا قىلىدۇق ؟*****************
ئىزدىنىشنتا بىلىملىك ئەزالار خېلى بار دەپ ئويلايمەن..مەن ئويلىغانلىرىمنى سىلەرگىمۇ دەپ باقاي،ئازراق مەنپەئەت يەتسىلا شۇنىڭدىن خۇشال ئىدىم .
ئابدۇراخماننىڭ ۋاپاتىدىن كېيىن كۆكتېكىن ۋە ئۇنىڭغا يانداش ماقالىلەر ئېىلان قىلىندى،كۆكتېكىن ئۆزى ئېيتقاندەك،ئابدۇراخماننىڭ يېقىن دوستى بولغاچقا ئابدۇراخماننىڭ  جاپاسىنى بۇ دوستى باشقىلارغا قارىغاندا ياخشىراق بىلىشى مۇمكىن دەپ قارايمەن ،ھەم بۇ مۇسىبەت ئېغىر كەلگەچكە ئازابلىق ھېسىياتتا،سەل مۇبالىغىلەشكەن ھېكايىلەر ئارقىلىق باشقىلارنىڭ دىققەتنى تارتماقچى بولۇپ يازمىلىرىنى ئەدەبىيرەك  يازغان بولۇشى مۇمكىن .
ئەمدى نەق گەپكە كېلىلى:
<ئارمانلىرىمىز ئۈچۈن يىغلايمىز>،<قەھرىماننى كىم ئۆلتۈردى؟> ۋە شۇنىڭغا يانداشقان باغداش مۇنبىرىدىكى تىمىلار ۋە ئابدۇراخماننىڭ ئائىلىسىدىكلەرنىڭ مۇراجىتى قاتارلىق تېمىلاردىن ھېسسىي ئىلمىنتلارنى  چىقىرىۋەتكەندە شۇنى ھېس قىلىشقا بولىدۇ-كى،بوكس شاھى ئابدۇراخماننىڭ چەتئەللىك چولپانلارنىڭ باياشات ھاياتىغا سېلشتۇما بولغان قېيىن تۇرمۇشتا قازا قىلىشى،يەنە شۇ قاتاردا جىننېس دۇنيا رېكورتى ياراتقان جۈرئەت ئوبۇلقاسىمنىڭ جاپالىق كەچۈرمىشى ۋە ،گۈلچىھرەنىڭ  كېسەل ئازابى قاتارلىق رېئال مەسىلىلەرنىڭ جەمىئىتمىزدە مەۋجۇت ئىكىەنلىكىننى  تىمىلاردىن ھېس قىلالايمىز.
بىمەھەل كەلگەن قازا ھەممەيلەننىڭ يۈرەكىنى ئەزگەن ئىدى.تىز قىززىپ تىز سوۋۇش ھەممەيلەنگە ئورتاق پىسخىك ئاجىزلىق بولغاچقىمۇ ئابدۇراخماننى يەرلىكىگە قويا-قويمايلا ئۇ ۋە شۇنىڭغا ئوخشاش  قەھرىمانلارنىڭ كىشىلىك ھاياتتىكى شەخسى جاپا-مۇشەققىتى تېزلىكتە توردا يېيېلىپ،ئارقىدىن تېزلىكتە ئىئانە توپلاشقا سەپەرۋەر قىلىندى.
ھەممىسىنىڭ ئويلىغىنى توغرا بولغاچقا،ھېچكىم قىلىغىنىنىڭ ھازىدار بولغانلارنىڭ يۈرىكىگە  قانداق روھى زەربە كەلتۈردىغنىنى بىلەن ھېسابلاشمىدى ،ئەلۋەتتە بۇ دولقۇن قانچە تېز باشلانغان بولسا شۇنچە تېز ئاياغلىشاتتى .
مۇنبەرلەردە مەيلى بىرسى -سىلەر قەھرىماننى ئۆلتۈردۈڭلار دەپ زارلىسۇن،بىرسى- قەھرىمان ئۆز ئەجىلىدە قازا قىلدى، بىز ئۆلتۈرمىدۇق دېسۇن ،قەھرىماننىڭ ئائىلە-تاۋابىئاتلىرى -بىزنىڭ سەدىقىگە ئىھتىياجىمز يوق، بىزگە غۇرۇر كېرەك ،.... دەپ مۇراجىئەت قىلسۇن . ھېچكىم ئابدۇراخماننىڭ ۋاپاتى بىلەن ئاشكارا بولغان جەمئىيەتتىكى رېئال   مەسلىدىن قېچىپ قۇتۇلالمايدۇ.
