رەھبەرلەر ۋە يۇرت چوڭلىرىغا خەت

SARSAN_8

     بەك ئەھمىيەتلىك تېما يوللاپسىز . بۇ خىل ناچار ئىشلار ھەممە يەردە يامراپ كەتتى . ئاشۇنداق ھەشەمەتچىلىك ئۈچۈن قىلىنغان پۇللارنى ئېقتىساد قىلىپ ، يىتىم -يىسىرلارغا ، ئاجىز-ئورۇقلارغا ، ئائىلىسىدە قىيىنچىلىقى بار سەۋەپلىك مەكتەپتە ئوقۇيالمايۋاتقان ئۆسمۈرلەرگە ئىشلەتكەن بولساق ، جەمئىيىتىمىز تولىمۇ ئاسايىشلىققا تولغان بولاتتى بىراق تولىمۇ  ئەپسوس ......

uqkunbeg

«يەڭلار،ئىچىڭلار ئىسراپ قىلماڭلار»(قۇرئان كەرىم)...مۇھەممەت ئەلەيھىسسالام دىيانەتلىكنى تاللاڭلار دېگەنىدى ، ئاتا-ئانىلار كۈي ئوغۇل كېلىنلەرنى مال-دۇنيانى ، ھوقۇقنى كۆزلەپ تاللاۋاتىدۇ. قىلمىشلار ئۇلارنى مۇسۇلمان دېگىلى قويمايۋاتىدۇ....

bughraxan

قىز مال ئەمەس توننىسى ياكى كىلۇلاپ ساتىدىغان. قىز بىقىپ چوڭ قىلىش تەس بولسا، ئوغۇلنى بىقىپ چوڭ قىلماقمۇ شۇنداق تەس، قىزنىڭ قىممىتى ئۇنىڭ ئەخلاقى ۋە قىممەت قارشى، بىلىمى بىلەن ئىپادىلىنىدۇ.
قىز بالا مال ئەمەس 40000 دىن 50000 گىچە باھا قويۇپ بېردىغان!

بانكىر

مۇشۇنداق توي - تۈكۈنلەردە ئىسراپ قىلىدىغان پۇللارنى يىغىش قىلىپ، قىممىتى 100 مىليۇنغا يىقىنلاشقاندا، شىنجاڭ بويىچە ئەڭ چوڭ، ئەڭ ئىلغار بولغان خەلىقئارالىق ئىنتىرنىت شىركىتىدىن بىرنى قۇرۇپ چىققان بولساق بەك ياخشى بولاتتى.

بۇ شىركەتنىڭ مۇلازىمەت دائىرىسى: شىنجاڭ ئىچىدىكى بارلىق مىللەتلەرگە مۇلازىمەت قىلىش.
كۆچمە ئالاقە، بۇلۇت ھىساپلاش، ئەقلى ئىقتىدارلىق كۆچمە ئۈسكىنىلەر، ئەقلى ئىقتىدارلىق تىلىۋىزۇر، يەنى 安卓tv ، دەرىجىدىن تاشقىرى سۈزۈك فىلىملەر قاتارلىقلارغا مەخسۇس مۇلازىمەت قىلىش قاتارلىقلارنى ئۆز ئىچىگە ئالسا بولىدۇ.

Fedaiy

تېما ئىگىسى ناھايىتى ياخشى تېما يوللاپتۇ. بۇ ۋەجىدىن، چوڭقۇر رەھمىتىمنى ۋە ھۆرمىتىمنى بىلدۈرىمەن.
بىزدىكى «ئېغىر توي سېلىقى» مەسىلىسى ئاددىي مەسىلە ئەمەس. ئۇ- مىللەتنىڭ ماددى-مەنىۋى تەرەققىياتىغا، كەلگۈسى ئەۋلادلارنىڭ ھاياتىغا،  جەمئىيەتنىڭ ئەڭ كىچىك بىرلىكى بولغان ئائىلىگە ۋە ئائىلىدىكى ئەزالارنىڭ بەختىگە بېرىپ تاقىلىدىغان زىل مەسىلە. مۇنداقچە ئېيتقاندا ھازىرقى بۇ «توي سېلىق» مەسىلىسى «ئىجتىمائىي ئاپەت» خارەكتېرلىك ئېغىر ھادىسە.
دۇنيا تارىخىدا ھېچقاچان «توي سېلىق» بىزدىكىدەك بۇنداق ئۇمۇمىيۈزلۈك ئېغىر بولمىغان. ۋە بۇنداق كەڭ دائىرىدە (توغرا سانىلىپ) ئومۇملاشمىغان. (دېمەك، بىزنىڭ جەمئىيىتىمىزدە تېخى ھېچقايسى قەۋم يارىتىپ باقمىغان «رىكوتلار» يارىتىلىۋاتىدۇ.)
ھازىرقى زامانغا نەزەر سالغاندىمۇ، مەيلى غەربتە بولسۇن، مەيلى شەرقتە بولسۇن ھېچقايسى مىللەت ۋە قەۋىم بىزدەك ئېغىر «توي سېلىقچىلىقى» قىلمايدۇ. باي دۆلەت ئامېرىكىدىكى كۆپ قىسم كىشىلەر توينى ناھايىتى ئاددىي ئۆتكۈزىدۇ. ئەڭ ئاددىيسى، بىقىنىمىزدىكى خەنزۇ خەلقلىرىمۇ بۇ جەھەتتە بىزدىن كۆپ تىجەشلىك. «نېمە ئۈچۈن؟» يۈرەك پارىلىرىنىڭ بەختى ئۈچۈنكى، ھەرگىزمۇ قۇرۇق ئابروي ئۈچۈن ئەمەس.
شۇنداق ئىكەن، بىزدىكى بۇ ئاجىز ئىقتىسادى سەۋىيەگە قايسى ھەددىمىز بىلەن «توي سېلىقىدا» بەسلىشىدىكەنمىز. قاپاقباشلىقنىڭ، ئابرويپەرەسلىكنىڭ تەسەۋۇر قىلغۇسىز دەرىجىدە ئومۇملىشىپ كەتكەنلىكىگە بەزىدە كىشىنىڭ نە ئىشەنگىسى كېلىدۇ، نە ئەقلى يىتىدۇ...