ئەمسە قايسى مەسىلە ؟!! .
تۆھپىنى شەخس ھەر خىل مۇددىئالاردا، مىڭ جاپادا تىرىشىپ ياراتسا، ئارقىدىن جەمئىيەت ئەزالىرى توپى ئۇ تۆھپىنى ئۆزىنىڭ قاتارىدا ھېسابلاپ مىللەت يۈكسەكلىكىگە كۆتۈرۈۋىلىشى   لېكىن تۆھپە ياراتقۇچىنىڭ لايق  ھۆرمەت ۋە مۇناسىپ مېۋىسىدىن تېتىيالماسلىقى مەسلىنىڭ نېگىزى بولۇشى مۇمكىن .
ئابدۇراخمان كەتتى ،لېكىن جۈرئەت ئوبۇلقاسىم ،گۈلچېھرە قاتارلىق،يەنە باشقا نۇرغۇن بىز بىلمىگەن تۇرمۇشى بىزگە سىر بولۇپ كەتكەن چولپانلار بولۇشى مۇمكىن .ئەگەر ئابدۇراخماننىڭ كاتتا نەتىجە قازىنىپ، ئاددىي ياشاپ ئۆلۈپ كېتىشىنى بىز بىر تىراگېدىيە دەپ قارىساق ،بۇنداق تىراگېدىيلەرنىڭ سەۋەبىنى تېپىپ ھەل قېلىنمىسا،كالىنىڭ بېشىغا كەلگەن كۈن موزاينىڭكىگىمۇ كەپتۇ دېگەندەك تىراگىدىيەلەر داۋاملىق داۋاملىشىۋېرىشى مۇمكىن .
ۋە ئۇلارنىڭ تۆھپىسى جەمئىيەت تەرىپىدىن قوللاشقا ئىرشەلمىسە،ئۇلارنى ئىز بېسىپ كېلىدىغانلار يوقاپ ،ئارىلىقتا ئۈزۈكچىلىك كۆرۈلۈشى يەنى <<قەھرىمان قەھەتچىلىكى>>يۈز بېرىشى مۇمكىن .
ئابدۇراخمان ھايات ۋاقتىدا بىز نىمىلەرنى قىلالماي قالغان بولغۇيتۇق .؟؟
بۇندىن بۇرۇن چولپانلارنىڭ جاپاسى بارلىقىنى  ھېس قىلماپتىكەنمەن .ئۇلارنى بىزگە ئوخشاش ئاددىي ھەم ئاجىز ئادەملىكىنى ئۇنتۇپ قاپتۇق .ئۇلارنىڭمۇ باشقىلارغا دىيشتىن ئۇيۇلدىغان جاپالىرى بار ئىكەن پەقەت ئەتراپىدىكىلىرمىزلا ھېس قىلمايدىكەنمىز.
جۈرئەت ئوبۇلقاسىمنىڭ ،-بىز خەلقئاراغا تونۇلغۇدەك ئالەمشۇمۇل نەتىجىلەرنى قازىنىپ بولۇپ،يەنە ئەبگا پېتى يۈرسەك،بالىلار تەنتەربىيەگە قىزىقامدۇ ؟؟؟ دېگەن ئىزتىراپلىق سوئالى يۈرىكىمگە تەسىر قىلدى.
مەسىلە بولغان ئىكەن ئۇنى ھەل قىلىش كىرەك،
لېكىن بەزى شەخىس ياكى كىشىلەر توپىنىڭ قىلىش  دائىرىسدىن  ھالقىپ كەتكەن چارە-ئاماللارنى بۇ يەردە ئىزاھلاپ يۈرگۈم يوق.بۇنىسىنى ھەممەيلەنگە چۈشۈنۈشلۈك.شۇنداقتىمۇ قولىمىزدىن كېلىشىچە تىرىشىپ باقساق.
ئۆز-ئۆزىنى يۈكسەلدۈرۈش،تىرىشچانلىق،سودا-كەسىپ ...دېگەندەك  تىرىشسىلا ئۆز ھالىنى ئۆزگەرتەلەيدىغانلىقىدەك تىئورما نەسىھەتلەرنى،  ،شەخسكە باغلىق چارىلەرنى سۆزلەپ يۈرگۈم كەلمىدى،چۈنكى ئادەم مۇكەممەل بولمايدۇ ئەنە شۇلارنىڭ بىزگە قىلىپ بەرگىنى نۇرغۇن،يەنە ئۇنىڭدىن سەن ئەمدى مۇنداق قىلىپ بەرگىن ئەمەس مەن ۋە بىز قىلىشقا تېگىشلىك ئىشىلار ئۈستىدە تەھلىل قىلماقچى.