تويدا ھەشەمەتگۇيلۇق قىلىش- مەنمەنچىلىك، كىبىر، ئابرويپەرەسلىكنى بازارغا سېلىشتىن باشقا ھېچنىمە ئەمەسكى، بۇ ئابرويپەرەسلىكىنىڭ زىيىنى ھەممىدىن بەك ئۆزىگە ۋە ئائىلىسىدىكىلەرگە بولىدۇ.
دىنى نوقتىدىن: ئۇ بىر «كىبىر» ۋە «ئىسراپخورلۇق»كى، بۇنىڭ جازاسى تولىمۇ، تولىمۇ ئېغىر. (پەيغەمبىرىمىز: قىزنىڭ ياخشىسى سېلىقى يەڭگىللىرىدۇر دەپ كۆرسەتكەن.)
ئۆز قىزىغا باھا بېكىتىپ تۇرىۋېلىش (ئۇ باھادىن تۆۋىنىگە بەرمەسلىك)، ئىنسانىيلىققا خىلاپ. بۇ ئۆزىنىڭ پەرزەنتىنى مال ئورنىدا ساتقانلىق، قىز بالا دېگەن بالا (پەرزەنت)، كالا (چارۋا) ئەمەس.
ئۆزىنىڭ ئەل-ئالەم ئالدىدىكى ساختا ئابرويىنى دەپ پەرزەنتىنىڭ بەختىنى ساتقانلار، ئەڭ شەرەپسىز ئىنسانلارمىكىن دەيمەن.

«قوڭامدا ئىشتان يوق ئېتىم مارجان بۈۋى» دېگەن دەل مۇشۇ...
ھال مۇشۇنداق ئىكەن، بۇلارنى تۈزەتمەي تۇرۇپ «بىز نېمىشقا رىيازەت چىكىمىز؟ ئاھ خۇدا بىز ساڭا نېمە قىلدۇق؟» دېيىشنىڭ ھېچ ئورنى يوق. خۇدا جاجىمىزنى بېرىۋاتقانلا گەپ.

madika2

بېز  بۇيەردە    40000    يەنە  20  گېرام  ئالتۇن ،،  رېستۇراندا  20  ئۇستەل چوڭچاي تويكۈنې   كەچلېك ئولتۇرۇش ......ۋەھاكازا  ......يەنەبا  ھەممە  ئويدە   نەزېر .... ھەممە  ئويدە 7 نەزېر ... ھەممە  ئويدە 40نەزېر ..... ھەممە  ئويدە يېل نەزېر ......       بېزنېڭ   قېلدېغان  ئششېمېز   مۇشۇمۇ  نېمە؟؟؟؟؟؟؟؟؟؟؟؟؟؟؟؟؟؟؟؟

madika2

ھەراس   نەزېرنې   ئويدە  قېلمايدۇ   ..ھەممېسې  رېستۇراندا   قېلدۇ   مودېلېشېپ   كەتتې       ھەي   نامراتچېلېك

SARSAN_8

madika2 يوللىغان ۋاقتى  2015-3-1 14:28
ھەراس   نەزېرنې   ئويدە  قېلمايدۇ   ..ھەممېسې  رېستۇراندا  ...

    ئۆلىمالىرىمىز سىز دېگەندەك ئاشۇنداق پائالىيەتلەرنى ئاددى -ساددا قىلىشنى ،رىستۇرانلارغا ئورۇنلاشتۇرماسلىقنى ئېيتىدۇ بىراق ،ۋاقتى كەلگەندە نەگە چاقىرسىڭىز شۇ يەرگە بېرىپ ، يەيدىغاننى يەپ قايتىدۇ . ئەگەر ئۇلارغا قويغان داستىخانلىقىڭىز ئاز بولۇپ قالسا ، ئالىيىپ قارايدۇ . يا- بۇنداق ئىشلارغا ھۆكۈمەت ئارلىشالمىسا .
    مېنىڭچە بۇ ناچار ئادەتلەرنى پەقەت ۋە پەقەت شۇ دىننىي ئۆلىمالىرىمىزلا ئوڭشىيالايدۇ دەپ قارايمەن .