مېنىڭچە بۇ مەسىلىنى ھەل قىلىش ئۈچۈن:
1.رادىئو-تېىلۋىزىيە ئىستانسىسىلىرى نەتىجە ياراتقانلارنى زىيارەت قىلىش ،مەخسۇس فىلىم ئىشلەش،دائىم مەلۇم بىر نەچچە سەنئەتكارنىلا ئېلانغا تەكلىپ قىلىپ،تېلۋىزورنى مونوپول قىلىۋالغۇچە،ئەنە شۇنداق قەھرىمانلارنى ئېلان ئىشلەشكە تەكلىپ قىلىش،لېكسىيە ئورۇنلاشتۇرۇش،ئەزىز مېھمان قىلىش، ... شەكللىرى بىلەن  خەلققە تونۇشتۇرۇشى ۋە تونۇتىشى كېرەك.
2.كارخانا-شىىركەتلەرمۇ مەسۇلات ئوبراز ئەلچىسى،تەكلىپىك مەسلىھەتچىسى دېگەندەك شەكىللەردە ئىكىكىلا تەرەپكە پايدا يەتكۈزدىغان ئىشلارنى قىلسا بولىدۇ.
3.جەمئىيەتنىڭ قوللىشى شەكلىدە،ئاتا-ئانىلار پەرزەتلىرنى تۈرلۈك دەرس تەكرارلاش كۇرسلىرىغىلا ئەمەس،ئەزىمەتلەرگە مۇنتىزىم شەكلىدە  ئۇستاز-شاگىرت شەكلىدە تەربىيەلەشكە ،ياكى بەلگىلەنگەن ۋاقىتتا ئايرىم تەربىيەلەش ياكى دىيالوگ شەكلىدىكى پاراڭلىششلار (ئەلۋەتتە ھەقلىق بولۇشى كېرەك) ئارقىلىق تەربىيەلەيدىغان قوش ئۈنۈم يارتىدىغان شەكلىنى قوللانسا بولىدۇ.
4.تۆھپىكار مۇكاپاتى تەسىسى قىلىنسا بولامدۇ ؟ مېنىڭچە، ئەلۋەتتە بولىدۇ،. لېكىن كىم تەسىس قىلىدۇ؟قانچىلىك  داۋاملاشتۇرالايدۇ؟ رەسمىيەت ۋە باشقا نۇرغۇن تەستىقلارنى ئالغىلى بولامدۇ ؟............دېگەندەك نۇرغۇن مەسىلىلەرگە ئۇچرايمىز .بۇنىڭ روياپقا چىقىشى بەك تەس .  بىز تۆھپىكار مۇكاپاتىدىن بىرنىلا ئەمەس جەمئىيەتنىڭ ھەر بىر ئەزاسى مۇكاپاتنى قەلبىدە، مېڭىسىدە تەسىس قىلسا،ھەر كىشى تۆھپىكارلارنى ھۆرمەتلىسە،پەرزەنتلىرىنى شۇلاردەك بولۇشقا ئۈندىسە،بۇ قاراش ئېقىم بولۇپ شەكىللەنسە،ئون نەچچە ئەمەس نۇرغۇن تالانتلىقلار يېتىشىپ چىقسا ئەمەلىي ئۈنۈم دېگەن شۇ  دەپ قارايمەن .
5.بىزدە ئەقلى بارلارنىڭ پۇلى يوق،پۇلى بارلارنىڭ پۇلىلا باركى ئەقىل كۆزى يوق.پۇلى بار بايلار، كارخانىچىلار پۇلنى پۇل تېپىشقىلا ئەمەس قىينچىلىقتا قالغانلارنى بولۇپمۇ يۆلىگەنسىرى ئۆزىنى تاشىلىۋىتىغان تەييار تاپلارنى ئەمەس ، ئىقتىساد يتىشمەسلىكىلىرى تۈپەيلى تەتقىقاتلىرنىنى ،ياخشى ئوقۇغان بولسىمۇئوقۇشنى داۋاملاشتۇرالماي قالغانلار،،يۈكسەك غاينى پۈككەن لېكىن يۆلەنچۈكسىزلەرنى ئاۋۋال قوللىشى كېرەك دەپ قارايمەن.
قوينۇڭدىن تۆكۈلسە قونچۇڭغا دېگەن ماقالدىكى ھېكمەتنى  يەكۈنلىگەن خەلىقمىز سىنىڭ بۈگۈنۈڭ-مېنىڭ ئەتەم دېگەننى ئوبدان بىلىدۇ.
6.ئۇلارنى نوپۇزلۇق تور مۇنبەرلىرى باشلانغۇچ مەكتەپتىن تارتىپ ئالىي مەكتەپلەرگىچە ھەم باشقا ساھالەردىن تەكلىپ قىلىپ،لېكسىيە سۆزلىتىپ،ئۇلارنىڭ سەزگۈرەشتىسى ۋە جاسارىتى ئارقىلىق باشقىلارغا ئۈلگە بولسا.
7-،8-،..............

بۇرۇندىن- خەلقىمىز ئۈچۈن ئەڭ لازىمى ۋە ئەسقاتىدىغىنى ـــ بىلىم-مەرىپەت،پۇل ۋە شىركەت- دەپ قارايتىم. ئەپسۇس بىلىم-قابلىيتى بولغانلىقى شۇ كىشىنىڭ پۇلى بولغانلىقىدىن دېرەك بەرمەيدىكەن.
شۇڭا پۇل ۋە شىركەتنى بىلىم-مەرىپەتنىڭ ئالدىغا قويۇشنى توغرا كۆردۈم.

پىكىرلىرىم چۇۋالچاق بولۇپ قالدى،يەنىمۇ چوڭقۇر ئىزدىنىشكە ھەممىڭلارنى تەكلىپ قىلىمەن .بۇ يازمامنى ئوقۇش ئۈچۈن كەتكەن ۋاقتىڭلار ئۈچۈن ئۆزرە سورايمەن.
ئۈمىدىم -ھەممەيلەن ئىزدەنسەك.

xirrkat

ئاللا...ئاللا
توۋا خۇدايىم، توۋا، ماۋۇ تېما ئادەمنى يەنە ئىنكاس يېزىشقا مەجبۇرلىدىغۇ. يۇقىرىدىن مەرھۇم توغرىلىق تېما يېزىش ۋەزىپىسى چۈشكەنمىدۇ.
تېما ئىگىسى بىر مەرىپەت ئورنىدا تۇرۇپ نىمىشقا ئىنساننىڭ ئادىغىنە شۇنداقلا مۇھىم بولغان بىر ھىسىياتىنى چۈشەنمەيدىغانسىز.
تېمىڭىزنى تۇلۇق ئوقۇپ چىقتىم، تېمىڭىزدا ئاساسلىق قىلىپ «ئىئانە، ياردەمنىڭ توغرىلىقى»نى مەركىزى ئىدىيە قىلىپ بۇنى تېخىمۇ يۇرۇتۇپ بىرىپسىز.
سىزنىڭچە يالقۇن رۇزى يازغان «مۇراجەتنامە» ساخاۋەتلىك، ئېسىل كۆڭۈللەرنى تۇسۇپ قويغانمىدۇ. ئالدىغا توغان سېلىپ ھەممىنى توختىتىپ قويغانمىدۇ.
خەلقىمىزدە بىراۋ تۈگەپ كەتسە سەپ- سەپ ئۆيىگە بېرىپ پەتىھە ئوقۇپ، ھال سورايدىغان ئىسىل، ئىتىقادلىق پەزىلەتنىڭ بارلىقىنى ھەممىمىز بىلىمىز، بۇ ئۇزاق تارىختىن بۇيان داۋاملىشىپ كىلىۋاتقان ئادەت، بۇنى بىرەر «مۇراجەتنامە» تۇسۇپ قويدىمىكىن دەپ ئەنسىرىشىڭىزنىڭ ھاجىتى يوق، مۇنبەرمۇ- مۇنبەر، كوچىمۇ- كوچا، يۇرتمۇ- يۇرت ئىئانە توپلايمىز دەپ داۋراڭ سېلىشنىڭ قانچىلىك غۇرورنى دەپسەندە قىلىدىغانلىقىنى بىلەمسىز، «غۇرور- ۋىجداننى يىگىلى بۇلامتى» دەيدىغانلارنىڭ يۈزىگە ئىشەك تەپسۇن، مەن دەيمەن: «غۇرورىنى بىردەملىك قىيىنچىلىققا تىگىشىۋېتىدىغانلار بولسا ھايۋاندىنمۇ پەس جانباقتىلار».
توردا داۋراڭ سېلىپ «ئىئانە توپلايلى، ياردەم قىلايلى» دىگۈچە توپ- توپ جامائەت بۇلۇپ، مەرھۇمنىڭ ئۆيىگە بېرىپ چىرايلىق پەتىھە ئوقۇپ، ئاتىغانلىرىنى ئىزھار قىلىپ قايتسا بۇنىڭدىن گۈزەل ياردەم بولمايدۇ، بۇنىڭدىن گۈزەل ئادىمگەرچىلىك بولمايدۇ.
ئۈرۈمچى رايۇنىمىزنىڭ مەركىزى، ئۈرۈمچىدە مىللىتىمىزنىڭ ئىقتىساد، بىلىم، مەدەنىيەت سەركىلىرى توپلاشقان، مىنىڭچە ئۇلار داۋراڭ سالمايلا ئىتىقاد ۋە ئەخلاق قائىدىسى بۇيىچە مەرھۇمنىڭ ئۆيىنى يوقلاۋىرىدۇ. ئۇلارنىڭ ياردىمى كۆپ سالماقنى ئىگىلەيدۇ، ياردەمدىن كىيىنمۇ داۋراڭ سالمايدۇ. «غاز چوڭ توغۇپ جىم تۇرىدۇ، توخۇ كىچىك تۇغۇپ قاقاقلايدۇ».
ھېلىغۇ مەرھۇم مەرد ئەزىمىتىمىز ئۇياقتا تۇرسۇن ئۆزىنى ئادەم ھىساپلايدىغان تىلەمچىگە ئىئانە توپلاپ بەرسە «مەن ئۆزەم تىلەپ بولسىمۇ تاپاي» دەپ ئادەمنىڭ يۈزىگە تۈكۈرۈشتىن يانمايدۇ.
«ئىئانە، ياردەم» دەيدىغان قۇرۇق شۇئارلارنى توۋلاشنى قۇيۇپ، ھەقىقى قائىدە بۇيىچە ئۆيىگە بېرىپ كىلەيلى، بۈگۈن بولمىسا ئەتە، بۇ ئايدا بولمىسا كىلەر ئايدا بولسىمۇ بۇلىۋىرىدۇ.
باشقىلارنىڭ غۇرورى بەدىلىگە كەلگەن ئۆزىنى ئوخشىتىشلار، قۇرۇق شۇئارلارنىڭ تۈگىشىنى ئۈمىد قىلىمەن.

orkex

يەنە بىر زىددىيەت تىمىسى رۇياپقا چىقىپتۇ .ھەيييي باغداش .....

Bojan

ئابدۇۋەلى تۇرسۇن مۇئەللىم،
    يازمىڭىز ياخشى بوپتۇ. دىگەنلىرىڭىز ئورۇنلۇق. پالۋاننىڭ ئائىلىسى ياردەمگە مۇھتاجلىغىنى بىلىپ تۇرۇپ ئۇنچىۋالا ئەزۋەيلەشنىڭ ھاجىتى يوق. بەلكىم ئىئانە توپلاش ئىشىنىڭ ۋاقتى، شەكلى  ئۇنچە مۇۋاپىق بولمىغان بۇلىشى مۈمكىن. ئەمما بىر ئايال 2 بالىنى خىزمىتى يوق، قانداق باقىدۇ. تېخى قەرزى بار. بىرقانچە يىلدىن كېيىن پەلۋاننىڭ ئايالىنىڭ قىيىنچىلىقتا ئۇ يەر بۇ يەرلەردە ئۇ ئىش بۇ ئىشنى قىلىپ يۈرگۈنىنى كۆرگۈمىز يوق بولسا، ياردەم قىلىش كېرەك. بۇنى تەۋسىيە قىلىشنىڭ ھىچ يامىنى يوق. تۇيۇقسىز نىمانداق غورورلۇق بۇلۇپ كەتتۇق؟ چىۋىن قونسا غىڭشىيسەن، كالتەك تەگسە جىم دىگەندەك ئىشقۇ بۇ! نى نى غورور دەپسەندە بۇلىدىغان ئىشلارنى كۆرمەسكە سېلىپ يۈرىۋاتقان ئادەملەرنىڭ، ئەمدى بۇنى غورورغا ئەپكەتكىنى ئاجايىپ ئىشتە؟!